Levis Kevcai 10
10
Nadas Hab Anpihus Lub Txim
1Aloos ob tug tub, Nadas hab Anpihus obtug ib leeg nqaa ib taig ncaigtawg, muab cov thee kws tseem cig-cig tso rua huv, muab moov tshuaj tswqaab tso rua hab coj moog fij rua tug TSWV. Tabsis cov ncaigtawg ntawd tsi dlawbhuv, ruaqhov tug TSWV tsi tau xaaj kuas obtug coj cov khoom ntawd moog fij. 2Taamsim ntawd tug TSWV txawm tso suavtawg lug kub kag obtug tuag taabmeeg tug TSWV. 3Tes Mauxes has rua Aloos has tas, “Qhov nuav yog tej lug kws tug TSWV tau has tseg ca lawm has tas, ‘Cov kws ua Kuv tegnum yuavtsum fwm Kuv txuj kev dlawbhuv; Kuv yuav qha Kuv tug tshwjchim rua Kuv tsaav tuabneeg.’ ”#10:3: Kuv yuav qha Kuv tug tshwjchim rua Kuv tsaav tuabneeg; lossis Kuv tsaav tuabneeg yuavtsum saib taug Kuv. Tabsis Aloos nyob tuabywv, tsi has ib lulug le.
4Mauxes hu Aloos tug txivntxawm Uxiyees ob tug tub, Misayees hab Exafas, kuas tuaj cuag nwg, hab nwg has rua obtug has tas, “Meb lug ntawm nuav hab coj meb ob tug kwvtij ob lub cev tawm huv lub Tsevntaub dlawbhuv nuav moog tso rua saabnrau ntug yeej.” 5Yogle ntawd, obtug txhaj lug nqaa ob lub cev tuag nrug rua tej khaubdluag hab coj moog tso rua saabnrau ntug yeej lawvle Mauxes tau xaaj rua obtug.
6Tes Mauxes has rua Aloos hab Aloos ob tug tub kws yog Ele-axas hab Ithamas has tas, “Tsi xob ca mej cov plaubhau ntxhuv nyo lossis dlua mej tej rigtsho kuas luas paub tas mej muaj kev quajntsuag. Yog mej ua le ntawd, mej yuav tuag hab tug TSWV yuav chim rua ibtsoom pejxeem suavdlawg. Tabsis tsocai rua ibtsoom Yixalayees lug quaj rua ob tug tuag kws tug TSWV tau tso suavtawg lug kub ntawd. 7Tsi xob tawm dlhau ntawm lub Tsevntaub Sisntsib lub qhovrooj moog rua saabnrau; yog mej tawm, mej yuav tuag, ruaqhov tub muab tug TSWV cov roj txhawb meejthawj pleev mej lawm.” Puab txawm ua lawvle Mauxes has ntawd.
Kev Tswjfwm Cov Povthawj Hlub
8Tug TSWV has rua Aloos tas, 9“Tomqaab kws koj hab koj cov tub haus cawv txivmaab lossis haus cawv ntsim lawm, mej tsi xob moog huv Kuv lub Tsevntaub Sisntsib; yog mej moog rua huv, mej yuav tuag. Nuav yog txuj kevcai kws koj hab koj caajceg yuavtsum coj ib tam rua ib tam moog le. 10Koj yuavtsum paub cais has tas qhovtwg dlawbhuv hab qhovtwg tsi dlawbhuv, qhovtwg huv hab qhovtwg tsi huv. 11Koj yuavtsum muab taagnrho tej kevcai kws Kuv kuas Mauxes muab rua koj nuav qha rua ibtsoom Yixalayees suavdlawg.”
