Tsiv Dlim 33
33
Tug TSWV Ntab Cov Yixalayees Tawm Ntawm Roob Xinais
1Tug TSWV has rua Mauxes has tas, “Koj hab cov tuabneeg kws koj coj huv tebchaws Iziv lug, mej cale tawm ntawm qhov chaw nuav, hab moog rua lub tebchaws kws Kuv tau coglug tseg has tas Kuv yuav muab rua Anplahaas, Ixaj, hab Yakhauj hab puab caajceg nyob. #Chiv 12:7; Chiv 26:3; Chiv 28:13 2Kuv yuav tso ib tug timtswv lug coj mej kev, Kuv yuav ntab cov tuabneeg Kana-aas, cov Amaules, cov Hitis, cov Pelixes, cov Hivis, hab cov Yenpus kuas tsiv tawm moog. 3Mej yuav moog nyob huv lub tebchaws kws muaj kua mig hab zib ntaab ndlwg ndlo. Tabsis Kuv yuav tsi nrug mej moog, ruaqhov mej yog cov tuabneeg tawv ncauj heev, nyobtsaam Kuv muab mej ua puamtsuaj taag tom ib tog kev.”
4Thaus cov pejxeem nov zaaj xuv tsi zoo nuav, puab txawm pib quaj hab tsi coj saw nyaj saw kub le lawm. 5Vim tug TSWV tau xaaj rua Mauxes kuas has rua puab tas, “Mej yog cov tuabneeg tawv ncauj. Yog Kuv nrug mej moog, txawm yog nyavnyuas moog ibplag xwb los xij, nyobtsaam Kuv cale ua rua mej puamtsuaj taag. Zagnua cale hle mej tej nyaj tej kub ca, sub Kuv txhaj paub tas yuav ua lecaag rua mej.” 6Yogle ntawd, tomqaab kws puab tawm ntawm Roob Xinais moog lawm, cov Yixalayees txhaj tsi coj nyaj tsi coj kub le lawm.
Lub Tsevntaub Sisntsib
7Txhua qhov kws cov Yixalayees tsuam chaw su, Mauxes yeej coj lub Tsevntaub dlawbhuv moog tsaa rua saabnrau kws dleb ntawm lub yeej. Lub tsev ntawd hu ua lub Tsevntaub Sisntsib; yog leejtwg xaav moog ntsib tug TSWV nwg yuavtsum moog rua ntawm lub Tsevntaub kws nyob rua saabnrau kws dleb lub ntug yeej. 8Yog thaus twg Mauxes tawm moog rua tom lub Tsevntaub ntawd, mas cov pejxeem puavleej tawm tuaj sawv ntawm puab tej qhovrooj tsevntaub hab saib Mauxes moog kuas nkaag plawg rua huv lub Tsevntaub.
9Thaus Mauxes moog rua huv lub Tsevntaub lawm, tug ncej fuab txawm dlauv kag lug nreg rua ntawm lub qhovrooj Tsevntaub, hab tug TSWV haslug huv tug ncej fuab ntawd tuaj rua Mauxes. 10Thaus twg cov pejxeem pum tug ncej fuab nreg ntawm lub qhovrooj Tsevntaub, puab nyag yeej sawv ntawm nyag lub qhovrooj tsevntaub pehawm kag tug TSWV. 11Tug TSWV nrug Mauxes thaam timntsej timmuag, ib yaam le ob tug phoojywg sisthaam. Tes Mauxes maam rovqaab lug rua tom lub yeej. Tabsis Mauxes tug tubkhai hluas kws yog Noos tug tub Yausuas, nwg yeej tsi tawm huv lub Tsevntaub moog le.
Tug TSWV Coglug Yuav Nrug Nwg Tsaav Tuabneeg
12Mauxes has rua tug TSWV has tas, “Koj yeej txeev has kuas kuv coj cov tuabneeg nuav moog nyob huv lub tebchaws ntawd, tabsis Koj tsi tau qha rua kuv paub tas tug kws Koj yuav tso nrug kuv moog ntawd yog leejtwg. Koj tsuas qha has tas Koj paub kuv zoo hab txaussab rua kuv xwb. 13Yog Koj yeej txaussab rua kuv tag, thov qha tej kev kws Koj npaajsab yuav ua ntawd rua kuv, sub kuv txhaj yuav ua tau tej kws hum Koj sab. Thov Koj suav has tas tsaav tuabneeg nuav yog Koj tug lawm.”
