Malakaus 7
7
Cov Yawmkoob Tej Lug Qha
(Mathais 15:1-9)
1Muaj cov Falixais hab cov xwbfwb kws qha Kevcai qeeleej tuaj nraag lub nroog Yeluxalees tuaj cuag Yexus. 2Puab pum Yexus cov thwjtim qeeleej xuas teg noj mov kws txuj kevcai qha has tas tsi huv, qhov ntawd yog puab tsi xub ntxuav teg uantej noj mov.
( 3Vim yog cov Falixais hab cov Yudais coj lawvle puab cov yawmkoob tau qha rua puab lawm has tas yog puab tsi tau ntxuav teg lawvle kevcai, puab yuavtsum tsi xob noj mov. 4Thaus puab moog tom kab lug, yog puab tsi tau ua kevcai ntxuav, puab yeej tsi noj dlaabtsi le.#7:4: yog puab tsi tau ua kevcai ntxuav, puab yeej tsi noj dlaabtsi le; lossis ib yaam dlaabtsi kws puab yuav tom kab lug, puab yuavtsum xub ntxuav puab tugkheej uantej tsaiv, puab maamle noj. Hab puab tseem coj ntau txuj kevcai, tsi has kev ntxuav laujkaub, taig-dlav, tej taig tooj lab hab tej txaaj pw.#7:4: Tej phoo ntawv qub kws xuas teg sau tsi muaj tej txaaj pw.)
5Vimle nuav, cov Falixais hab cov xwbfwb kws qha Kevcai txhaj nug Yexus has tas, “Uacaag Koj cov thwjtim tsi ua lawvle peb cov yawmkoob tej lug kws ibtxwm qha rua peb; puab tsi xub ua kevcai ntxuav teg tsaiv maamle noj mov?”
6Yexus teb tas, “Qhov kws Yaxayas, kws yog tug xwbfwb cev Vaajtswv lug tau has txug mej ntawd yeej muaj tseeb tag! Mej yog cov nam tuabneeg ntsejmuag ncaaj sabnkhaus, lawvle nwg sau tseg has tas:
“ ‘Vaajtswv has tas cov tuabneeg nuav lub ncauj qhuas Kuv
tabsis puab lub sab nyob dleb Kuv heev.
7Qhov kws puab pehawm Kuv tsi muaj qaabhau le,
ruaqhov puab muab tuabneeg tej kevcai
qha ib yaam le tej ntawd yog Kuv tej kevcai!’ #Yaxaya 29:13 (LXX)
8“Nwgnuav mej tsi coj lawvle Vaajtswv tej kevcai, mej ho moog coj lawvle tuabneeg tej kevcai kws ibtxwm coj lug.”
9Hab Yexus has ntxiv tas, “Uacaag mej yuav ntse ualuaj le? Mej muab Vaajtswv txuj kevcai tsotseg, kuas mej txhaj tau kev moog ua lawvle mej tej kevcai. 10Mauxes tau xaaj tseg has tas, ‘Koj yuavtsum fwm koj nam koj txiv,’ hab, ‘Yog leejtwg tshev nwg nam nwg txiv, yuavtsum muab tug ntawd tua kuas tuag.’ #Tsiv 20:12; 2Kev 5:16; Tsiv 21:17; Levi 20:9 11Tabsis mej qha has tas, yog leejtwg muaj ib yaam dlaabtsi kws yuav siv lug paab tau nwg nam nwg txiv, tabsis nwg has tas, ‘Yaam nuav yog Kulanpaas’ (kws txhais has tas yaam nuav tub muab rua Vaajtswv lawm), 12tes tsi taag yuav paab nwg nam nwg txiv lawm. 13Mej ua le nuav tub yog mej ua saib tsi taug Vaajtswv Txujlug, hab tseem muaj ntau yaam kws mej ua zoole nuav.”
