2 Tìmɔ̀té 2

Kpɔ́lù wà ɖáàmí le Tìmɔ̀té ní kó gbódzú

1Ɔma-mi, ìwɔ òŋu, nà dzɛ́, tsí Ɔ̀ɖáyé kó gbà ńǹtá-ore-ɔ̀fɛ́ yèé Yèésù Kírísítò tse fú wa#á, tsí fɛ́ɛ náàmí. 2Ɛ̀kɔ́ yèé ǹ tse fɛ́ɛ#ɛ́, ɔ̀nyà kpíkpɔ̀ nya àyídzá‐ɛ̀ ní ó dzɛ́ ɛ̀kɔ́-ire. Nà kɛ́ɛ, tsí ń bɔwɔ́-ɛnɛ yèé àkaralé wà ńǹtá-ŋa#á, ɛnɛ yèé ŋa nákó nyáa tsɛ̀kɔ́#ɛ́ fú ɛnɛ-àtíbɔ̀ ŋa gbo#ɛ́.

3Ó ɖi, sɔ́dzà-Yèésù Kírísítò ní ò dzɛ́#ɛ́. Tsí kíbí sɔ́dzà náa réré, tsí gbódzú ńnɛ̀#ɛ́, ìwɔ gbo nà dzɛ́, tsí o gba ìréré-ìmarũ yèé dzɛ́ tɛ̀ɛ#ɛ́. 4Sɔ́dzà-kã̀ kpókpó, kà wà nógu si, tsí kó nyíwo itsɛ́-kã̀ kpókpó ró náànyì-itsɛ́-sɔ́dzà. Iŋɛ́ yèé tse#ɛ́, ó wà wo kó dzɔdzú-ɔ̀gá‐ɛ̀. 5Tsí adzìdzà-akpà-kã̀ gbo, tã́ná òŋu gbo kó gba okù#ɛ́, ó wà ní kó nya ɛ̀wɔ̀ yèé wà ńkíkì#ɛ́. 6Bɛ́ɛ̀ ké ní bí àtsòko-kã̀ gbo réré, tsí tsitsɛ́-oko‐ɛ̀, ó wà ní kó tsɛ̃̀tsɛ̃̀ dzɛ éwo‐ɛ̀#ɛ́. 7Nà tsèsérè rere si ńǹtá-iŋɛ́ yèé ǹ wà fɔ̀ fɛ́ɛ#ɛ́. Tsí Ɔlá-wa nákó tse tsí o nyáa gbɔ́ òkpì-iŋɛ́ ɔ̀kã̀lɔ́ɔ̀kã̀ kpó.

8Nà wà tédzú Yèésù Kírísítò. Òŋu ní dzɛ́ ɔmalɔ́ma-ólú Ɖàfíɖì†#ɛ́, tsí ó kú, tsí sɛ̃̀ dzí ti náàŋírĩ-òkú ŋa wá náyé#ɛ́. Ikɔ̀ ɖíɖɔ̃̀ yèé ǹ wà dzɛ́ fú ɔ̀nyà ŋa#á ńnɛ̀ɛ́. 9Tsí àtsùgbé-ikɔ̀#ɛ́ ní ǹ wà ńǹréré si báàyí#ɛ́. À mú mi, tsí ɖè mí, tsí kɛ́ mi si nɛ́ɛ̀ŋà kíbí ɔ̀nyà-íbàɖí bɛ́. Ó ɖi, afɔ̀-Ɔ̀ɖáyé òŋu, à kò ɖèé. 10Àtsùgbée bɛ́ɛ̀ ní ǹ gbódzú si ńǹréré ɔ̀kã̀lɔ́ɔ̀kã̀ kpó#ɛ́, àtóoríi ɛnɛ yèé Ɔ̀ɖáyé tsã̀ si ŋa#á, Yèésù Kírísítò kó gba àŋa gbo là, tsí ká gbé báa ńyì‐ɛ̀ títí lɔ náàrìtã́.

