Levis Kevcai 11
11
Cov Tsaj Kws Noj Tau
(2 Kevcai 14:3-21)
1Tug TSWV has rua Mauxes hab Aloos obtug tas, 2“Meb qha rua cov Yixalayees has tas, ‘Mej noj tau txhua yaam tsaj nruabnraag 3kws muaj rau ncau ua ob saab hab yog cov tsaj zum zaub xwb, 4-6tabsis muaj tej yaam tsaj kws zum zaub tabsis rau tsi ncau, yogle ntawd mej tsi xob noj cov tsaj ntawd. Ntxhuav yog tsaj zum zaub, tabsis rau tsi ncau ua ob saab, hab tsi huv rua mej. Tsi xob noj loobtswb, loobtswb rau ncau tabsis tsi zum zaub, hab tsi huv rua mej. Tsi xob noj luav, luav yog tsaj zum zaub, tabsis rau tsi ncau ua ob saab hab tsi huv rua mej. 7Tsi xob noj npua. Npua yog tsaj tsi huv; npua rau ncau ua ob saab tabsis tsi zum zaub. 8Tsi xob noj cov tsaj ntawd lossis kov cov tsaj ntawd lub cev tuag le, vim cov tsaj ntawd tsi huv rua mej lawm.
9“ ‘Mej noj tau txhua yaam ntseg kws muaj xab hab muaj khum, 10tabsis txhua yaam tsaj nyob huv dlej kws tsi muaj xab hab tsi muaj khum, mej yuavtsum tsi xob noj. 11Tej tsaj ntawd suav tau has tas yog tsaj tsi huv, yogle ntawd, mej yuavtsum tsi xob noj lossis kov cov tsaj ntawd lub cev tuag hlo le. 12Mej yuavtsum tsi xob noj txhua yaam tsaj nruabdleg kws tsi muaj xab hab tsi muaj khum hlo le.
13-19“ ‘Mej tsi xob noj tej noog kws has nraag qaab nuav, ruaqhov tej noog nuav yog tej noog tsi huv rua mej: dlaav, plaas, dlaav qhuav, laj, loobnyuas, dlaav lwjhau, uab-laag, noog ntxhuav, noog tsoo qwj, noog paag hawv, us dlej, noog noj ntseg, noog dlej,#11:13-19 Qeeyaam noog kws has huv nqai 13-19 nuav, muaj tej yaam paub tsi meej. noog co hauv, lossis puav.
20“ ‘Txhua yaam kaab muaj tis kws siv plaub txhais teg taw nkaag yog tej kws tsi huv, 21tsuas tshwj cov kaab muaj tis kws muaj plaub txhais teg taw hab dlha tau cawsqa mas mej txhaj noj tau. 22Tej kaab ntawd yog: kooj, kooj txig, zagroj lossis kooj tshuab. 23Tabsis tej kaab muaj tis kws miv dlua tej nuav hab muaj plaub txhais teg taw nkaag, puavleej yog tej kaab kws tsi huv.
24-28“ ‘Yog leejtwg moog kov tej tsaj tuag le nraag nuav, nwg yuav tsi huv moog txug thaus tsausntuj: taagnrho tej tsaj kws muaj rau, tsi has cov kws rau tsi ncau ua ob saab hab zum zaub lossis tej tsaj kws muaj plaub tug rau hab muab lub tsawj teg moog kev los xij. Yog leejtwg moog kov tej tsaj nuav lub cev tuag, nwg yuavtsum hle nwg cev rigtsho moog ntxhua, tabsis nwg tseem tsi tau huv moog txug thaus tsausntuj hab.