14Tug TSWV teb tas, “Kuv yuav nrug koj moog hab pub kuas koj muajyeej.”
15Mauxes teb tug TSWV has tas, “Yog Koj tsi nrug peb moog, thov tsi xob coj peb tawm qhov chaw nuav moog. 16Yog Koj tsi nrug peb moog, leejtwg yuav paub tas Koj txaussab rua kuv hab rua Koj tsaav tuabneeg? Qhov kws muaj Koj nrug peb moog ntawd yuav qha tau rua luas lwmtsaav tuabneeg kws nyob huv lub nplajteb nuav has tas peb yog Koj tsaav tuabneeg.”
17Tug TSWV has rua Mauxes has tas, “Kuv yuav ua lawvle qhov kws koj thov ntawd, ruaqhov Kuv paub koj zoo hab Kuv yeej txaussab rua koj.”
18Tes Mauxes txawm thov has tas, “Thov Koj ua Koj tug tshwjchim kws ci ntsaa-ab rua kuv pum.”
19Tug TSWV teb tas, “Kuv yuav ca taagnrho Kuv tej kev zoo lug hlaa kag ntawm koj lub xubndlag moog, hab Kuv yuav qha Kuv lub npe kws yog tug TSWV taabmeeg koj; Kuv pumzoo taabncuab tug twg, Kuv yuav taabncuab tug ntawd, hab Kuv pumzoo hlub tug twg, Kuv yuav hlub tug ntawd. #Loos 9:15 20Koj yuav pum tsi tau Kuv lub ntsejmuag, ruaqhov yeej tsi muaj leejtwg kws pum Kuv taag es tseem muaj sa nyob, 21tabsis muaj ib qhov chaw nyob ntawm Kuv ib saab nuav, kws koj muaj peevxwm moog sawv sau lub pobzeb. 22Thaus Kuv tug tshwjchim kws ci ntsaa-ab hlaa lug, Kuv yuav muab koj tso rua huv ib kis pobzeb, hab muab Kuv txhais teg thaiv koj moog txug thaus Kuv hlaa dlhau koj moog lawm. 23Tes Kuv yuav tshem Kuv txhais teg tawm, koj tsuas pum Kuv lub nrauqaum xwb tabsis yuav tsi pum Kuv lub ntsejmuag.”
Currently Selected:
Tsiv Dlim 33: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 33
33
Tug TSWV Ntab Cov Yixalayees Tawm Ntawm Roob Xinais
1Tug TSWV has rua Mauxes has tas, “Koj hab cov tuabneeg kws koj coj huv tebchaws Iziv lug, mej cale tawm ntawm qhov chaw nuav, hab moog rua lub tebchaws kws Kuv tau coglug tseg has tas Kuv yuav muab rua Anplahaas, Ixaj, hab Yakhauj hab puab caajceg nyob. #Chiv 12:7; Chiv 26:3; Chiv 28:13 2Kuv yuav tso ib tug timtswv lug coj mej kev, Kuv yuav ntab cov tuabneeg Kana-aas, cov Amaules, cov Hitis, cov Pelixes, cov Hivis, hab cov Yenpus kuas tsiv tawm moog. 3Mej yuav moog nyob huv lub tebchaws kws muaj kua mig hab zib ntaab ndlwg ndlo. Tabsis Kuv yuav tsi nrug mej moog, ruaqhov mej yog cov tuabneeg tawv ncauj heev, nyobtsaam Kuv muab mej ua puamtsuaj taag tom ib tog kev.”
4Thaus cov pejxeem nov zaaj xuv tsi zoo nuav, puab txawm pib quaj hab tsi coj saw nyaj saw kub le lawm. 5Vim tug TSWV tau xaaj rua Mauxes kuas has rua puab tas, “Mej yog cov tuabneeg tawv ncauj. Yog Kuv nrug mej moog, txawm yog nyavnyuas moog ibplag xwb los xij, nyobtsaam Kuv cale ua rua mej puamtsuaj taag. Zagnua cale hle mej tej nyaj tej kub ca, sub Kuv txhaj paub tas yuav ua lecaag rua mej.” 6Yogle ntawd, tomqaab kws puab tawm ntawm Roob Xinais moog lawm, cov Yixalayees txhaj tsi coj nyaj tsi coj kub le lawm.
