Levis Kevcai 7
7
Fij Khoom Dlaws Kev Txhum
1“Ntawm nuav yog tej kevcai rua kev fij khoom dlaws kev txhum kws yog cov khoom dlawbhuv kawg nkaus. 2Muab tug tsaj kws fij dlaws kev txhum ntawd tua rua ntawm lub thaaj saab peg kws yog qhov chaw tua tej tsaj hlawv ua khoom fij, hab muab cov ntshaav coj moog nchuav ywg thoobplawg lub thaaj ntawd plaub saab huv tuabsi. 3Muab cov roj luas kuas taag coj moog fij rua sau lub thaaj, tug kutwv kws rog-rog, tej npluag roj kws npug tej plaab nyuv hab sab-ntsws, 4ob lub raum hab tej npluag roj kws npug ob lub raum, hab nplais sab kws zoo tshaajplawg. 5Tug povthawj hlub yuavtsum muab taagnrho cov nqaj rog coj moog hlawv rua sau lub thaaj ua khoom noj fij rua tug TSWV. Nuav yog txuj kev kws dlaws kev txhum. 6Txhua tug txivneej kws yog cov povthawj hlub tsev tuabneeg muaj cai noj tau cov nqaj ntawd, tabsis yuavtsum yog noj nyob rua huv chaav dlawbhuv xwb, ruaqhov tug tsaj ntawd yog yaam khoom dlawbhuv kawg nkaus.
7“Muaj ib txuj kevcai kws siv rua kev fij khoom dlaws kev txhum hab zaamtxim: tug povthawj hlub twg yog tug fij tug tsaj theej txhoj, tes cov nqaj ntawd yog nwg tug. 8Tug tsaj kws coj tuaj tua hlawv ua khoom fij ntawd, dlaim tawv los yog tug povthawj hlub kws hlawv tug tsaj ntawd tug hab. 9Txhua yaam qoobloo kws muab puab ua ncuav cub huv qhovtxus lossis cub huv laujkaub lossis kib huv yag kws coj moog ua khoom fij, tug povthawj hlub twg fij tej ncuav ntawd rua Vaajtswv, cov ncuav ntawd puavleej yog nwg tug. 10Tabsis taagnrho cov moov nplej kws tsi tau muab cub coj moog ua khoom fij, txawm yog muab zuaj xyaw roj lossis tseem ua moov qhuav los yeej yog Aloos cov tub kws yog ua cov povthawj hlub tug, hab yuavtsum muab faib kuas sisnpaug zog rua puab.
Fij Khoom Ua Kev Sis Raugzoo
11“Ntawm nuav yog tej kevcai rua kev fij khoom ua kev sis raugzoo kws yog muab fij rua tug TSWV. 12Yog ib tug twg muab khoom moog fij ua Vaajtswv tsaug, nwg yuavtsum muab ib tug tsaj nrug rua tej ncuav tsi xyaw keeb le nraag nuav moog fij: cov ncuav tuab kws zuaj xyaw roj txivntoo, cov ncuav nyag kws muab roj txivntoo pleev rua sau, hab cov ncuav moov nplej mog kws muab zuaj xyaw roj txivntoo. 13Dlua le ntawd, nwg yuavtsum muab tej ncuav kws zuaj xyaw keeb lawm lug fij ntxiv rua hab. 14Nwg yuavtsum muab cov ncuav ntawd ib yaam ib lub coj moog fij rua tug TSWV; cov ncuav ntawd yog tug povthawj hlub kws coj cov ntshaav tsaj moog nchus rua lub thaaj tug. 15Tug tsaj cov nqaj yuavtsum tau noj kuas taag rua nub kws fij tug tsaj ntawd, tsi pub kuas tshuav ib qho nqaj seem moog txug taagkig sawvntxuv.
16“Tabsis yog ib tug twg coj khoom tuaj fij ua kev sis raugzoo lawvle nwg tau coglug tseg lossis lawvle nwg txuj kev txaussab; cale muab tug tsaj kws coj tuaj tua fij ntawd noj rua nub ntawd, tabsis yog noj tsi taag, los nub tomqaab maamle muab rov lug noj los tau. 17Tej nqaj kws seem, nub thib peb yuavtsum muab coj moog hlawv povtseg. 18Yog leejtwg tseem noj tug tsaj ntawd tej nqaj txug nub thib peb, Vaajtswv yuav tsi txais yuav nwg tej khoom fij. Tej khoom fij ntawd yuav tsi suav ua nwg tug, tabsis Vaajtswv yuav muab suav ua cov khoom fij kws tsi huv; yog leejtwg noj, nwg yuav tau ris lub txim ntawd. 19Yog tej nqaj ntawd chwv raug tej yaam kws tsi huv, yuavtsum tsi xob noj, tabsis cale muab hlawv povtseg.
