Malakaus 8
8
Yexus Pub Mov Rua 4,000 Leej Noj
(Mathais 15:32-39)
1Tomqaab ntawd tsi ntev rov muaj dlua ib cov tuabneeg coob-coob tuaj uake. Thaus cov tuabneeg ntawd tsi muaj mov noj lawm, Yexus txawm hu Nwg cov thwjtim lug cuag Nwg hab has rua puab tas, 2“Kuv hlub cov tuabneeg nuav heev, ruaqhov puab tub tuaj nrug Kuv nyob tau peb nub lawm; taamsim nuav puab tsi muaj ib yaam dlaabtsi noj le. 3Yog Kuv ca puab moog tsev kws tsi tau muab mov rua puab noj, ntshe puab yuav tsausmuag hab qaug tom tej tog kev, ruaqhov ibtxha tuaj dleb heev tuaj.”
4Yexus cov thwjtim nug Yexus has tas, “Ntawm nuav yog roob mojsaab qhua xwb, leejtwg yuav moog nrhav tau mov lug rua cov tuabneeg nuav noj?”
5Yexus nug cov thwjtim has tas, “Mej muaj pistsawg lub ncuav?”
Puab teb tas, “Muaj xyaa lub.”
6Yexus has kuas suavdlawg nyob quastsawg huv pegteb. Nwg muab xyaa lub ncuav lug ua Vaajtswv tsaug, muab ndlais hab cev rua cov thwjtim nqaa moog faib rua suavdlawg. Cov thwjtim txawm ua le ntawd. 7Puab kuj muaj ob-peb tug ntseg kws miv-miv hab. Yexus txawm muab ua Vaajtswv tsaug taag hab kuas cov thwjtim nqaa moog faib rua suavdlawg ib yaam nkaus. 8Txhua tug puavleej tau noj tsau huv tuabsi. Cov thwjtim moog sau tej seem kws suavdlawg noj tsi taag tau xyaa tawb puvnkaus. 9Cov tuabneeg nub ntawd kwvlaam muaj 4,000 leej. Tes Yexus txawm kuas suavdlawg rovqaab moog tsev, 10taamsim ntawd Yexus hab Nwg cov thwjtim txawm moog rua huv nkoj, caij moog rua tim cheebtsaam Damanuthas lawm.
Cov Falixais Thov Kuas Yexus Ua Ib Yaam Txujci Tseemceeb
(Mathais 16:1-4)
11Muaj ib cov Falixais tuaj cuag Yexus hab cale pib nrug Nwg siscaav. Puab xaav sim Yexus, puab txawm kuas Yexus ua ib yaam txujci tseemceeb rua puab saib, sub puab txhaj ntseeg tas yog Vaajtswv khaiv Yexus lug tag. #Math 12:38; Lukas 11:16 12Yexus hlu ib suab hab has tas, “Vim lecaag cov tuabneeg tam nuav txhaj xaav pum tej txujci tseemceeb? Kuv qha tseeb rua mej has tas, Kuv yuav tsi ua txujci tseemceeb rua cov tuabneeg tam nuav pum le!” #Math 12:39; Lukas 11:29
13Yexus txawm tso puab tseg, hab moog rua huv nkoj, caij hlaa havtxwv moog rua saab tim u lawm.
Cov Falixais Hab Helauj Cov Keeb
(Mathais 16:5-12)
14Cov thwjtim tsi ncu ntim mov moog kuas txaus, puab tsuas muaj ib lub ncuav nyob huv lub nkoj xwb. 15Yexus ceebtoom puab tas, “Mej yuavtsum ceevfaaj cov Falixais hab Helauj cov keeb.” #Lukas 12:1
16Cov thwjtim txawm sisthaam has tas, “Ntshe yog peb muaj mov tsi txaus, Nwg txhaj has le ntawd.”