Lub Tsevntaub Sisntsib
7Txhua qhov kws cov Yixalayees tsuam chaw su, Mauxes yeej coj lub Tsevntaub dlawbhuv moog tsaa rua saabnrau kws dleb ntawm lub yeej. Lub tsev ntawd hu ua lub Tsevntaub Sisntsib; yog leejtwg xaav moog ntsib tug TSWV nwg yuavtsum moog rua ntawm lub Tsevntaub kws nyob rua saabnrau kws dleb lub ntug yeej. 8Yog thaus twg Mauxes tawm moog rua tom lub Tsevntaub ntawd, mas cov pejxeem puavleej tawm tuaj sawv ntawm puab tej qhovrooj tsevntaub hab saib Mauxes moog kuas nkaag plawg rua huv lub Tsevntaub.
9Thaus Mauxes moog rua huv lub Tsevntaub lawm, tug ncej fuab txawm dlauv kag lug nreg rua ntawm lub qhovrooj Tsevntaub, hab tug TSWV haslug huv tug ncej fuab ntawd tuaj rua Mauxes. 10Thaus twg cov pejxeem pum tug ncej fuab nreg ntawm lub qhovrooj Tsevntaub, puab nyag yeej sawv ntawm nyag lub qhovrooj tsevntaub pehawm kag tug TSWV. 11Tug TSWV nrug Mauxes thaam timntsej timmuag, ib yaam le ob tug phoojywg sisthaam. Tes Mauxes maam rovqaab lug rua tom lub yeej. Tabsis Mauxes tug tubkhai hluas kws yog Noos tug tub Yausuas, nwg yeej tsi tawm huv lub Tsevntaub moog le.
Tug TSWV Coglug Yuav Nrug Nwg Tsaav Tuabneeg
12Mauxes has rua tug TSWV has tas, “Koj yeej txeev has kuas kuv coj cov tuabneeg nuav moog nyob huv lub tebchaws ntawd, tabsis Koj tsi tau qha rua kuv paub tas tug kws Koj yuav tso nrug kuv moog ntawd yog leejtwg. Koj tsuas qha has tas Koj paub kuv zoo hab txaussab rua kuv xwb. 13Yog Koj yeej txaussab rua kuv tag, thov qha tej kev kws Koj npaajsab yuav ua ntawd rua kuv, sub kuv txhaj yuav ua tau tej kws hum Koj sab. Thov Koj suav has tas tsaav tuabneeg nuav yog Koj tug lawm.”
14Tug TSWV teb tas, “Kuv yuav nrug koj moog hab pub kuas koj muajyeej.”
15Mauxes teb tug TSWV has tas, “Yog Koj tsi nrug peb moog, thov tsi xob coj peb tawm qhov chaw nuav moog. 16Yog Koj tsi nrug peb moog, leejtwg yuav paub tas Koj txaussab rua kuv hab rua Koj tsaav tuabneeg? Qhov kws muaj Koj nrug peb moog ntawd yuav qha tau rua luas lwmtsaav tuabneeg kws nyob huv lub nplajteb nuav has tas peb yog Koj tsaav tuabneeg.”
17Tug TSWV has rua Mauxes has tas, “Kuv yuav ua lawvle qhov kws koj thov ntawd, ruaqhov Kuv paub koj zoo hab Kuv yeej txaussab rua koj.”
18Tes Mauxes txawm thov has tas, “Thov Koj ua Koj tug tshwjchim kws ci ntsaa-ab rua kuv pum.”
19Tug TSWV teb tas, “Kuv yuav ca taagnrho Kuv tej kev zoo lug hlaa kag ntawm koj lub xubndlag moog, hab Kuv yuav qha Kuv lub npe kws yog tug TSWV taabmeeg koj; Kuv pumzoo taabncuab tug twg, Kuv yuav taabncuab tug ntawd, hab Kuv pumzoo hlub tug twg, Kuv yuav hlub tug ntawd. #Loos 9:15 20Koj yuav pum tsi tau Kuv lub ntsejmuag, ruaqhov yeej tsi muaj leejtwg kws pum Kuv taag es tseem muaj sa nyob, 21tabsis muaj ib qhov chaw nyob ntawm Kuv ib saab nuav, kws koj muaj peevxwm moog sawv sau lub pobzeb. 22Thaus Kuv tug tshwjchim kws ci ntsaa-ab hlaa lug, Kuv yuav muab koj tso rua huv ib kis pobzeb, hab muab Kuv txhais teg thaiv koj moog txug thaus Kuv hlaa dlhau koj moog lawm. 23Tes Kuv yuav tshem Kuv txhais teg tawm, koj tsuas pum Kuv lub nrauqaum xwb tabsis yuav tsi pum Kuv lub ntsejmuag.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.