Èfɛ́sì ŋa 5
5
Àa kó wà lìlò yèé ó wà ní Ɔma-Ɔ̀ɖáyé ŋa kó lò#ɛ́
1Ɔma-àrínódzú ŋa ní è dzɛ́ fú Ɔ̀ɖáyé#ɛ́. Ńbɛ̀ɛ́, è tsikpá, tsí e kɛ́ ɔwɔ́‐ɛ̀, 2tsí e wà lìlò òŋu àmúɖɔ̃̀ kíbí Kírísítò gbo tse#ɛ́. Ó nɛ́ àmúɖɔ̃̀ fú wa, tsí ó dzɛ́, tsí kú si nárũ-wa. Iŋɛ́ yèé ó tse nyɛ̀ŋɛ̀#ɛ́, ó wà kíbí ɛbɔ òŋu ɔ̀yà tsítse fú Ɔ̀ɖáyé bɛ́. Tsí ó dzɔdzú-Ɔ̀ɖáyé. 3Ti Ɔ̀ɖáyé ní è dzɛ́#ɛ́. Ńbɛ̀ɛ́, è lìlò yèé dzɔ ŋɛ́#ɛ́. È máa wà sũ̀ ńɖi-ɔkɔ nàmí e wà sũ̀ bá ɔnɔbɛ̃̀ɛ̃, tsí e wà tse àlòwá. È máa wà tse wérewère ìrɔ́-kã̀ kpókpó gbo. È máa ɖí ɔ̀nyà-kã̀ kpókpó si. Kò wà gìɖì ní ká gbɔ́ ìdzã̀mà-ìrɔ́-ìlò nyɛ̀ŋɛ̀ ŋa-kã̀ kpókpó nára-ɔ̀nyà-kã̀ náàŋírĩ-ŋɛ́. 4Kò sã̀ ní e wà fɔ afɔ̀ tsítsìíra ŋa nàmí afɔ̀ yèé kò nɛ́ éwo ŋa#á fùɖá nárũ-ara-ŋɛ́ ŋa. Kò sã̀ gbo ní e wà tse aréma-afɔ̀-ɔma bíbàdzɛ́ ŋa fífɔ̀. Kà kàa bɛ́ɛ̀, afɔ̀-arũ-ŋɛ́ ŋa kó wà dzɛ́ ɔkpɛ́ ɖíɖá fú Ɔ̀ɖáyé. 5Fee, kó yé ɛ̀ŋɛ kpó si rere ní ɛnɛ yèé wà sũ̀ bá ɔnɔbɛ̃̀ɛ̃ nàmí ɛnɛ yèé wà sũ̀ ńɖi-ɔkɔ, tsí wà tse àlòwá gbo#ɛ́, atsewérewère gbo, ɛnɛ yèé wà ɖínɛ si gbo, ìɖì kò wà fú ɔ̀kã̀-ŋà ŋa-kã̀ kpókpó ńbí Kírísítò òŋu Ɔ̀ɖáyé méèdzì wà dzoyè#ɛ́. Ó ɖi, ɔ̀nyà-ìrɔ́ yèé ŋa#á, à náa kɔ Ɔ̀ɖáyé dzɔ̀ɔ́, tsí wà sɛ̃ iŋɛ́ yèé à nɛ́ si ŋa#á ni.
