Levis Kevcai 3
3
Fij Khoom Ua Kev Sis Raugzoo
1“Yog leejtwg muab nwg ib tug tsaj kws yog ib tug txiv nyuj lossis maum nyuj tua fij ua kev sis raugzoo, tug tsaj ntawd yuavtsum yog ib tug kws tsi muaj ib qhov phem hlo le. 2Nwg yuavtsum tsaa nwg txhais teg rua sau tug nyuj lub taubhau hab muab tug nyuj ntawd tua rua ntawm lub qhovrooj kws moog rua huv lub Tsevntaub Sisntsib. Tes Aloos cov tub kws yog cov povthawj hlub maam muab cov ntshaav coj moog laub ywg thoobplawg lub thaaj ntawd plaub saab huv tuabsi 3hab muab tug tsaj ntawd tej nqaj le nraag nuav coj moog fij ua khoom noj rua tug TSWV: taagnrho tej npluag roj kws npug tej plaab nyuv hab sab-ntsws, 4ob lub raum hab tej npluag roj kws npug ob lub raum ntawd, hab nplooj sab kws zoo tshaajplawg. 5Tes Aloos cov tub kws yog cov povthawj hlub yuav tau muab taagnrho tej ntawd hlawv rua sau lub thaaj kws yog hlawv nrug tej khoom fij. Tej paa khoom noj kws muab fij nuav tswqaab ntxag ua rua tug TSWV txaussab.
6“Yog muab ib tug yaaj lossis ib tug tshis lug ua khoom fij rua kev sis raugzoo, txawm muab tug txiv lossis tug maum los tau, tabsis yuavtsum muab tug kws tsi muaj ib qhov phem hlo le. 7Yog leejtwg muab ib tug yaaj fij, 8nwg yuavtsum tsaa nwg txhais teg rua sau tug yaaj ntawd taubhau hab muab tug yaaj ntawd tua rua ntawm hauvntej lub Tsevntaub Sisntsib. Tes Aloos cov tub kws yog cov povthawj hlub maamle muab cov ntshaav coj moog laub ywg thoobplawg rua lub thaaj ntawd plaub saab huv tuabsi, 9hab muab tug tsaj ntawd tej nqaj le nraag nuav coj moog ua khoom noj fij rua tug TSWV: tej paavywj, tug kutwv nrug cov roj kws txav ti nkaus ntawm tug pobtxhaa ntsaag, tej npluag roj kws npug tej plaab nyuv hab sab-ntsws, 10ob lub raum hab tej npluag roj kws npug ob lub raum hab nplais sab kws zoo tshaajplawg. 11Tug povthawj hlub kws dlha dlejnum yuav tau muab taagnrho tej nuav moog hlawv rua sau lub thaaj ua khoom noj fij rua tug TSWV.
12“Yog leejtwg muab ib tug tshis fij, 13nwg yuavtsum tsaa teg rua sau tug tshis ntawd lub taubhau hab muab tug tshis ntawd tua rua ntawm hauvntej lub Tsevntaub Sisntsib. Tes Aloos cov tub kws yog cov povthawj hlub maamle muab cov ntshaav coj moog laub ywg thoobplawg lub thaaj ntawd plaub saab huv tuabsi, 14hab muab tug tsaj ntawd tej nqaj le nraag nuav coj moog ua khoom noj fij rua tug TSWV: taagnrho tej npluag roj kws npug tej plaab nyuv hab sab-ntsws, 15ob lub raum hab tej npluag roj kws npug ob lub raum, hab nplais sab kws zoo tshaajplawg. 16Tug povthawj hlub yuav tau muab taagnrho tej nuav moog hlawv rua sau lub thaaj ua khoom noj fij tswqaab ntxag rua tug TSWV. Taagnrho cov nqaj rog puavleej yog tug TSWV tug. 17Tsi pub cov Yixalayees noj tej nqaj rog lossis tej ntshaav le; qhov nuav yog ib txuj kevcai rua txhua tug tuabneeg Yixalayees kws nyob txhua qhov coj moog ibtxhis le.”
