Tsiv Dlim 35
35
Kevcai Rua Nub Xanpataus
1Mauxes hu taagnrho ibtsoom pejxeem Yixalayees tuaj sissau uake hab nwg has rua puab tas, “Ntawm nuav yog tug TSWV tej lug xaaj kuas mej ua: 2Mej muaj rau nub ua mej tej dlejnum, tabsis nub thib xyaa yog nub dlawbhuv rua mej, yog nub Xanpataus kws yog tug TSWV nub su tag-tag le. Yog leejtwg tseem moog ua num rua nub ntawd hab, yuavtsum muab nwg tua kuas tuag. #Tsiv 20:8-11; 23:12; 31:15; 34:21; Levi 23:3; 2Kev 5:12-14 3Txawm yog huv mej tej tsev los nub Xanpataus tsi xob rauv tawg hlo le.”
Coj Khoom Moog Fij Rua Lub Tsevntaub Dlawbhuv
(Tsiv Dlim 25:1-9)
4Mauxes has rua cov Yixalayees tas, “Ntawm nuav yog tug TSWV tej lug xaaj tseg: 5Muab tej kws mej muaj coj tuaj fij rua tug TSWV. Txhua tug kws txaussab nqaa khoom tuaj fij rua tug TSWV, kuas nwg nqaa kub, nyaj, hab tooj; 6tej ntaub maag kws zoo-zoo, xuv xav, xuv tsaamxem, hab xuv lab; tej ntaub kws muab plaub tshis ntus; 7tawv laug yaaj kws muab zaas lab; tej tseem tawv nyuj; ntoo kubtwg; 8roj saam teeb; ntoo tswqaab kws tim rua cov roj txhawb meejthawj, hab tej moov tshuaj kws tswqaab; 9tej qai zeb kanelis hab lwmyaam hlaws kws muab xaws rua ntawm cov Povthawj Hlub lub tsho efauj hab lub awv.
Tej Khoom Siv Huv Tug TSWV Lub Tsevntaub Sisntsib
(Tsiv Dlim 39:32-43)
10“Taagnrho mej cov kws txujteg zoo yuavtsum tuaj hab ua txhua yaam kws tug TSWV tau xaaj tseg: 11lub Tsevntaub, cov vuv lub tsev, cov xov lub tsev, cov khawb, cov laag, cov taab, cov ncej, hab cov tag taw ncej; 12lub Phijxaab Lug Cogtseg, ob tug laag, lub hau Phijxaab, hab dlaim ntaub thaiv lub Phijxaab; 13lub rooj, cov ceg rooj hab taagnrho tej khoom siv rua lub rooj; cov ncuav kws fij rua tug TSWV; 14Tug ncej txawb teeb hab tej khoom siv; cov teebxeeb hab cov roj; 15lub thaaj hlawv moov tshuaj tswqaab hab cov ceg; cov roj txhawb meejthawj; cov moov tshuaj tswqaab; dlaim ntaub thaiv lub qhovrooj kws nkaag moog rua huv lub Tsevntaub; 16lub thaaj hlawv khoom fij hab dlaim ntxaij tooj kws pua lub thaaj; ob tug paas kwv, hab tej khoom siv rua lub thaaj; lub phab tooj ntxuav teg ntxuav taw hab lub taw tag phab; 17dlaim ntaub xov vaaj, cov ncej vaaj hab cov tag taw; dlaim ntaub roojvaag; 18lub Tsevntaub tej tswg hab tej hlua nqug lub Tsevntaub hab lub tshaavloog; 19hab tej tsoogtsho zoo-zoo kws cov povthawj hlub yuav naav thaus puab moog ua num huv Chaav Dlawbhuv, tej tsoogtsho dlawbhuv rua Aloos kws yog tug povthawj hlub hab nwg cov tub naav.”
Cov Tuabneeg Coj Khoom Tuaj Fij
20Tes cov Yixalayees txhua tug txawm sawvkev moog, 21hab txhua tug kws txaussab, txawm coj puab tej khoom tuaj fij ua lub Tsevntaub Sisntsib. Puab nqaa txhua yaam khoom kws yuav siv rua kev pehawm hab yuav siv ua tej tsoogtsho rua cov povthawj hlub. 22Taagnrho cov kws txaussab, xaam tej quaspuj hab txivneej huv tuabsi, puab nqaa koob khawm, qhwsntsej, nplhaib, saw, hab txhua yaam kws yog saw kub, coj tuaj fij rua tug TSWV. 23Txhua tug kws muaj tej ntaub maag kws zoo-zoo, ntaub xav, ntaub tsaamxem, lossis xuv lab; tej ntaub kws muab plaub tshis ntus; tawv laug yaaj kws muab zaas lab; lossis tej tseem tawv nyuj tuaj.