“Txhua tug kws yog tuabneeg huv lawvle kevcai lawm muaj cai noj tau cov nqaj ntawd, 20tabsis yog tug kws tsi huv es cale noj tug tsaj kws fij ua kev sis raugzoo nrug tug TSWV lawm, yuavtsum muab tug ntawd rhu tawm ntawm Vaajtswv tsaav tuabneeg moog. 21Yog leejtwg noj tej nqaj ua khoom fij tomqaab kws nwg moog tuav tej yaam tsi huv, tsi has tuabneeg lossis tsaj, yuavtsum muab nwg rhu tawm ntawm Vaajtswv tsaav tuabneeg moog.”
22Tug TSWV has rua Mauxes has tas, 23“Koj has rua cov Yixalayees has tas: Tsi xob noj tej roj nyuj, roj yaaj lossis roj tshis hlo le. 24Tsi xob noj tej roj tsaj kws cale tuag lossis raug tsaj qus tum tuag, tabsis ca siv ua lwmyaam los tau. 25Yog leejtwg noj tej roj ntawm tug tsaj kws muab tua hlawv fij rua tug TSWV lawm, yuavtsum muab tug ntawd rhu tawm ntawm Vaajtswv tsaav tuabneeg moog. 26Txawm yog cov Yixalayees nyob qhovtwg los xij, txwv tunrho tsi pub muab ntshaav noog lossis ntshaav tsaj lug ua zaub noj. #Chiv 9:4; Levi 17:10-14; 19:26; 2Kev 12:16, 23; 15:23 27Yog leejtwg hlaa txujcai nuav, yuavtsum muab nwg rhu tawm ntawm Vaajtswv tsaav tuabneeg moog.”
28Tug TSWV has rua Mauxes has tas, 29“Koj has rua cov Yixalayees has tas: Yog leejtwg muab khoom moog fij ua kev sis raugzoo rua tug TSWV, nwg yuavtsum nqaa ib feem kws yog ua khoomplig tshwjxeeb moog fij rua tug TSWV, 30kws yog nqaa lug ntawm nwg txhais teg coj moog hlawv rua tug TSWV. Nwg yuavtsum nqaa tug tsaj ntawd cov roj nrug lub hauvnrob moog fij ua ib yaam khoom tshwjxeeb rua tug TSWV. 31Tug povthawj hlub yuavtsum muab cov roj ntawd hlawv rua sau lub thaaj, tabsis muab lub hauvnrob rua Aloos hab Aloos cov tub. 32Tug tsaj ntawd cegqaab saab xis yog muab pub ua tshwjxeeb 33rua tug povthawj hlub kws yog Aloos tug tub kws muab cov ntshaav hab tej roj fij ua kev sis raugzoo ntawd. 34Tug tsaj ntawd lub hauvnrob hab cegqaab saab xis yog yaam khoom tshwjxeeb kws tug TSWV tau muab lug ntawm cov tuabneeg Yixalayees rua tug povthawj hlub Aloos hab nwg cov tub. Cov Yixalayees yuavtsum muab le nuav rua cov povthawj hlub ib tam rua ib tam moog le.”
35Qhov nuav yog ib feem ntawm cov khoom kws fij rua tug TSWV kws tau muab rua Aloos hab nwg cov tub, txij nub kws tsaa puab ua povthawj hlub moog. 36Txij nub ntawd lug tug TSWV txhaj xaaj kuas cov Yixalayees yuavtsum muab ib feem ntawm cov khoom nuav rua puab. Txuj kevcai nuav cov Yixalayees yuavtsum coj ib tam rua ib tam moog le.
37Cov nuav yog tej kevcai rua kev hlawv khoom fij, fij tej qoobloo, fij khoom dlaws txim, fij khoom zaam kev txhum, fij khoom ua kevcai tsaa povthawj hlub, hab fij khoom ua kev sis raugzoo. 38Cov lug kws tug TSWV xaaj rua Mauxes nuav yog nyob rua sau Roob Xinais nub kws nwg kuas cov Yixalayees nqaa khoom tuaj fij rua tug TSWV nyob nraag taj suabpuam.
