Xekhaliyas 8
8
Tug TSWV Coglug Yuav Txhimkhu Lub Nroog Yeluxalees
1Tug TSWV kws muaj Fwjchim Luj Kawg Nkaus has cov lug nuav rua Xekhaliyas tas: 2“Kuv togntsoov yuav paab lub nroog Yeluxalees, vim Kuv hlub cov tuabneeg huv lub nroog ntawd heev, yog txuj kev hlub kws ua rua Kuv npautawg rua nwg cov yeebncuab. 3Kuv yuav rov lug nyob huv Yeluxalees kws yog Kuv lub nroog dlawbhuv. Yuav muab lub nroog Yeluxalees hu ua lub Nroog Ncaajnceeg, hab yuav muab tug TSWV kws muaj Fwjchim Luj Kawg Nkaus lub roob#8:3: tug TSWV kws muaj Fwjchim Luj Kawg Nkaus lub roob: Roob Xi-oos (saib Xi-oos tom cov lug kws teev tseg). hu ua Roob Dlawbhuv. 4Cov tuabneeg laug, tsi has quaspuj quasyawg, kws laug heev hab yeej nreg paas lawm xwb, yuav rov tau moog nyob quastsawg ntawm tej chaw uasi huv lub nroog. 5Hab tej tub tej ntxhais yuav rov moog uasi puvnkaus huv tej kev dlua ib zag ntxiv.
6“Tug TSWV has tas, tejzag zaaj nuav yuav nyuaj heev rua cov tuabneeg kws seem nyob tam nuav, tabsis yeej tsi nyuaj rua kuv hlo le. 7Kuv yuav cawm kuv tsaav tuabneeg kuas dlim ntawm tej tebchaws kws puab raug nteg moog ua luas qhev, 8hab yuav coj puab tim saab nubtuaj hab saab nubpoob rov lug nyob rua huv lub nroog Yeluxalees. Puab yuav ua kuv tsaav tuabneeg hab kuv yuav ua puab tug Vaajtswv, kuv yuav kaav puab ntawm lub sab dlawbpaug hab txuj kev ncaajnceeg.
9“Mej cale kubsab lug! Nwgnuav mej tub nov tej lug kws cov cev Vaajtswv lug tau has thaus lub sijhawm kws luas pib pua lub plaagtsev kws yog rov txhimkhu kuv lub Tuamtsev dlua tshab lawm. 10Uantej lub sijhawm ntawd, yeej tsi muaj leejtwg ndlav taug tuabneeg lossis tej tsaj lug ua num, hab yeej tsi muaj leejtwg dlim ntawm nwg cov yeebncuab le. Kuv ua rua cov tuabneeg ntawd kuas ib leeg rov tawmtsaam ib leeg. 11Tabsis nwgnuav kuv yuav tsi ua rua cov seem tuag ntawm tsaav tuabneeg nuav le kuv ua yaav taag lug lawm. 12Puab yuav cog puab tej qoobloo hab nyob thaajyeeb lug; puab tej txivmaab yuav txitxiv ncw, aav yuav zoo qoob heev hab yuav muaj naag ntau. Kuv yuav muab taagnrho tej koobmoov nuav rua kuv tsaav tuabneeg kws seem ntawd. 13Cov Yudais hab cov Yixalayees! Yaav taag lug cov tuabneeg txawv tebchaws ib leeg foom phem rua ib leeg has tas, ‘Thov kuas tej kev puamtsuaj kws lug raug cov Yudais hab cov Yixalayees poob lug raug koj ib yaam nkaus!’ Tabsis kuv yuav cawm mej, tes cov tuabneeg txawv tebchaws ib leeg yuav rov has rua ib leeg tas, ‘Thov kuas koj tau txais tej koobmoov kws cov Yudais hab cov Yixalayees tau txais lawm!’ Yogle ntawd, mej cale ua sabluj hab tsi xob ntshai.”
14Tug TSWV kws muaj Fwjchim Luj Kawg Nkaus has tas, “Thaus kws mej cov yawmkoob tau ua rua kuv chim, kuv tub npaajsab tso kev puamtsuaj lug rua puab hab kuv yeej tsi hloov sab le, hab kuv ua lawvle kuv tau npaaj tseg lawm. 15Tabsis nwgnuav kuv npaajsab yuav foom koobmoov rua cov tuabneeg huv lub nroog Yeluxalees hab huv tebchaws Yudas. Yogle ntawd, mej tsi xob ntshai. 16Ntawm nuav yog tej kws mej yuav tau ua: Ib leeg yuavtsum haslug tseeb rua ib leeg, txavtxim ncaajnceeg huv tsev tu plaub—qhov kws yuav coj kev nyaabxeeb lug rua suavdlawg. #Efex 4:25 17Tsi xob tuav tswvyim ua phem rua lwmtug. Tsi xob coglug ua timkhawv tsi tseeb. Kuv ntxub txuj kev dlaag, kev ua tsi ncaaj hab uanruj uatsiv.”