12Mauxes has rua Aloos hab Aloos ob tug tub kws yog Ele-axas hab Ithamas kws tseem ua neej nyob has tas, “Muab cov moov nplej seem kws fij rua tug TSWV ntawd zuaj ua ib cov ncuav tsi xyaw keeb hab coj moog noj tom lub thaaj ib saab, ruaqhov yog cov khoom fij kws dlawbhuv heev. 13Mej cale coj moog noj huv qhov chaw dlawbhuv, ruaqhov tej khoom kws fij rua tug TSWV ntawd yog koj feem hab koj cov tub feem lawm. Ntawd yog tej kws tug TSWV tau xaaj rua kuv. #Levi 6:14-18 14Tabsis lub hauvnrob hab cegqaab kws muab yom fij rua tug TSWV, koj hab koj cov tub cov ntxhais nrug koj noj huv qhov chaw dlawbhuv, ruaqhov cov khoom fij ua kev sis raugzoo kws cov Yixalayees coj tuaj fij ntawd, yog koj hab koj cov mivnyuas tug. 15Puab yuavtsum nqaa cegqaab hab lub hauvnrob tuaj thaus lub sijhawm kws puab nqaa cov nqaj rog tuaj ua khoom noj fij rua tug TSWV. Cov ntawd yog koj hab koj cov mivnyuas tug moog ibtxhis lawvle tug TSWV tau xaaj tseg lawm.” #Levi 7:30-34
16Thaus Mauxes nug txug tug tshis kws muab tua fij dlaws txim, puab qha has tas puab tub muab tug tshis ntawd hlawv taag lawm. Qhov nuav ua rua nwg chim heev rua Ele-axas hab Ithamas obtug, nwg txhaj nug has tas, 17“Vim lecaag mej tsi coj cov khoom fij dlaws txim nuav moog noj huv qhov chaw dlawbhuv? Ntawd yog yaam khoom fij dlawbhuv, hab tug TSWV tub muab rua mej coj moog fij dlaws cov pejxeem lub txim taabmeeg tug TSWV lawm. #Levi 6:24-26 18Vim tub tsi nqaa cov ntshaav moog rua huv Chaav Dlawbhuv huv lub Tsevntaub, mej yuavtsum noj tej khoom nuav rua huv qhov chaw dlawbhuv lawvle kuv tub has rua mej lawm.”
19Aloos teb tas, “Nubnua cov pejxeem coj puab tej khoom fij dlaws txim moog fij rua tug TSWV, hab puab coj puab tej khoom tuaj hlawv fij huv tuabsi, tabsis tseem muaj tej kev ntshai nuav tshwm lug rua kuv hab. Yog kuv cale noj cov nqaj kws fij dlaws txim ntawd nubnua, puas yuav hum tug TSWV sab?” 20Thaus Mauxes nov le ntawd, nwg kuj txaussab lawm hab.
Currently Selected:
Levis Kevcai 10: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 10
10
Nadas Hab Anpihus Lub Txim
1Aloos ob tug tub, Nadas hab Anpihus obtug ib leeg nqaa ib taig ncaigtawg, muab cov thee kws tseem cig-cig tso rua huv, muab moov tshuaj tswqaab tso rua hab coj moog fij rua tug TSWV. Tabsis cov ncaigtawg ntawd tsi dlawbhuv, ruaqhov tug TSWV tsi tau xaaj kuas obtug coj cov khoom ntawd moog fij. 2Taamsim ntawd tug TSWV txawm tso suavtawg lug kub kag obtug tuag taabmeeg tug TSWV. 3Tes Mauxes has rua Aloos has tas, “Qhov nuav yog tej lug kws tug TSWV tau has tseg ca lawm has tas, ‘Cov kws ua Kuv tegnum yuavtsum fwm Kuv txuj kev dlawbhuv; Kuv yuav qha Kuv tug tshwjchim rua Kuv tsaav tuabneeg.’ ”#10:3: Kuv yuav qha Kuv tug tshwjchim rua Kuv tsaav tuabneeg; lossis Kuv tsaav tuabneeg yuavtsum saib taug Kuv. Tabsis Aloos nyob tuabywv, tsi has ib lulug le.
4Mauxes hu Aloos tug txivntxawm Uxiyees ob tug tub, Misayees hab Exafas, kuas tuaj cuag nwg, hab nwg has rua obtug has tas, “Meb lug ntawm nuav hab coj meb ob tug kwvtij ob lub cev tawm huv lub Tsevntaub dlawbhuv nuav moog tso rua saabnrau ntug yeej.” 5Yogle ntawd, obtug txhaj lug nqaa ob lub cev tuag nrug rua tej khaubdluag hab coj moog tso rua saabnrau ntug yeej lawvle Mauxes tau xaaj rua obtug.
