Levis Kevcai 2
2
Fij Tej Qoobloo
1“Thaus ib tug twg coj qoobloo kws yog ua tej lub ntsab tuaj fij rua tug TSWV, nwg yuavtsum xub muab zum ua moov tsaiv. Nwg yuavtsum muab roj txivntoo hab moov tshuaj tswqaab nphoo rua sau cov moov nplej ntawd huv tuabsi, 2hab coj tuaj cob rua Aloos cov tub kws yog cov povthawj hlub. Tes tug povthawj hlub kws dlha dlejnum maamle yawm ib phoovteg moov nplej hab roj nrug rua cov moov tshuaj tswqaab coj moog hlawv rua sau lub thaaj ua kevcai ncu txug fij rua tug TSWV. Tej paa khoom noj kws muab fij nuav yuav tswqaab ntxag ua rua tug TSWV txaussab. 3Tej qoobloo kws seem es fij tsi taag ntawd yog cov povthawj hlub tug; vim tej ntawd yog muab lug ntawm tej kws coj tuaj fij rua tug TSWV lawm, yogle ntawd, tej qoobloo ntawd yog tej kws dlawbhuv heev.
4“Yog muab tej ncuav kws cub huv qhovtxus tuaj ua khoom fij, yuavtsum yog cov kws tsi xob muab keeb xyaw. Yuavtsum yog muab moov nplej zuaj xyaw roj txivntoo puab ua tej lub ncuav tuab-tuab lossis muab zuaj puab ua tej lub nyag-nyag es xuas roj txivntoo pleev rua xwb.
5“Yog muab cov ncuav nthee huv yag tuaj ua khoom fij, yuavtsum muab tej moov nplej ntawd zuaj xyaw roj txivntoo xwb, tsi xob muab keeb xyaw. 6Cale muab puab ua tej lub hab muab cov roj laub rua sau, thaus mej coj moog ua khoom fij.
7“Yog muab tej ncuav kws cub huv laujkaub tuaj ua khoom fij, cov ncuav ntawd yuavtsum yog muab moov nplej hab roj txivntoo ua xwb. 8Coj lub ncuav ntawd moog fij rua tug TSWV hab muab cob rua tug povthawj hlub, nwg maamle coj moog tso rua ntawm lub thaaj. 9Tug povthawj hlub yuav muab ndlais ib qhov ua kev ncu txug tug coj moog fij rua tug TSWV, hab nwg yuav coj moog hlawv rua sau lub thaaj. Tej paa khoom noj kws muab fij nuav yuav tswqaab ntxag ua rua tug TSWV txaussab. 10Tej khoom fij kws seem ntawd yog cov povthawj hlub tug; vim tej ntawd yog muab lug ntawm tej kws coj tuaj fij rua tug TSWV lawm, yogle ntawd, tej qoobloo ntawd yog tej kws dlawbhuv heev.
11“Tsi xob muab tej moov nplej kws xyaw keeb tuaj fij rua tug TSWV; mej yuavtsum tsi xob muab keeb lossis zib ntaab hlawv fij rua tug TSWV hlo le. 12Txhua xyoo thaus mej sau qoobloo, mej yuavtsum coj mej thawj phaum qoob tuaj fij rua tug TSWV, tabsis tsi xob muab hlawv rua sau lub thaaj kuas tej paa tswqaab ntxag. 13Muab ntsev nphoo rua sau txhua yaam qoobloo kws mej coj tuaj fij ntawd, ruaqhov ntsev yog pev txug cov lug cogtseg ntawm Vaajtswv hab mej. (Mej yuavtsum nphoo ntsev rua taagnrho mej tej khoom fij huv tuabsi.)
14“Thaus mej sau qoobloo hab coj thawj phaum qoob tuaj fij rua tug TSWV, muab tej nplej ntawd kib kuas nkig lossis muab tuav kuas ua moov coj tuaj fij. 15Muab roj txivntoo laub rua hab muab moov tshuaj tswqaab nphoo ntxiv rua. 16Tug povthawj hlub yuav muab feem ntawm cov nplej ntawd, cov roj, hab cov moov tshuaj tswqaab kws siv ua kev ncu txug, coj moog hlawv fij ua khoom noj rua tug TSWV.