18Tug TSWV kws muaj Fwjchim Luj Kawg Nkaus has tej lug nuav rua Xekhaliyas tas: 19“Ua kevcai yoo mov thaus lub plaub hlis, tsib hlis, xyaa hli hab lub kaum hli ntuj, yog cov kevcai zoosab hab lomzem rua cov tuabneeg Yudais ntaag. Mej yuavtsum nyam qhov tseeb hab txujkev nyaabxeeb.”
20Tug TSWV kws muaj Fwjchim Luj Kawg Nkaus has tas, “Lub sijhawm ntawd, yuav muaj tuabneeg tuaj ntau#8:20: ntau; lossis tej nroog luj. lub nroog tuaj rua huv Yeluxalees. 21Cov tuabneeg kws tuaj huv ib lub nroog tuaj, yuav has rua cov tuabneeg kws tuaj dlua lwm lub nroog tuaj has tas, ‘Peb taabtom tuaj pehawm tug TSWV kws muaj Fwjchim Luj Kawg Nkaus hab thov nwg foom koobmoov rua peb. Mej cale nrug peb moog los mas!’ 22Muaj tuabneeg coob leej#8:22: coob leej; lossis ntau heev. hab ntau tsaav tuabneeg kws muaj fwjchim yuav tuaj pehawm tug TSWV kws muaj Fwjchim Luj Kawg Nkaus huv lub nroog Yeluxalees hab thov nwg foom koobmoov rua puab. 23Thaus txug lub sijhawm ntawd, kaum tug tuabneeg txawv tebchaws yuav tuaj cuag ib tug tuabneeg Yudais hab has tas, ‘Peb xaav nrug mej tau koobmoov, ruaqhov peb nov tas Vaajtswv nrugnraim mej nyob.’ ”
Currently Selected:
Xekhaliyas 8: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 8
8
Tug TSWV Coglug Yuav Txhimkhu Lub Nroog Yeluxalees
1Tug TSWV kws muaj Fwjchim Luj Kawg Nkaus has cov lug nuav rua Xekhaliyas tas: 2“Kuv togntsoov yuav paab lub nroog Yeluxalees, vim Kuv hlub cov tuabneeg huv lub nroog ntawd heev, yog txuj kev hlub kws ua rua Kuv npautawg rua nwg cov yeebncuab. 3Kuv yuav rov lug nyob huv Yeluxalees kws yog Kuv lub nroog dlawbhuv. Yuav muab lub nroog Yeluxalees hu ua lub Nroog Ncaajnceeg, hab yuav muab tug TSWV kws muaj Fwjchim Luj Kawg Nkaus lub roob#8:3: tug TSWV kws muaj Fwjchim Luj Kawg Nkaus lub roob: Roob Xi-oos (saib Xi-oos tom cov lug kws teev tseg). hu ua Roob Dlawbhuv. 4Cov tuabneeg laug, tsi has quaspuj quasyawg, kws laug heev hab yeej nreg paas lawm xwb, yuav rov tau moog nyob quastsawg ntawm tej chaw uasi huv lub nroog. 5Hab tej tub tej ntxhais yuav rov moog uasi puvnkaus huv tej kev dlua ib zag ntxiv.
6“Tug TSWV has tas, tejzag zaaj nuav yuav nyuaj heev rua cov tuabneeg kws seem nyob tam nuav, tabsis yeej tsi nyuaj rua kuv hlo le. 7Kuv yuav cawm kuv tsaav tuabneeg kuas dlim ntawm tej tebchaws kws puab raug nteg moog ua luas qhev, 8hab yuav coj puab tim saab nubtuaj hab saab nubpoob rov lug nyob rua huv lub nroog Yeluxalees. Puab yuav ua kuv tsaav tuabneeg hab kuv yuav ua puab tug Vaajtswv, kuv yuav kaav puab ntawm lub sab dlawbpaug hab txuj kev ncaajnceeg.