6Tes Mauxes has rua Aloos hab Aloos ob tug tub kws yog Ele-axas hab Ithamas has tas, “Tsi xob ca mej cov plaubhau ntxhuv nyo lossis dlua mej tej rigtsho kuas luas paub tas mej muaj kev quajntsuag. Yog mej ua le ntawd, mej yuav tuag hab tug TSWV yuav chim rua ibtsoom pejxeem suavdlawg. Tabsis tsocai rua ibtsoom Yixalayees lug quaj rua ob tug tuag kws tug TSWV tau tso suavtawg lug kub ntawd. 7Tsi xob tawm dlhau ntawm lub Tsevntaub Sisntsib lub qhovrooj moog rua saabnrau; yog mej tawm, mej yuav tuag, ruaqhov tub muab tug TSWV cov roj txhawb meejthawj pleev mej lawm.” Puab txawm ua lawvle Mauxes has ntawd.
Kev Tswjfwm Cov Povthawj Hlub
8Tug TSWV has rua Aloos tas, 9“Tomqaab kws koj hab koj cov tub haus cawv txivmaab lossis haus cawv ntsim lawm, mej tsi xob moog huv Kuv lub Tsevntaub Sisntsib; yog mej moog rua huv, mej yuav tuag. Nuav yog txuj kevcai kws koj hab koj caajceg yuavtsum coj ib tam rua ib tam moog le. 10Koj yuavtsum paub cais has tas qhovtwg dlawbhuv hab qhovtwg tsi dlawbhuv, qhovtwg huv hab qhovtwg tsi huv. 11Koj yuavtsum muab taagnrho tej kevcai kws Kuv kuas Mauxes muab rua koj nuav qha rua ibtsoom Yixalayees suavdlawg.”
12Mauxes has rua Aloos hab Aloos ob tug tub kws yog Ele-axas hab Ithamas kws tseem ua neej nyob has tas, “Muab cov moov nplej seem kws fij rua tug TSWV ntawd zuaj ua ib cov ncuav tsi xyaw keeb hab coj moog noj tom lub thaaj ib saab, ruaqhov yog cov khoom fij kws dlawbhuv heev. 13Mej cale coj moog noj huv qhov chaw dlawbhuv, ruaqhov tej khoom kws fij rua tug TSWV ntawd yog koj feem hab koj cov tub feem lawm. Ntawd yog tej kws tug TSWV tau xaaj rua kuv. #Levi 6:14-18 14Tabsis lub hauvnrob hab cegqaab kws muab yom fij rua tug TSWV, koj hab koj cov tub cov ntxhais nrug koj noj huv qhov chaw dlawbhuv, ruaqhov cov khoom fij ua kev sis raugzoo kws cov Yixalayees coj tuaj fij ntawd, yog koj hab koj cov mivnyuas tug. 15Puab yuavtsum nqaa cegqaab hab lub hauvnrob tuaj thaus lub sijhawm kws puab nqaa cov nqaj rog tuaj ua khoom noj fij rua tug TSWV. Cov ntawd yog koj hab koj cov mivnyuas tug moog ibtxhis lawvle tug TSWV tau xaaj tseg lawm.” #Levi 7:30-34
16Thaus Mauxes nug txug tug tshis kws muab tua fij dlaws txim, puab qha has tas puab tub muab tug tshis ntawd hlawv taag lawm. Qhov nuav ua rua nwg chim heev rua Ele-axas hab Ithamas obtug, nwg txhaj nug has tas, 17“Vim lecaag mej tsi coj cov khoom fij dlaws txim nuav moog noj huv qhov chaw dlawbhuv? Ntawd yog yaam khoom fij dlawbhuv, hab tug TSWV tub muab rua mej coj moog fij dlaws cov pejxeem lub txim taabmeeg tug TSWV lawm. #Levi 6:24-26 18Vim tub tsi nqaa cov ntshaav moog rua huv Chaav Dlawbhuv huv lub Tsevntaub, mej yuavtsum noj tej khoom nuav rua huv qhov chaw dlawbhuv lawvle kuv tub has rua mej lawm.”
19Aloos teb tas, “Nubnua cov pejxeem coj puab tej khoom fij dlaws txim moog fij rua tug TSWV, hab puab coj puab tej khoom tuaj hlawv fij huv tuabsi, tabsis tseem muaj tej kev ntshai nuav tshwm lug rua kuv hab. Yog kuv cale noj cov nqaj kws fij dlaws txim ntawd nubnua, puas yuav hum tug TSWV sab?” 20Thaus Mauxes nov le ntawd, nwg kuj txaussab lawm hab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.