6Ɔ̀nyà-kã̀ kpókpó kó máa mú afɔ̀-akpotu ŋa, tsí ń furu odzú fú ŋɛ́. Ɛnɛ yèé ŋa náa wà tse iŋɛ́-ìrɔ́ nyɛ̀ŋɛ̀ ŋa#á, à kò wà gbɔ́ɔ̀lú fú Ɔ̀ɖáyé. Ńnɛ̀ ní Ɔ̀ɖáyé náa wà bínɔ́, tsí nákó fɛtí fú ŋa#á. 7Kíbí ó dzɛ́ bɛ́ɛ̀#ɛ́, è máa ɖá ɔ̀há-ŋa ɖã́wò. 8Fee, dzɔ̀ɔ́ dzɔ̀ɔ́#ɛ́, è wà nóòkùkù-ayé gbaŋgba#á si ni. Ó ɖi báàyí#ɛ́, è ɖi ɔ̀kã̀ntso bá Ɔlá-wa si, tsí è wà ńmímá si ńǹkɛ̀ɛ́. Ńbɛ̀ɛ́, ó wà ní e wà lìlò kíbí ɛnɛ yèé ŋa wà ńmímá#á. 9Ǹ wà fɔ̀ bɛ́ɛ̀, iŋɛ́ yèé tse#ɛ́, bí ɔ̀nyà-kã̀ wà ńmímá si#ɛ́, ìlò ɔ̀kã̀lɔ́ɔ̀kã̀ kpó yèé náa wà lò#ɛ́ náa sã̀. Náa tsɔ̀nyà, tsí náa tse òtítɔ́ gbo. Kà rúnɛ. 10È tsikpá, tsí e rírã rí iŋɛ́ yèé náa dzɔdzú-Ɔlá-wa#á. 11È máa mú ara-ŋɛ́, tsí ń bɔ̀ ńŋɛ́-ògbóòró ŋa tsítse. Iŋɛ́ nyɛ̀ŋɛ̀ ŋa tsítse#ɛ́, iŋɛ́-òkùkù ni. Kà kàa e wà tse ŋa#á, è túùɖí-ŋa. 12È náa tse bɛ́ɛ̀, iŋɛ́ yèé tse#ɛ́, iŋɛ́ yèé ɛnɛ nyɛ̀ŋɛ̀ ŋa náa wà tse ńǹɖúkù#ɛ́, náa tsanɔ́ fífɔ̀ fú arũ. 13Bí è túùɖí-ŋa kíbí à wà gbà tútútú#ɛ́, à nákó rí ŋa kpó ŋàà. 14Fee, iŋɛ́ yèé mímá nyà ɖíre#ɛ́ ɖi mímá ni. Iŋɛ́ yèé tse tsí à fɔ̀ si ní:
“Ìwɔ yèé sɔ̃rũ si#ɛ́, dzí,
tsí o ǹɖe ti náàŋírĩ-òkú ŋa,
tsí Kírísítò nákó tse tsí mímá‐ɛ̀ nákó má si ńǹtá-ɛ̀ɛ#ɛ́.”
15È tsɔ́ éwo-ara-ŋɛ́ ŋa rere ti nára-kíbí è wà lò gbà#á. Fee, è máa wà lìlò kíbí ɔ̀nyà lahururu ŋa. È lìlò kíbí ɛnɛ yèé nɛ́ ifɛ̀ɛ́nɔ́ ŋa#á bɛ́. 16Bí Ɔ̀ɖáyé tseé, tsí è rí ní ɔ̀nà-kã̀ tsí fú ŋɛ́ gé, è máa tse tsí kó lɔ ŋɛ́, iŋɛ́ yèé tse#ɛ́, náyé yèé àa wà si báàyí#ɛ́, ayé#ɛ́ bàdzɛ́. 17Ńbɛ̀ɛ́, è máa wà si gé náàrì nɛ́ ifɛ̀ɛ́nɔ́. Kà kàa bɛ́ɛ̀, è tsikpá, tsí e ma awù-Ɔlá-wa. 18È máa mɔ ɔtí ŋɔ́. Ɔtí mímɔ ŋɔ́ náa múnɛ tse tsítsìíra. Ó ɖi, è kɔ ara-ŋɛ́ dzɔ̀ɔ́ fú Mímí-Ɔ̀ɖáyé†, tsí kó wà ŋɔ́ ŋɛ́. 19Tsí afɔ̀ yèé è nákó wà fɔ̀ fú ara-ŋɛ́ ŋa#á nákó dzɛ́ orĩ, tsí è nákó wà kɔ̃, tsí wà ń nyɛ Ɔlá-wa. Nóòtítɔ́#ɛ́, Mímí-Ɔ̀ɖáyé nákó kɔ́ ŋɛ́ nórĩ ɔ̀kã̀lɔ́ɔ̀kã̀ kpó, tsí è nákó wà kɔ̃ fú Ɔlá-wa inɔ́ tã̀ã́, ànyì tã̀ã́. 20Ńǹwèrè ɔ̀kã̀lɔ́ɔ̀kã̀ kpó, è náa wà ɖɔ́kpɛ́ fú Ɔ̀ɖáyé Boba-wa fú iŋɛ́ ɔ̀kã̀lɔ́ɔ̀kã̀ kpó. È náa wà tse bɛ́ɛ̀, náàtsùgbé-iŋɛ́ yèé Yèésù Kírísítò Ɔlá-wa tse fú wa#á.
