Levis Kevcai 9
9
Aloos Fij Khoom Rua Vaajtswv
1Thaus txug nub thib yim, Mauxes txawm hu Aloos, Aloos cov tub hab cov Yixalayees tej thawjcoj tuaj cuag nwg. 2Nwg has rua Aloos has tas, “Cale coj ib tug ntsuag nyuj hab ib tug laug yaaj kws tsi muaj ib qhov phem le tuaj hab muab tua fij rua tug TSWV; tug ntsuag nyuj yog muab fij dlaws txim hab tug laug yaaj yog muab hlawv fij. 3Hab koj has rua cov Yixalayees has tas, ‘Mej yuavtsum coj ib tug laug tshis moog fij dlaws txim, ib tug ntsuag nyuj kws muaj ib xyoos hab ib tug laug yaaj kws muaj ib xyoos kws tsi muaj ib qhov phem le moog tua hlawv fij, 4hab muab ib tug ntsuag nyuj hab tug laug yaaj tua fij ua kev sis raugzoo. Mej muab cov tsaj nuav fij rua tug TSWV nrug tej ncuav kws zuaj xyaw roj lawm. Mej yuavtsum ua le nuav, ruaqhov nubnua tug TSWV yuav lug tshwm rua mej pum.’ ”
5Puab coj txhua yaam tuaj tso rua ntawm hauvntej ntawm lub Tsevntaub Sisntsib lawvle Mauxes tau xaaj rua puab, hab taagnrho cov pejxeem tuaj sissau pehawm tug TSWV rua ntawm qhov chaw ntawd. 6Mauxes has tas, “Tug TSWV tau xaaj kuas mej cale ua txhua yaam nuav, sub Nwg tug tshwjchim kws ci ntsaa-ab txhaj yuav tshwm lug rua mej pum.” 7Tes Mauxes has rua Aloos has tas, “Cale moog rua tom lub thaaj hab muab tej khoom fij dlaws txim hab hlawv khoom fij dlaws koj hab cov pejxeem lub txim. Muab tej khoom nuav moog fij dlaws cov pejxeem lub txim lawvle tug TSWV tau xaaj tseg lawm.” #Henpl 7:27
8Aloos txhaj moog rua tom lub thaaj hab muab tug ntsuag nyuj tua fij dlaws nwg lub txim. 9Nwg cov tub nqaa cov ntshaav lug rua nwg, nwg muab nwg tug ntivteg tub cov ntshaav hab coj moog pleev rua lub thaaj plaub tug kub sau plaub cegkaum thaaj, hab cov kws seem muab laub ywg thoobplawg lub taw thaaj. 10Tes nwg muab cov roj, ob lub raum, hab nplais sab kws zoo tshaajplawg coj moog hlawv rua sau lub thaaj lawvle tug TSWV tau xaaj rua Mauxes lawm. 11Tabsis nwg coj cov nqaj hab dlaim tawv moog hlawv rua saabnrau ntug yeej.
12Nwg tua tsaj hlawv fij dlaws nwg lub txim. Nwg cov tub nqaa cov ntshaav tsaj lug rua nwg, hab nwg muab laub ywg thoobplawg lub thaaj ntawd plaub saab huv tuabsi. 13Puab nqaa lub taubhau tsaj hab cov nqaj lug rua nwg, hab nwg muab coj moog hlawv rua sau lub thaaj. 14Tes nwg muab lub plaab hab cov nyuv, sab-ntsws, hab ob cegqaab ntxuav hab coj moog hlawv rua sau lub thaaj, nrug cov khoom fij kws muab hlawv ntawd.
15Tomqaab ntawd, nwg maamle muab cov pejxeem tej khoom lug fij. Nwg muab tug tshis kws coj lug fij dlaws cov pejxeem lub txim, muab tua hab muab tug tshis ntawd fij, nwg ua ib yaam le nwg tau ua dlaws nwg lub txim uantej ntawd lawm hab. 16Nwg tseem muab tsaj tua hlawv ua khoom fij hab muab tug tsaj ntawd fij lawvle kevcai. 17Nwg muab tej qoobloo coj moog fij hab yawm ib phoovteg moov nplej coj moog hlawv rua sau lub thaaj. (Qhov nuav yog fij ntxiv rua cov khoom kws najnub coj moog hlawv fij.)
