Levis Kevcai 5
5
Tej Kws Yuavtsum Muaj Fij Khoom Dlaws Kev Txhum
1“Kev fij khoom dlaws kev txhum yog muaj le nraag nuav:
“Yog leejtwg raug hu moog ua timkhawv rua huv tsev tu plaub, es nwg npug tsi qha tej kws nwg tau pum lossis tau paub lawm, nwg yuav tau ris lub txim txhum ntawd.
2“Txawm yog leejtwg tsi tau txhobtxwm moog kov tej kws tsi huv, xwsle tej tsaj tuag los xij, tug ntawd yog tuabneeg tsi huv hab yog tuabneeg muaj txim lawm.
3“Txawm yog leejtwg tsi tau txhobtxwm moog kov ib yaam khoom tsi huv kws yog lug ntawm ib tug tuabneeg twg los xij, thaus nwg paub lawm tes nwg yog tuabneeg muaj txim lawm.
4“Yog leejtwg laam tau laam coglug, txawm yog coglug zoo lossis phem, thaus nwg paub lawm tes nwg yog tuabneeg muaj txim lawm.
5“Thaus leejtwg tau ua txhum ntawm ib yaam kws has nuav lawm, nwg yuavtsum leeg lub txim ntawd; 6vim nwg yuav tau raug teemtxim, yogle ntawd nwg yuavtsum coj ib tug maum yaaj lossis maum tshis moog tua fij rua tug TSWV. Tug povthawj hlub maamle muab coj moog ua khoom fij dlaws nwg lub txim.
7“Tabsis yog nwg faabpeem tsi tau ib tug yaaj lossis ib tug tshis, nwg yuavtsum nqaa ob tug nquab taug lossis ob tug nquab nyeg moog fij rua tug TSWV dlaws nwg lub txim, muab ib tug fij dlaws txim, hab muab ib tug hlawv ua khoom fij. 8Nwg yuav tau nqaa ob tug nquab ntawd moog rua tug povthawj hlub, mas tug povthawj hlub maamle muab tug nquab kws dlaws txim fij uantej. Nwg muab tug nquab ntawd luv cejdlaab kuas tuag, tabsis tsi xob ua kuas lub taubhau tu 9hab muab ib qhov ntshaav nchus rua ib saab ntawm lub thaaj. Muab cov ntshaav kws seem coj moog tso rua ntawm lub taw thaaj. Qhov nuav yog kev fij khoom dlaws txim. 10Tes nwg maamle muab tug nquab thib ob lug hlawv ua khoom fij lawvle txuj kevcai. Qhov nuav yog tug povthawj hlub fij khoom theej txhoj dlaws tug tuabneeg ntawd lub txim, sub nwg lub txim txhaj yuav raug zaam.
11“Tabsis yog nwg faabpeem tsi tau ob tug nquab taug lossis ob tug nquab nyeg, nwg yuavtsum tau nqaa 1 kilus moov nplej moog fij dlaws nwg lub txim. Tabsis nwg tsi xob laub roj txivntoo lossis moov tshuaj tswqaab xyaw cov moov nplej ntawd, ruaqhov yog yuav coj moog fij dlaws txim, tsi yog fij qoobloo. 12Nwg nqaa cov moov nplej ntawd moog rua tug povthawj hlub, tes tug povthawj hlub maamle muab teg yawm ib phoovteg ua kev ncu txug fij rua tug TSWV, hab maam coj moog tso rua sau lub thaaj ua khoom noj fij hlawv rua tug TSWV, kws yog ua khoom fij dlaws txim. 13Qhov kws tug povthawj hlub ua le nuav tub yog nwg muab tej khoom theej txhoj lug fij dlaws tug tuabneeg ntawd lub txim, sub nwg lub txim txhaj yuav raug zaam. Cov moov nplej kws seem ca ua tug povthawj hlub tug, ib yaam le tej qoobloo coj tuaj fij hab.”
