Xekhaliyas 9
9
Txavtxim Rua Yixalayees Cov Yeebncuab
1Ntawm nuav yog tug TSWV cov lug:
Nwg tau txavtxim rua lub tebchaws Hadakes hab lub nroog Damaxakas. Tsi yog txavtxim rua txhua xeem Yixalayees xwb, tabsis txavtxim rua cov Xilias lub tuamceeb nroog kws yog tug TSWV tug. #Yaxaya 17:1-3; Yelemi 49:23-27; Amaus 1:3-5 2Lub nroog Hamaj, kws nyob rua ntawm tebchaws Hadakes tug nrimteb, hab tej nroog kws nyob peg Thailes hab Xidoos, nrug rua puab tej txujteg zoo huv tuabsi. 3Lub nroog Thailes tau ua tej chaw faajxwm kws khov heev thaiv nwg hab tau muab nyaj muab kub lug teeb ua tej pawg ca, zoo le tej pawg lamsim xwb! 4Tabsis tug TSWV yuav muab txhua yaam kws nwg muaj tshem moog hab yuav muab nwg tej kev npluanuj pov rua huv havtxwv, hab lub nroog yuav raug hlawv kuas kubnyab dlu lug moog. #Yaxaya 23:1-18; Exek 26:1—28:26; Yau 3:4-8; Amaus 1:9-10; Math 11:21-22; Lukas 10:13-14
5Lub nroog Asekeloos yuav pum tej xwm nuav hab yuav ntshai heev. Lub nroog Nkaxas yuav pum tej xwm nuav hab yuav mobsab kawg nkaus. Lub nroog Ekiloos los ib yaam nkaus, nwg txuj kev casab yuav puagntsoog moog. Lub nroog Nkaxas tug vaajntxwv yuav raug tua tuag, hab lub nroog Asekeloos yuav tsi muaj tuabneeg nyob lawm. #Yaxaya 14:29-31; Yelemi 47:1-7; Exek 25:15-17; Yau 3:4-8; Amaus 1:6-8 6Ntau tsaav tuabneeg yuav tuaj nyob sisxyaw ntxawg huv lub nroog Asedaus. Tug TSWV has tas, “Kuv yuav muab cov tuabneeg Filixatees txuj kev khaavtheeb txu moog. 7Puab yuav tsi noj nqaj xyaw ntshaav, lossis tej khoom noj kws raug txwv tsi pub noj lawm. Taagnrho cov tuabneeg kws seem tuag yuav tau lug ua Kuv tsaav tuabneeg hab yuav zoo le ib xeem huv xeem Yudas. Ekiloos yuav tau lug ua ib feem ntawm Kuv tsaav tuabneeg, ib yaam le cov Yenpus#9:7: Yenpus: Yog cov tuabneeg kws ibtxwm nyob huv lub nroog Yeluxalees, kws puab tau ua Daviv qhev, thaus kws Daviv tuaj txeeb tau lub nroog ntawd. tub tau lug ua lawm. 8Kuv yuav tsomkwm Kuv lub Tuamtsev hab tsi pub kuas muaj tubrog tuaj tau rua huv. Kuv yuav tsi pub leejtwg caijtsuj Kuv tsaav tuabneeg ntxiv lawm. Kuv yeej pum tas Kuv tsaav tuabneeg raug kev txomnyem npaum lecaag.”
Tug Vaajntxwv Kws Yuav Lug Yaav Tomntej
9Cov tuabneeg Xi-oos, mej cale zoosab!
Cov tuabneeg Yeluxalees, mej cale qw zoosab!
Saib maj, mej tug vaajntxwv taabtom lug cuag mej!
Nwg yog tug ncaajnceeg hab muajyeej,
tabsis Nwg txu fwjchim hab caij ib tug neegluav
kws yog ib tug mivnyuas neegluav lug. #Math 21:5; Yauh 12:15
10Tug TSWV has tas,
“Kuv yuav muab tej tsheb neeg uarog tshem tawm ntawm cov Yixalayees;
hab coj tej neeg tawm huv Yeluxalees moog;
tej neevnti kws tau siv tua rog yuav raug rhuav kuas puamtsuaj taag.
Mej tug vaajntxwv yuav coj kev thaajyeeb lug rua txhua tsaav tuabneeg;
Nwg yuav kaav ib lub havtxwv rua ib lub havtxwv,
txij ndlua ntawm tug Dlej Yufatis moog txug qaabntuj kawg.” #Nnkauj 72:8
Rov Txhimkhu Vaajtswv Tsaav Tuabneeg
11Tug TSWV has tas,
“Vim Kuv tau nrug mej coglug
kws yog muab ntshaav ua khoom fij ua lub cim nas rua,
Kuv yuav tso mej tsaav tuabneeg kws raug nteg kuas dlim
huv lub qhovtshij kws tsi muaj dlej lawm rov lug. #Tsiv 24:8
12Mej cov kws tau raug nteg moog, nwgnuav mej muaj kev casab lawm, mej cale rov lug;
rov lug nyob huv mej lub tebchaws tsosab lug.
