Levis Kevcai 8
8
Tsaa Aloos Hab Nwg Cov Tub Ua Povthawj Hlub
(Tsiv Dlim 29:1-37)
1Tug TSWV has rua Mauxes tas, 2“Koj cale coj Aloos hab nwg cov tub moog rua tom lub qhovrooj kws yuav nkaag moog rua huv lub Tsevntaub Sisntsib, hab nqaa cov rigtsho kws cov povthawj hlub naav, cov roj txhawb meejthawj, ib tug ntsuag nyuj kws siv rua kev fij dlaws txim, ob tug laug yaaj, ib tawb ncuav tsi xyaw keeb, 3hab hu taagnrho cov Yixalayees tuaj sissau rua tod.”
4Mauxes txawm ua lawvle tug TSWV tau xaaj rua nwg. Thaus cov Yixalayees tuaj sissau txhij lawm, 5nwg txhaj has rua puab tas, “Nuav yog yaam kws tug TSWV tau xaaj kuas peb ua.”
6Tes Mauxes txhaj moog coj Aloos hab nwg cov tub lug hab muab dlej lug ua kevcai ntxuav puab. 7Nwg muab lub tsho hab lub tsho ntev rua Aloos naav hab muab txuj hlaab rua Aloos sa. Nwg muab lub tsho efauj#8:7: efauj: Saib Cov Lug Txhais kws teev rua tomqaab. rua Aloos naav tuaj saabnrau hab muab txuj hlaab ntaub maag zoo-zoo lug rua nwg paav dluav. 8Nwg muab lub awv lug npug Aloos hauvsab hab muab lub Ulees hab lub Thumees#8:8: lub Ulees hab lub Thumees: Ob lub nuav, yog tug povthawj hlub siv kuas paub Vaajtswv lub sab nyam, tabsis tsi paub sov cov povthawj siv lecaag. ntsaws rua huv dlaim awv ntawd. 9Nwg muab txuj phuam rua Aloos ntoo hab muab dlaim phaj kub dlawbhuv dlai rua ntawm txuj phuam ntawm Aloos hauvplaj lawvle tug TSWV tau xaaj rua nwg lawm.
10Tes Mauxes txawm muab cov roj txhawb meejthawj nchus rua lub Tsevntaub Sisntsib, hab txhua yaam kws nyob huv lub Tsevntaub. Qhov kws ua le nuav yog nwg muab txhua yaam fij rua tug TSWV. 11Nwg tseem muab ib qhov roj moog nchus xyaa zag rua lub thaaj hab tej cuabyeej sau lub thaaj, hab nchus rua lub phab tooj hab lub taw phab hab muab tej ntawd fij rua tug TSWV. 12Mauxes muab cov roj txhawb meejthawj laub rua sau Aloos taubhau tsaa nwg ua povthawj hlub. 13Tomqaab ntawd, Mauxes maamle coj Aloos cov tub lug rua tom hauvntej, nwg muab tsho rua puab naav, muab hlaab rua puab sa hab muab phuam rua puab ntoo lawvle tug TSWV tau xaaj tseg lawm.
14Tes Mauxes txawm muab ib tug ntsuag nyuj lug ua kevcai fij dlaws txim. Aloos hab Aloos cov tub tsaa teg rua sau tug nyuj ntawd taubhau. 15Mauxes txhaj muab tug nyuj ntawd tua hab nqaa ib qhov ntshaav, hab nwg muab ntivteg tub cov ntshaav ntawd coj moog pleev rua plaub tug kub sau plaub cegkaum thaaj ua kevcai ntxuav lub thaaj. Nwg muab cov ntshaav kws seem moog laub ywg thoobplawg lub taw thaaj. Qhov kws nwg ua le nuav yog nwg fij lub thaaj hab ua kevcai ntxuav lub thaaj. 16Mauxes muab cov npluag roj kws qhwv lub plaab hab cov nyuv, nplais sab kws zoo tshaajplawg hab ob lub raum nrug tej npluag roj kws npug ob lub raum coj moog hlawv rua sau lub thaaj. 17Tabsis nwg coj tug nyuj lub cev, dlaim tawv, cov nqaj, hab cov nyuv moog hlawv rua saabnrau ntug yeej, lawvle tug TSWV tau xaaj tseg lawm.