Kevcai Fij Khoom Dlaws Kev Txhum
14Tug TSWV has rua Mauxes tas, 15“Yog muaj leejtwg ua txhum kws tsi yog txhobtxwm ua rua tug TSWV tej khoom kws dlawbhuv los xij, nwg yuavtsum coj ib tug laug yaaj lossis laug tshis kws tsi muaj ib qhov phem le moog fij rua tug TSWV dlaws nwg lub txim. Tug tsaj ntawd yuavtsum ntaus nqe kuas lawvle numtswv kevcai. 16Nwg yuavtsum them rua tej khoom dlawbhuv kws nwg tau ua txhum taag lug lawm hab yuavtsum muab neegnkaum feem pua ntxiv rua tug TSWV. Nwg yuav tau muab cob rua tug povthawj hlub, tes tug povthawj hlub maam muab tug laug yaaj lossis tug laug tshis ntawd fij dlaws tug tuabneeg ntawd tej kev txhum, sub nwg lub txim txhaj yuav raug zaam.
17“Yog muaj leejtwg ua txhum kws tsi yog txhobtxwm ua hlaa tug TSWV tej lug xaaj ib nqai twg, nwg muaj txim hab yuav tau them nqe rua lub txim ntawd. 18Nwg yuavtsum coj ib tug laug yaaj lossis laug tshis kws tsi muaj ib qhov phem le moog rua tug povthawj hlub fij dlaws nwg lub txim. Tug tsaj ntawd yuavtsum ntaus nqe kuas lawvle numtswv kevcai. Tug povthawj hlub yuavtsum muab tug tsaj ntawd fij dlaws tug tuabneeg ntawd tej kev txhum kws nwg tsi tau txhobtxwm ua, sub nwg lub txim txhaj yuav raug zaam. 19Qhov nuav yog fij khoom dlaws nwg lub txim kws nwg tau ua txhum rua tug TSWV.”
Currently Selected:
Levis Kevcai 5: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 5
5
Tej Kws Yuavtsum Muaj Fij Khoom Dlaws Kev Txhum
1“Kev fij khoom dlaws kev txhum yog muaj le nraag nuav:
“Yog leejtwg raug hu moog ua timkhawv rua huv tsev tu plaub, es nwg npug tsi qha tej kws nwg tau pum lossis tau paub lawm, nwg yuav tau ris lub txim txhum ntawd.
2“Txawm yog leejtwg tsi tau txhobtxwm moog kov tej kws tsi huv, xwsle tej tsaj tuag los xij, tug ntawd yog tuabneeg tsi huv hab yog tuabneeg muaj txim lawm.
3“Txawm yog leejtwg tsi tau txhobtxwm moog kov ib yaam khoom tsi huv kws yog lug ntawm ib tug tuabneeg twg los xij, thaus nwg paub lawm tes nwg yog tuabneeg muaj txim lawm.
4“Yog leejtwg laam tau laam coglug, txawm yog coglug zoo lossis phem, thaus nwg paub lawm tes nwg yog tuabneeg muaj txim lawm.
5“Thaus leejtwg tau ua txhum ntawm ib yaam kws has nuav lawm, nwg yuavtsum leeg lub txim ntawd; 6vim nwg yuav tau raug teemtxim, yogle ntawd nwg yuavtsum coj ib tug maum yaaj lossis maum tshis moog tua fij rua tug TSWV. Tug povthawj hlub maamle muab coj moog ua khoom fij dlaws nwg lub txim.