Currently Selected:
Levis Kevcai 3: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 3
3
Fij Khoom Ua Kev Sis Raugzoo
1“Yog leejtwg muab nwg ib tug tsaj kws yog ib tug txiv nyuj lossis maum nyuj tua fij ua kev sis raugzoo, tug tsaj ntawd yuavtsum yog ib tug kws tsi muaj ib qhov phem hlo le. 2Nwg yuavtsum tsaa nwg txhais teg rua sau tug nyuj lub taubhau hab muab tug nyuj ntawd tua rua ntawm lub qhovrooj kws moog rua huv lub Tsevntaub Sisntsib. Tes Aloos cov tub kws yog cov povthawj hlub maam muab cov ntshaav coj moog laub ywg thoobplawg lub thaaj ntawd plaub saab huv tuabsi 3hab muab tug tsaj ntawd tej nqaj le nraag nuav coj moog fij ua khoom noj rua tug TSWV: taagnrho tej npluag roj kws npug tej plaab nyuv hab sab-ntsws, 4ob lub raum hab tej npluag roj kws npug ob lub raum ntawd, hab nplooj sab kws zoo tshaajplawg. 5Tes Aloos cov tub kws yog cov povthawj hlub yuav tau muab taagnrho tej ntawd hlawv rua sau lub thaaj kws yog hlawv nrug tej khoom fij. Tej paa khoom noj kws muab fij nuav tswqaab ntxag ua rua tug TSWV txaussab.
6“Yog muab ib tug yaaj lossis ib tug tshis lug ua khoom fij rua kev sis raugzoo, txawm muab tug txiv lossis tug maum los tau, tabsis yuavtsum muab tug kws tsi muaj ib qhov phem hlo le. 7Yog leejtwg muab ib tug yaaj fij, 8nwg yuavtsum tsaa nwg txhais teg rua sau tug yaaj ntawd taubhau hab muab tug yaaj ntawd tua rua ntawm hauvntej lub Tsevntaub Sisntsib. Tes Aloos cov tub kws yog cov povthawj hlub maamle muab cov ntshaav coj moog laub ywg thoobplawg rua lub thaaj ntawd plaub saab huv tuabsi, 9hab muab tug tsaj ntawd tej nqaj le nraag nuav coj moog ua khoom noj fij rua tug TSWV: tej paavywj, tug kutwv nrug cov roj kws txav ti nkaus ntawm tug pobtxhaa ntsaag, tej npluag roj kws npug tej plaab nyuv hab sab-ntsws, 10ob lub raum hab tej npluag roj kws npug ob lub raum hab nplais sab kws zoo tshaajplawg. 11Tug povthawj hlub kws dlha dlejnum yuav tau muab taagnrho tej nuav moog hlawv rua sau lub thaaj ua khoom noj fij rua tug TSWV.
12“Yog leejtwg muab ib tug tshis fij, 13nwg yuavtsum tsaa teg rua sau tug tshis ntawd lub taubhau hab muab tug tshis ntawd tua rua ntawm hauvntej lub Tsevntaub Sisntsib. Tes Aloos cov tub kws yog cov povthawj hlub maamle muab cov ntshaav coj moog laub ywg thoobplawg lub thaaj ntawd plaub saab huv tuabsi, 14hab muab tug tsaj ntawd tej nqaj le nraag nuav coj moog ua khoom noj fij rua tug TSWV: taagnrho tej npluag roj kws npug tej plaab nyuv hab sab-ntsws, 15ob lub raum hab tej npluag roj kws npug ob lub raum, hab nplais sab kws zoo tshaajplawg. 16Tug povthawj hlub yuav tau muab taagnrho tej nuav moog hlawv rua sau lub thaaj ua khoom noj fij tswqaab ntxag rua tug TSWV. Taagnrho cov nqaj rog puavleej yog tug TSWV tug. 17Tsi pub cov Yixalayees noj tej nqaj rog lossis tej ntshaav le; qhov nuav yog ib txuj kevcai rua txhua tug tuabneeg Yixalayees kws nyob txhua qhov coj moog ibtxhis le.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.