Mateo 25
25
Mulumbe wa akazyana ikumi
1 #
Luk 12:35
“Yesu ayanena mulumbe uu ati, Uwene wa mwiyulu ukoline ni cacitike usiku wanda umwi, lino akazyana ikumi, yatozile inyali zyao zizi ku winga ku kukomanya siwinga. 2Yasano muli alio yali viwelewele nga nayauze yasano yali amano. 3Yao ali viwelewele yasenzile inyali zyao lelo yataipangisye amafuta. 4Lelo yao ali amano yene yasenzile amafuta mu misazi, ni nyali. 5Siwinga nawe alengela ukwiza, nga yonsi kwene yasipula, yasuka yakasula.
6“Lelo usiku pakasi yuvwa kulaizya kukuti, ‘Siwinga wiza! Fumini mumukomanye!’ 7Lyene akazyana onsi, yazyuka, iitulwila amafuta mu nyali zyao, nga nu kukuzya luswepo lwaziko. 8Yao ali viwelewele yanena yano ali amano yati, ‘Tupekwiniko amafuta pano inyali zitu zimazima.’ 9‘Lelo yao ali amano yayanena yati, Ndi twamupeela, limwi yasyakutukumana. Lelo yangini mukakale kuli yakakazya ya mafuta.’ 10Lelo lino yao ali viwelewele yaciliya ku kukala mafuta, siwinga nawe asyala aiiza. Akazyana yao aiteinye iingila pamwi nawe mu ng'anda umwali cimulo ca winga. Alino cisasa ciyalwa.
11 #
Luk 13:25
“Pacisila, akazyana yauze iiza yamunena yati, ‘Musambazi! Musambazi! Tuyulileko!’ 12#Luk 13:25 Lelo nawe ayanena ati, ‘Cumi nemo ntamumanyile.’ 13Caleka pempulini pano mutamanyile uwanda nanti kasita.”
Mulumbe wa yaomvi yatatu
(Luk 19:11-27)
14 #
Luk 19:11
Nupya Yesu ayanena mulumbe nauze ati, “Uwene wakwe Leza ukoline ni cacitike lino umuntu umwi uwali pipi nu kupita pa ulendo, wamile aomvi yakwe yatatu ayasekezya vyuma vyakwe kuti yavyangalila. 15#Luk 19:11 Wayapile impiya kulingana na vino cila wenga angaziomvya. Kuli wenga apeela impiya mazimbi yasano, na kuli wakwe ciili apeela impiya mazimbi yaili, alino na kuli wakwe citatu apeela impiya izimbi lyonga. Alino apita pa lwendo lwakwe. 16#Luk 19:11 Muomvi uwaposile impiya mazimbi yasano apita lilyo kwene, atandika kuziomvya azanilapo nazyuze mazimbi yasano. 17#Luk 19:11 Mu musango uli onga na wakwe ciili uwaposile impiya mazimbi yaili, nawe azanilapo nazyuze mazimbi yaili. 18#Luk 19:11 Lelo uwaposile impiya izimbi lyonga apita, aya aimba ciwina mu musili nu kuzikamo impiya zya mwene wakwe.
19 #
Luk 19:11
“Pacisila ca nsita ntali mwene wa yaomvi yalya awela, ayaama kuti iize yamulondolwele vino yaomvizye impiya. 20#Luk 19:11 Muomvi uwapilwe impiya mazimbi yasano aleta nazyuze mazimbi yasano, amunena ati, ‘Mwene, wampile impiya mazimbi yasano. Lola vino nati nzanilapo nazyuze mazimbi yasano.’ 21#Luk 19:11 Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’
22 #
Luk 19:11
“Alino muomvi wino waposile impiya mazimbi yaili nawe kwene aiiza ku mwene wakwe, amunena ati, ‘Mwene, wampile impiya mazimbi yaili. Lola vino nati nzanilapo nazyuze mazimbi yaili.’ 23#Luk 19:11 Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’
24 #
Luk 19:11
“Alino lyene muomvi wino waposile impiya izimbi lyonga nawe aiiza ku mwene wakwe, amunena ati, ‘Mwene, namanya vino wewe mutale pano ukazombola pano utakomile, ukakolonganika pano utasansansile. 25#Luk 19:11 Acino noofile wewe, mpita nja mfisa impiya zyako mu musili.’
26 #
19:11
“Mwene wakwe nawe amunena ati, ‘We muomvi mwipe nupya mukasu. Uzye fwandi wamanyile vino nkazombola pano ntakomile, nu kukolonganika pano ntasansansile? 27#Luk 19:11 Cange cizipe ndu wika impiya zyane ku banki, pakuti lyene nani pakuwela nange nzitole zyonsi pamwi nu muzano.’ 28#Luk 19:11 Alino mwene avwanga ati, ‘Mupokini impiya mupele kuli wiyo akweti impiya mazimbi ikumi. 29#Mat 13:12; Mk 4:25; Luk 8:18; 19:11 Pano wensi akweti cimwi wene alapeelwa navyuze, nga alakwata vingi kuluta. Lelo wino wensi atakweti cimwi, nawe alapokwa na cino akwelenganya kuti akweti.’ 30#Mat 8:12; 22:13; Luk 13:28; 19:11 Mwene atwalilila kuvwanga ati, ‘Sumbini muomvi wii mukasu kunzi mu mfinzi muno kulaya kulila nu kulumanya ncecete.’
Upinguzi wakusyalikizya
31 #
Mat 16:27; 19:28 “Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene. 32Antu amu nko zyonsi pano nsi yalakongana pa manso yakwe, nga nawe alapalukanya antu ndi vino kacema akapalukanya mfwele ni mbuzi. 33Aliika mfwele kwi kasa lilunji, nga ni mbuzi nazyo kwi mani. 34Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi. 35Pano nali ni nzala namwe mwampile vyakulya. Nali nu lusala namwe mwampile manzi. Nali mwenyi namwe mwanzengile. 36Nali musizye namwe mwanzwisile. Nali mulwale namwe mwantumikile. Nali mu ng'anda yaminyololo namwe mwizile mumpempula.’
37“Lyene antu akacita ivyawololoke pa manso yakwe nao yalamunena yati, ‘Mwene uzye alilaci lino twakuweni ala uli ni nzala nga tukupeela cakulya, nanti lino wali nu lusala nga tukupeela manzi? 38Uzye alilaci lino twakuweni ala wewe mwenyi nga tukuzengela, nanti lino wali musizye, nga tukuzwika? 39Uzye alilaci lino twakuweni wewe mulwale nga twiza tukutumikila, nanti lino wali mu ng'anda yaminyololo nga twiza tukupempula?’ 40Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’
41“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe. 42Pano nali ni nzala mutampile cakulya, nali nu lusala mutampile manzi. 43Pano nali mwenyi namwe mutanzengile, nali musizye namwe mutanzwisile, nali mulwale nupya nali mu ng'anda yaminyololo namwe mutampempwile.’
44“Alino nao yalavwanga yati, ‘Mwene uzye alilaci lino twakuweni ala uli ni nzala, nanti nu lusala, nanti lino wali mwenyi, nanti musizye, nanti mulwale, nanti mu ng'anda yaminyololo, kwaula kukupempula?’ 45Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’ 46#Dan 12:2 Lyene antu yaa yalavunukwa manda pee, lelo antu akacita ivyawololoke yalaya nu umi wape.”
Currently Selected:
Mateo 25: MamL13
Highlight
Copy
Compare
Share
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
