Levis Kevcai 4
4
Fij Khoom Ua Kevcai Dlaws Tej Kev Txhum Kws Tsi Yog Txhobtxwm Ua
1Tug TSWV has rua Mauxes tas, 2“Koj qha rua cov Yixalayees paub tas yog leejtwg ua txhum hab hlaa tug TSWV tej lug xaaj kws tsi yog nwg txhobtxwm ua, yuav tau ua lawvle tej kevcai nraag qaab nuav.
3“Yog tug Tuam Povthawj Hlub yog tug ua txhum es nwg tej kev txhum ntawd tau paub lug rua cov pejxeem, nwg yuavtsum tau coj ib tug ntsuag nyuj kws tsi muaj ib qhov phem le tuaj tua fij rua tug TSWV dlaws nwg lub txim. 4Nwg yuavtsum coj tug nyuj ntawd moog rua ntawm lub qhovrooj kws moog rua huv lub Tsevntaub Sisntsib, tsaa nwg txhais teg rua sau tug nyuj taubhau hab muab tua taabmeeg tug TSWV rua ntawd. 5Tes tug Tuam Povthawj Hlub yuavtsum nqaa tug ntsuag nyuj ntawd cov ntshaav ib qho moog rua huv lub Tsevntaub Sisntsib. 6Nwg yuavtsum muab nwg tug ntivteg tub cov ntshaav ntawd coj moog nchus xyaa zag rua ntawm hauvntej dlaim ntaub kws quas Chaav Dlawbhuv. 7Hab nwg yuavtsum muab ib cov ntshaav pleev cov kub sau plaub cegkaum thaaj hlawv moov tshuaj tswqaab kws nyob huv lub Tsevntaub Sisntsib. Nwg yuavtsum muab cov ntshaav kws seem coj moog laub rua lub taw thaaj kws hlawv tej khoom theej txhoj ntawm lub Tsevntaub Sisntsib lub qhovrooj. 8Nwg yuavtsum muab tug nyuj ntawd tej roj luas tawm kuas taag huv tuabsi nrug cov npluag roj kws npug tej plaab nyuv hab sab-ntsws, 9Ob lub raum hab tej npluag roj kws npug ob lub raum, hab nplais sab kws zoo tshaajplawg.
10“Tes tug povthawj hlub maamle muab cov nqaj rog nuav coj moog hlawv rua sau lub thaaj kws hlawv tej khoom fij, ib yaam le nwg muab tej tsaj kws tua fij ua kev sis raugzoo tej nqaj rog coj moog hlawv hab. 11Tabsis nwg yuavtsum muab dlaim tawv, cov nqaj, lub taubhau, plaub ceg, hab tej nyuv huv tuabsi, 12nqaa tawm moog rua saabnrau ntug yeej ntawm qhov chaw dlawbhuv kws pheej coj cov tshauv moog nchuav rua, muab tej ntawd tso rua sau pawg tawg hab muab hlawv.
13“Yog taagnrho tsaav tuabneeg Yixalayees tau ua txhum kws yog txhum tug TSWV tej lug xaaj ib nqais twg kws tsi yog txhobtxwm ua, 14thaus suavdlawg paub lawm, cov pejxeem yuavtsum coj ib tug ntsuag nyuj moog tua fij dlaws kev txhum rua ntawm lub Tsevntaub Sisntsib; 15cov thawjcoj ntawm cov pejxeem lug tsaa teg rua sau tug nyuj ntawd taubhau hab muab tug nyuj tua rua ntawd. 16Tes tug Tuam Povthawj Hlub maamle nqaa ib cov ntshaav nyuj moog rua huv lub Tsevntaub Sisntsib, 17muab nwg tug ntivteg tub cov ntshaav ntawd, hab muab nchus xyaa zag rua ntawm hauvntej dlaim ntaub kws quas Chaav Dlawbhuv. 18Hab nwg yuav tau muab ib cov ntshaav coj moog pleev cov kub sau plaub cegkaum thaaj kws hlawv moov tshuaj tswqaab kws nyob huv lub Tsevntaub Sisntsib hab muab cov ntshaav kws seem laub rua lub taw thaaj kws hlawv tej khoom fij ntawm lub Tsevntaub Sisntsib lub qhovrooj. 19Nwg yuav tau muab taagnrho tej nqaj rog coj moog hlawv rua sau lub thaaj.