17Yexus tub paub tej kws puab sisthaam ntawd lawm, Nwg txawm has rua puab tas, “Vim lecaag mej pheej sisthaam txug qhov kws mej muaj mov tsi txaus? Mej tseem tsi tau paub lossis tseem tsi totaub hab lov? Ua lecaag mej lub sab yuav ruag ualuaj le? 18Mej tub muaj qhovmuag tabsis mej tseem tsi pum hab lov? Mej tub muaj qhovntsej tabsis mej tseem tsi nov hab lov? Mej tsi ncuqaab #Yelemi 5:21; Exek 12:2; Malak 4:12 19thaus Kuv muab tsib lub ncuav ndlais faib rua 5,000 leej noj lawm lov? Mej sau cov kws seem tau pistsawg tawb puvnkaus?”
Puab teb tas, “Kaum-ob tawb.”
20“Hab thaus Kuv muab xyaa lub ncuav ndlais faib rua 4,000 leej noj, mej sau cov kws seem tau pistsawg tawb puvnkaus?”
Puab teb tas, “Xyaa tawb.”
21Yexus nug puab has tas, “Mej tseem tsi totaub hab lov?”
Yexus Khu Tug Dligmuag Huv Npexaidas
22Yexus hab Nwg cov thwjtim moog txug huv Npexaidas. Muaj tuabneeg coj ib tug txivneej dligmuag tuaj cuag Yexus hab thov Yexus khu nwg. 23Yexus tuav tug txivneej ntawd teg hab coj nwg moog rua tom ntug zog. Tes Yexus txawm nti quavncaug pleev tug ntawd ob lub qhovmuag hab tsaa teg rua sau nwg, Yexus nug nwg has tas, “Koj puas pum dlaabtsi le?”
24Tug txivneej ntawd tsaa qhovmuag saib hab has tas, “Kuv pum tuabneeg, tabsis puab zoole tej ntoo kws moog-moog lug-lug.”
25Yexus rov tsaa Nwg ob txhais teg npuab tug txivneej ntawd ob lub qhovmuag dlua ib zag. Nwg txawm qheb tau qhovmuag, nwg ob lub qhovmuag cale zoo hab pumkev tseeb kawg le lawm. 26Yexus kuas nwg cale moog tsev hab has tas, “Koj tsi xob rov moog rua huv zog lawm.”
Petus Has Tas Yexus Yog Tug Mexiyas
(Mathais 16:13-20; Lukas 9:18-21)
27Yexus hab Nwg cov thwjtim moog rua peg tej zog kws nyob ze lub nroog Xixaleyas Filipis. Thaus puab taabtom taug kev moog, Nwg nug puab has tas, “Tej tuabneeg suavdlawg has tas Kuv yog leejtwg?”
28Cov thwjtim teb tas, “Muaj ibtxha has tas Koj yog Yauhaas tug kws muab tuabneeg ua kevcai rausdlej, ibtxha has tas Koj yog Eliyas, hab muaj ibtxha has tas Koj yog ib tug ntawm cov xwbfwb cev Vaajtswv lug.” #Math 6:14-15; Lukas 9:7-8
29Yexus nug has tas, “Mej ne, mej ho has tas Kuv yog leejtwg?” #Yauh 6:68-69
Petus teb tas, “Koj yog tug Mexiyas#8:29: Mexiyas; lossis lug Kilis yog Khetos..”
30Yexus txwv puab has tas, “Mej tsi xob qha txug Kuv rua leejtwg hlo le.”
Yexus Qha Txug Nwg Kev Txomnyem Hab Tuag
(Mathais 16:21-28; Lukas 9:22-27)
31Txij ntawd lug, Yexus txawm pib qha rua Nwg cov thwjtim has tas, “Tuabneeg Leejtub yuav raug tsimtxom ntau yaam; cov txwjlaug, cov thawj povthawj hlub, hab cov xwbfwb kws qha Kevcai, yuav tsi leeg yuav Nwg. Puab yuav muab Nwg tua, tabsis peb nub tomqaab ntawd Nwg yuav cajsa sawv rov lug.” 32Yexus qha zaaj nuav tseeb-tseeb rua cov thwjtim, tes Petus txawm coj Yexus moog rua ibcaag hab txwv Yexus. 33Tabsis Yexus tig lug saib Nwg cov thwjtim hab tshev Petus has tas, “Xataas, koj cale tsiv ntawm Kuv moog! Koj tej kev xaav tsi yog lawvle Vaajtswv lub sab, tabsis yog lawvle tuabneeg lub sab xwb.”
