Tsiv Dlim 34
34
Txua Dlua Ob Dlaim Txag Zeb
(2 Kevcai 10:1-5)
1Tug TSWV has rua Mauxes has tas, “Koj txav dlua ob dlaim txag zeb kuas zoo ib yaam le thawj ob dlaim, es Kuv yuav sau tej lug kws nyob huv thawj ob dlaim kws koj muab tsoo tawg taag lawm rua huv ob dlaim tshab ntawd. 2Koj yuavtsum ua kuas tav rua pigkig sawvntxuv, hab tuaj rua sau Roob Xinais, tuaj cuag Kuv rua sau ncov roob. 3Tsi xob pub leejtwg nrug koj tuaj; tsi pub kuas leejtwg tuaj rua Kuv pum sau roob nuav hlo le; tsi xob pub yaaj hab nyuj tuaj noj zaub ze ntawm lub taw roob nuav le.” 4Yogle ntawd, Mauxes txhaj txav ob dlaim txag zeb zoole thawj ob dlaim, hab taagkig sawvntxuv nwg txhaj nqaa nce moog rua sau Roob Xinais lawvle tug TSWV tau xaaj rua nwg lawm.
5Tug TSWV nrug ib tauv fuab nqeg lug nrug Mauxes sawv uake, hab qha Nwg lub npe dlawbhuv, kws yog hu ua tug TSWV.#34:5: Tug TSWV: Saib 3:14, hab saib Cov Lug Txhais kws teev rua tomqaab. 6Tug TSWV hlaa Mauxes xubndlag moog hab hu nrov-nrov has tas, “Kuv, kws yog tug TSWV, yog Vaajtswv tug kws puvnpo txuj kev taabncuab hab sabdlawb sabzoo, yog tug kws tsi chim sai, yog tug kws muaj kev hlub ruaj-khov hab ncaajnceeg. 7Kuv yeej ceev Kuv txuj kev hlub moog txug ntau txheeb tam tuabneeg,#34:7: ntau txheeb tam tuabneeg; lossis ntau txheeb leej. hab yeej zaamtxim rua tej kev phem, kev ntxeevsab, hab kev txhum; tabsis Kuv yuav tsi tseg cov tuabneeg kws muaj txim, Kuv yuav rautxim rua cov mivnyuas hab cov mivnyuas ntawd cov mivnyuas moog txug peb-plaub tam tuabneeg, vim puab nam puab txiv tej kev txhum.” #Tsiv 20:5; Teev 14:18; 2Kev 5:9-10; 7:9-10
8Taamsim ntawd, Mauxes txawm txhuscaug ndlua hab nyo ntshis rua huv aav pehawm. 9Mauxes has tas, “Tug TSWV, yog Koj txaussab rua kuv tag, kuv thov Koj nrug peb moog. Cov tuabneeg nuav yeej tawv ncauj heev, tabsis thov Koj zaam peb tej kev phem hab peb lub txim, es thov leeg yuav peb ua Koj tsaav tuabneeg.”
Vaajtswv Rov Coglug Rua Mauxes
(Tsiv Dlim 23:14-19; 2 Kevcai 7:1-5; 16:1-17)
10Tug TSWV has rua Mauxes has tas, “Kuv coglug rua cov Yixalayees. Kuv yuav ua txujci tseemceeb rua suavdlawg pum, yog tej txujci kws yeej tsi tau ua rua ib tsaav tuabneeg twg nyob huv nplajteb nuav pum hlo le. Txhua tug yuav pum tas Kuv, kws yog tug TSWV, ua tau tej txujci tseemceeb luj kawg nkaus, ruaqhov Kuv taabtom yuav ua tej ntawd rua mej. 11Mej yuavtsum ua lawvle txuj kevcai kws Kuv muab cob rua mej nubnua. Kuv yuav ntab cov Amaules, cov Kana-aas, cov Hitis, cov Pelixes, cov Hivis, hab cov Yenpus kuas tsiv tawm uantej mej moog txug.