29“ ‘Tej tsaj kws nkaag sau npoo aav, yog tej tsaj kws tsi huv rua mej: tshwblag, tsuag, naabqaa tsav luj, 30naabqaa dlej, naabqaa nqhuab, tsav, naabqaa xuabzeb hab naabqaa ntoo. 31Leejtwg kov cov tsaj nuav lossis kov cov tsaj nuav lub cev tuag, yuav ua rua nwg tsi huv moog txug thaus tsausntuj. 32Hab yog cov tsaj nuav lub cev tuag poob rua sau ib yaam khoom twg, yaam khoom ntawd yuav tsi huv lawm hab. Tej khoom ntawd yog: ntoo, khaubdluag, tawv tsaj lossis naabtsaaj hab tej kws yog khoom siv huv tuabsi. Yuavtsum muab yaam khoom ntawd coj moog tsau dlej, yaam khoom ntawd yuav tsi huv moog txug thaus tsausntuj, tomqaab ntawd txhaj rov huv.
33“ ‘Yog tej tsaj ntawd poob rua huv tej laujkaub, txhua yaam kws nyob huv lub laujkaub ntawd tsi huv lawm. Mej yuavtsum muab lub laujkaub ntawd tsoo povtseg. 34Yog tej zaub-mov kws yug ibtxwm noj, ntub cov dlej tsi huv kws laub huv lub laujkaub ntawd lug, tes tej zaub-mov ntawd tsi huv lawm, hab txhua yaam kua kws nyob huv lub laujkaub los tsi huv ib yaam nkaus hab. 35Txhua yaam kws tej tsaj tuag poob rua sau tes yaam ntawd tsi huv lawm, txawm yog qhovtxus lossis qhovcub los yuavtsum muab tsoo povtseg, 36tabsis lub qhovdlej txhawv lossis lub rhawv dlej tseem huv, txawm yog txhua yaam kws moog chwv cov tsaj ntawd lub cev tuag es tsi huv lawm los xij. 37Yog cov tsaj ntawd ib tug poob rua sau tej noobqoob kws yuav coj moog cog, cov noobqoob ntawd tseem huv. 38Tabsis yog tub muab cov noobqoob ntawd tsau dlej lawm, es cov tsaj ntawd ib tug maam poob rua sau, tes cov noobqoob ntawd tsi huv lawm.
39“ ‘Yog tej tsaj kws mej muaj cai noj tau ib tug twg tuag, yog leejtwg moog kov tug tsaj tuag ntawd lub cev, tes tug ntawd tsi huv moog txug thaus tsausntuj. 40Hab yog leejtwg noj tug tsaj tuag ntawd, nwg yuavtsum hle nwg cev rigtsho moog ntxhua, hab nwg yuav tsi huv moog txug thaus tsausntuj; yog leejtwg moog nqaa tej tsaj tuag, nwg yuavtsum hle nwg cev rigtsho moog ntxhua, hab nwg yuav tsi huv moog txug thaus tsausntuj.
41“ ‘Mej yuavtsum tsi xob noj tej tsaj miv kws nkaag sau npoo aav; 42txawm yog tej kws ndlaug, lossis siv plaub txhais teg taw moog kev, lossis tej kws muaj ntau txhais teg taw los xij. 43Tsi xob ua rua mej lub cev tsi huv kws yog noj tej tsaj kws tau has lug nuav. 44Kuv yog tug TSWV, kws yog mej tug Vaajtswv, mej yuavtsum ceev mej tugkheej kuas dlawbhuv, ruaqhov Kuv yog tug kws dlawbhuv. #Levi 19:2; 1Pet 1:16 45Kuv yog tug TSWV kws coj mej tawm huv tebchaws Iziv lug, Kuv txhaj yog mej tug Vaajtswv. Mej yuavtsum dlawbhuv, ruaqhov Kuv yog tug kws dlawbhuv.