Bí ɔkɔ òŋu aya nákó gbé gbà fáà?
21Kṹnukṹ kó balɛ éwo fú enìkéèdzì‐ɛ̀ náàtóoríi àrísá yèé è wà nɛ́ fú Kírísítò#ɛ́.
22Ɔnɔbɛ̃̀ɛ̃ ŋa, è balɛ éwo fú ɔkɔ-ŋɛ́ ŋa kíbí è náa tse fú Ɔlá-wa#á. 23È tse bɛ́ɛ̀, iŋɛ́ yèé tse#ɛ́, ɔkɔ ní dzɛ́ oléwo fú aya#á. Bɛ́ɛ̀ ké ní Kírísítò gbo dzɛ́ oléwo fú ɛgbɛ́‐ɛ̀#ɛ́. Tsí ɛgbɛ́‐ɛ̀ wà fúu kíbí ara‐ɛ̀ bɛ́, tsí òŋu dzɛ́ Agbanɛlà fúu. 24Ńbɛ̀ɛ́, kíbí ɛgbɛ́‐ɛ̀ náa balɛ éwo fúu gbà#á, ɔnɔbɛ̃̀ɛ̃ ŋa gbo ká balɛ éwo fú ɔkɔ-ŋà ŋa bɛ́ɛ̀ ńnɔ́-iŋɛ́ ɔ̀kã̀lɔ́ɔ̀kã̀ kpó.
25Ó ɖi, ɔnɔkɛ̃̀ɛ̃, ìwɔ gbo, nɛ́ àmúɖɔ̃̀ fú aya-ɛ̀ɛ. Kṹnukṹ kó nɛ́ àmúɖɔ̃̀ fú aya‐ɛ̀ ńǹrɔ́-kíbí Kírísítò nɛ́ àmúɖɔ̃̀ fú ɛgbɛ́‐ɛ̀ gbà, tsí dzɛ́, tsí gba ikú‐ɛ̀ kú#ɛ́. 26Ó tse bɛ́ɛ̀, àtsùgbée kó sɔ ɛgbɛ́‐ɛ̀ ɖi ti Ɔ̀ɖáyé. Ó wɛ̀ fúu òŋu omi, tsí ó gbà ńǹtá-afɔ̀‐ɛ̀ gbo, tsí sɔɔ́ ɖi mímá. 27Iŋɛ́ yèé tse#ɛ́, ó wò ní òŋu kó gbɛ̃́ ɛgbɛ́-òŋu, tsí wáa ń ɖóro nódzú tòŋu ká-òŋu, tsí kó wɛ̀ má si kpó yòɖòɖòò, èérĩ́-kã̀ kpókpó kó máa tì wà nára‐ɛ̀ gìɖì, ìɖì-kã̀-ara‐ɛ̀ bɛ́ kó máa tì kótì nàmí kó bàdzɛ́‐ɛ̀. Ká kàa bɛ́ɛ̀, àbi‐ɛ̀ ŋa kó wɛ̀ ǹɖe kpó, tsí kó sã̀ dzálɛ̀ gbo. 28Ńbɛ̀ɛ́, ó wà ní ɔnɔkɛ̃̀ɛ̃ ŋa kó nɛ́ àmúɖɔ̃̀ fú aya-ŋà ŋa kíbí à náa nɛ́ àmúɖɔ̃̀ fú àŋa ká-ŋa#á. Ɛnɛ yèé wà nɛ́ àmúɖɔ̃̀ fú aya‐ɛ̀#ɛ́, kó mà si ní òŋu ká-òŋu ní òŋu wà nɛ́ àmúɖɔ̃̀ fú#ɛ́. 29Fee, ɔ̀nyà-kã̀ náa nya ara tòŋu ká‐ɛ̀ kã odzúù? Láyé! Kà kàa bɛ́ɛ̀, àa náa wà sɛ̃ ara-wa, tsí wà tɔ́dzú-ara-wa ni. Bɛ́ɛ̀ ké ní Kírísítò gbo wà tse fú ɛgbɛ́‐ɛ̀#ɛ́, 30iŋɛ́ yèé tse#ɛ́, ó dzɛ́ ara, tsí àwa òŋu, àa dzɛ́ akpá‐ɛ̀ òŋu ɛsɛ̀‐ɛ̀ ŋa. 31À kɔ si ńǸwé-Ɔ̀ɖáyé† ní:
“Ńnɛ̀ ní ɔnɔkɛ̃̀ɛ̃ nákó ǹɖe ńɖi-boba‐ɛ̀ òŋu ìná‐ɛ̀,
tsí káà tamá-aya‐ɛ̀#ɛ́,
