Xekhaliyas 11
11
Cov Muaj Fwjchim Swb Lawm
1Lenpanoos, cale qheb koj tej qhovrooj,
sub suavtawg txhaj yuav kub koj tej ntoo cab!#11:1: ntoo cab: Cov ntoo cab nuav pev txug txhua tsaav tuabneeg kws muaj fwjchim lossis puab tej vaajntxwv.
2Cov ntoo thuv, cale quajntsuag
ruaqhov tej ntoo cab tub qaug taag lawm;
tej ntoo kws muaj meejmom tub raug puamtsuaj taag lawm!
Tej ntoo qheb huv tebchaws Npasaas, cale quajntsuag,
tej roob ntoo kws tsaus nti tub raug muab ntuv taag lawm!
3Cov numtswv tsaa suab hlo quaj tusab;
puab tej meejmom tub poob taag lawm!
Cale noog tsuv ntxhuav tej suab nyooj;
thaaj zoov kws yog puab qhov chaw nkaum nyob lawv tug dlej Yauladees raug puamtsuaj taag lawm!
Ob Tug Yug Yaaj
4Tug TSWV kws yog kuv tug Vaajtswv has rua kuv tas, “Cale moog ua tug yug yaaj#11:4: tug yug yaaj: Tug yug yaaj yog siv ua pev txug tug vaajntxwv lossis tug thawjcoj, hab cov yaaj pev txug nwg cov tuabneeg lossis nwg cov pejxeem. kws zuv rawv paab yaaj kws taabtom yuav raug luas coj moog tua. 5Cov kws yuav cov yaaj ntawd muab puab cov yaaj tua hab tsi raug txim dlaabtsi le. Puab muab cov nqaj coj moog muag hab has tas, ‘Ua tug TSWV tsaug! Peb npluanuj heev!’ Txawm yog puab cov tswv yaaj los puab tub tsi taabncuab cov yaaj le.”
( 6Tug TSWV has tas, “Kuv yuav tsi taabncuab ib tug tuabneeg twg nyob huv nplajteb nuav ntxiv lawm. Kuv yuav muab txhua tsaav tuabneeg cob rua puab cov numtswv teg. Cov numtswv nuav yuav rhuav lub nplajteb, hab Kuv yuav tsi cawm lub nplajteb kuas dlim ntawm puab lub fwjchim le.”)
7Cov kws yuav hab cov kws muag cov yaaj tau ndlav kuv ua tug tu cov yaaj kws yuav coj moog tua. Kuv muab tau ob tug paas ntoo lug: muaj ib tug kuv tis npe hu ua “Nyam” hab muaj dlua ib tug kuv tis npe hu ua “Koomxeeb”. Hab kuv ua tug tu paab yaaj ntawd. 8Kuv txawm ua tsi taug sabntev rua peb tug yug yaaj kws ntxub kuv, kuv txhaj muab puab rhuav tshem huv tuabsi moog rua tuablub hlis nkaus xwb. 9Tes kuv has rua cov yaaj tas, “Kuv yuav tsi ua mej tug yug yaaj ntxiv lawm. Ca cov kws yuav tuag, tuag moog, hab ca cov kws yuav puamtsuaj, puamtsuaj moog. Ca cov kws seem ib tug ua kuas ib tug puamtsuaj moog.” 10Tes kuv txawm muab tug paas ntoo kws hu ua “Nyam” luv, kuas thim tug TSWV tej lug kws tau cogtseg rua txhua tsaav tuabneeg lawm. 11Yogle ntawd, tug TSWV tej lug cogtseg txhaj raug muab thim nub ntawd lawm. Cov tuabneeg kws yuav yaaj hab cov muag yaaj puavleej tsaa qhovmuag saib kuv, hab puab paub tas yog tug TSWV has rua kuv txug tej kws kuv ua ntawd ntaag. 12Kuv has rua puab tas, “Yog mej txaussab, mej cale them kuv tej nqezug rua kuv. Tabsis yog mej tsi txaussab, mej muab khaws ca los tau.” Tes puab txhaj muab tau pebcaug lub txajnyag lug them kuv. #Math 26:15
13Tug TSWV has rua kuv tas, “Cale coj cov nyaj ko moog tso rua huv qhov chaw ca nyaj huv lub Tuamtsev.”#11:13: Tej cov ntawv qub-qub thaus u sau has tas Cale coj cov nyaj ko moog tso rua huv qhov chaw ca nyaj huv lub Tuamtsev; phoo lug Henplais has tas Cale muaj rua tug kws puab laujkaub aav. Yogle ntawd, kuv txhaj coj pebcaug lub txajnyag—qhov nyuas nyaj kws puab xaav tas kuv tsuas tsimnyog tau le ntawd xwb—muab moog tso rua huv lub chaw ca nyaj huv lub Tuamtsev. 14Tes kuv txawm muab tug paas ntoo thib ob kws hu ua “Koomxeeb” luv, ua rua txuj kev koomxeeb ntawm cov Yudais hab cov Yixalayees tawg moog.