11Afɔ̀ yèé ǹ bòkó fɔ̀#ɛ́, àkaralé wà ńnɛ̀. Kíbí àa kú bá Yèésù#ɛ́, àa nákó gbé náàyɛ̀ gbo báa.#2:11 È káà kã Ìwé-Rómà 5:8. 12Kíbí àa wà gbódzú#ɛ́, àa nákó dzoyè gbo báa. Ó ɖi, bí àa kɔ̀ɔ́, òŋu gbo nákó kɔ̀ wá. 13Bí ó dzɛ́ gìɖì ní àkaralé kò wà ńǹtá-wa, Yèésù òŋu#ɛ́, àkaralé wà ńǹtá‐ɛ̀ si, iŋɛ́ yèé tse#ɛ́, kàkó nyáa kɔ ara‐ɛ̀.

14Afɔ̀ nyɛ̀ŋɛ̀ ŋa#á, nà tédzú ŋa fú olí-Yèésù ŋa, tsí nà le oŋù si ńnɛ̀ fú ŋa nódzú-Ɔ̀ɖáyé ní ká máa wà tse àrã́dzìnyà ti nára-afɔ̀ ŋa. Ó ɖi, èrè-kã̀ kpókpó kò wà náàrã́dzìnyà-ìrɔ́ nyɛ̀ŋɛ̀ ŋa. Náa bàdzɛ́ ìsérè fú ɛnɛ yèé wà rɛ̃tígbè ŋa#á gé ni. 15Nà múgírí, tsí o tse, tsí o dzɔdzú-Ɔ̀ɖáyé. Kíbí àtsòko náa ɖìgírí, tsí fáko rere, tsí itsɛ́‐ɛ̀ kà tsanɔ́ fúu#ɛ́, ìwɔ gbo nà ɖìgírí bɛ́ɛ̀, tsí o tsɛ̀kɔ́-afɔ̀-òtítɔ́ ti nára-Ɔ̀ɖáyé fú ɔ̀nyà ŋa rere.

16Ɔ̀nyà kã̀ŋa wà, tsí à kà mú Ɔ̀ɖáyé kpe iŋɛ́-kã̀. Afɔ̀-ŋa kà nóòkpì. Nà yɛ̀fɛ́ fú ŋa. Ó ɖi, afɔ̀-ìrɔ́ nyɛ̀ŋɛ̀ ŋa#á, à náa fanɛ lɔ ńǹɖì dzídzɛ̃̀ fú Ɔ̀ɖáyé lárè. 17Tsí ɛnɛ yèé ŋa náa wà wíìnyɛ̀ bɛ́ɛ̀#ɛ́, afɔ̀-ŋa wà kíbí odzudzu-ìgbò bɛ́. Kà kú láyé, tsí náa wà dzirà làkóò títí náa bàdzɛ́ ara kpó. Hùmɛ́nì òŋu Fìlɛ́tɔ̀ gbo wà náàŋírĩ-ɛnɛ nyɛ̀ŋɛ̀ ŋa#á. 18À kɔ ɔ̀nà sísɛ̃́#ɛ́ dzɔ̀ɔ́, tsí à kò wà tsɛ̀kɔ́-òtítɔ́#ɛ́ fú ɔ̀nyà ŋa ró. À náa wà fɔ̀ fú olí-Yèésù ŋa ní Ɔ̀ɖáyé ti dzí òkú ŋa wá náyé#ɛ́ ná. Ó ɖi, kàkó tɔ́ dzí ŋa ti náàŋírĩ-òkú ŋa ró. À náa wà tse bɛ́ɛ̀, tsí wà ń bàdzɛ́ etí fú ɔ̀nyà kã̀ŋa, tsí àkaralé yèé à nɛ́ si ńǹtá-Yèésù#ɛ́ náa wà ɖɛ̀.