34Yexus txhaj hu cov tuabneeg coob-coob ntawd hab Nwg cov thwjtim lug cuag Nwg, Nwg has rua puab tas, “Yog leejtwg xaav nrug Kuv moog, nwg yuavtsum xob xaav txug nwg tugkheej, kwv nwg tug ntoo khaublig, hab lawv Kuv qaab. #Math 10:38; Lukas 14:27 35Ruaqhov tug kws xaav ceev nwg txujsa, tug ntawd yuav nplaam txujsa. Tabsis tug kws yeem ca nwg txujsa tu pub rua Kuv hab rua Txuj Moo Zoo, tug ntawd yuav ceev tau nwg txujsa. #Math 10:39; Lukas 17:33; Yauh 12:25 36Yog leejtwg tau ibpuas tsaavyaam huv nplajteb nuav lug ua nwg tug, tabsis nwg txujsa tu lawm, tej ntawd yuav muaj qaabhau dlaabtsi rua nwg? 37Yeej tsi muaj ib yaam dlaabtsi kws nwg yuav coj moog txhwv tau nwg txujsa rovqaab lug! 38Yog leejtwg txaajmuag rua Kuv lub npe hab Kuv tej lug qha nyob rua tam kws tuabneeg tsi muaj Vaajtswv hab nyam ua phem ua qas nuav, tes Tuabneeg Leejtub yuav txaajmuag rua tug ntawd hab, thaus lub sijhawm kws Nwg nrug Nwg cov timtswv dlawbhuv lug sau ntuj lug hab nrug Leejtxiv tug tshwjchim kws ci ntsaa-ab lug.”
Currently Selected:
Malakaus 8: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Malakaus 8
8
Yexus Pub Mov Rua 4,000 Leej Noj
(Mathais 15:32-39)
1Tomqaab ntawd tsi ntev rov muaj dlua ib cov tuabneeg coob-coob tuaj uake. Thaus cov tuabneeg ntawd tsi muaj mov noj lawm, Yexus txawm hu Nwg cov thwjtim lug cuag Nwg hab has rua puab tas, 2“Kuv hlub cov tuabneeg nuav heev, ruaqhov puab tub tuaj nrug Kuv nyob tau peb nub lawm; taamsim nuav puab tsi muaj ib yaam dlaabtsi noj le. 3Yog Kuv ca puab moog tsev kws tsi tau muab mov rua puab noj, ntshe puab yuav tsausmuag hab qaug tom tej tog kev, ruaqhov ibtxha tuaj dleb heev tuaj.”
4Yexus cov thwjtim nug Yexus has tas, “Ntawm nuav yog roob mojsaab qhua xwb, leejtwg yuav moog nrhav tau mov lug rua cov tuabneeg nuav noj?”
5Yexus nug cov thwjtim has tas, “Mej muaj pistsawg lub ncuav?”
Puab teb tas, “Muaj xyaa lub.”
6Yexus has kuas suavdlawg nyob quastsawg huv pegteb. Nwg muab xyaa lub ncuav lug ua Vaajtswv tsaug, muab ndlais hab cev rua cov thwjtim nqaa moog faib rua suavdlawg. Cov thwjtim txawm ua le ntawd. 7Puab kuj muaj ob-peb tug ntseg kws miv-miv hab. Yexus txawm muab ua Vaajtswv tsaug taag hab kuas cov thwjtim nqaa moog faib rua suavdlawg ib yaam nkaus. 8Txhua tug puavleej tau noj tsau huv tuabsi. Cov thwjtim moog sau tej seem kws suavdlawg noj tsi taag tau xyaa tawb puvnkaus. 9Cov tuabneeg nub ntawd kwvlaam muaj 4,000 leej. Tes Yexus txawm kuas suavdlawg rovqaab moog tsev, 10taamsim ntawd Yexus hab Nwg cov thwjtim txawm moog rua huv nkoj, caij moog rua tim cheebtsaam Damanuthas lawm.