tsí àŋa méèdzì méèdzì#ɛ́, à nákó ɖi ɔ̀nyà ɔ̀kã̀ntso#ɛ́.”#5:31 Ìwé-Ìkpìnkpìlɛ̀-ayé 2:24 (Genèse 2:24)
32Òtítɔ́ lákṹ-kã̀ ní ɖúkù si ńnɔ́-afɔ̀ yèé bɛ́#ɛ́. Tsí ńǹsérè tèmi òŋu#ɛ́, ǹ rí ní ó kpa lɔ nára-Kírísítò òŋu ɛgbɛ́‐ɛ̀ méèdzì ni. 33Ó ɖi, afɔ̀#ɛ́, ó wo odzú-ɛ̀ŋɛ gbo. Fee, ó wà ní ɔnɔkɛ̃̀ɛ̃ ɔ̀kã̀lɔ́ɔ̀kã̀ kpó kó nɛ́ àmúɖɔ̃̀ fú aya‐ɛ̀ kíbí náa nɛ́ àmúɖɔ̃̀ fú ara‐ɛ̀#ɛ́. Tsí ɔnɔbɛ̃̀ɛ̃ ɔ̀kã̀lɔ́ɔ̀kã̀ gbo kpó kó nɛ́ àrísá fú ɔkɔ‐ɛ̀.
Currently Selected:
Èfɛ́sì ŋa 5: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Èfɛ́sì ŋa 5
5
Àa kó wà lìlò yèé ó wà ní Ɔma-Ɔ̀ɖáyé ŋa kó lò#ɛ́
1Ɔma-àrínódzú ŋa ní è dzɛ́ fú Ɔ̀ɖáyé#ɛ́. Ńbɛ̀ɛ́, è tsikpá, tsí e kɛ́ ɔwɔ́‐ɛ̀, 2tsí e wà lìlò òŋu àmúɖɔ̃̀ kíbí Kírísítò gbo tse#ɛ́. Ó nɛ́ àmúɖɔ̃̀ fú wa, tsí ó dzɛ́, tsí kú si nárũ-wa. Iŋɛ́ yèé ó tse nyɛ̀ŋɛ̀#ɛ́, ó wà kíbí ɛbɔ òŋu ɔ̀yà tsítse fú Ɔ̀ɖáyé bɛ́. Tsí ó dzɔdzú-Ɔ̀ɖáyé. 3Ti Ɔ̀ɖáyé ní è dzɛ́#ɛ́. Ńbɛ̀ɛ́, è lìlò yèé dzɔ ŋɛ́#ɛ́. È máa wà sũ̀ ńɖi-ɔkɔ nàmí e wà sũ̀ bá ɔnɔbɛ̃̀ɛ̃, tsí e wà tse àlòwá. È máa wà tse wérewère ìrɔ́-kã̀ kpókpó gbo. È máa ɖí ɔ̀nyà-kã̀ kpókpó si. Kò wà gìɖì ní ká gbɔ́ ìdzã̀mà-ìrɔ́-ìlò nyɛ̀ŋɛ̀ ŋa-kã̀ kpókpó nára-ɔ̀nyà-kã̀ náàŋírĩ-ŋɛ́. 4Kò sã̀ ní e wà fɔ afɔ̀ tsítsìíra ŋa nàmí afɔ̀ yèé kò nɛ́ éwo ŋa#á fùɖá nárũ-ara-ŋɛ́ ŋa. Kò sã̀ gbo ní e wà tse aréma-afɔ̀-ɔma bíbàdzɛ́ ŋa fífɔ̀. Kà kàa bɛ́ɛ̀, afɔ̀-arũ-ŋɛ́ ŋa kó wà dzɛ́ ɔkpɛ́ ɖíɖá fú Ɔ̀ɖáyé. 5Fee, kó yé ɛ̀ŋɛ kpó si rere ní ɛnɛ yèé wà sũ̀ bá ɔnɔbɛ̃̀ɛ̃ nàmí ɛnɛ yèé wà sũ̀ ńɖi-ɔkɔ, tsí wà tse àlòwá gbo#ɛ́, atsewérewère gbo, ɛnɛ yèé wà ɖínɛ si gbo, ìɖì kò wà fú ɔ̀kã̀-ŋà ŋa-kã̀ kpókpó ńbí Kírísítò òŋu Ɔ̀ɖáyé méèdzì wà dzoyè#ɛ́. Ó ɖi, ɔ̀nyà-ìrɔ́ yèé ŋa#á, à náa kɔ Ɔ̀ɖáyé dzɔ̀ɔ́, tsí wà sɛ̃ iŋɛ́ yèé à nɛ́ si ŋa#á ni.
