Oseya 3
3
Oseya nu mwanaci cizelele
1Yawe wanenyile ati, “Yanga, nupya ukalange icitemwiko ku muci wako cizelele wino akucita ulenzyo nu monsi muze. Umutemwe wakwe vino Yawe watemwa aina Izlaeli, nanti angala yene yakaya ku kupepa tuleza tuze nu kutemwa ukupeela amawila ya mukate ku tuluwi.” 2Acino namukazile apa mpiya ikumi na zisano zyakwe siluva nga ni nteko zisano na ziili zya mbezu zyakwe baale. 3Lyene namunenyile inti, “Ulinzile ukundolela apa manda avule, ukwaula ukuya cizelele nanti ukucita ulenzyo, nga nani ndikala nawe.”
4Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola. 5Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.
Mambwe-Lungu Bible © The Bible Society of Zambia, 2013