Cov Falixais Thov Kuas Yexus Ua Ib Yaam Txujci Tseemceeb
(Mathais 16:1-4)
11Muaj ib cov Falixais tuaj cuag Yexus hab cale pib nrug Nwg siscaav. Puab xaav sim Yexus, puab txawm kuas Yexus ua ib yaam txujci tseemceeb rua puab saib, sub puab txhaj ntseeg tas yog Vaajtswv khaiv Yexus lug tag. #Math 12:38; Lukas 11:16 12Yexus hlu ib suab hab has tas, “Vim lecaag cov tuabneeg tam nuav txhaj xaav pum tej txujci tseemceeb? Kuv qha tseeb rua mej has tas, Kuv yuav tsi ua txujci tseemceeb rua cov tuabneeg tam nuav pum le!” #Math 12:39; Lukas 11:29
13Yexus txawm tso puab tseg, hab moog rua huv nkoj, caij hlaa havtxwv moog rua saab tim u lawm.
Cov Falixais Hab Helauj Cov Keeb
(Mathais 16:5-12)
14Cov thwjtim tsi ncu ntim mov moog kuas txaus, puab tsuas muaj ib lub ncuav nyob huv lub nkoj xwb. 15Yexus ceebtoom puab tas, “Mej yuavtsum ceevfaaj cov Falixais hab Helauj cov keeb.” #Lukas 12:1
16Cov thwjtim txawm sisthaam has tas, “Ntshe yog peb muaj mov tsi txaus, Nwg txhaj has le ntawd.”
17Yexus tub paub tej kws puab sisthaam ntawd lawm, Nwg txawm has rua puab tas, “Vim lecaag mej pheej sisthaam txug qhov kws mej muaj mov tsi txaus? Mej tseem tsi tau paub lossis tseem tsi totaub hab lov? Ua lecaag mej lub sab yuav ruag ualuaj le? 18Mej tub muaj qhovmuag tabsis mej tseem tsi pum hab lov? Mej tub muaj qhovntsej tabsis mej tseem tsi nov hab lov? Mej tsi ncuqaab #Yelemi 5:21; Exek 12:2; Malak 4:12 19thaus Kuv muab tsib lub ncuav ndlais faib rua 5,000 leej noj lawm lov? Mej sau cov kws seem tau pistsawg tawb puvnkaus?”
Puab teb tas, “Kaum-ob tawb.”
20“Hab thaus Kuv muab xyaa lub ncuav ndlais faib rua 4,000 leej noj, mej sau cov kws seem tau pistsawg tawb puvnkaus?”
Puab teb tas, “Xyaa tawb.”
21Yexus nug puab has tas, “Mej tseem tsi totaub hab lov?”
Yexus Khu Tug Dligmuag Huv Npexaidas
22Yexus hab Nwg cov thwjtim moog txug huv Npexaidas. Muaj tuabneeg coj ib tug txivneej dligmuag tuaj cuag Yexus hab thov Yexus khu nwg. 23Yexus tuav tug txivneej ntawd teg hab coj nwg moog rua tom ntug zog. Tes Yexus txawm nti quavncaug pleev tug ntawd ob lub qhovmuag hab tsaa teg rua sau nwg, Yexus nug nwg has tas, “Koj puas pum dlaabtsi le?”
24Tug txivneej ntawd tsaa qhovmuag saib hab has tas, “Kuv pum tuabneeg, tabsis puab zoole tej ntoo kws moog-moog lug-lug.”
25Yexus rov tsaa Nwg ob txhais teg npuab tug txivneej ntawd ob lub qhovmuag dlua ib zag. Nwg txawm qheb tau qhovmuag, nwg ob lub qhovmuag cale zoo hab pumkev tseeb kawg le lawm. 26Yexus kuas nwg cale moog tsev hab has tas, “Koj tsi xob rov moog rua huv zog lawm.”