20“Nwg ua tuabyaam nkaus le nwg fij tug nyuj kws ntxuav tej kev txhum ntaag. Qhov kws nwg ua le nuav tub yog nwg fij khoom ntxuav cov pejxeem lub txim, sub puab lub txim txhaj yuav raug zaam. 21Tes nwg maam coj tug nyuj moog hlawv rua saab ntug yeej nrau, ib yaam le nwg hlawv tug nyuj kws fij dlaws nwg lub txim. Qhov nuav yog kev fij khoom ua kevcai tshem cov pejxeem tej kev txhum.
22“Yog ib tug numtswv tau ua txhum kws yog txhum tug TSWV tej lug xaaj ib nqais twg kws tsi yog nwg txhobtxwm ua, 23thaus kws luas qha nwg txuj kev txhum rua nwg paub lawm, nwg yuavtsum coj ib tug laug tshis kws tsi muaj ib qhov phem le moog tua fij theej txhoj. 24Nwg yuavtsum tsaa nwg txhais teg rua sau tug tshis ntawd taubhau hab muab tug tshis ntawd tua rua ntawm lub thaaj saab peg, qhov chaw kws tua tsaj hlawv ua khoom fij. Qhov nuav yog fij khoom ua kevcai tshem nwg tej kev txhum. 25Tug povthawj hlub yuavtsum muab nwg tug ntivteg tub cov ntshaav tsaj coj moog pleev cov kub sau plaub cegkaum thaaj, hab muab cov ntshaav kws seem laub ywg lub taw thaaj. 26Tes nwg yuav tau muab taagnrho tej nqaj rog coj moog hlawv rua sau lub thaaj, ib yaam le nwg hlawv tej nqaj rog kws yog tej tsaj kws tua fij ua kev sis raugzoo. Qhov nuav yog txuj kev kws tug povthawj hlub fij khoom theej txhoj tshem tug nom ntawd lub txim, sub nwg lub txim txhaj yuav raug zaam.
27“Yog cov pejxeem ib tug twg tau ua txhum kws yog ua txhum tug TSWV tej lug xaaj ib nqais twg kws tsi yog txhobtxwm ua, #Teev 15:27-28 28thaus kws luas qha mej txuj kev txhum rua mej paub lawm, mej yuavtsum coj ib tug maum tshis kws tsi muaj ib qhov phem le moog tua fij theej txhoj. 29Mej yuavtsum tsaa mej txhais teg rua sau tug maum tshis ntawd taubhau, hab muab tug maum tshis ntawd tua rua ntawm lub thaaj saab peg, qhov chaw kws tua tsaj hlawv ua khoom fij.
30“Tes tug povthawj hlub maamle muab nwg tug ntivteg tub cov ntshaav tshis coj moog pleev rua sau cov kub plaub cegkaum ntawm lub thaaj, hab muab cov ntshaav kws seem laub ywg lub taw thaaj. 31Tes nwg yuav tau muab tej roj luas tawm taagnrho ib yaam le luas tej tsaj kws tua fij ua kev sis raugzoo tej roj, hab nwg maamle muab coj moog hlawv rua sau lub thaaj kuas tswqaab ntxag ua rua tug TSWV txaussab heev. Qhov nuav yog tug povthawj hlub fij khoom theej txhoj dlaws tug tuabneeg ntawd lub txim, sub nwg lub txim txhaj yuav raug zaam.
32“Yog mej coj ib tug yaaj tuaj tua dlaws mej lub txim, tug yaaj ntawd yuavtsum yog tug maum, hab tsi muaj ib qhov phem le. 33Mej yuavtsum tsaa mej txhais teg rua sau tug maum yaaj ntawd taubhau, hab muab tug maum yaaj ntawd tua rua ntawm lub thaaj saab peg, qhov chaw kws tua tsaj hlawv ua khoom fij. 34Tug povthawj hlub maamle muab nwg tug ntivteg tub cov ntshaav tsaj coj moog pleev rua sau cov kub plaub cegkaum ntawm lub thaaj, hab muab cov ntshaav kws seem laub ywg lub taw thaaj. 35Tes nwg yuav tau muab cov roj luas tawm kuas taag, ib yaam le mej luas cov roj tawm ntawm tug yaaj kws coj moog tua fij ua kev sis raugzoo, hab muab coj moog hlawv sau lub thaaj nrug rua cov khoom noj fij rua tug TSWV. Qhov nuav yog tug povthawj hlub fij khoom theej txhoj dlaws mej lub txim, sub mej txhaj yuav raug zaamtxim.
