Kufuma Kulondolola
Kulondolola
Izina lyakuti Ekesodasi ilyamu Cilatini lino lyafuma mu Cigiliki. Lelo mu Cigiliki yakati Ekesodasi nga likasenula ukuti, “Kufuma.” Izina lii likasontelela ku vintu vikulu vino vyacitike mwi landwe lya ina Izlaeli, vino vyalembwa mu lupapulo luu. Ukuli kuti, ukufuma kwa ina Izlaeli mu mpanga ya Eguputo, mumo muno yali azya. Lupapulo luu lukweti viputulwa vini vikulu. 1. Kukululwa kwa ina Izlaeli ukufuma ku uzya. 2. Ulendo wao wakuya ku Mwamba wa Sinai. 3. Upangano wakwe Leza na antu yakwe ku Mwamba wa Sinai, wino uwayapile amasunde yapa mipepele mu wikazi wao. 4. Kukuula nga nu kuzifya kwa cifulo ca kupepela kwa ina Izlaeli, nga na masunde yakwe yasimapepo nga ni mipepele yakwe Leza.
Lelo ukuluta pali vii vyonsi, lupapulo luu lwalondolola vino Leza wacisile lino wafumyanga antu yakwe yano ali mu uzya, nga ayalenga ukuya uluko nu kuleka yaye nu upaalilo wa wikazi waku nkolelo.
Mose ali muntu uwalumbuka cuze mu lupapulo luu. Ali muntu wino Leza wasolwile kuti aye akafumye antu yakwe mu mpanga ya Eguputo. Ciputulwa cino camanyika cuze mu lupapulo luu, iciputulwa ca utantiko wa masunde mu capita 20.
Utantiko wa vili mu lupapulo luu
Kukululwa kwa ina Izlaeli mu mpanga ya Eguputo 1:1–15:21
a. Uzya mu mpanga ya Eguputo 1:1-22
b. Kuvyalwa kwakwe Mose nu ulumendo wakwe 2:1–4:31
c. Mose na Aaloni pa manso yakwe Falao 5:1–11:10
d. Cimulo ca Ucilo nu kufuma mu mpanga ya Eguputo 12:1–15:21
Ukufuma kuli Yemba Muyenzu nu kuya ku Mwamba wa Sinai 15:22–18:27
Masunde nu upangano 19:1–24:18
Itaalu Lyamuzilo nu utunguluzi wa mipepele 25:1–40:38
Currently Selected:
Kufuma Kulondolola: MamL13
Highlight
Copy
Compare
Share
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013