Petus Has Tas Yexus Yog Tug Mexiyas
(Mathais 16:13-20; Lukas 9:18-21)
27Yexus hab Nwg cov thwjtim moog rua peg tej zog kws nyob ze lub nroog Xixaleyas Filipis. Thaus puab taabtom taug kev moog, Nwg nug puab has tas, “Tej tuabneeg suavdlawg has tas Kuv yog leejtwg?”
28Cov thwjtim teb tas, “Muaj ibtxha has tas Koj yog Yauhaas tug kws muab tuabneeg ua kevcai rausdlej, ibtxha has tas Koj yog Eliyas, hab muaj ibtxha has tas Koj yog ib tug ntawm cov xwbfwb cev Vaajtswv lug.” #Math 6:14-15; Lukas 9:7-8
29Yexus nug has tas, “Mej ne, mej ho has tas Kuv yog leejtwg?” #Yauh 6:68-69
Petus teb tas, “Koj yog tug Mexiyas#8:29: Mexiyas; lossis lug Kilis yog Khetos..”
30Yexus txwv puab has tas, “Mej tsi xob qha txug Kuv rua leejtwg hlo le.”
Yexus Qha Txug Nwg Kev Txomnyem Hab Tuag
(Mathais 16:21-28; Lukas 9:22-27)
31Txij ntawd lug, Yexus txawm pib qha rua Nwg cov thwjtim has tas, “Tuabneeg Leejtub yuav raug tsimtxom ntau yaam; cov txwjlaug, cov thawj povthawj hlub, hab cov xwbfwb kws qha Kevcai, yuav tsi leeg yuav Nwg. Puab yuav muab Nwg tua, tabsis peb nub tomqaab ntawd Nwg yuav cajsa sawv rov lug.” 32Yexus qha zaaj nuav tseeb-tseeb rua cov thwjtim, tes Petus txawm coj Yexus moog rua ibcaag hab txwv Yexus. 33Tabsis Yexus tig lug saib Nwg cov thwjtim hab tshev Petus has tas, “Xataas, koj cale tsiv ntawm Kuv moog! Koj tej kev xaav tsi yog lawvle Vaajtswv lub sab, tabsis yog lawvle tuabneeg lub sab xwb.”
34Yexus txhaj hu cov tuabneeg coob-coob ntawd hab Nwg cov thwjtim lug cuag Nwg, Nwg has rua puab tas, “Yog leejtwg xaav nrug Kuv moog, nwg yuavtsum xob xaav txug nwg tugkheej, kwv nwg tug ntoo khaublig, hab lawv Kuv qaab. #Math 10:38; Lukas 14:27 35Ruaqhov tug kws xaav ceev nwg txujsa, tug ntawd yuav nplaam txujsa. Tabsis tug kws yeem ca nwg txujsa tu pub rua Kuv hab rua Txuj Moo Zoo, tug ntawd yuav ceev tau nwg txujsa. #Math 10:39; Lukas 17:33; Yauh 12:25 36Yog leejtwg tau ibpuas tsaavyaam huv nplajteb nuav lug ua nwg tug, tabsis nwg txujsa tu lawm, tej ntawd yuav muaj qaabhau dlaabtsi rua nwg? 37Yeej tsi muaj ib yaam dlaabtsi kws nwg yuav coj moog txhwv tau nwg txujsa rovqaab lug! 38Yog leejtwg txaajmuag rua Kuv lub npe hab Kuv tej lug qha nyob rua tam kws tuabneeg tsi muaj Vaajtswv hab nyam ua phem ua qas nuav, tes Tuabneeg Leejtub yuav txaajmuag rua tug ntawd hab, thaus lub sijhawm kws Nwg nrug Nwg cov timtswv dlawbhuv lug sau ntuj lug hab nrug Leejtxiv tug tshwjchim kws ci ntsaa-ab lug.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.