18Nwg muab tug txiv nyuj hab tug laug yaaj fij ua kev sis raugzoo rua cov pejxeem. Nwg cov tub nqaa cov ntshaav tsaj lug rua nwg, hab nwg muab coj moog nchus thoobplawg lub thaaj ntawd plaub saab huv tuabsi. #Levi 3:1-11 19Aloos muab tug nyuj hab tug yaaj tej nqaj rog coj moog 20tso tshooj rua sau ob lub hauvnrob hab muab nqaa taagnrho coj moog tso rua sau lub thaaj. Nwg muab cov nqaj rog ntawd hlawv rua sau lub thaaj 21hab muab ob lub hauvnrob hab cegqaab saab xis coj moog yom fij rua tug TSWV ua cov povthawj hlub tug, lawvle Mauxes tau xaaj tseg lawm.
22Thaus Aloos fij khoom dlaws txim, hlawv khoom fij, hab fij khoom ua kev sis raugzoo taag lawm, nwg txawm tsaa nwg ob txhais teg rua sau cov pejxeem, foom koobmoov rua puab hab nqeg sau lub thaaj lug. #Teev 6:22-26 23Mauxes hab Aloos obtug moog rua tom lub Tsevntaub Sisntsib, hab thaus obtug tawm lug, obtug foom koobmoov rua cov pejxeem tes tug TSWV tug tshwjchim txawm ci ntsaa-ab lug rua cov pejxeem suavdlawg pum. 24Taamsim ntawd, tug TSWV txawm tso suavtawg lug kub cov khoom fij hab tej nqaj rog sau lub thaaj huv tuabsi. Thaus cov pejxeem pum le ntawd, puab txhaj qw hab nyo hau ti nkaus rua huv aav pehawm tug TSWV.
Currently Selected:
Levis Kevcai 9: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 9
9
Aloos Fij Khoom Rua Vaajtswv
1Thaus txug nub thib yim, Mauxes txawm hu Aloos, Aloos cov tub hab cov Yixalayees tej thawjcoj tuaj cuag nwg. 2Nwg has rua Aloos has tas, “Cale coj ib tug ntsuag nyuj hab ib tug laug yaaj kws tsi muaj ib qhov phem le tuaj hab muab tua fij rua tug TSWV; tug ntsuag nyuj yog muab fij dlaws txim hab tug laug yaaj yog muab hlawv fij. 3Hab koj has rua cov Yixalayees has tas, ‘Mej yuavtsum coj ib tug laug tshis moog fij dlaws txim, ib tug ntsuag nyuj kws muaj ib xyoos hab ib tug laug yaaj kws muaj ib xyoos kws tsi muaj ib qhov phem le moog tua hlawv fij, 4hab muab ib tug ntsuag nyuj hab tug laug yaaj tua fij ua kev sis raugzoo. Mej muab cov tsaj nuav fij rua tug TSWV nrug tej ncuav kws zuaj xyaw roj lawm. Mej yuavtsum ua le nuav, ruaqhov nubnua tug TSWV yuav lug tshwm rua mej pum.’ ”
5Puab coj txhua yaam tuaj tso rua ntawm hauvntej ntawm lub Tsevntaub Sisntsib lawvle Mauxes tau xaaj rua puab, hab taagnrho cov pejxeem tuaj sissau pehawm tug TSWV rua ntawm qhov chaw ntawd. 6Mauxes has tas, “Tug TSWV tau xaaj kuas mej cale ua txhua yaam nuav, sub Nwg tug tshwjchim kws ci ntsaa-ab txhaj yuav tshwm lug rua mej pum.” 7Tes Mauxes has rua Aloos has tas, “Cale moog rua tom lub thaaj hab muab tej khoom fij dlaws txim hab hlawv khoom fij dlaws koj hab cov pejxeem lub txim. Muab tej khoom nuav moog fij dlaws cov pejxeem lub txim lawvle tug TSWV tau xaaj tseg lawm.” #Henpl 7:27
8Aloos txhaj moog rua tom lub thaaj hab muab tug ntsuag nyuj tua fij dlaws nwg lub txim. 9Nwg cov tub nqaa cov ntshaav lug rua nwg, nwg muab nwg tug ntivteg tub cov ntshaav hab coj moog pleev rua lub thaaj plaub tug kub sau plaub cegkaum thaaj, hab cov kws seem muab laub ywg thoobplawg lub taw thaaj. 10Tes nwg muab cov roj, ob lub raum, hab nplais sab kws zoo tshaajplawg coj moog hlawv rua sau lub thaaj lawvle tug TSWV tau xaaj rua Mauxes lawm. 11Tabsis nwg coj cov nqaj hab dlaim tawv moog hlawv rua saabnrau ntug yeej.