18Dlua le ntawd, Mauxes tseem muab ib tug laug yaaj tua hlawv ua khoom fij, tes Aloos hab Aloos cov tub tsaa teg rua sau tug yaaj ntawd taubhau. 19Mauxes muab tug yaaj ntawd tua hab muab cov ntshaav nchus thoobplawg lub thaaj ntawd plaub saab huv tuabsi. 20-21Nwg muab tug laug yaaj ntawd txav ua tej thooj, muab lub taubhau, cov roj, hab taagnrho tej nqaj coj moog hlawv rua sau lub thaaj lawvle tug TSWV tau xaaj tseg lawm. Cov nuav yog khoom noj kws muab hlawv ua khoom fij, ua paa tswqaab ntxag ua rua Tug TSWV txaussab heev.
22Tes Mauxes muab dlua tug laug yaaj thib ob lug tua ua kevcai tsaa cov povthawj hlub; Aloos hab Aloos cov tub tsaa teg rua sau tug yaaj ntawd taubhau. 23Mauxes muab tug yaaj ntawd tua hab muab ib qho ntshaav coj moog pleev Aloos saab taubntseg xis, sab taubteg xis, hab saab taubtaws xis. 24Tes Mauxes maamle moog coj Aloos cov tub lug hab muab ntshaav pleev puab cov taubntseg xis, cov taubteg xis, hab cov taubtaws xis. Mauxes muab cov ntshaav kws seem coj moog nchus thoobplawg lub thaaj ntawd plaub saab huv tuabsi. 25Mauxes muab cov nqaj rog, tug kutwv kws rog-rog, cov npluag roj kws qhwv lub plaab hab cov nyuv, nplais sab kws zoo tshaajplawg, ob lub raum nrug tej npluag roj kws npug ob lub raum, hab cegqaab saab xis. 26Tes nwg muab ib lub ncuav tsi xyaw keeb huv lub tawb kws rau cov ncuav tsi xyaw keeb kws tub muab fij rua tug TSWV lawm, ib lub ncuav zuaj xyaw roj, hab ib lub ncuav nyag-nyag, coj moog tso rua sau cov roj hab cegqaab saab xis. 27Nwg muab taagnrho tej khoom ntawd cob rua Aloos hab Aloos cov tub, tes puab muab yom fij rua tug TSWV. 28Tes Mauxes muab cov khoom ntawd rov lug hab coj moog hlawv uake nrug rua cov khoom fij nyob rua sau lub thaaj kws yog khoom fij ua kevcai tsaa povthawj hlub. Cov nuav yog tej khoom noj hlawv fij kws tswqaab ntxag ua rua tug TSWV txaussab heev. 29Tes Mauxes muab lub hauvnrob coj moog yom fij rua tug TSWV. Tug yaaj kws muab tua ua kevcai tsaa povthawj ntawd yog muab rua Mauxes. Mauxes ua txhua yaam lawvle tug TSWV tau xaaj tseg lawm.
30Mauxes muab ib cov roj txhawb meejthawj hab ib cov ntshaav yaaj sau lub thaaj lug nchus rua Aloos, Aloos cov tub, hab rua puab tej rigtsho. Qhov kws nwg ua le ntawd yog nwg muab puab hab puab tej rigtsho fij rua tug TSWV.
31Mauxes has rua Aloos hab Aloos cov tub has tas, “Nqaa cov nqaj nuav moog hau rua tom lub qhovrooj kws yuav nkaag moog rua huv lub Tsevntaub Sisntsib, hab noj ntxuag cov ncuav tsi xyaw keeb kws nyob huv lub tawb kws muab fij ua kevcai tsaa povthawj hlub lawvle tug TSWV tau xaaj rua kuv lawm has tas, ‘Aloos hab nwg cov tub yuavtsum noj tej ntawd.’ 32Muab tej nqaj lossis tej ncuav kws seem hlawv povtseg huv tuabsi. 33Xyaa nub nkaus mas mej yuavtsum tsi xob tawm ntawm lub qhovrooj kws nkaag moog rua huv lub Tsevntaub Sisntsib hlo le, moog txug nub kws mej ua kevcai tsaa povthawj hlub tav taag tsaiv. 34Tej kws peb ua nubnua yog tug TSWV tau xaaj kuas ua lug dlaws mej tej kev txhum. 35Mej Yuavtsum nyob tuabywv ntawm lub Tsevntaub Sisntsib lub qhovrooj xyaa nub xyaa mo hab ua lawvle tug TSWV tau xaaj tseg lawm. Yog mej tsi ua le ntawd, mej yuav tuag. Nuav yog tej lug kws tug TSWV tau xaaj rua kuv lawm.” 36Yogle ntawd, Aloos hab Aloos cov tub txhaj ua txhua yaam lawvle tej lug kws tug TSWV tau xaaj rua Mauxes kuas has rua puab ntawd.