Tej Kws Ua Rua Tuabneeg Tsi Huv
(Mathais 15:10-20)
14Yexus rov hu cov tuabneeg coob-coob lug cuag Nwg hab has rua puab tas, “Mej txhua tug ua tuabzoo noog Kuv has, mej txhaj totaub. 15Tsi muaj ib yaam dlaabtsi nyob saabnrau nuav kws nkaag tau moog rua huv tuabneeg lub cev, es ua rua tuabneeg cale tsi huv lawvle txuj kevcai; tabsis yog tej kws tawm huv tuabneeg lub sab lug ntaag lau, ua rua tuabneeg tsi huv.” 16#7:16: Tej phoo ntawv qub kws xuas teg sau ntxiv nqai 16 kws has tas: Yog leejtwg muaj qhovntsej, cale noog! (saib 4:23).
17Thaus Yexus ncaim cov tuabneeg coob-coob ntawd moog rua huv tsev lawm, Nwg cov thwjtim lug thov kuas Nwg txhais zaaj lug pevtxwv ntawd. 18Yexus teb puab has tas, “Mej hab puab tes ntse tuabyaam nkaus. Mej tseem tsi totaub hab lov? Yeej tsi muaj ib yaam dlaabtsi nyob saabnrau nuav kws nkaag tau moog rua huv tuabneeg es txawm yuav cale ua rua tuabneeg tsi huv tau, 19ruaqhov tej ntawd tsi moog rua huv tuabneeg lub sab, tabsis moog rua huv tuabneeg lub plaab hab tawm dlhau moog lawm xwb.” (Yexus qha le nuav, yog Nwg has tas, txhua yaam zaub-mov puavleej huv taagnrho.)
20Yexus has ntxiv tas, “Tej kws tawm huv tuabneeg lug, tej ntawd txhaj ua rua tuabneeg tsi huv. 21Ruaqhov tej kws tawm huv nruabnrog kws yog nruabsab lug, tej ntawd ua rua tuabneeg muaj tswvyim ua phem, coj tau tuabneeg moog ua kev nkauj kev nraug, ua tubsaab, tua tuabneeg, 22dleev luas quaspuj luas quasyawg, ntshaw luas tug, ua txhua yaam txhua tsaav kev phem; dlaag-ntxag, tsi paub txaajmuag, khib, xyaav lwmtug moo, khaavtheeb, hab ua le tuabneeg ruag. 23Txhua yaam kev phem nuav puavleej yog tawm huv tuabneeg lub sab lug, hab ua rua tuabneeg tsi huv.”
Tug Quaspuj Kana-aas Kev Ntseeg
(Mathais 15:21-28)
24Tomqaab ntawd Yexus moog rua peg cheebtsaam kws ze lub nroog Thailes. Nwg moog rua huv ib lub tsev, Nwg tsi xaav pub leejtwg paub tas Nwg nyob huv, tabsis Nwg nraim tsi tau. 25Muaj ib tug quaspuj, nwg tug ntxhais muaj ib tug ntsujplig phem tau lug nyob rua huv nwg. Tug quaspuj ntawd nov tas Yexus tuaj, nwg txawm tuaj txhuscaug ndlua ntawm Yexus kutaw. 26Tug quaspuj ntawd tsi yog tuabneeg Yudais, nwg yug huv Faunixias kws yog tebchaws Xilias. Nwg thov kuas Yexus ntab tug dlaab ntawd tawm huv nwg tug ntxhais moog. 27Tabsis Yexus has tas, “Ca cov mivnyuas noj kuas tsau tsaiv, ruaqhov tsi tsimnyog yuav muab mivnyuas tej mov pov rua dlev noj.”
28Tug quaspuj ntawd teb tas, “Tug Tswv, txawm le ntawd los tej dlev kws nyob huvqaab rooj, yeej tau noj mivnyuas tej qub mov hab!”
29Yexus txawm has rua nwg tas, “Vim yog koj lulug teb ko, cale rovqaab moog tsev, koj yuav pum tas tug dlaab ntawd tub tawm huv koj tug ntxhais moog lawm!”