Currently Selected:
Levis Kevcai 7: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 7
7
Fij Khoom Dlaws Kev Txhum
1“Ntawm nuav yog tej kevcai rua kev fij khoom dlaws kev txhum kws yog cov khoom dlawbhuv kawg nkaus. 2Muab tug tsaj kws fij dlaws kev txhum ntawd tua rua ntawm lub thaaj saab peg kws yog qhov chaw tua tej tsaj hlawv ua khoom fij, hab muab cov ntshaav coj moog nchuav ywg thoobplawg lub thaaj ntawd plaub saab huv tuabsi. 3Muab cov roj luas kuas taag coj moog fij rua sau lub thaaj, tug kutwv kws rog-rog, tej npluag roj kws npug tej plaab nyuv hab sab-ntsws, 4ob lub raum hab tej npluag roj kws npug ob lub raum, hab nplais sab kws zoo tshaajplawg. 5Tug povthawj hlub yuavtsum muab taagnrho cov nqaj rog coj moog hlawv rua sau lub thaaj ua khoom noj fij rua tug TSWV. Nuav yog txuj kev kws dlaws kev txhum. 6Txhua tug txivneej kws yog cov povthawj hlub tsev tuabneeg muaj cai noj tau cov nqaj ntawd, tabsis yuavtsum yog noj nyob rua huv chaav dlawbhuv xwb, ruaqhov tug tsaj ntawd yog yaam khoom dlawbhuv kawg nkaus.
7“Muaj ib txuj kevcai kws siv rua kev fij khoom dlaws kev txhum hab zaamtxim: tug povthawj hlub twg yog tug fij tug tsaj theej txhoj, tes cov nqaj ntawd yog nwg tug. 8Tug tsaj kws coj tuaj tua hlawv ua khoom fij ntawd, dlaim tawv los yog tug povthawj hlub kws hlawv tug tsaj ntawd tug hab. 9Txhua yaam qoobloo kws muab puab ua ncuav cub huv qhovtxus lossis cub huv laujkaub lossis kib huv yag kws coj moog ua khoom fij, tug povthawj hlub twg fij tej ncuav ntawd rua Vaajtswv, cov ncuav ntawd puavleej yog nwg tug. 10Tabsis taagnrho cov moov nplej kws tsi tau muab cub coj moog ua khoom fij, txawm yog muab zuaj xyaw roj lossis tseem ua moov qhuav los yeej yog Aloos cov tub kws yog ua cov povthawj hlub tug, hab yuavtsum muab faib kuas sisnpaug zog rua puab.
Fij Khoom Ua Kev Sis Raugzoo
11“Ntawm nuav yog tej kevcai rua kev fij khoom ua kev sis raugzoo kws yog muab fij rua tug TSWV. 12Yog ib tug twg muab khoom moog fij ua Vaajtswv tsaug, nwg yuavtsum muab ib tug tsaj nrug rua tej ncuav tsi xyaw keeb le nraag nuav moog fij: cov ncuav tuab kws zuaj xyaw roj txivntoo, cov ncuav nyag kws muab roj txivntoo pleev rua sau, hab cov ncuav moov nplej mog kws muab zuaj xyaw roj txivntoo. 13Dlua le ntawd, nwg yuavtsum muab tej ncuav kws zuaj xyaw keeb lawm lug fij ntxiv rua hab. 14Nwg yuavtsum muab cov ncuav ntawd ib yaam ib lub coj moog fij rua tug TSWV; cov ncuav ntawd yog tug povthawj hlub kws coj cov ntshaav tsaj moog nchus rua lub thaaj tug. 15Tug tsaj cov nqaj yuavtsum tau noj kuas taag rua nub kws fij tug tsaj ntawd, tsi pub kuas tshuav ib qho nqaj seem moog txug taagkig sawvntxuv.
16“Tabsis yog ib tug twg coj khoom tuaj fij ua kev sis raugzoo lawvle nwg tau coglug tseg lossis lawvle nwg txuj kev txaussab; cale muab tug tsaj kws coj tuaj tua fij ntawd noj rua nub ntawd, tabsis yog noj tsi taag, los nub tomqaab maamle muab rov lug noj los tau. 17Tej nqaj kws seem, nub thib peb yuavtsum muab coj moog hlawv povtseg. 18Yog leejtwg tseem noj tug tsaj ntawd tej nqaj txug nub thib peb, Vaajtswv yuav tsi txais yuav nwg tej khoom fij. Tej khoom fij ntawd yuav tsi suav ua nwg tug, tabsis Vaajtswv yuav muab suav ua cov khoom fij kws tsi huv; yog leejtwg noj, nwg yuav tau ris lub txim ntawd. 19Yog tej nqaj ntawd chwv raug tej yaam kws tsi huv, yuavtsum tsi xob noj, tabsis cale muab hlawv povtseg.