9“Mej cale kubsab lug! Nwgnuav mej tub nov tej lug kws cov cev Vaajtswv lug tau has thaus lub sijhawm kws luas pib pua lub plaagtsev kws yog rov txhimkhu kuv lub Tuamtsev dlua tshab lawm. 10Uantej lub sijhawm ntawd, yeej tsi muaj leejtwg ndlav taug tuabneeg lossis tej tsaj lug ua num, hab yeej tsi muaj leejtwg dlim ntawm nwg cov yeebncuab le. Kuv ua rua cov tuabneeg ntawd kuas ib leeg rov tawmtsaam ib leeg. 11Tabsis nwgnuav kuv yuav tsi ua rua cov seem tuag ntawm tsaav tuabneeg nuav le kuv ua yaav taag lug lawm. 12Puab yuav cog puab tej qoobloo hab nyob thaajyeeb lug; puab tej txivmaab yuav txitxiv ncw, aav yuav zoo qoob heev hab yuav muaj naag ntau. Kuv yuav muab taagnrho tej koobmoov nuav rua kuv tsaav tuabneeg kws seem ntawd. 13Cov Yudais hab cov Yixalayees! Yaav taag lug cov tuabneeg txawv tebchaws ib leeg foom phem rua ib leeg has tas, ‘Thov kuas tej kev puamtsuaj kws lug raug cov Yudais hab cov Yixalayees poob lug raug koj ib yaam nkaus!’ Tabsis kuv yuav cawm mej, tes cov tuabneeg txawv tebchaws ib leeg yuav rov has rua ib leeg tas, ‘Thov kuas koj tau txais tej koobmoov kws cov Yudais hab cov Yixalayees tau txais lawm!’ Yogle ntawd, mej cale ua sabluj hab tsi xob ntshai.”
14Tug TSWV kws muaj Fwjchim Luj Kawg Nkaus has tas, “Thaus kws mej cov yawmkoob tau ua rua kuv chim, kuv tub npaajsab tso kev puamtsuaj lug rua puab hab kuv yeej tsi hloov sab le, hab kuv ua lawvle kuv tau npaaj tseg lawm. 15Tabsis nwgnuav kuv npaajsab yuav foom koobmoov rua cov tuabneeg huv lub nroog Yeluxalees hab huv tebchaws Yudas. Yogle ntawd, mej tsi xob ntshai. 16Ntawm nuav yog tej kws mej yuav tau ua: Ib leeg yuavtsum haslug tseeb rua ib leeg, txavtxim ncaajnceeg huv tsev tu plaub—qhov kws yuav coj kev nyaabxeeb lug rua suavdlawg. #Efex 4:25 17Tsi xob tuav tswvyim ua phem rua lwmtug. Tsi xob coglug ua timkhawv tsi tseeb. Kuv ntxub txuj kev dlaag, kev ua tsi ncaaj hab uanruj uatsiv.”
18Tug TSWV kws muaj Fwjchim Luj Kawg Nkaus has tej lug nuav rua Xekhaliyas tas: 19“Ua kevcai yoo mov thaus lub plaub hlis, tsib hlis, xyaa hli hab lub kaum hli ntuj, yog cov kevcai zoosab hab lomzem rua cov tuabneeg Yudais ntaag. Mej yuavtsum nyam qhov tseeb hab txujkev nyaabxeeb.”
20Tug TSWV kws muaj Fwjchim Luj Kawg Nkaus has tas, “Lub sijhawm ntawd, yuav muaj tuabneeg tuaj ntau#8:20: ntau; lossis tej nroog luj. lub nroog tuaj rua huv Yeluxalees. 21Cov tuabneeg kws tuaj huv ib lub nroog tuaj, yuav has rua cov tuabneeg kws tuaj dlua lwm lub nroog tuaj has tas, ‘Peb taabtom tuaj pehawm tug TSWV kws muaj Fwjchim Luj Kawg Nkaus hab thov nwg foom koobmoov rua peb. Mej cale nrug peb moog los mas!’ 22Muaj tuabneeg coob leej#8:22: coob leej; lossis ntau heev. hab ntau tsaav tuabneeg kws muaj fwjchim yuav tuaj pehawm tug TSWV kws muaj Fwjchim Luj Kawg Nkaus huv lub nroog Yeluxalees hab thov nwg foom koobmoov rua puab. 23Thaus txug lub sijhawm ntawd, kaum tug tuabneeg txawv tebchaws yuav tuaj cuag ib tug tuabneeg Yudais hab has tas, ‘Peb xaav nrug mej tau koobmoov, ruaqhov peb nov tas Vaajtswv nrugnraim mej nyob.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.