Nwgnuav Kuv qha rua mej tas Kuv yuav them ob npaug rov rua mej,
hab foom koobmoov rua tej kws mej raug kev txomnyem lug lawm.
13Kuv yuav siv Yudas ib yaam le tug tubrog raab neevnti,
hab siv cov Yixalayees ib yaam le cov xubvug.
Kuv yuav siv cov tuabneeg huv Xi-oos ib yaam le raab ntaaj
moog tua cov tuabneeg Kilis.”
14Tug TSWV yuav tshwm lug rua sau Nwg tsaav tuabneeg;
Nwg yuav tua Nwg tej xubvug ib yaam le tsagligxub laim.
Tug TSWV kws kaav ibpuas tsaavyaam yuav tshuab raaj tshuab xyu;
Nwg yuav nrug naagxub naagcua tuaj nraag saab qaabteb tuaj.
15Tug TSWV kws muaj Fwjchim Luj Kawg Nkaus yuav tivthaiv Nwg tsaav tuabneeg,
mas puab yuav rhuav kuas puab cov yeebncuab puamtsuaj taag.
Puab yuav qw ntshunrooj huv tshaavrog yaam nkaus le tej tuabneeg qaugcawv,
hab puab yuav ua rua puab cov yeebncuab ntshaav nrug;
tej ntshaav ntawd yuav ndlwg ib yaam le tej ntshaav ua khoom fij
kws muab laub huv lub taig rua sau lub thaaj.#9:15: Nqai 15 nuav paub tsi meej tas lulug Henplais yog txhais lecaag tag.
16Thaus nub ntawd lug txug, tug TSWV yuav cawm Nwg tsaav tuabneeg,
le tug tswv yug yaaj cawm nwg paab yaaj dlim ntawm txuj kev puamtsuaj.
Puab yuav ci ntsaa-ab rua huv lub tebchaws
yaam le tej hlaws kws nyob ntawm lub mom kub.
17Puab yuav zoonkauj zoonraug hab ntxim nyam heev!
Tej tub ntxhais hluas yuav hlub mognyoos hab muajzug lug ntawm tej nplej hab cawv.
Currently Selected:
Xekhaliyas 9: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 9
9
Txavtxim Rua Yixalayees Cov Yeebncuab
1Ntawm nuav yog tug TSWV cov lug:
Nwg tau txavtxim rua lub tebchaws Hadakes hab lub nroog Damaxakas. Tsi yog txavtxim rua txhua xeem Yixalayees xwb, tabsis txavtxim rua cov Xilias lub tuamceeb nroog kws yog tug TSWV tug. #Yaxaya 17:1-3; Yelemi 49:23-27; Amaus 1:3-5 2Lub nroog Hamaj, kws nyob rua ntawm tebchaws Hadakes tug nrimteb, hab tej nroog kws nyob peg Thailes hab Xidoos, nrug rua puab tej txujteg zoo huv tuabsi. 3Lub nroog Thailes tau ua tej chaw faajxwm kws khov heev thaiv nwg hab tau muab nyaj muab kub lug teeb ua tej pawg ca, zoo le tej pawg lamsim xwb! 4Tabsis tug TSWV yuav muab txhua yaam kws nwg muaj tshem moog hab yuav muab nwg tej kev npluanuj pov rua huv havtxwv, hab lub nroog yuav raug hlawv kuas kubnyab dlu lug moog. #Yaxaya 23:1-18; Exek 26:1—28:26; Yau 3:4-8; Amaus 1:9-10; Math 11:21-22; Lukas 10:13-14
5Lub nroog Asekeloos yuav pum tej xwm nuav hab yuav ntshai heev. Lub nroog Nkaxas yuav pum tej xwm nuav hab yuav mobsab kawg nkaus. Lub nroog Ekiloos los ib yaam nkaus, nwg txuj kev casab yuav puagntsoog moog. Lub nroog Nkaxas tug vaajntxwv yuav raug tua tuag, hab lub nroog Asekeloos yuav tsi muaj tuabneeg nyob lawm. #Yaxaya 14:29-31; Yelemi 47:1-7; Exek 25:15-17; Yau 3:4-8; Amaus 1:6-8 6Ntau tsaav tuabneeg yuav tuaj nyob sisxyaw ntxawg huv lub nroog Asedaus. Tug TSWV has tas, “Kuv yuav muab cov tuabneeg Filixatees txuj kev khaavtheeb txu moog. 7Puab yuav tsi noj nqaj xyaw ntshaav, lossis tej khoom noj kws raug txwv tsi pub noj lawm. Taagnrho cov tuabneeg kws seem tuag yuav tau lug ua Kuv tsaav tuabneeg hab yuav zoo le ib xeem huv xeem Yudas. Ekiloos yuav tau lug ua ib feem ntawm Kuv tsaav tuabneeg, ib yaam le cov Yenpus#9:7: Yenpus: Yog cov tuabneeg kws ibtxwm nyob huv lub nroog Yeluxalees, kws puab tau ua Daviv qhev, thaus kws Daviv tuaj txeeb tau lub nroog ntawd. tub tau lug ua lawm. 8Kuv yuav tsomkwm Kuv lub Tuamtsev hab tsi pub kuas muaj tubrog tuaj tau rua huv. Kuv yuav tsi pub leejtwg caijtsuj Kuv tsaav tuabneeg ntxiv lawm. Kuv yeej pum tas Kuv tsaav tuabneeg raug kev txomnyem npaum lecaag.”