15Tes tug TSWV has rua kuv tas, “Cale rovqaab moog ua tug yug yaaj, hab zag nuav koj ua le ib tug kws tsi tsimtxaj hlo le. 16Kuv tau tsaa ib tug yug yaaj ua tug saib Kuv paab yaaj, tabsis nwg tsi quavntsej txug cov yaaj kws pluj lawm, nwg tsi moog nrhav cov thaav yaaj, lossis khu cov kws raug mob, lossis tsi pub zaub rua cov kws zoo quas log noj le. Tabsis nwg noj tej nqaj yaaj kws rog-rog hab muab yaaj tej rau taw tev huv tuabsi. 17Tug tub yug yaaj kws tsi tsimtxaj le ntawd raug puamtsuaj lawm lau! Nwg tau muab nwg paab yaaj tsotseg lawm. Kev tsuv kev rog yuav rhuav nwg lub fwjchim kuas puamtsuaj. Nwg txhais npaab yuav qhuav, hab nwg lub qhovmuag saab xis yuav dlig.”
Currently Selected:
Xekhaliyas 11: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 11
11
Cov Muaj Fwjchim Swb Lawm
1Lenpanoos, cale qheb koj tej qhovrooj,
sub suavtawg txhaj yuav kub koj tej ntoo cab!#11:1: ntoo cab: Cov ntoo cab nuav pev txug txhua tsaav tuabneeg kws muaj fwjchim lossis puab tej vaajntxwv.
2Cov ntoo thuv, cale quajntsuag
ruaqhov tej ntoo cab tub qaug taag lawm;
tej ntoo kws muaj meejmom tub raug puamtsuaj taag lawm!
Tej ntoo qheb huv tebchaws Npasaas, cale quajntsuag,
tej roob ntoo kws tsaus nti tub raug muab ntuv taag lawm!
3Cov numtswv tsaa suab hlo quaj tusab;
puab tej meejmom tub poob taag lawm!
Cale noog tsuv ntxhuav tej suab nyooj;
thaaj zoov kws yog puab qhov chaw nkaum nyob lawv tug dlej Yauladees raug puamtsuaj taag lawm!
Ob Tug Yug Yaaj
4Tug TSWV kws yog kuv tug Vaajtswv has rua kuv tas, “Cale moog ua tug yug yaaj#11:4: tug yug yaaj: Tug yug yaaj yog siv ua pev txug tug vaajntxwv lossis tug thawjcoj, hab cov yaaj pev txug nwg cov tuabneeg lossis nwg cov pejxeem. kws zuv rawv paab yaaj kws taabtom yuav raug luas coj moog tua. 5Cov kws yuav cov yaaj ntawd muab puab cov yaaj tua hab tsi raug txim dlaabtsi le. Puab muab cov nqaj coj moog muag hab has tas, ‘Ua tug TSWV tsaug! Peb npluanuj heev!’ Txawm yog puab cov tswv yaaj los puab tub tsi taabncuab cov yaaj le.”