46“ ‘Nuav yog txuj kevcai kws has txug tej tsaj nruabnraag, tej noog, txhua yaam tsaj nruabdleg, hab txhua yaam tsaj kws nkaag sau npoo aav. 47Mej yuavtsum ceevfaaj sub txhaj paub tas cov tsaj twg yog cov huv hab yog cov tsi huv, cov twg yog cov tsimnyog noj hab cov twg yog cov tsi tsimnyog noj.’ ”
Currently Selected:
Levis Kevcai 11: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 11
11
Cov Tsaj Kws Noj Tau
(2 Kevcai 14:3-21)
1Tug TSWV has rua Mauxes hab Aloos obtug tas, 2“Meb qha rua cov Yixalayees has tas, ‘Mej noj tau txhua yaam tsaj nruabnraag 3kws muaj rau ncau ua ob saab hab yog cov tsaj zum zaub xwb, 4-6tabsis muaj tej yaam tsaj kws zum zaub tabsis rau tsi ncau, yogle ntawd mej tsi xob noj cov tsaj ntawd. Ntxhuav yog tsaj zum zaub, tabsis rau tsi ncau ua ob saab, hab tsi huv rua mej. Tsi xob noj loobtswb, loobtswb rau ncau tabsis tsi zum zaub, hab tsi huv rua mej. Tsi xob noj luav, luav yog tsaj zum zaub, tabsis rau tsi ncau ua ob saab hab tsi huv rua mej. 7Tsi xob noj npua. Npua yog tsaj tsi huv; npua rau ncau ua ob saab tabsis tsi zum zaub. 8Tsi xob noj cov tsaj ntawd lossis kov cov tsaj ntawd lub cev tuag le, vim cov tsaj ntawd tsi huv rua mej lawm.
9“ ‘Mej noj tau txhua yaam ntseg kws muaj xab hab muaj khum, 10tabsis txhua yaam tsaj nyob huv dlej kws tsi muaj xab hab tsi muaj khum, mej yuavtsum tsi xob noj. 11Tej tsaj ntawd suav tau has tas yog tsaj tsi huv, yogle ntawd, mej yuavtsum tsi xob noj lossis kov cov tsaj ntawd lub cev tuag hlo le. 12Mej yuavtsum tsi xob noj txhua yaam tsaj nruabdleg kws tsi muaj xab hab tsi muaj khum hlo le.
13-19“ ‘Mej tsi xob noj tej noog kws has nraag qaab nuav, ruaqhov tej noog nuav yog tej noog tsi huv rua mej: dlaav, plaas, dlaav qhuav, laj, loobnyuas, dlaav lwjhau, uab-laag, noog ntxhuav, noog tsoo qwj, noog paag hawv, us dlej, noog noj ntseg, noog dlej,#11:13-19 Qeeyaam noog kws has huv nqai 13-19 nuav, muaj tej yaam paub tsi meej. noog co hauv, lossis puav.
20“ ‘Txhua yaam kaab muaj tis kws siv plaub txhais teg taw nkaag yog tej kws tsi huv, 21tsuas tshwj cov kaab muaj tis kws muaj plaub txhais teg taw hab dlha tau cawsqa mas mej txhaj noj tau. 22Tej kaab ntawd yog: kooj, kooj txig, zagroj lossis kooj tshuab. 23Tabsis tej kaab muaj tis kws miv dlua tej nuav hab muaj plaub txhais teg taw nkaag, puavleej yog tej kaab kws tsi huv.
24-28“ ‘Yog leejtwg moog kov tej tsaj tuag le nraag nuav, nwg yuav tsi huv moog txug thaus tsausntuj: taagnrho tej tsaj kws muaj rau, tsi has cov kws rau tsi ncau ua ob saab hab zum zaub lossis tej tsaj kws muaj plaub tug rau hab muab lub tsawj teg moog kev los xij. Yog leejtwg moog kov tej tsaj nuav lub cev tuag, nwg yuavtsum hle nwg cev rigtsho moog ntxhua, tabsis nwg tseem tsi tau huv moog txug thaus tsausntuj hab.