12“Mej tsi xob coglug nrug cov tuabneeg kws ibtxwm nyob huv lub tebchaws kws mej yuav moog nyob ntawd, ruaqhov tej ntawd yuav ua rooj ntxab caws tog mej kev. 13Mej cale muab puab tej thaaj rhuav povtseg, muab puab tej ncej zeb muaj fwjchim tsoo kuas tawg taag, hab muab puab tej ncej mlom quaspuj Aselas ntuv povtseg huv tuabsi. #2Kev 16:21
14“Mej tsi xob pehawm ib tug nyuas vaajtswv twg le, ruaqhov Kuv, kws yog tug TSWV, kws muaj lub npe hu ua Khib, yog tug Vaajtswv kws Khib mej heev. 15Tsi xob cog kev phoojywg nrug cov tuabneeg huv lub tebchaws ntawd, ruaqhov thaus puab moog pehawm rua puab tej nyuas vaajtswv hab tua tsaj fij rua tej nyuas vaajtswv ntawd, puab yuav caw mej moog koom nrug puab, hab puab yuav ntxag kuas mej nrug puab noj tej nqaj kws muab fij rua puab tej nyuas vaajtswv ntawd. 16Tes mej yuav moog yuav puab cov ntxhais lug rua mej cov tub ua quaspuj; cov ntxhais ntawd puavleej ua namndlav rua puab tej nyuas vaajtswv, tes puab yuav coj mej cov tub moog ua ib yaam le puab ua ntawd hab.
17“Mej tsi xob nchuav mlom tooj rua mej pe. #Tsiv 20:4; Levi 19:4; 2Kev 5:8; 27:15
18“Ncuntsoov ua Kevcai noj Ncuav Tsi Xyaw Keeb. Lawvle Kuv tau xaaj rua mej lawm, lub hli Anpis mej yuavtsum noj cov ncuav tsi xyaw keeb xyaa nub, ruaqhov lub hli ntawd yog lub hli kws mej tawm huv tebchaws Iziv lug. #Tsiv 12:14-20; Levi 23:6-8; Teev 28:16-25
19“Txhua tug tub hlub hab tej tsaj thawjtug mivnyuas kws yog tug txiv puavleej yog Kuv tug huv tuabsi, #Tsiv 13:2 20tabsis txhua-txhua thawjtug mivnyuas neegluav, mej yuavtsum coj ib tug mivnyuas yaaj moog txhwv rovqaab. Yog mej tsi xaav txhwv tug mivnyuas neegluav ntawd rovqaab, mej yuavtsum muab luv cejdlaab kuas tuag. Hab mej yuavtsum txhwv mej cov tub hlub txhua tug rovqaab huv tuabsi.
“Tsi xob pub ib tug twg tuaj cuag Kuv teg dlawb teg nplag. #Tsiv 13:13
21“Mej muaj rau nub ua mej tej dlejnum, tabsis nub thib xyaa mej yuavtsum su, txawm yog lub caij cog qoobloo lossis sau qoobloo los xij, mej yuavtsum su. #Tsiv 20:9-10; 23:12; 31:15; 35:2; Levi 23:3; 2Kev 5:3-14
22“Ncuntsoov ua Kevcai Sau Qoobloo thaus mej pib hlais mej tej nplej caug, hab ua Kevcai Nyob Tsev Pheebsuab thaus lub caij nplooj ntoos zeeg kws mej sau mej tej txivmaab. #Levi 23:15-21; Teev 28:26-31; Levi 23:39-43
23“Mej txhua tug txivneej yuavtsum tuaj pehawm Kuv, kws yog tug TSWV, kws yog cov Yixalayees tug Vaajtswv, ib xyoos twg peb zag. 24Tomqaab kws Kuv ntab lwmtsaav tuabneeg tsiv tawm uantej mej moog nyob, hab nthuav mej nrim dlej nrim aav dlaav lawm, tsi muaj leejtwg yuav tuaj txeeb mej lub tebchaws thaus kws mej ua peb zag kevcai ntawd le.
25“Mej tsi xob muab ncuav xyaw keeb nqaa tuaj fij thaus mej tua tsaj fij rua Kuv. Tsi xob tseg tej nqaj kws mej tua ua kevcai Hlaa Dlhau moog txug taagkig sawvntxuv. #Tsiv 12:10
26“Txhua xyoo mej yuavtsum coj tej qoobloo zoo kawg nkaus kws mej xub sau tau lug, nqaa tuaj tso rua huv tug TSWV lub tuamtsev.
“Tsi xob muab mivnyuas yaaj lossis mivnyuas tshis cov nqaj hau rua huv nwg nam cov kua mig.” #2Kev 26:2; 2Kev 14:21
27Tug TSWV has rua Mauxes has tas, “Sau tej lug nuav ca, ruaqhov tej lug cogtseg kws Kuv ua rua koj hab cov Yixalayees.” 28Mauxes nrug tug TSWV nyob sau roob tau plaubcaug nub plaubcaug mo, nwg tsi noj mov hab tsi haus dlej le. Hab nwg#34:28: nwg; Vim phoo Henplais sau ua “nwg” nua xwb, ibtxha has tas lulug ntawd yog has txug Mauxes, tabsis ibtxha kuj has tas lulug ntawd yog has txug Vaajtswv (34:1). sau tej lug cogtseg kws yog Kaum Nqai Kevcai rua sau ob dlaim txag zeb.