( 6Tug TSWV has tas, “Kuv yuav tsi taabncuab ib tug tuabneeg twg nyob huv nplajteb nuav ntxiv lawm. Kuv yuav muab txhua tsaav tuabneeg cob rua puab cov numtswv teg. Cov numtswv nuav yuav rhuav lub nplajteb, hab Kuv yuav tsi cawm lub nplajteb kuas dlim ntawm puab lub fwjchim le.”)
7Cov kws yuav hab cov kws muag cov yaaj tau ndlav kuv ua tug tu cov yaaj kws yuav coj moog tua. Kuv muab tau ob tug paas ntoo lug: muaj ib tug kuv tis npe hu ua “Nyam” hab muaj dlua ib tug kuv tis npe hu ua “Koomxeeb”. Hab kuv ua tug tu paab yaaj ntawd. 8Kuv txawm ua tsi taug sabntev rua peb tug yug yaaj kws ntxub kuv, kuv txhaj muab puab rhuav tshem huv tuabsi moog rua tuablub hlis nkaus xwb. 9Tes kuv has rua cov yaaj tas, “Kuv yuav tsi ua mej tug yug yaaj ntxiv lawm. Ca cov kws yuav tuag, tuag moog, hab ca cov kws yuav puamtsuaj, puamtsuaj moog. Ca cov kws seem ib tug ua kuas ib tug puamtsuaj moog.” 10Tes kuv txawm muab tug paas ntoo kws hu ua “Nyam” luv, kuas thim tug TSWV tej lug kws tau cogtseg rua txhua tsaav tuabneeg lawm. 11Yogle ntawd, tug TSWV tej lug cogtseg txhaj raug muab thim nub ntawd lawm. Cov tuabneeg kws yuav yaaj hab cov muag yaaj puavleej tsaa qhovmuag saib kuv, hab puab paub tas yog tug TSWV has rua kuv txug tej kws kuv ua ntawd ntaag. 12Kuv has rua puab tas, “Yog mej txaussab, mej cale them kuv tej nqezug rua kuv. Tabsis yog mej tsi txaussab, mej muab khaws ca los tau.” Tes puab txhaj muab tau pebcaug lub txajnyag lug them kuv. #Math 26:15
13Tug TSWV has rua kuv tas, “Cale coj cov nyaj ko moog tso rua huv qhov chaw ca nyaj huv lub Tuamtsev.”#11:13: Tej cov ntawv qub-qub thaus u sau has tas Cale coj cov nyaj ko moog tso rua huv qhov chaw ca nyaj huv lub Tuamtsev; phoo lug Henplais has tas Cale muaj rua tug kws puab laujkaub aav. Yogle ntawd, kuv txhaj coj pebcaug lub txajnyag—qhov nyuas nyaj kws puab xaav tas kuv tsuas tsimnyog tau le ntawd xwb—muab moog tso rua huv lub chaw ca nyaj huv lub Tuamtsev. 14Tes kuv txawm muab tug paas ntoo thib ob kws hu ua “Koomxeeb” luv, ua rua txuj kev koomxeeb ntawm cov Yudais hab cov Yixalayees tawg moog.
15Tes tug TSWV has rua kuv tas, “Cale rovqaab moog ua tug yug yaaj, hab zag nuav koj ua le ib tug kws tsi tsimtxaj hlo le. 16Kuv tau tsaa ib tug yug yaaj ua tug saib Kuv paab yaaj, tabsis nwg tsi quavntsej txug cov yaaj kws pluj lawm, nwg tsi moog nrhav cov thaav yaaj, lossis khu cov kws raug mob, lossis tsi pub zaub rua cov kws zoo quas log noj le. Tabsis nwg noj tej nqaj yaaj kws rog-rog hab muab yaaj tej rau taw tev huv tuabsi. 17Tug tub yug yaaj kws tsi tsimtxaj le ntawd raug puamtsuaj lawm lau! Nwg tau muab nwg paab yaaj tsotseg lawm. Kev tsuv kev rog yuav rhuav nwg lub fwjchim kuas puamtsuaj. Nwg txhais npaab yuav qhuav, hab nwg lub qhovmuag saab xis yuav dlig.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.