Currently Selected:
Levis Kevcai 4: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 4
4
Fij Khoom Ua Kevcai Dlaws Tej Kev Txhum Kws Tsi Yog Txhobtxwm Ua
1Tug TSWV has rua Mauxes tas, 2“Koj qha rua cov Yixalayees paub tas yog leejtwg ua txhum hab hlaa tug TSWV tej lug xaaj kws tsi yog nwg txhobtxwm ua, yuav tau ua lawvle tej kevcai nraag qaab nuav.
3“Yog tug Tuam Povthawj Hlub yog tug ua txhum es nwg tej kev txhum ntawd tau paub lug rua cov pejxeem, nwg yuavtsum tau coj ib tug ntsuag nyuj kws tsi muaj ib qhov phem le tuaj tua fij rua tug TSWV dlaws nwg lub txim. 4Nwg yuavtsum coj tug nyuj ntawd moog rua ntawm lub qhovrooj kws moog rua huv lub Tsevntaub Sisntsib, tsaa nwg txhais teg rua sau tug nyuj taubhau hab muab tua taabmeeg tug TSWV rua ntawd. 5Tes tug Tuam Povthawj Hlub yuavtsum nqaa tug ntsuag nyuj ntawd cov ntshaav ib qho moog rua huv lub Tsevntaub Sisntsib. 6Nwg yuavtsum muab nwg tug ntivteg tub cov ntshaav ntawd coj moog nchus xyaa zag rua ntawm hauvntej dlaim ntaub kws quas Chaav Dlawbhuv. 7Hab nwg yuavtsum muab ib cov ntshaav pleev cov kub sau plaub cegkaum thaaj hlawv moov tshuaj tswqaab kws nyob huv lub Tsevntaub Sisntsib. Nwg yuavtsum muab cov ntshaav kws seem coj moog laub rua lub taw thaaj kws hlawv tej khoom theej txhoj ntawm lub Tsevntaub Sisntsib lub qhovrooj. 8Nwg yuavtsum muab tug nyuj ntawd tej roj luas tawm kuas taag huv tuabsi nrug cov npluag roj kws npug tej plaab nyuv hab sab-ntsws, 9Ob lub raum hab tej npluag roj kws npug ob lub raum, hab nplais sab kws zoo tshaajplawg.
10“Tes tug povthawj hlub maamle muab cov nqaj rog nuav coj moog hlawv rua sau lub thaaj kws hlawv tej khoom fij, ib yaam le nwg muab tej tsaj kws tua fij ua kev sis raugzoo tej nqaj rog coj moog hlawv hab. 11Tabsis nwg yuavtsum muab dlaim tawv, cov nqaj, lub taubhau, plaub ceg, hab tej nyuv huv tuabsi, 12nqaa tawm moog rua saabnrau ntug yeej ntawm qhov chaw dlawbhuv kws pheej coj cov tshauv moog nchuav rua, muab tej ntawd tso rua sau pawg tawg hab muab hlawv.
13“Yog taagnrho tsaav tuabneeg Yixalayees tau ua txhum kws yog txhum tug TSWV tej lug xaaj ib nqais twg kws tsi yog txhobtxwm ua, 14thaus suavdlawg paub lawm, cov pejxeem yuavtsum coj ib tug ntsuag nyuj moog tua fij dlaws kev txhum rua ntawm lub Tsevntaub Sisntsib; 15cov thawjcoj ntawm cov pejxeem lug tsaa teg rua sau tug nyuj ntawd taubhau hab muab tug nyuj tua rua ntawd. 16Tes tug Tuam Povthawj Hlub maamle nqaa ib cov ntshaav nyuj moog rua huv lub Tsevntaub Sisntsib, 17muab nwg tug ntivteg tub cov ntshaav ntawd, hab muab nchus xyaa zag rua ntawm hauvntej dlaim ntaub kws quas Chaav Dlawbhuv. 18Hab nwg yuav tau muab ib cov ntshaav coj moog pleev cov kub sau plaub cegkaum thaaj kws hlawv moov tshuaj tswqaab kws nyob huv lub Tsevntaub Sisntsib hab muab cov ntshaav kws seem laub rua lub taw thaaj kws hlawv tej khoom fij ntawm lub Tsevntaub Sisntsib lub qhovrooj. 19Nwg yuav tau muab taagnrho tej nqaj rog coj moog hlawv rua sau lub thaaj.