Mauxes Nqeg Sau Roob Xinais Lug
29Thaus Mauxes nqeg sau Roob Xinais lug, nwg ob txhais teg nqaa rawv ob dlaim txag zeb kws sau Kaum Nqai Kevcai, nwg lub ntsejmuag ci ntsaa-ab, tabsis nwg tsi paub le, ruaqhov nwg tau nrug tug TSWV sisthaam. 30Thaus Aloos hab cov Yixalayees pum Mauxes lub ntsejmuag ci ntsaa-ab, puab ntshai heev hab tsi kaam txaav moog ze nwg le. 31Tabsis Mauxes hu kuas puab tuaj cuag nwg, tes Aloos hab taagnrho cov Yixalayees tej thawjcoj txhaj moog cuag nwg, hab nwg nrug puab thaam. 32Tomqaab ntawd, cov pejxeem Yixalayees txawm sissau lug sawv ncig Mauxes, tes Mauxes txhaj muab taagnrho tej kevcai kws tug TSWV muab rua nwg sau lub Roob Xinais qha rua puab.
33Thaus Mauxes has rua puab taag lawm, nwg txhaj muab ib dlaim ntaub npug nwg lub ntsejmuag. 34Txhua zag kws Mauxes moog nrug tug TSWV thaam huv lub Tsevntaub Sisntsib, nwg yeej muab dlaim ntaub kws npug nwg lub ntsejmuag yaws. Thaus nwg tawm lug, nwg yeej pav txhua yaam kws tug TSWV tau xaaj rua nwg rua cov Yixalayees noog, 35hab puab pum tas nwg lub ntsejmuag yeej ci ntsaa-ab. Tes Mauxes rov muab ntaub npug nwg lub ntsejmuag moog txug thaus nwg rov moog nrug tug TSWV sisthaam.
Currently Selected:
Tsiv Dlim 34: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 34
34
Txua Dlua Ob Dlaim Txag Zeb
(2 Kevcai 10:1-5)
1Tug TSWV has rua Mauxes has tas, “Koj txav dlua ob dlaim txag zeb kuas zoo ib yaam le thawj ob dlaim, es Kuv yuav sau tej lug kws nyob huv thawj ob dlaim kws koj muab tsoo tawg taag lawm rua huv ob dlaim tshab ntawd. 2Koj yuavtsum ua kuas tav rua pigkig sawvntxuv, hab tuaj rua sau Roob Xinais, tuaj cuag Kuv rua sau ncov roob. 3Tsi xob pub leejtwg nrug koj tuaj; tsi pub kuas leejtwg tuaj rua Kuv pum sau roob nuav hlo le; tsi xob pub yaaj hab nyuj tuaj noj zaub ze ntawm lub taw roob nuav le.” 4Yogle ntawd, Mauxes txhaj txav ob dlaim txag zeb zoole thawj ob dlaim, hab taagkig sawvntxuv nwg txhaj nqaa nce moog rua sau Roob Xinais lawvle tug TSWV tau xaaj rua nwg lawm.
5Tug TSWV nrug ib tauv fuab nqeg lug nrug Mauxes sawv uake, hab qha Nwg lub npe dlawbhuv, kws yog hu ua tug TSWV.#34:5: Tug TSWV: Saib 3:14, hab saib Cov Lug Txhais kws teev rua tomqaab. 6Tug TSWV hlaa Mauxes xubndlag moog hab hu nrov-nrov has tas, “Kuv, kws yog tug TSWV, yog Vaajtswv tug kws puvnpo txuj kev taabncuab hab sabdlawb sabzoo, yog tug kws tsi chim sai, yog tug kws muaj kev hlub ruaj-khov hab ncaajnceeg. 7Kuv yeej ceev Kuv txuj kev hlub moog txug ntau txheeb tam tuabneeg,#34:7: ntau txheeb tam tuabneeg; lossis ntau txheeb leej. hab yeej zaamtxim rua tej kev phem, kev ntxeevsab, hab kev txhum; tabsis Kuv yuav tsi tseg cov tuabneeg kws muaj txim, Kuv yuav rautxim rua cov mivnyuas hab cov mivnyuas ntawd cov mivnyuas moog txug peb-plaub tam tuabneeg, vim puab nam puab txiv tej kev txhum.” #Tsiv 20:5; Teev 14:18; 2Kev 5:9-10; 7:9-10
8Taamsim ntawd, Mauxes txawm txhuscaug ndlua hab nyo ntshis rua huv aav pehawm. 9Mauxes has tas, “Tug TSWV, yog Koj txaussab rua kuv tag, kuv thov Koj nrug peb moog. Cov tuabneeg nuav yeej tawv ncauj heev, tabsis thov Koj zaam peb tej kev phem hab peb lub txim, es thov leeg yuav peb ua Koj tsaav tuabneeg.”