30Nwg txawm rov moog tsev hab pum nwg tug ntxhais pw sau txaaj, tug dlaab tub tawm huv nwg moog lawm.
Yexus Khu Tug Txivneej Laagntseg Hab Has Tsi Tau Lug
31Dlhau ntawd Yexus tawm huv cheebtsaam Thailes hab hlaa lub nroog Xidoos moog rua nraag Havtxwv Kalilais kws yog taug txujkev moog rua nraag cheebtsaam Dekapaulis.#7:31: Qhov ntawd yog kaum lub zog. 32Muaj ib cov tuabneeg coj ib tug txivneej laagntseg hab has tsi tshua tau lug tuaj cuag Yexus hab thov Yexus tsaa teg rua sau nwg. 33Yexus txhaj coj tug txivneej ntawd tawm moog rua ib qho nrug dleb ntawm cov tuabneeg coob-coob. Yexus muab ntivteg ntxig rua huv tug txivneej ntawd ob lub qhovntsej, Nwg nti quavncaug rua ntawm Nwg le ntivteg hab muab pleev tug ntawd tug nplaig. 34Yexus tsaa qhovmuag saib sau ntuj hab Nwg hlu ib suab, tes Nwg txawm has rua tug txivneej ntawd tas, “Efathas,” kws txhais has tas, “Cale qheb hlo!”
35Taamsim ntawd tug txivneej txawm nov lug, nwg tug nplaig txawm muas hab has tau lug meej lawm. 36Yexus txwv tsi pub suavdlawg qha zaaj nuav rua leejtwg le; tabsis Yexus yim txwv los puab yim has nrov-nchaa heev ntxiv xwb. 37Txhua tug kws nov tej nuav xaav tsi thoob le, puab sisthaam has tas, “Txhua yaam kws Nwg ua puavleej zoo huv tuabsi. Txawm yog tej tuabneeg laagntseg los Nwg khu tau kuas nov hab tej tuabneeg kws has tsi tau lug los Nwg khu kuas rov has tau!”
Currently Selected:
Malakaus 7: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Malakaus 7
7
Cov Yawmkoob Tej Lug Qha
(Mathais 15:1-9)
1Muaj cov Falixais hab cov xwbfwb kws qha Kevcai qeeleej tuaj nraag lub nroog Yeluxalees tuaj cuag Yexus. 2Puab pum Yexus cov thwjtim qeeleej xuas teg noj mov kws txuj kevcai qha has tas tsi huv, qhov ntawd yog puab tsi xub ntxuav teg uantej noj mov.
( 3Vim yog cov Falixais hab cov Yudais coj lawvle puab cov yawmkoob tau qha rua puab lawm has tas yog puab tsi tau ntxuav teg lawvle kevcai, puab yuavtsum tsi xob noj mov. 4Thaus puab moog tom kab lug, yog puab tsi tau ua kevcai ntxuav, puab yeej tsi noj dlaabtsi le.#7:4: yog puab tsi tau ua kevcai ntxuav, puab yeej tsi noj dlaabtsi le; lossis ib yaam dlaabtsi kws puab yuav tom kab lug, puab yuavtsum xub ntxuav puab tugkheej uantej tsaiv, puab maamle noj. Hab puab tseem coj ntau txuj kevcai, tsi has kev ntxuav laujkaub, taig-dlav, tej taig tooj lab hab tej txaaj pw.#7:4: Tej phoo ntawv qub kws xuas teg sau tsi muaj tej txaaj pw.)
5Vimle nuav, cov Falixais hab cov xwbfwb kws qha Kevcai txhaj nug Yexus has tas, “Uacaag Koj cov thwjtim tsi ua lawvle peb cov yawmkoob tej lug kws ibtxwm qha rua peb; puab tsi xub ua kevcai ntxuav teg tsaiv maamle noj mov?”