Tug Vaajntxwv Kws Yuav Lug Yaav Tomntej
9Cov tuabneeg Xi-oos, mej cale zoosab!
Cov tuabneeg Yeluxalees, mej cale qw zoosab!
Saib maj, mej tug vaajntxwv taabtom lug cuag mej!
Nwg yog tug ncaajnceeg hab muajyeej,
tabsis Nwg txu fwjchim hab caij ib tug neegluav
kws yog ib tug mivnyuas neegluav lug. #Math 21:5; Yauh 12:15
10Tug TSWV has tas,
“Kuv yuav muab tej tsheb neeg uarog tshem tawm ntawm cov Yixalayees;
hab coj tej neeg tawm huv Yeluxalees moog;
tej neevnti kws tau siv tua rog yuav raug rhuav kuas puamtsuaj taag.
Mej tug vaajntxwv yuav coj kev thaajyeeb lug rua txhua tsaav tuabneeg;
Nwg yuav kaav ib lub havtxwv rua ib lub havtxwv,
txij ndlua ntawm tug Dlej Yufatis moog txug qaabntuj kawg.” #Nnkauj 72:8
Rov Txhimkhu Vaajtswv Tsaav Tuabneeg
11Tug TSWV has tas,
“Vim Kuv tau nrug mej coglug
kws yog muab ntshaav ua khoom fij ua lub cim nas rua,
Kuv yuav tso mej tsaav tuabneeg kws raug nteg kuas dlim
huv lub qhovtshij kws tsi muaj dlej lawm rov lug. #Tsiv 24:8
12Mej cov kws tau raug nteg moog, nwgnuav mej muaj kev casab lawm, mej cale rov lug;
rov lug nyob huv mej lub tebchaws tsosab lug.
Nwgnuav Kuv qha rua mej tas Kuv yuav them ob npaug rov rua mej,
hab foom koobmoov rua tej kws mej raug kev txomnyem lug lawm.
13Kuv yuav siv Yudas ib yaam le tug tubrog raab neevnti,
hab siv cov Yixalayees ib yaam le cov xubvug.
Kuv yuav siv cov tuabneeg huv Xi-oos ib yaam le raab ntaaj
moog tua cov tuabneeg Kilis.”
14Tug TSWV yuav tshwm lug rua sau Nwg tsaav tuabneeg;
Nwg yuav tua Nwg tej xubvug ib yaam le tsagligxub laim.
Tug TSWV kws kaav ibpuas tsaavyaam yuav tshuab raaj tshuab xyu;
Nwg yuav nrug naagxub naagcua tuaj nraag saab qaabteb tuaj.
15Tug TSWV kws muaj Fwjchim Luj Kawg Nkaus yuav tivthaiv Nwg tsaav tuabneeg,
mas puab yuav rhuav kuas puab cov yeebncuab puamtsuaj taag.
Puab yuav qw ntshunrooj huv tshaavrog yaam nkaus le tej tuabneeg qaugcawv,
hab puab yuav ua rua puab cov yeebncuab ntshaav nrug;
tej ntshaav ntawd yuav ndlwg ib yaam le tej ntshaav ua khoom fij
kws muab laub huv lub taig rua sau lub thaaj.#9:15: Nqai 15 nuav paub tsi meej tas lulug Henplais yog txhais lecaag tag.
16Thaus nub ntawd lug txug, tug TSWV yuav cawm Nwg tsaav tuabneeg,
le tug tswv yug yaaj cawm nwg paab yaaj dlim ntawm txuj kev puamtsuaj.
Puab yuav ci ntsaa-ab rua huv lub tebchaws
yaam le tej hlaws kws nyob ntawm lub mom kub.
17Puab yuav zoonkauj zoonraug hab ntxim nyam heev!
Tej tub ntxhais hluas yuav hlub mognyoos hab muajzug lug ntawm tej nplej hab cawv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.