29“ ‘Tej tsaj kws nkaag sau npoo aav, yog tej tsaj kws tsi huv rua mej: tshwblag, tsuag, naabqaa tsav luj, 30naabqaa dlej, naabqaa nqhuab, tsav, naabqaa xuabzeb hab naabqaa ntoo. 31Leejtwg kov cov tsaj nuav lossis kov cov tsaj nuav lub cev tuag, yuav ua rua nwg tsi huv moog txug thaus tsausntuj. 32Hab yog cov tsaj nuav lub cev tuag poob rua sau ib yaam khoom twg, yaam khoom ntawd yuav tsi huv lawm hab. Tej khoom ntawd yog: ntoo, khaubdluag, tawv tsaj lossis naabtsaaj hab tej kws yog khoom siv huv tuabsi. Yuavtsum muab yaam khoom ntawd coj moog tsau dlej, yaam khoom ntawd yuav tsi huv moog txug thaus tsausntuj, tomqaab ntawd txhaj rov huv.
33“ ‘Yog tej tsaj ntawd poob rua huv tej laujkaub, txhua yaam kws nyob huv lub laujkaub ntawd tsi huv lawm. Mej yuavtsum muab lub laujkaub ntawd tsoo povtseg. 34Yog tej zaub-mov kws yug ibtxwm noj, ntub cov dlej tsi huv kws laub huv lub laujkaub ntawd lug, tes tej zaub-mov ntawd tsi huv lawm, hab txhua yaam kua kws nyob huv lub laujkaub los tsi huv ib yaam nkaus hab. 35Txhua yaam kws tej tsaj tuag poob rua sau tes yaam ntawd tsi huv lawm, txawm yog qhovtxus lossis qhovcub los yuavtsum muab tsoo povtseg, 36tabsis lub qhovdlej txhawv lossis lub rhawv dlej tseem huv, txawm yog txhua yaam kws moog chwv cov tsaj ntawd lub cev tuag es tsi huv lawm los xij. 37Yog cov tsaj ntawd ib tug poob rua sau tej noobqoob kws yuav coj moog cog, cov noobqoob ntawd tseem huv. 38Tabsis yog tub muab cov noobqoob ntawd tsau dlej lawm, es cov tsaj ntawd ib tug maam poob rua sau, tes cov noobqoob ntawd tsi huv lawm.
39“ ‘Yog tej tsaj kws mej muaj cai noj tau ib tug twg tuag, yog leejtwg moog kov tug tsaj tuag ntawd lub cev, tes tug ntawd tsi huv moog txug thaus tsausntuj. 40Hab yog leejtwg noj tug tsaj tuag ntawd, nwg yuavtsum hle nwg cev rigtsho moog ntxhua, hab nwg yuav tsi huv moog txug thaus tsausntuj; yog leejtwg moog nqaa tej tsaj tuag, nwg yuavtsum hle nwg cev rigtsho moog ntxhua, hab nwg yuav tsi huv moog txug thaus tsausntuj.
41“ ‘Mej yuavtsum tsi xob noj tej tsaj miv kws nkaag sau npoo aav; 42txawm yog tej kws ndlaug, lossis siv plaub txhais teg taw moog kev, lossis tej kws muaj ntau txhais teg taw los xij. 43Tsi xob ua rua mej lub cev tsi huv kws yog noj tej tsaj kws tau has lug nuav. 44Kuv yog tug TSWV, kws yog mej tug Vaajtswv, mej yuavtsum ceev mej tugkheej kuas dlawbhuv, ruaqhov Kuv yog tug kws dlawbhuv. #Levi 19:2; 1Pet 1:16 45Kuv yog tug TSWV kws coj mej tawm huv tebchaws Iziv lug, Kuv txhaj yog mej tug Vaajtswv. Mej yuavtsum dlawbhuv, ruaqhov Kuv yog tug kws dlawbhuv.
46“ ‘Nuav yog txuj kevcai kws has txug tej tsaj nruabnraag, tej noog, txhua yaam tsaj nruabdleg, hab txhua yaam tsaj kws nkaag sau npoo aav. 47Mej yuavtsum ceevfaaj sub txhaj paub tas cov tsaj twg yog cov huv hab yog cov tsi huv, cov twg yog cov tsimnyog noj hab cov twg yog cov tsi tsimnyog noj.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.