6Yexus teb tas, “Qhov kws Yaxayas, kws yog tug xwbfwb cev Vaajtswv lug tau has txug mej ntawd yeej muaj tseeb tag! Mej yog cov nam tuabneeg ntsejmuag ncaaj sabnkhaus, lawvle nwg sau tseg has tas:
“ ‘Vaajtswv has tas cov tuabneeg nuav lub ncauj qhuas Kuv
tabsis puab lub sab nyob dleb Kuv heev.
7Qhov kws puab pehawm Kuv tsi muaj qaabhau le,
ruaqhov puab muab tuabneeg tej kevcai
qha ib yaam le tej ntawd yog Kuv tej kevcai!’ #Yaxaya 29:13 (LXX)
8“Nwgnuav mej tsi coj lawvle Vaajtswv tej kevcai, mej ho moog coj lawvle tuabneeg tej kevcai kws ibtxwm coj lug.”
9Hab Yexus has ntxiv tas, “Uacaag mej yuav ntse ualuaj le? Mej muab Vaajtswv txuj kevcai tsotseg, kuas mej txhaj tau kev moog ua lawvle mej tej kevcai. 10Mauxes tau xaaj tseg has tas, ‘Koj yuavtsum fwm koj nam koj txiv,’ hab, ‘Yog leejtwg tshev nwg nam nwg txiv, yuavtsum muab tug ntawd tua kuas tuag.’ #Tsiv 20:12; 2Kev 5:16; Tsiv 21:17; Levi 20:9 11Tabsis mej qha has tas, yog leejtwg muaj ib yaam dlaabtsi kws yuav siv lug paab tau nwg nam nwg txiv, tabsis nwg has tas, ‘Yaam nuav yog Kulanpaas’ (kws txhais has tas yaam nuav tub muab rua Vaajtswv lawm), 12tes tsi taag yuav paab nwg nam nwg txiv lawm. 13Mej ua le nuav tub yog mej ua saib tsi taug Vaajtswv Txujlug, hab tseem muaj ntau yaam kws mej ua zoole nuav.”
Tej Kws Ua Rua Tuabneeg Tsi Huv
(Mathais 15:10-20)
14Yexus rov hu cov tuabneeg coob-coob lug cuag Nwg hab has rua puab tas, “Mej txhua tug ua tuabzoo noog Kuv has, mej txhaj totaub. 15Tsi muaj ib yaam dlaabtsi nyob saabnrau nuav kws nkaag tau moog rua huv tuabneeg lub cev, es ua rua tuabneeg cale tsi huv lawvle txuj kevcai; tabsis yog tej kws tawm huv tuabneeg lub sab lug ntaag lau, ua rua tuabneeg tsi huv.” 16#7:16: Tej phoo ntawv qub kws xuas teg sau ntxiv nqai 16 kws has tas: Yog leejtwg muaj qhovntsej, cale noog! (saib 4:23).
17Thaus Yexus ncaim cov tuabneeg coob-coob ntawd moog rua huv tsev lawm, Nwg cov thwjtim lug thov kuas Nwg txhais zaaj lug pevtxwv ntawd. 18Yexus teb puab has tas, “Mej hab puab tes ntse tuabyaam nkaus. Mej tseem tsi totaub hab lov? Yeej tsi muaj ib yaam dlaabtsi nyob saabnrau nuav kws nkaag tau moog rua huv tuabneeg es txawm yuav cale ua rua tuabneeg tsi huv tau, 19ruaqhov tej ntawd tsi moog rua huv tuabneeg lub sab, tabsis moog rua huv tuabneeg lub plaab hab tawm dlhau moog lawm xwb.” (Yexus qha le nuav, yog Nwg has tas, txhua yaam zaub-mov puavleej huv taagnrho.)
