Xekhaliyas 10
10
Tug TSWV Coglug Tso Nwg Tsaav Tuabneeg Dlim
1Cale thov kuas tug TSWV tso naag lug rua lub caij nplooj ntoos hlaav. Tug TSWV yog tug kws tso naagtshauv hab tuamtsaam naag lug, ua kuas tej qoobloo hlub ntsuab xwbxab rua txhua leej txhua tug. 2Tej tuabneeg moog cuag mlom hab saib moov, tabsis tej lug kws luas teb rua puab yog lug dlaag hab tsi muaj qaabhau dlaabtsi. Ibtxha txhais npausuav, tabsis yog dlaag xwb; tej lug kws puab nplig mej sab yeej tsi yog lug tseeb le. Yogle ntawd, cov tuabneeg txhaj ncig moog ncig lug le tug yaaj kws yuamkev lawm. Puab raug tsimtxom vim puab tsi muaj coj. #Math 9:36; Malak 6:34
3Tug TSWV has tas, “Kuv npautawg heev rua cov tuabneeg txawv tebchaws kws kaav Kuv tsaav tuabneeg, Kuv yuav rautxim rua puab. Cov Yudais yog Kuv tug, hab Kuv, kws yog tug TSWV kws muaj Fwjchim Luj Kawg Nkaus, yuav tsomkwm puab. Puab yuav yog Kuv cov neeg kws caij ntaus rog kws muajzug heev huv tshaavrog. 4Yuav muaj cov numtswv, cov thawjcoj, hab cov thawj tubrog sawv huv puab lug tswjfwm Kuv tsaav tuabneeg.#10:4: Yuav muaj… tuabneeg; lossis Taagnrho cov tuabneeg kws raug tsimtxom—cov numtswv, cov thawjcoj, hab cov thawj tubrog—yuav uake tawm huv tebchaws Yudas lug. 5Cov Yudais yuav muajyeej ib yaam le cov tubrog kws muab puab cov yeebncuab tsuj nthi rua huv cov aav nkus ntawm tej kev. Puab yuav moog ntaus rog ruaqhov tug TSWV nrugnraim puab, hab txawm yog cov yeebncuab tej tubrog kws caij neeg los puab yuav kovyeej.
6“Kuv yuav ua kuas cov Yudais muajzug;
Kuv yuav cawm cov Yixalayees.
Kuv yuav hlub tshua puab
hab coj puab txhua tug rov lug tsev.
Puab yuav nyob yaam le kws Kuv yeej tsi tau muab puab tsotseg le.
Kuv yog tug TSWV kws yog puab tug Vaajtswv; Kuv yuav teb puab tej lug thov.
7Cov Yixalayees yuav muajzug yaam nkaus le paab tubrog,
yuav zoosab yaam nkaus le cov tuabneeg kws haus cawv txivmaab.
Puab caajceg yuav ncuntsoov txuj kev kws muajyeej nuav,
hab zoosab heev rua tej kws tug TSWV tau ua taag lug lawm.
8“Kuv yuav hu Kuv tsaav tuabneeg
hab sau puab rov lug nyob uake.
Kuv yuav cawm puab
hab ua kuas puab rov fuamvaam coob ib yaam le thaus u.
9Txawm yog Kuv tau muab puab ntab moog nrug txhua tsaav tuabneeg nyob,
hab txawm yog puab moog nyob dleb heev los puab tseem yuav ncuntsoov Kuv.
Puab hab puab tej mivnyuas yuav dlim
hab yuav uake rov lug tsev.
10Kuv yuav coj puab tawm huv tebchaws Iziv hab Axilias rov lug
hab ca puab nyob huv puab lub tebchaws.
Kuv yuav ca puab moog nyob huv Nkile-as hab peg Lenpanoos huv tuabsi;
yuav muaj tuabneeg moog nyob thoobplawg huv lub tebchaws.
11Thaus puab hlaa tug havtxwv kws muaj kev nyuajsab
los Kuv, kws yog tug TSWV, yuav ua kuas tej dlej ndlaas ntawd nyob tugyeeg,
hab tug Dlej Nais kws tub tshaajplawg yuav nqhuab taag.
Cov Axilias txuj kev khaavtheeb yuav raug muab txu kuas qeg,
hab Iziv tug cwj kaav tebchaws yuav pluj moog.
12Kuv yuav txhawb kuas Kuv tsaav tuabneeg muajzug;
puab yuav pehawm Kuv hab noog Kuv lug.”
Tug TSWV yog tug kws has tej lug nuav.