Currently Selected:
Levis Kevcai 8: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 8
8
Tsaa Aloos Hab Nwg Cov Tub Ua Povthawj Hlub
(Tsiv Dlim 29:1-37)
1Tug TSWV has rua Mauxes tas, 2“Koj cale coj Aloos hab nwg cov tub moog rua tom lub qhovrooj kws yuav nkaag moog rua huv lub Tsevntaub Sisntsib, hab nqaa cov rigtsho kws cov povthawj hlub naav, cov roj txhawb meejthawj, ib tug ntsuag nyuj kws siv rua kev fij dlaws txim, ob tug laug yaaj, ib tawb ncuav tsi xyaw keeb, 3hab hu taagnrho cov Yixalayees tuaj sissau rua tod.”
4Mauxes txawm ua lawvle tug TSWV tau xaaj rua nwg. Thaus cov Yixalayees tuaj sissau txhij lawm, 5nwg txhaj has rua puab tas, “Nuav yog yaam kws tug TSWV tau xaaj kuas peb ua.”
6Tes Mauxes txhaj moog coj Aloos hab nwg cov tub lug hab muab dlej lug ua kevcai ntxuav puab. 7Nwg muab lub tsho hab lub tsho ntev rua Aloos naav hab muab txuj hlaab rua Aloos sa. Nwg muab lub tsho efauj#8:7: efauj: Saib Cov Lug Txhais kws teev rua tomqaab. rua Aloos naav tuaj saabnrau hab muab txuj hlaab ntaub maag zoo-zoo lug rua nwg paav dluav. 8Nwg muab lub awv lug npug Aloos hauvsab hab muab lub Ulees hab lub Thumees#8:8: lub Ulees hab lub Thumees: Ob lub nuav, yog tug povthawj hlub siv kuas paub Vaajtswv lub sab nyam, tabsis tsi paub sov cov povthawj siv lecaag. ntsaws rua huv dlaim awv ntawd. 9Nwg muab txuj phuam rua Aloos ntoo hab muab dlaim phaj kub dlawbhuv dlai rua ntawm txuj phuam ntawm Aloos hauvplaj lawvle tug TSWV tau xaaj rua nwg lawm.
10Tes Mauxes txawm muab cov roj txhawb meejthawj nchus rua lub Tsevntaub Sisntsib, hab txhua yaam kws nyob huv lub Tsevntaub. Qhov kws ua le nuav yog nwg muab txhua yaam fij rua tug TSWV. 11Nwg tseem muab ib qhov roj moog nchus xyaa zag rua lub thaaj hab tej cuabyeej sau lub thaaj, hab nchus rua lub phab tooj hab lub taw phab hab muab tej ntawd fij rua tug TSWV. 12Mauxes muab cov roj txhawb meejthawj laub rua sau Aloos taubhau tsaa nwg ua povthawj hlub. 13Tomqaab ntawd, Mauxes maamle coj Aloos cov tub lug rua tom hauvntej, nwg muab tsho rua puab naav, muab hlaab rua puab sa hab muab phuam rua puab ntoo lawvle tug TSWV tau xaaj tseg lawm.
14Tes Mauxes txawm muab ib tug ntsuag nyuj lug ua kevcai fij dlaws txim. Aloos hab Aloos cov tub tsaa teg rua sau tug nyuj ntawd taubhau. 15Mauxes txhaj muab tug nyuj ntawd tua hab nqaa ib qhov ntshaav, hab nwg muab ntivteg tub cov ntshaav ntawd coj moog pleev rua plaub tug kub sau plaub cegkaum thaaj ua kevcai ntxuav lub thaaj. Nwg muab cov ntshaav kws seem moog laub ywg thoobplawg lub taw thaaj. Qhov kws nwg ua le nuav yog nwg fij lub thaaj hab ua kevcai ntxuav lub thaaj. 16Mauxes muab cov npluag roj kws qhwv lub plaab hab cov nyuv, nplais sab kws zoo tshaajplawg hab ob lub raum nrug tej npluag roj kws npug ob lub raum coj moog hlawv rua sau lub thaaj. 17Tabsis nwg coj tug nyuj lub cev, dlaim tawv, cov nqaj, hab cov nyuv moog hlawv rua saabnrau ntug yeej, lawvle tug TSWV tau xaaj tseg lawm.