7“Tabsis yog nwg faabpeem tsi tau ib tug yaaj lossis ib tug tshis, nwg yuavtsum nqaa ob tug nquab taug lossis ob tug nquab nyeg moog fij rua tug TSWV dlaws nwg lub txim, muab ib tug fij dlaws txim, hab muab ib tug hlawv ua khoom fij. 8Nwg yuav tau nqaa ob tug nquab ntawd moog rua tug povthawj hlub, mas tug povthawj hlub maamle muab tug nquab kws dlaws txim fij uantej. Nwg muab tug nquab ntawd luv cejdlaab kuas tuag, tabsis tsi xob ua kuas lub taubhau tu 9hab muab ib qhov ntshaav nchus rua ib saab ntawm lub thaaj. Muab cov ntshaav kws seem coj moog tso rua ntawm lub taw thaaj. Qhov nuav yog kev fij khoom dlaws txim. 10Tes nwg maamle muab tug nquab thib ob lug hlawv ua khoom fij lawvle txuj kevcai. Qhov nuav yog tug povthawj hlub fij khoom theej txhoj dlaws tug tuabneeg ntawd lub txim, sub nwg lub txim txhaj yuav raug zaam.
11“Tabsis yog nwg faabpeem tsi tau ob tug nquab taug lossis ob tug nquab nyeg, nwg yuavtsum tau nqaa 1 kilus moov nplej moog fij dlaws nwg lub txim. Tabsis nwg tsi xob laub roj txivntoo lossis moov tshuaj tswqaab xyaw cov moov nplej ntawd, ruaqhov yog yuav coj moog fij dlaws txim, tsi yog fij qoobloo. 12Nwg nqaa cov moov nplej ntawd moog rua tug povthawj hlub, tes tug povthawj hlub maamle muab teg yawm ib phoovteg ua kev ncu txug fij rua tug TSWV, hab maam coj moog tso rua sau lub thaaj ua khoom noj fij hlawv rua tug TSWV, kws yog ua khoom fij dlaws txim. 13Qhov kws tug povthawj hlub ua le nuav tub yog nwg muab tej khoom theej txhoj lug fij dlaws tug tuabneeg ntawd lub txim, sub nwg lub txim txhaj yuav raug zaam. Cov moov nplej kws seem ca ua tug povthawj hlub tug, ib yaam le tej qoobloo coj tuaj fij hab.”
Kevcai Fij Khoom Dlaws Kev Txhum
14Tug TSWV has rua Mauxes tas, 15“Yog muaj leejtwg ua txhum kws tsi yog txhobtxwm ua rua tug TSWV tej khoom kws dlawbhuv los xij, nwg yuavtsum coj ib tug laug yaaj lossis laug tshis kws tsi muaj ib qhov phem le moog fij rua tug TSWV dlaws nwg lub txim. Tug tsaj ntawd yuavtsum ntaus nqe kuas lawvle numtswv kevcai. 16Nwg yuavtsum them rua tej khoom dlawbhuv kws nwg tau ua txhum taag lug lawm hab yuavtsum muab neegnkaum feem pua ntxiv rua tug TSWV. Nwg yuav tau muab cob rua tug povthawj hlub, tes tug povthawj hlub maam muab tug laug yaaj lossis tug laug tshis ntawd fij dlaws tug tuabneeg ntawd tej kev txhum, sub nwg lub txim txhaj yuav raug zaam.
17“Yog muaj leejtwg ua txhum kws tsi yog txhobtxwm ua hlaa tug TSWV tej lug xaaj ib nqai twg, nwg muaj txim hab yuav tau them nqe rua lub txim ntawd. 18Nwg yuavtsum coj ib tug laug yaaj lossis laug tshis kws tsi muaj ib qhov phem le moog rua tug povthawj hlub fij dlaws nwg lub txim. Tug tsaj ntawd yuavtsum ntaus nqe kuas lawvle numtswv kevcai. Tug povthawj hlub yuavtsum muab tug tsaj ntawd fij dlaws tug tuabneeg ntawd tej kev txhum kws nwg tsi tau txhobtxwm ua, sub nwg lub txim txhaj yuav raug zaam. 19Qhov nuav yog fij khoom dlaws nwg lub txim kws nwg tau ua txhum rua tug TSWV.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.