Sechariah 4
4
1 Leis a’ choinnleir a bha uile a dh’òr, nochdadh soirbheachadh stèidh an teampaill; 11 agus le dà chrann‐olaidh shamhlaicheadh an dithis ungta a sheas làimh ris an Tighearna.
1Agus thàinig an t‑aingeal a labhair rium a‑rìs, agus dhùisg e mi, mar dhuine air a dhùsgadh as a chadal.
2Agus thubhairt e rium, Ciod a tha thu a’ faicinn? Agus thubhairt mise, Dh’amhairc mi, agus, feuch, coinnleir uile de òr, le a chupan air a mhullach, agus a sheachd lòchrain air, agus seachd feadain gus na seachd lòchrain a tha air a mhullach;
3Agus dà chrann‐ola làimh ris, aon air taobh deas a’ chupain, agus aon air a thaobh clì.
4An sin fhreagair mi, agus labhair mi ris an aingeal a bha ri còmhradh rium, ag ràdh, Ciod iad seo, mo thighearna?
5Agus fhreagair an t‑aingeal a bha a’ labhairt rium, agus thubhairt e rium, Nach eil fhios agad ciod iad seo? Agus thubhairt mise, Chan eil, mo thighearna.
6An sin fhreagair e agus labhair e rium, ag ràdh, Is e seo facal an Tighearna ri Serubabel, ag ràdh, Chan ann le neart#Hos 1:7; Hag 2:2‐5, no le cumhachd, ach lem spiorad‐sa, deir Tighearna nan sluagh.
7Cò thusa, O shlèibh mhòir#Ier 51:25? Ro Sherubabel fàsaidh tu ad chòmhnard; agus bheir e a‑mach a’ chlach‐chinn le iolaich, a’ glaodhaich, Gràs, gràs gu robh dhi.
8Os bàrr, thàinig facal an Tighearna am ionnsaigh‐sa, ag ràdh,
9Leag làmhan Sherubabeil stèidh an taighe seo#Esra 3:8‐13; nì a làmhan fòs a chrìochnachadh#Esra 6:14, 15: agus bidh fhios agaibh gun do chuir Tighearna nan sluagh mise dur n‑ionnsaigh.
10Oir cò a rinn dìmeas air là nan nithean beaga? Nì eadhon iadsan gàirdeachas, agus chì iad an t‑sreang‐thomhais an làimh Sherubabeil. Is iad an t‑seachdnar seo sùilean an Tighearna; tha iad a’ ruith sìos agus suas air feadh na talmhainn uile#Daniel 3:9; Gnà 15:3.
11An sin fhreagair mise, agus thubhairt mi ris, Ciod iad an dà chrann‐ola seo air taobh deas a’ choinnleir, agus air a thaobh clì?
12Agus fhreagair mi a‑rìs, agus thubhairt mi ris, Ciod iad dà ghèig nan crann‐ola, a tha làimh ris an dà fheadan òir a’ taomadh na h‑ola asda fhèin?
13Agus fhreagair e mi, agus thubhairt e, Nach eil fhios agad ciod iad seo? Agus thubhairt mise, Chan eil, mo thighearna.
14An sin thubhairt esan, Is iad seo an dithis ungte#Tais 11:4 a tha nan seasamh làimh ri Tighearna na talmhainn uile#Daniel 6:5.
Currently Selected:
Sechariah 4: ABIG
Highlight
Copy
Compare
Share
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