Vaajtswv Rov Coglug Rua Mauxes
(Tsiv Dlim 23:14-19; 2 Kevcai 7:1-5; 16:1-17)
10Tug TSWV has rua Mauxes has tas, “Kuv coglug rua cov Yixalayees. Kuv yuav ua txujci tseemceeb rua suavdlawg pum, yog tej txujci kws yeej tsi tau ua rua ib tsaav tuabneeg twg nyob huv nplajteb nuav pum hlo le. Txhua tug yuav pum tas Kuv, kws yog tug TSWV, ua tau tej txujci tseemceeb luj kawg nkaus, ruaqhov Kuv taabtom yuav ua tej ntawd rua mej. 11Mej yuavtsum ua lawvle txuj kevcai kws Kuv muab cob rua mej nubnua. Kuv yuav ntab cov Amaules, cov Kana-aas, cov Hitis, cov Pelixes, cov Hivis, hab cov Yenpus kuas tsiv tawm uantej mej moog txug.
12“Mej tsi xob coglug nrug cov tuabneeg kws ibtxwm nyob huv lub tebchaws kws mej yuav moog nyob ntawd, ruaqhov tej ntawd yuav ua rooj ntxab caws tog mej kev. 13Mej cale muab puab tej thaaj rhuav povtseg, muab puab tej ncej zeb muaj fwjchim tsoo kuas tawg taag, hab muab puab tej ncej mlom quaspuj Aselas ntuv povtseg huv tuabsi. #2Kev 16:21
14“Mej tsi xob pehawm ib tug nyuas vaajtswv twg le, ruaqhov Kuv, kws yog tug TSWV, kws muaj lub npe hu ua Khib, yog tug Vaajtswv kws Khib mej heev. 15Tsi xob cog kev phoojywg nrug cov tuabneeg huv lub tebchaws ntawd, ruaqhov thaus puab moog pehawm rua puab tej nyuas vaajtswv hab tua tsaj fij rua tej nyuas vaajtswv ntawd, puab yuav caw mej moog koom nrug puab, hab puab yuav ntxag kuas mej nrug puab noj tej nqaj kws muab fij rua puab tej nyuas vaajtswv ntawd. 16Tes mej yuav moog yuav puab cov ntxhais lug rua mej cov tub ua quaspuj; cov ntxhais ntawd puavleej ua namndlav rua puab tej nyuas vaajtswv, tes puab yuav coj mej cov tub moog ua ib yaam le puab ua ntawd hab.
17“Mej tsi xob nchuav mlom tooj rua mej pe. #Tsiv 20:4; Levi 19:4; 2Kev 5:8; 27:15
18“Ncuntsoov ua Kevcai noj Ncuav Tsi Xyaw Keeb. Lawvle Kuv tau xaaj rua mej lawm, lub hli Anpis mej yuavtsum noj cov ncuav tsi xyaw keeb xyaa nub, ruaqhov lub hli ntawd yog lub hli kws mej tawm huv tebchaws Iziv lug. #Tsiv 12:14-20; Levi 23:6-8; Teev 28:16-25
19“Txhua tug tub hlub hab tej tsaj thawjtug mivnyuas kws yog tug txiv puavleej yog Kuv tug huv tuabsi, #Tsiv 13:2 20tabsis txhua-txhua thawjtug mivnyuas neegluav, mej yuavtsum coj ib tug mivnyuas yaaj moog txhwv rovqaab. Yog mej tsi xaav txhwv tug mivnyuas neegluav ntawd rovqaab, mej yuavtsum muab luv cejdlaab kuas tuag. Hab mej yuavtsum txhwv mej cov tub hlub txhua tug rovqaab huv tuabsi.