“Txhua tug kws yog tuabneeg huv lawvle kevcai lawm muaj cai noj tau cov nqaj ntawd, 20tabsis yog tug kws tsi huv es cale noj tug tsaj kws fij ua kev sis raugzoo nrug tug TSWV lawm, yuavtsum muab tug ntawd rhu tawm ntawm Vaajtswv tsaav tuabneeg moog. 21Yog leejtwg noj tej nqaj ua khoom fij tomqaab kws nwg moog tuav tej yaam tsi huv, tsi has tuabneeg lossis tsaj, yuavtsum muab nwg rhu tawm ntawm Vaajtswv tsaav tuabneeg moog.”
22Tug TSWV has rua Mauxes has tas, 23“Koj has rua cov Yixalayees has tas: Tsi xob noj tej roj nyuj, roj yaaj lossis roj tshis hlo le. 24Tsi xob noj tej roj tsaj kws cale tuag lossis raug tsaj qus tum tuag, tabsis ca siv ua lwmyaam los tau. 25Yog leejtwg noj tej roj ntawm tug tsaj kws muab tua hlawv fij rua tug TSWV lawm, yuavtsum muab tug ntawd rhu tawm ntawm Vaajtswv tsaav tuabneeg moog. 26Txawm yog cov Yixalayees nyob qhovtwg los xij, txwv tunrho tsi pub muab ntshaav noog lossis ntshaav tsaj lug ua zaub noj. #Chiv 9:4; Levi 17:10-14; 19:26; 2Kev 12:16, 23; 15:23 27Yog leejtwg hlaa txujcai nuav, yuavtsum muab nwg rhu tawm ntawm Vaajtswv tsaav tuabneeg moog.”
28Tug TSWV has rua Mauxes has tas, 29“Koj has rua cov Yixalayees has tas: Yog leejtwg muab khoom moog fij ua kev sis raugzoo rua tug TSWV, nwg yuavtsum nqaa ib feem kws yog ua khoomplig tshwjxeeb moog fij rua tug TSWV, 30kws yog nqaa lug ntawm nwg txhais teg coj moog hlawv rua tug TSWV. Nwg yuavtsum nqaa tug tsaj ntawd cov roj nrug lub hauvnrob moog fij ua ib yaam khoom tshwjxeeb rua tug TSWV. 31Tug povthawj hlub yuavtsum muab cov roj ntawd hlawv rua sau lub thaaj, tabsis muab lub hauvnrob rua Aloos hab Aloos cov tub. 32Tug tsaj ntawd cegqaab saab xis yog muab pub ua tshwjxeeb 33rua tug povthawj hlub kws yog Aloos tug tub kws muab cov ntshaav hab tej roj fij ua kev sis raugzoo ntawd. 34Tug tsaj ntawd lub hauvnrob hab cegqaab saab xis yog yaam khoom tshwjxeeb kws tug TSWV tau muab lug ntawm cov tuabneeg Yixalayees rua tug povthawj hlub Aloos hab nwg cov tub. Cov Yixalayees yuavtsum muab le nuav rua cov povthawj hlub ib tam rua ib tam moog le.”
35Qhov nuav yog ib feem ntawm cov khoom kws fij rua tug TSWV kws tau muab rua Aloos hab nwg cov tub, txij nub kws tsaa puab ua povthawj hlub moog. 36Txij nub ntawd lug tug TSWV txhaj xaaj kuas cov Yixalayees yuavtsum muab ib feem ntawm cov khoom nuav rua puab. Txuj kevcai nuav cov Yixalayees yuavtsum coj ib tam rua ib tam moog le.
37Cov nuav yog tej kevcai rua kev hlawv khoom fij, fij tej qoobloo, fij khoom dlaws txim, fij khoom zaam kev txhum, fij khoom ua kevcai tsaa povthawj hlub, hab fij khoom ua kev sis raugzoo. 38Cov lug kws tug TSWV xaaj rua Mauxes nuav yog nyob rua sau Roob Xinais nub kws nwg kuas cov Yixalayees nqaa khoom tuaj fij rua tug TSWV nyob nraag taj suabpuam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.