12Nwg tua tsaj hlawv fij dlaws nwg lub txim. Nwg cov tub nqaa cov ntshaav tsaj lug rua nwg, hab nwg muab laub ywg thoobplawg lub thaaj ntawd plaub saab huv tuabsi. 13Puab nqaa lub taubhau tsaj hab cov nqaj lug rua nwg, hab nwg muab coj moog hlawv rua sau lub thaaj. 14Tes nwg muab lub plaab hab cov nyuv, sab-ntsws, hab ob cegqaab ntxuav hab coj moog hlawv rua sau lub thaaj, nrug cov khoom fij kws muab hlawv ntawd.
15Tomqaab ntawd, nwg maamle muab cov pejxeem tej khoom lug fij. Nwg muab tug tshis kws coj lug fij dlaws cov pejxeem lub txim, muab tua hab muab tug tshis ntawd fij, nwg ua ib yaam le nwg tau ua dlaws nwg lub txim uantej ntawd lawm hab. 16Nwg tseem muab tsaj tua hlawv ua khoom fij hab muab tug tsaj ntawd fij lawvle kevcai. 17Nwg muab tej qoobloo coj moog fij hab yawm ib phoovteg moov nplej coj moog hlawv rua sau lub thaaj. (Qhov nuav yog fij ntxiv rua cov khoom kws najnub coj moog hlawv fij.)
18Nwg muab tug txiv nyuj hab tug laug yaaj fij ua kev sis raugzoo rua cov pejxeem. Nwg cov tub nqaa cov ntshaav tsaj lug rua nwg, hab nwg muab coj moog nchus thoobplawg lub thaaj ntawd plaub saab huv tuabsi. #Levi 3:1-11 19Aloos muab tug nyuj hab tug yaaj tej nqaj rog coj moog 20tso tshooj rua sau ob lub hauvnrob hab muab nqaa taagnrho coj moog tso rua sau lub thaaj. Nwg muab cov nqaj rog ntawd hlawv rua sau lub thaaj 21hab muab ob lub hauvnrob hab cegqaab saab xis coj moog yom fij rua tug TSWV ua cov povthawj hlub tug, lawvle Mauxes tau xaaj tseg lawm.
22Thaus Aloos fij khoom dlaws txim, hlawv khoom fij, hab fij khoom ua kev sis raugzoo taag lawm, nwg txawm tsaa nwg ob txhais teg rua sau cov pejxeem, foom koobmoov rua puab hab nqeg sau lub thaaj lug. #Teev 6:22-26 23Mauxes hab Aloos obtug moog rua tom lub Tsevntaub Sisntsib, hab thaus obtug tawm lug, obtug foom koobmoov rua cov pejxeem tes tug TSWV tug tshwjchim txawm ci ntsaa-ab lug rua cov pejxeem suavdlawg pum. 24Taamsim ntawd, tug TSWV txawm tso suavtawg lug kub cov khoom fij hab tej nqaj rog sau lub thaaj huv tuabsi. Thaus cov pejxeem pum le ntawd, puab txhaj qw hab nyo hau ti nkaus rua huv aav pehawm tug TSWV.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.