6Ɔ̀nyà-kã̀ kpókpó kó máa mú afɔ̀-akpotu ŋa, tsí ń furu odzú fú ŋɛ́. Ɛnɛ yèé ŋa náa wà tse iŋɛ́-ìrɔ́ nyɛ̀ŋɛ̀ ŋa#á, à kò wà gbɔ́ɔ̀lú fú Ɔ̀ɖáyé. Ńnɛ̀ ní Ɔ̀ɖáyé náa wà bínɔ́, tsí nákó fɛtí fú ŋa#á. 7Kíbí ó dzɛ́ bɛ́ɛ̀#ɛ́, è máa ɖá ɔ̀há-ŋa ɖã́wò. 8Fee, dzɔ̀ɔ́ dzɔ̀ɔ́#ɛ́, è wà nóòkùkù-ayé gbaŋgba#á si ni. Ó ɖi báàyí#ɛ́, è ɖi ɔ̀kã̀ntso bá Ɔlá-wa si, tsí è wà ńmímá si ńǹkɛ̀ɛ́. Ńbɛ̀ɛ́, ó wà ní e wà lìlò kíbí ɛnɛ yèé ŋa wà ńmímá#á. 9Ǹ wà fɔ̀ bɛ́ɛ̀, iŋɛ́ yèé tse#ɛ́, bí ɔ̀nyà-kã̀ wà ńmímá si#ɛ́, ìlò ɔ̀kã̀lɔ́ɔ̀kã̀ kpó yèé náa wà lò#ɛ́ náa sã̀. Náa tsɔ̀nyà, tsí náa tse òtítɔ́ gbo. Kà rúnɛ. 10È tsikpá, tsí e rírã rí iŋɛ́ yèé náa dzɔdzú-Ɔlá-wa#á. 11È máa mú ara-ŋɛ́, tsí ń bɔ̀ ńŋɛ́-ògbóòró ŋa tsítse. Iŋɛ́ nyɛ̀ŋɛ̀ ŋa tsítse#ɛ́, iŋɛ́-òkùkù ni. Kà kàa e wà tse ŋa#á, è túùɖí-ŋa. 12È náa tse bɛ́ɛ̀, iŋɛ́ yèé tse#ɛ́, iŋɛ́ yèé ɛnɛ nyɛ̀ŋɛ̀ ŋa náa wà tse ńǹɖúkù#ɛ́, náa tsanɔ́ fífɔ̀ fú arũ. 13Bí è túùɖí-ŋa kíbí à wà gbà tútútú#ɛ́, à nákó rí ŋa kpó ŋàà. 14Fee, iŋɛ́ yèé mímá nyà ɖíre#ɛ́ ɖi mímá ni. Iŋɛ́ yèé tse tsí à fɔ̀ si ní:
“Ìwɔ yèé sɔ̃rũ si#ɛ́, dzí,
tsí o ǹɖe ti náàŋírĩ-òkú ŋa,
tsí Kírísítò nákó tse tsí mímá‐ɛ̀ nákó má si ńǹtá-ɛ̀ɛ#ɛ́.”