20“Nwg ua tuabyaam nkaus le nwg fij tug nyuj kws ntxuav tej kev txhum ntaag. Qhov kws nwg ua le nuav tub yog nwg fij khoom ntxuav cov pejxeem lub txim, sub puab lub txim txhaj yuav raug zaam. 21Tes nwg maam coj tug nyuj moog hlawv rua saab ntug yeej nrau, ib yaam le nwg hlawv tug nyuj kws fij dlaws nwg lub txim. Qhov nuav yog kev fij khoom ua kevcai tshem cov pejxeem tej kev txhum.
22“Yog ib tug numtswv tau ua txhum kws yog txhum tug TSWV tej lug xaaj ib nqais twg kws tsi yog nwg txhobtxwm ua, 23thaus kws luas qha nwg txuj kev txhum rua nwg paub lawm, nwg yuavtsum coj ib tug laug tshis kws tsi muaj ib qhov phem le moog tua fij theej txhoj. 24Nwg yuavtsum tsaa nwg txhais teg rua sau tug tshis ntawd taubhau hab muab tug tshis ntawd tua rua ntawm lub thaaj saab peg, qhov chaw kws tua tsaj hlawv ua khoom fij. Qhov nuav yog fij khoom ua kevcai tshem nwg tej kev txhum. 25Tug povthawj hlub yuavtsum muab nwg tug ntivteg tub cov ntshaav tsaj coj moog pleev cov kub sau plaub cegkaum thaaj, hab muab cov ntshaav kws seem laub ywg lub taw thaaj. 26Tes nwg yuav tau muab taagnrho tej nqaj rog coj moog hlawv rua sau lub thaaj, ib yaam le nwg hlawv tej nqaj rog kws yog tej tsaj kws tua fij ua kev sis raugzoo. Qhov nuav yog txuj kev kws tug povthawj hlub fij khoom theej txhoj tshem tug nom ntawd lub txim, sub nwg lub txim txhaj yuav raug zaam.
27“Yog cov pejxeem ib tug twg tau ua txhum kws yog ua txhum tug TSWV tej lug xaaj ib nqais twg kws tsi yog txhobtxwm ua, #Teev 15:27-28 28thaus kws luas qha mej txuj kev txhum rua mej paub lawm, mej yuavtsum coj ib tug maum tshis kws tsi muaj ib qhov phem le moog tua fij theej txhoj. 29Mej yuavtsum tsaa mej txhais teg rua sau tug maum tshis ntawd taubhau, hab muab tug maum tshis ntawd tua rua ntawm lub thaaj saab peg, qhov chaw kws tua tsaj hlawv ua khoom fij.
30“Tes tug povthawj hlub maamle muab nwg tug ntivteg tub cov ntshaav tshis coj moog pleev rua sau cov kub plaub cegkaum ntawm lub thaaj, hab muab cov ntshaav kws seem laub ywg lub taw thaaj. 31Tes nwg yuav tau muab tej roj luas tawm taagnrho ib yaam le luas tej tsaj kws tua fij ua kev sis raugzoo tej roj, hab nwg maamle muab coj moog hlawv rua sau lub thaaj kuas tswqaab ntxag ua rua tug TSWV txaussab heev. Qhov nuav yog tug povthawj hlub fij khoom theej txhoj dlaws tug tuabneeg ntawd lub txim, sub nwg lub txim txhaj yuav raug zaam.
32“Yog mej coj ib tug yaaj tuaj tua dlaws mej lub txim, tug yaaj ntawd yuavtsum yog tug maum, hab tsi muaj ib qhov phem le. 33Mej yuavtsum tsaa mej txhais teg rua sau tug maum yaaj ntawd taubhau, hab muab tug maum yaaj ntawd tua rua ntawm lub thaaj saab peg, qhov chaw kws tua tsaj hlawv ua khoom fij. 34Tug povthawj hlub maamle muab nwg tug ntivteg tub cov ntshaav tsaj coj moog pleev rua sau cov kub plaub cegkaum ntawm lub thaaj, hab muab cov ntshaav kws seem laub ywg lub taw thaaj. 35Tes nwg yuav tau muab cov roj luas tawm kuas taag, ib yaam le mej luas cov roj tawm ntawm tug yaaj kws coj moog tua fij ua kev sis raugzoo, hab muab coj moog hlawv sau lub thaaj nrug rua cov khoom noj fij rua tug TSWV. Qhov nuav yog tug povthawj hlub fij khoom theej txhoj dlaws mej lub txim, sub mej txhaj yuav raug zaamtxim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.