Xekhaliyas 3

Tug Xwbfwb Cev Vaajtswv Lug Zaaj Ywgtoog Pum Tug Povthawj Hlub

1Kuv ua dlua ib zaaj ywgtoog, tug TSWV ua rua kuv pum tug Tuam Povthawj Hlub Yausuas taabtom sawv ntawm tug TSWV tug timtswv hauvntej. Hab Xataas#3:1: Xataas: Yog ib tug muaj fwjchim kws nyob sau nruabntug, kws nwg lub npe qha tau tas nwg yog tug tawmtsaam noobneej. sawv ntawm Yausuas saab xis, npaaj rawv tog yuav haslug nkaug Yausuas. #Exala 5:2; Tshwm 12:10 2Tug TSWV tug timtswv#3:2: Ib phoo ntawv qub-qub thaus u sau has tas Tug TSWV tug timtswv; phoo lug Henplais has tas tug TSWV. has rua Xataas has tas, “Xataas, thov kuas tug TSWV rautxim rua koj! Thov kuas tug TSWV kws hlub lub nroog Yeluxalees rautxim rua koj. Tug tuabneeg nuav zoo ib yaam le tug paas ntoo kws tub muab rhu tawm huv qhovcub lug lawm.” #Yudas 9

3Yausuas naav ib cev rigtsho qas heev sawv qhov ntawd. 4Tug timtswv ceebtsheej has rua cov timtswv kws nrug nwg sawv ntawd tas, “Cale muab tug txivneej cev rigtsho kws qas-qas ntawd hle povtseg.” Tes nwg txawm has rua Yausuas tas, “Kuv tub muab koj tej kev txhum tshem taag lawm, kuv yuav muab dlua ib cev rigtsho tshab rua koj naav.”

5Tes kuv has tas, “Kuas puab cale muab ib pluaj ntaub kws huv-huv lug khi nwg lub taubhau.” Tes puab txawm muab ib pluaj ntaub lug khi Yausuas taubhau hab muab ib cev rigtsho tshab lug rua nwg naav thaus kws tug TSWV tug timtswv tseem sawv rua ntawd.

6Tes tug timtswv ceebtsheej has rua Yausuas tas 7tug TSWV kws muaj Fwjchim Luj Kawg Nkaus has tas: “Yog koj coj lawvle Kuv tej kevcai hab ua tej num kws Kuv tau muab cob rua koj, tes koj yuav tau ua tug saib Kuv lub Tuamtsev hab tej tshaavpuam kws nyob puagncig lub Tuamtsev, hab Kuv yuav pub koj muaj ib lub chaw nyob rua huv cov timtswv kws sawv ntawm nuav hab. 8Yausuas, kws yog tug Tuam Povthawj Hlub, koj cale noog Kuv has; hab mej cov povthawj hlub kws yog nwg tsoom phoojywg, mej cale noog kuv has, mej yog lub cim zoo rua yaav tomntej: Kuv yuav coj Kuv tug tubkhai kws hu ua Tug Ceg lug rua mej pum! #Yelemi 23:5; 33:15; Xekhali 6:12 9Kuv muab ib lub pobzeb kws muaj xyaa nreej lug tso rua ntawm Yausuas xubndlag. Kuv yuav txaug ib cov lug rua ntawm lub pobzeb, hab tuabnub xwb Kuv yuav tshem lub tebchaws nuav tej kev txhum moog huv tuabsi. 10Thaus txug nub ntawd, nyag yuav caw nyag tej phoojywg nruabze tuaj nyob huv mej tej vaaj txivmaab hab txiv ncuavpas muaj kev zoosab hab nyaabxeeb lug.” #Mikha 4:4

Currently Selected:

Xekhaliyas 3: HNJ2022

Highlight

Copy