15È tsɔ́ éwo-ara-ŋɛ́ ŋa rere ti nára-kíbí è wà lò gbà#á. Fee, è máa wà lìlò kíbí ɔ̀nyà lahururu ŋa. È lìlò kíbí ɛnɛ yèé nɛ́ ifɛ̀ɛ́nɔ́ ŋa#á bɛ́. 16Bí Ɔ̀ɖáyé tseé, tsí è rí ní ɔ̀nà-kã̀ tsí fú ŋɛ́ gé, è máa tse tsí kó lɔ ŋɛ́, iŋɛ́ yèé tse#ɛ́, náyé yèé àa wà si báàyí#ɛ́, ayé#ɛ́ bàdzɛ́. 17Ńbɛ̀ɛ́, è máa wà si gé náàrì nɛ́ ifɛ̀ɛ́nɔ́. Kà kàa bɛ́ɛ̀, è tsikpá, tsí e ma awù-Ɔlá-wa. 18È máa mɔ ɔtí ŋɔ́. Ɔtí mímɔ ŋɔ́ náa múnɛ tse tsítsìíra. Ó ɖi, è kɔ ara-ŋɛ́ dzɔ̀ɔ́ fú Mímí-Ɔ̀ɖáyé†, tsí kó wà ŋɔ́ ŋɛ́. 19Tsí afɔ̀ yèé è nákó wà fɔ̀ fú ara-ŋɛ́ ŋa#á nákó dzɛ́ orĩ, tsí è nákó wà kɔ̃, tsí wà ń nyɛ Ɔlá-wa. Nóòtítɔ́#ɛ́, Mímí-Ɔ̀ɖáyé nákó kɔ́ ŋɛ́ nórĩ ɔ̀kã̀lɔ́ɔ̀kã̀ kpó, tsí è nákó wà kɔ̃ fú Ɔlá-wa inɔ́ tã̀ã́, ànyì tã̀ã́. 20Ńǹwèrè ɔ̀kã̀lɔ́ɔ̀kã̀ kpó, è náa wà ɖɔ́kpɛ́ fú Ɔ̀ɖáyé Boba-wa fú iŋɛ́ ɔ̀kã̀lɔ́ɔ̀kã̀ kpó. È náa wà tse bɛ́ɛ̀, náàtsùgbé-iŋɛ́ yèé Yèésù Kírísítò Ɔlá-wa tse fú wa#á.
Bí ɔkɔ òŋu aya nákó gbé gbà fáà?
21Kṹnukṹ kó balɛ éwo fú enìkéèdzì‐ɛ̀ náàtóoríi àrísá yèé è wà nɛ́ fú Kírísítò#ɛ́.
22Ɔnɔbɛ̃̀ɛ̃ ŋa, è balɛ éwo fú ɔkɔ-ŋɛ́ ŋa kíbí è náa tse fú Ɔlá-wa#á. 23È tse bɛ́ɛ̀, iŋɛ́ yèé tse#ɛ́, ɔkɔ ní dzɛ́ oléwo fú aya#á. Bɛ́ɛ̀ ké ní Kírísítò gbo dzɛ́ oléwo fú ɛgbɛ́‐ɛ̀#ɛ́. Tsí ɛgbɛ́‐ɛ̀ wà fúu kíbí ara‐ɛ̀ bɛ́, tsí òŋu dzɛ́ Agbanɛlà fúu. 24Ńbɛ̀ɛ́, kíbí ɛgbɛ́‐ɛ̀ náa balɛ éwo fúu gbà#á, ɔnɔbɛ̃̀ɛ̃ ŋa gbo ká balɛ éwo fú ɔkɔ-ŋà ŋa bɛ́ɛ̀ ńnɔ́-iŋɛ́ ɔ̀kã̀lɔ́ɔ̀kã̀ kpó.