“Tsi xob pub ib tug twg tuaj cuag Kuv teg dlawb teg nplag. #Tsiv 13:13
21“Mej muaj rau nub ua mej tej dlejnum, tabsis nub thib xyaa mej yuavtsum su, txawm yog lub caij cog qoobloo lossis sau qoobloo los xij, mej yuavtsum su. #Tsiv 20:9-10; 23:12; 31:15; 35:2; Levi 23:3; 2Kev 5:3-14
22“Ncuntsoov ua Kevcai Sau Qoobloo thaus mej pib hlais mej tej nplej caug, hab ua Kevcai Nyob Tsev Pheebsuab thaus lub caij nplooj ntoos zeeg kws mej sau mej tej txivmaab. #Levi 23:15-21; Teev 28:26-31; Levi 23:39-43
23“Mej txhua tug txivneej yuavtsum tuaj pehawm Kuv, kws yog tug TSWV, kws yog cov Yixalayees tug Vaajtswv, ib xyoos twg peb zag. 24Tomqaab kws Kuv ntab lwmtsaav tuabneeg tsiv tawm uantej mej moog nyob, hab nthuav mej nrim dlej nrim aav dlaav lawm, tsi muaj leejtwg yuav tuaj txeeb mej lub tebchaws thaus kws mej ua peb zag kevcai ntawd le.
25“Mej tsi xob muab ncuav xyaw keeb nqaa tuaj fij thaus mej tua tsaj fij rua Kuv. Tsi xob tseg tej nqaj kws mej tua ua kevcai Hlaa Dlhau moog txug taagkig sawvntxuv. #Tsiv 12:10
26“Txhua xyoo mej yuavtsum coj tej qoobloo zoo kawg nkaus kws mej xub sau tau lug, nqaa tuaj tso rua huv tug TSWV lub tuamtsev.
“Tsi xob muab mivnyuas yaaj lossis mivnyuas tshis cov nqaj hau rua huv nwg nam cov kua mig.” #2Kev 26:2; 2Kev 14:21
27Tug TSWV has rua Mauxes has tas, “Sau tej lug nuav ca, ruaqhov tej lug cogtseg kws Kuv ua rua koj hab cov Yixalayees.” 28Mauxes nrug tug TSWV nyob sau roob tau plaubcaug nub plaubcaug mo, nwg tsi noj mov hab tsi haus dlej le. Hab nwg#34:28: nwg; Vim phoo Henplais sau ua “nwg” nua xwb, ibtxha has tas lulug ntawd yog has txug Mauxes, tabsis ibtxha kuj has tas lulug ntawd yog has txug Vaajtswv (34:1). sau tej lug cogtseg kws yog Kaum Nqai Kevcai rua sau ob dlaim txag zeb.
Mauxes Nqeg Sau Roob Xinais Lug
29Thaus Mauxes nqeg sau Roob Xinais lug, nwg ob txhais teg nqaa rawv ob dlaim txag zeb kws sau Kaum Nqai Kevcai, nwg lub ntsejmuag ci ntsaa-ab, tabsis nwg tsi paub le, ruaqhov nwg tau nrug tug TSWV sisthaam. 30Thaus Aloos hab cov Yixalayees pum Mauxes lub ntsejmuag ci ntsaa-ab, puab ntshai heev hab tsi kaam txaav moog ze nwg le. 31Tabsis Mauxes hu kuas puab tuaj cuag nwg, tes Aloos hab taagnrho cov Yixalayees tej thawjcoj txhaj moog cuag nwg, hab nwg nrug puab thaam. 32Tomqaab ntawd, cov pejxeem Yixalayees txawm sissau lug sawv ncig Mauxes, tes Mauxes txhaj muab taagnrho tej kevcai kws tug TSWV muab rua nwg sau lub Roob Xinais qha rua puab.
33Thaus Mauxes has rua puab taag lawm, nwg txhaj muab ib dlaim ntaub npug nwg lub ntsejmuag. 34Txhua zag kws Mauxes moog nrug tug TSWV thaam huv lub Tsevntaub Sisntsib, nwg yeej muab dlaim ntaub kws npug nwg lub ntsejmuag yaws. Thaus nwg tawm lug, nwg yeej pav txhua yaam kws tug TSWV tau xaaj rua nwg rua cov Yixalayees noog, 35hab puab pum tas nwg lub ntsejmuag yeej ci ntsaa-ab. Tes Mauxes rov muab ntaub npug nwg lub ntsejmuag moog txug thaus nwg rov moog nrug tug TSWV sisthaam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.