Currently Selected:
Xekhaliyas 10: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 10
10
Tug TSWV Coglug Tso Nwg Tsaav Tuabneeg Dlim
1Cale thov kuas tug TSWV tso naag lug rua lub caij nplooj ntoos hlaav. Tug TSWV yog tug kws tso naagtshauv hab tuamtsaam naag lug, ua kuas tej qoobloo hlub ntsuab xwbxab rua txhua leej txhua tug. 2Tej tuabneeg moog cuag mlom hab saib moov, tabsis tej lug kws luas teb rua puab yog lug dlaag hab tsi muaj qaabhau dlaabtsi. Ibtxha txhais npausuav, tabsis yog dlaag xwb; tej lug kws puab nplig mej sab yeej tsi yog lug tseeb le. Yogle ntawd, cov tuabneeg txhaj ncig moog ncig lug le tug yaaj kws yuamkev lawm. Puab raug tsimtxom vim puab tsi muaj coj. #Math 9:36; Malak 6:34
3Tug TSWV has tas, “Kuv npautawg heev rua cov tuabneeg txawv tebchaws kws kaav Kuv tsaav tuabneeg, Kuv yuav rautxim rua puab. Cov Yudais yog Kuv tug, hab Kuv, kws yog tug TSWV kws muaj Fwjchim Luj Kawg Nkaus, yuav tsomkwm puab. Puab yuav yog Kuv cov neeg kws caij ntaus rog kws muajzug heev huv tshaavrog. 4Yuav muaj cov numtswv, cov thawjcoj, hab cov thawj tubrog sawv huv puab lug tswjfwm Kuv tsaav tuabneeg.#10:4: Yuav muaj… tuabneeg; lossis Taagnrho cov tuabneeg kws raug tsimtxom—cov numtswv, cov thawjcoj, hab cov thawj tubrog—yuav uake tawm huv tebchaws Yudas lug. 5Cov Yudais yuav muajyeej ib yaam le cov tubrog kws muab puab cov yeebncuab tsuj nthi rua huv cov aav nkus ntawm tej kev. Puab yuav moog ntaus rog ruaqhov tug TSWV nrugnraim puab, hab txawm yog cov yeebncuab tej tubrog kws caij neeg los puab yuav kovyeej.
6“Kuv yuav ua kuas cov Yudais muajzug;
Kuv yuav cawm cov Yixalayees.
Kuv yuav hlub tshua puab
hab coj puab txhua tug rov lug tsev.
Puab yuav nyob yaam le kws Kuv yeej tsi tau muab puab tsotseg le.
Kuv yog tug TSWV kws yog puab tug Vaajtswv; Kuv yuav teb puab tej lug thov.
7Cov Yixalayees yuav muajzug yaam nkaus le paab tubrog,
yuav zoosab yaam nkaus le cov tuabneeg kws haus cawv txivmaab.
Puab caajceg yuav ncuntsoov txuj kev kws muajyeej nuav,
hab zoosab heev rua tej kws tug TSWV tau ua taag lug lawm.
8“Kuv yuav hu Kuv tsaav tuabneeg
hab sau puab rov lug nyob uake.
Kuv yuav cawm puab
hab ua kuas puab rov fuamvaam coob ib yaam le thaus u.
9Txawm yog Kuv tau muab puab ntab moog nrug txhua tsaav tuabneeg nyob,
hab txawm yog puab moog nyob dleb heev los puab tseem yuav ncuntsoov Kuv.
Puab hab puab tej mivnyuas yuav dlim
hab yuav uake rov lug tsev.
10Kuv yuav coj puab tawm huv tebchaws Iziv hab Axilias rov lug
hab ca puab nyob huv puab lub tebchaws.
Kuv yuav ca puab moog nyob huv Nkile-as hab peg Lenpanoos huv tuabsi;
yuav muaj tuabneeg moog nyob thoobplawg huv lub tebchaws.
11Thaus puab hlaa tug havtxwv kws muaj kev nyuajsab
los Kuv, kws yog tug TSWV, yuav ua kuas tej dlej ndlaas ntawd nyob tugyeeg,
hab tug Dlej Nais kws tub tshaajplawg yuav nqhuab taag.
Cov Axilias txuj kev khaavtheeb yuav raug muab txu kuas qeg,
hab Iziv tug cwj kaav tebchaws yuav pluj moog.
12Kuv yuav txhawb kuas Kuv tsaav tuabneeg muajzug;
puab yuav pehawm Kuv hab noog Kuv lug.”
Tug TSWV yog tug kws has tej lug nuav.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.