18Dlua le ntawd, Mauxes tseem muab ib tug laug yaaj tua hlawv ua khoom fij, tes Aloos hab Aloos cov tub tsaa teg rua sau tug yaaj ntawd taubhau. 19Mauxes muab tug yaaj ntawd tua hab muab cov ntshaav nchus thoobplawg lub thaaj ntawd plaub saab huv tuabsi. 20-21Nwg muab tug laug yaaj ntawd txav ua tej thooj, muab lub taubhau, cov roj, hab taagnrho tej nqaj coj moog hlawv rua sau lub thaaj lawvle tug TSWV tau xaaj tseg lawm. Cov nuav yog khoom noj kws muab hlawv ua khoom fij, ua paa tswqaab ntxag ua rua Tug TSWV txaussab heev.
22Tes Mauxes muab dlua tug laug yaaj thib ob lug tua ua kevcai tsaa cov povthawj hlub; Aloos hab Aloos cov tub tsaa teg rua sau tug yaaj ntawd taubhau. 23Mauxes muab tug yaaj ntawd tua hab muab ib qho ntshaav coj moog pleev Aloos saab taubntseg xis, sab taubteg xis, hab saab taubtaws xis. 24Tes Mauxes maamle moog coj Aloos cov tub lug hab muab ntshaav pleev puab cov taubntseg xis, cov taubteg xis, hab cov taubtaws xis. Mauxes muab cov ntshaav kws seem coj moog nchus thoobplawg lub thaaj ntawd plaub saab huv tuabsi. 25Mauxes muab cov nqaj rog, tug kutwv kws rog-rog, cov npluag roj kws qhwv lub plaab hab cov nyuv, nplais sab kws zoo tshaajplawg, ob lub raum nrug tej npluag roj kws npug ob lub raum, hab cegqaab saab xis. 26Tes nwg muab ib lub ncuav tsi xyaw keeb huv lub tawb kws rau cov ncuav tsi xyaw keeb kws tub muab fij rua tug TSWV lawm, ib lub ncuav zuaj xyaw roj, hab ib lub ncuav nyag-nyag, coj moog tso rua sau cov roj hab cegqaab saab xis. 27Nwg muab taagnrho tej khoom ntawd cob rua Aloos hab Aloos cov tub, tes puab muab yom fij rua tug TSWV. 28Tes Mauxes muab cov khoom ntawd rov lug hab coj moog hlawv uake nrug rua cov khoom fij nyob rua sau lub thaaj kws yog khoom fij ua kevcai tsaa povthawj hlub. Cov nuav yog tej khoom noj hlawv fij kws tswqaab ntxag ua rua tug TSWV txaussab heev. 29Tes Mauxes muab lub hauvnrob coj moog yom fij rua tug TSWV. Tug yaaj kws muab tua ua kevcai tsaa povthawj ntawd yog muab rua Mauxes. Mauxes ua txhua yaam lawvle tug TSWV tau xaaj tseg lawm.
30Mauxes muab ib cov roj txhawb meejthawj hab ib cov ntshaav yaaj sau lub thaaj lug nchus rua Aloos, Aloos cov tub, hab rua puab tej rigtsho. Qhov kws nwg ua le ntawd yog nwg muab puab hab puab tej rigtsho fij rua tug TSWV.
31Mauxes has rua Aloos hab Aloos cov tub has tas, “Nqaa cov nqaj nuav moog hau rua tom lub qhovrooj kws yuav nkaag moog rua huv lub Tsevntaub Sisntsib, hab noj ntxuag cov ncuav tsi xyaw keeb kws nyob huv lub tawb kws muab fij ua kevcai tsaa povthawj hlub lawvle tug TSWV tau xaaj rua kuv lawm has tas, ‘Aloos hab nwg cov tub yuavtsum noj tej ntawd.’ 32Muab tej nqaj lossis tej ncuav kws seem hlawv povtseg huv tuabsi. 33Xyaa nub nkaus mas mej yuavtsum tsi xob tawm ntawm lub qhovrooj kws nkaag moog rua huv lub Tsevntaub Sisntsib hlo le, moog txug nub kws mej ua kevcai tsaa povthawj hlub tav taag tsaiv. 34Tej kws peb ua nubnua yog tug TSWV tau xaaj kuas ua lug dlaws mej tej kev txhum. 35Mej Yuavtsum nyob tuabywv ntawm lub Tsevntaub Sisntsib lub qhovrooj xyaa nub xyaa mo hab ua lawvle tug TSWV tau xaaj tseg lawm. Yog mej tsi ua le ntawd, mej yuav tuag. Nuav yog tej lug kws tug TSWV tau xaaj rua kuv lawm.” 36Yogle ntawd, Aloos hab Aloos cov tub txhaj ua txhua yaam lawvle tej lug kws tug TSWV tau xaaj rua Mauxes kuas has rua puab ntawd.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.