25Ó ɖi, ɔnɔkɛ̃̀ɛ̃, ìwɔ gbo, nɛ́ àmúɖɔ̃̀ fú aya-ɛ̀ɛ. Kṹnukṹ kó nɛ́ àmúɖɔ̃̀ fú aya‐ɛ̀ ńǹrɔ́-kíbí Kírísítò nɛ́ àmúɖɔ̃̀ fú ɛgbɛ́‐ɛ̀ gbà, tsí dzɛ́, tsí gba ikú‐ɛ̀ kú#ɛ́. 26Ó tse bɛ́ɛ̀, àtsùgbée kó sɔ ɛgbɛ́‐ɛ̀ ɖi ti Ɔ̀ɖáyé. Ó wɛ̀ fúu òŋu omi, tsí ó gbà ńǹtá-afɔ̀‐ɛ̀ gbo, tsí sɔɔ́ ɖi mímá. 27Iŋɛ́ yèé tse#ɛ́, ó wò ní òŋu kó gbɛ̃́ ɛgbɛ́-òŋu, tsí wáa ń ɖóro nódzú tòŋu ká-òŋu, tsí kó wɛ̀ má si kpó yòɖòɖòò, èérĩ́-kã̀ kpókpó kó máa tì wà nára‐ɛ̀ gìɖì, ìɖì-kã̀-ara‐ɛ̀ bɛ́ kó máa tì kótì nàmí kó bàdzɛ́‐ɛ̀. Ká kàa bɛ́ɛ̀, àbi‐ɛ̀ ŋa kó wɛ̀ ǹɖe kpó, tsí kó sã̀ dzálɛ̀ gbo. 28Ńbɛ̀ɛ́, ó wà ní ɔnɔkɛ̃̀ɛ̃ ŋa kó nɛ́ àmúɖɔ̃̀ fú aya-ŋà ŋa kíbí à náa nɛ́ àmúɖɔ̃̀ fú àŋa ká-ŋa#á. Ɛnɛ yèé wà nɛ́ àmúɖɔ̃̀ fú aya‐ɛ̀#ɛ́, kó mà si ní òŋu ká-òŋu ní òŋu wà nɛ́ àmúɖɔ̃̀ fú#ɛ́. 29Fee, ɔ̀nyà-kã̀ náa nya ara tòŋu ká‐ɛ̀ kã odzúù? Láyé! Kà kàa bɛ́ɛ̀, àa náa wà sɛ̃ ara-wa, tsí wà tɔ́dzú-ara-wa ni. Bɛ́ɛ̀ ké ní Kírísítò gbo wà tse fú ɛgbɛ́‐ɛ̀#ɛ́, 30iŋɛ́ yèé tse#ɛ́, ó dzɛ́ ara, tsí àwa òŋu, àa dzɛ́ akpá‐ɛ̀ òŋu ɛsɛ̀‐ɛ̀ ŋa. 31À kɔ si ńǸwé-Ɔ̀ɖáyé† ní:
“Ńnɛ̀ ní ɔnɔkɛ̃̀ɛ̃ nákó ǹɖe ńɖi-boba‐ɛ̀ òŋu ìná‐ɛ̀,
tsí káà tamá-aya‐ɛ̀#ɛ́,
tsí àŋa méèdzì méèdzì#ɛ́, à nákó ɖi ɔ̀nyà ɔ̀kã̀ntso#ɛ́.”#5:31 Ìwé-Ìkpìnkpìlɛ̀-ayé 2:24 (Genèse 2:24)
32Òtítɔ́ lákṹ-kã̀ ní ɖúkù si ńnɔ́-afɔ̀ yèé bɛ́#ɛ́. Tsí ńǹsérè tèmi òŋu#ɛ́, ǹ rí ní ó kpa lɔ nára-Kírísítò òŋu ɛgbɛ́‐ɛ̀ méèdzì ni. 33Ó ɖi, afɔ̀#ɛ́, ó wo odzú-ɛ̀ŋɛ gbo. Fee, ó wà ní ɔnɔkɛ̃̀ɛ̃ ɔ̀kã̀lɔ́ɔ̀kã̀ kpó kó nɛ́ àmúɖɔ̃̀ fú aya‐ɛ̀ kíbí náa nɛ́ àmúɖɔ̃̀ fú ara‐ɛ̀#ɛ́. Tsí ɔnɔbɛ̃̀ɛ̃ ɔ̀kã̀lɔ́ɔ̀kã̀ gbo kpó kó nɛ́ àrísá fú ɔkɔ‐ɛ̀.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.