Currently Selected:
Levis Kevcai 2: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 2
2
Fij Tej Qoobloo
1“Thaus ib tug twg coj qoobloo kws yog ua tej lub ntsab tuaj fij rua tug TSWV, nwg yuavtsum xub muab zum ua moov tsaiv. Nwg yuavtsum muab roj txivntoo hab moov tshuaj tswqaab nphoo rua sau cov moov nplej ntawd huv tuabsi, 2hab coj tuaj cob rua Aloos cov tub kws yog cov povthawj hlub. Tes tug povthawj hlub kws dlha dlejnum maamle yawm ib phoovteg moov nplej hab roj nrug rua cov moov tshuaj tswqaab coj moog hlawv rua sau lub thaaj ua kevcai ncu txug fij rua tug TSWV. Tej paa khoom noj kws muab fij nuav yuav tswqaab ntxag ua rua tug TSWV txaussab. 3Tej qoobloo kws seem es fij tsi taag ntawd yog cov povthawj hlub tug; vim tej ntawd yog muab lug ntawm tej kws coj tuaj fij rua tug TSWV lawm, yogle ntawd, tej qoobloo ntawd yog tej kws dlawbhuv heev.
4“Yog muab tej ncuav kws cub huv qhovtxus tuaj ua khoom fij, yuavtsum yog cov kws tsi xob muab keeb xyaw. Yuavtsum yog muab moov nplej zuaj xyaw roj txivntoo puab ua tej lub ncuav tuab-tuab lossis muab zuaj puab ua tej lub nyag-nyag es xuas roj txivntoo pleev rua xwb.
5“Yog muab cov ncuav nthee huv yag tuaj ua khoom fij, yuavtsum muab tej moov nplej ntawd zuaj xyaw roj txivntoo xwb, tsi xob muab keeb xyaw. 6Cale muab puab ua tej lub hab muab cov roj laub rua sau, thaus mej coj moog ua khoom fij.
7“Yog muab tej ncuav kws cub huv laujkaub tuaj ua khoom fij, cov ncuav ntawd yuavtsum yog muab moov nplej hab roj txivntoo ua xwb. 8Coj lub ncuav ntawd moog fij rua tug TSWV hab muab cob rua tug povthawj hlub, nwg maamle coj moog tso rua ntawm lub thaaj. 9Tug povthawj hlub yuav muab ndlais ib qhov ua kev ncu txug tug coj moog fij rua tug TSWV, hab nwg yuav coj moog hlawv rua sau lub thaaj. Tej paa khoom noj kws muab fij nuav yuav tswqaab ntxag ua rua tug TSWV txaussab. 10Tej khoom fij kws seem ntawd yog cov povthawj hlub tug; vim tej ntawd yog muab lug ntawm tej kws coj tuaj fij rua tug TSWV lawm, yogle ntawd, tej qoobloo ntawd yog tej kws dlawbhuv heev.
11“Tsi xob muab tej moov nplej kws xyaw keeb tuaj fij rua tug TSWV; mej yuavtsum tsi xob muab keeb lossis zib ntaab hlawv fij rua tug TSWV hlo le. 12Txhua xyoo thaus mej sau qoobloo, mej yuavtsum coj mej thawj phaum qoob tuaj fij rua tug TSWV, tabsis tsi xob muab hlawv rua sau lub thaaj kuas tej paa tswqaab ntxag. 13Muab ntsev nphoo rua sau txhua yaam qoobloo kws mej coj tuaj fij ntawd, ruaqhov ntsev yog pev txug cov lug cogtseg ntawm Vaajtswv hab mej. (Mej yuavtsum nphoo ntsev rua taagnrho mej tej khoom fij huv tuabsi.)
14“Thaus mej sau qoobloo hab coj thawj phaum qoob tuaj fij rua tug TSWV, muab tej nplej ntawd kib kuas nkig lossis muab tuav kuas ua moov coj tuaj fij. 15Muab roj txivntoo laub rua hab muab moov tshuaj tswqaab nphoo ntxiv rua. 16Tug povthawj hlub yuav muab feem ntawm cov nplej ntawd, cov roj, hab cov moov tshuaj tswqaab kws siv ua kev ncu txug, coj moog hlawv fij ua khoom noj rua tug TSWV.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.