20Yexus has ntxiv tas, “Tej kws tawm huv tuabneeg lug, tej ntawd txhaj ua rua tuabneeg tsi huv. 21Ruaqhov tej kws tawm huv nruabnrog kws yog nruabsab lug, tej ntawd ua rua tuabneeg muaj tswvyim ua phem, coj tau tuabneeg moog ua kev nkauj kev nraug, ua tubsaab, tua tuabneeg, 22dleev luas quaspuj luas quasyawg, ntshaw luas tug, ua txhua yaam txhua tsaav kev phem; dlaag-ntxag, tsi paub txaajmuag, khib, xyaav lwmtug moo, khaavtheeb, hab ua le tuabneeg ruag. 23Txhua yaam kev phem nuav puavleej yog tawm huv tuabneeg lub sab lug, hab ua rua tuabneeg tsi huv.”
Tug Quaspuj Kana-aas Kev Ntseeg
(Mathais 15:21-28)
24Tomqaab ntawd Yexus moog rua peg cheebtsaam kws ze lub nroog Thailes. Nwg moog rua huv ib lub tsev, Nwg tsi xaav pub leejtwg paub tas Nwg nyob huv, tabsis Nwg nraim tsi tau. 25Muaj ib tug quaspuj, nwg tug ntxhais muaj ib tug ntsujplig phem tau lug nyob rua huv nwg. Tug quaspuj ntawd nov tas Yexus tuaj, nwg txawm tuaj txhuscaug ndlua ntawm Yexus kutaw. 26Tug quaspuj ntawd tsi yog tuabneeg Yudais, nwg yug huv Faunixias kws yog tebchaws Xilias. Nwg thov kuas Yexus ntab tug dlaab ntawd tawm huv nwg tug ntxhais moog. 27Tabsis Yexus has tas, “Ca cov mivnyuas noj kuas tsau tsaiv, ruaqhov tsi tsimnyog yuav muab mivnyuas tej mov pov rua dlev noj.”
28Tug quaspuj ntawd teb tas, “Tug Tswv, txawm le ntawd los tej dlev kws nyob huvqaab rooj, yeej tau noj mivnyuas tej qub mov hab!”
29Yexus txawm has rua nwg tas, “Vim yog koj lulug teb ko, cale rovqaab moog tsev, koj yuav pum tas tug dlaab ntawd tub tawm huv koj tug ntxhais moog lawm!”
30Nwg txawm rov moog tsev hab pum nwg tug ntxhais pw sau txaaj, tug dlaab tub tawm huv nwg moog lawm.
Yexus Khu Tug Txivneej Laagntseg Hab Has Tsi Tau Lug
31Dlhau ntawd Yexus tawm huv cheebtsaam Thailes hab hlaa lub nroog Xidoos moog rua nraag Havtxwv Kalilais kws yog taug txujkev moog rua nraag cheebtsaam Dekapaulis.#7:31: Qhov ntawd yog kaum lub zog. 32Muaj ib cov tuabneeg coj ib tug txivneej laagntseg hab has tsi tshua tau lug tuaj cuag Yexus hab thov Yexus tsaa teg rua sau nwg. 33Yexus txhaj coj tug txivneej ntawd tawm moog rua ib qho nrug dleb ntawm cov tuabneeg coob-coob. Yexus muab ntivteg ntxig rua huv tug txivneej ntawd ob lub qhovntsej, Nwg nti quavncaug rua ntawm Nwg le ntivteg hab muab pleev tug ntawd tug nplaig. 34Yexus tsaa qhovmuag saib sau ntuj hab Nwg hlu ib suab, tes Nwg txawm has rua tug txivneej ntawd tas, “Efathas,” kws txhais has tas, “Cale qheb hlo!”
35Taamsim ntawd tug txivneej txawm nov lug, nwg tug nplaig txawm muas hab has tau lug meej lawm. 36Yexus txwv tsi pub suavdlawg qha zaaj nuav rua leejtwg le; tabsis Yexus yim txwv los puab yim has nrov-nchaa heev ntxiv xwb. 37Txhua tug kws nov tej nuav xaav tsi thoob le, puab sisthaam has tas, “Txhua yaam kws Nwg ua puavleej zoo huv tuabsi. Txawm yog tej tuabneeg laagntseg los Nwg khu tau kuas nov hab tej tuabneeg kws has tsi tau lug los Nwg khu kuas rov has tau!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.