19Ó ɖi Ɔ̀ɖáyé òŋu, ó kpilɛ ilé‐ɛ̀, tsí ó le gbógígbógí, tsí kò tì wà mì dzígí. Tsí ó kɔ tamá-ara‐ɛ̀ ní: Ɔlɔ́dzɔ́ ma ɛnɛ yèé dzɛ́ tɛ̀ɛ̀ ŋa#á. Tsí ó kɔ tamá‐ɛ̀ ró ní: “Bí ɔ̀nyà-kã̀ tsí arũ, tsí fɔ̀ ní Ɔlɔ́dzɔ́ dzɛ́ Ɔlá-òŋu ná, kó máa sɔ́wɔ́-ayé#ɛ́ ró.”#2:19 Ìwé-Ìrɛ̃̀ nɔ́ɔ̀ɖã̀ 16:5 (Nombres 16:5)

20Ńlé-olówó fee, iŋɛ́ ŋa náa wà ńǹrɔ́ǹrɔ́. Ɔ̀kã̀ ŋa náa dzɛ́ siká, tsí ɔ̀kã̀ ŋa gbo náa dzɛ́ irɛ̃-ɛ̀fɛ́. À náa mú amà, tsí ń ma ɔ̀kã̀ ŋa gbo, tsí à náa mú egi, tsí ń gbɛ̃́ ɔ̀kã̀ ŋa gbo. Yèé ŋa dzɛ́ siká òŋu irɛ̃-ɛ̀fɛ́#ɛ́, bí à bòkó táyè ní à náa lò ŋá#á. Tsí yèé bɔ̀ ŋa#á, à náa mú àŋa òŋu si ńlɛ̀, tsí wà lò. 21Bí ɔ̀nyà-kã̀ sɛ̃̀ náànyì-íbàɖí tsítse títí ó má kpó#ɛ́, nákó wà kíbí àwò-siká#á. Tsí ɔlá‐ɛ̀ nákó múu si níìkã̀, tsí kó wà lòó fú ara‐ɛ̀, tsí kó wà tsitsɛ́-ire ɔ̀kã̀lɔ́ɔ̀kã̀ fúu. 22Ńbɛ̀ɛ́, kíbí ó dzɛ́ bɛ́ɛ̀#ɛ́, nà sá nára-awù-ɔmɔ̀tsɔ́ ŋa, tsí nà lé òtítɔ́-Ɔ̀ɖáyé bá. Nà gba Yèésù gbo gbɔ́ si, tsí o wà nɛ́ àmúɖɔ̃̀ gbo fúnɛ, tsí o gbé ńtútùúrɔ̀ gbo si. Nà múgírí, tsí o wà tse iŋɛ́ yèé ŋa nyí bá ɛnɛ yèé ŋa wà wúùre fú Ɔlá-wa òŋu ìsérè mímá#á.

23Àrã́dzìnyà kã̀ŋa wà, tsí à kò nɛ́ ìɖí, tsí ìsérè-kã̀ kpókpó kò wà ńnɔ́-ŋa. Nà kɔ̀ ŋá. Ò mà ní àrã̀ gé ní à náa bá wá#á. 24Ó ɖi, kò wà ní àtsìtsɛ́-Ɔlá-wa kó wà rã́ã̀rã̀. Ó wà ní kó dzɛ́ ɔ̀nyà tútù-kã̀ fú ara‐ɛ̀ gé nódzú-ɔ̀nyà kpó, tsí kó nyáa wà tsɛ̀kɔ́ fúnɛ, tsí kó máa yáa wà bínɔ́ gbo. 25Ɛnɛ yèé ŋa kpó wà dzìnyà-ɛ̀kɔ́-òtítɔ́#ɛ́, ó wà ní kó wà tsɛ̀kɔ́ fú ŋa òŋu inɔ́ tútù. Bóyá, bí ó wà tsɛ̀kɔ́ fú ŋa bɛ́ɛ̀, Ɔ̀ɖáyé nákó tse tsí à nákó nyíìlò kpaɖà, tsí ikɔ̀-òtítɔ́#ɛ́ nákó yé ŋa kpó. 26Tsí à nákó sɛ̃̀ wá nɔ́wɔ́-ara-ŋa, tsí à nákó bɔ́ ńfɛ́tsa-Ètsù† gbo. Ó sɔ fɛ́tsa#á mú ŋa si, tsí wà kpɛ̀tsɛ fú ŋa ní ká tse awù-òŋu.

Currently Selected:

2 Tìmɔ̀té 2: ngl

Highlight

Copy

Compare