24Txhua tug kws txaussab muab nyaj lossis tooj, los puab kuj nqaa tuaj fij rua tug TSWV, hab txhua tug kws muaj ntoo kubtwg kws zoo siv ua ib yaam dlaabtsi, los kuj coj tuaj huv tuabsi. 25Txhua tug quaspuj kws txawj ntus ntaub, los puab kuj nqaa puab tej ntaub, tej tseem xuv maaj, xuv xav, xuv tsaamxem, hab xuv lab, huv tuabsi tuaj. 26Puab kuj muab tej plaub tshis xuab ua xuv. 27Cov thawjcoj nqaa tej qai zeb kanelis hab lwmyaam hlaws kws muajnqes tuaj dlai rua lub tsho efauj hab lub awv, 28hab nqaa tej ntoo tswqaab hab tej roj kws saam rua cov teeb, cov roj txhawb meejthawj, hab tej moov tshuaj kws tswqaab tuaj. 29Taagnrho cov tuabneeg Yixalayees tej quaspuj hab txivneej kws txaussab, puavleej nqaa puab tej khoom tuaj fij rua tug TSWV ua tej num kws Nwg tau xaaj rua Mauxes ua ntawd.
Npexalees Hab Auhauli-as
(Tsiv Dlim 31:1-11)
30Mauxes has rua cov Yixalayees has tas, “Tug TSWV tau xaiv Npexalees kws yog Ulis tug tub hab yog Hawj tug xeebntxwv huv xeem Yudas. 31Vaajtswv pub rua nwg puvnpo Vaajtswv tug Ntsujplig,#35:31: tug Ntsujplig; lossis lub fwjchim. pub nwg muaj txujteg zoo, muaj peevxwm, hab muaj kev totaub txug kev txaug txhua yaam, 32kuas txawj tawm tswvyim, txawj tawm qauv hab txawj nchuav kub, nchuav nyaj, hab nchuav tooj; 33txawj txav tej saw lug sisdlhos, txawj zaij ntoo; hab txawj txaug txhua yaam. 34Hab Vaajtswv pub rua Auhauli-as kws yog Ahixamas tug tub kws yog xeem Daas, kuas muaj peevxwm cobqha tau lwmtug. 35Vaajtswv pub txujteg zoo rua obtug txawj txaug txhua yaam kws yog txawj tawm qauv, ntus tej tseem ntaub maag, xuv xav, xuv tsaamxem, hab xuv lab, hab lwmyaam ntaub. Obtug muaj peevxwm ua tau txhua yaam hab txawj tawm txhua yaam qauv.
Currently Selected:
Tsiv Dlim 35: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 35
35
Kevcai Rua Nub Xanpataus
1Mauxes hu taagnrho ibtsoom pejxeem Yixalayees tuaj sissau uake hab nwg has rua puab tas, “Ntawm nuav yog tug TSWV tej lug xaaj kuas mej ua: 2Mej muaj rau nub ua mej tej dlejnum, tabsis nub thib xyaa yog nub dlawbhuv rua mej, yog nub Xanpataus kws yog tug TSWV nub su tag-tag le. Yog leejtwg tseem moog ua num rua nub ntawd hab, yuavtsum muab nwg tua kuas tuag. #Tsiv 20:8-11; 23:12; 31:15; 34:21; Levi 23:3; 2Kev 5:12-14 3Txawm yog huv mej tej tsev los nub Xanpataus tsi xob rauv tawg hlo le.”
Coj Khoom Moog Fij Rua Lub Tsevntaub Dlawbhuv
(Tsiv Dlim 25:1-9)
4Mauxes has rua cov Yixalayees tas, “Ntawm nuav yog tug TSWV tej lug xaaj tseg: 5Muab tej kws mej muaj coj tuaj fij rua tug TSWV. Txhua tug kws txaussab nqaa khoom tuaj fij rua tug TSWV, kuas nwg nqaa kub, nyaj, hab tooj; 6tej ntaub maag kws zoo-zoo, xuv xav, xuv tsaamxem, hab xuv lab; tej ntaub kws muab plaub tshis ntus; 7tawv laug yaaj kws muab zaas lab; tej tseem tawv nyuj; ntoo kubtwg; 8roj saam teeb; ntoo tswqaab kws tim rua cov roj txhawb meejthawj, hab tej moov tshuaj kws tswqaab; 9tej qai zeb kanelis hab lwmyaam hlaws kws muab xaws rua ntawm cov Povthawj Hlub lub tsho efauj hab lub awv.
Tej Khoom Siv Huv Tug TSWV Lub Tsevntaub Sisntsib
(Tsiv Dlim 39:32-43)
10“Taagnrho mej cov kws txujteg zoo yuavtsum tuaj hab ua txhua yaam kws tug TSWV tau xaaj tseg: 11lub Tsevntaub, cov vuv lub tsev, cov xov lub tsev, cov khawb, cov laag, cov taab, cov ncej, hab cov tag taw ncej; 12lub Phijxaab Lug Cogtseg, ob tug laag, lub hau Phijxaab, hab dlaim ntaub thaiv lub Phijxaab; 13lub rooj, cov ceg rooj hab taagnrho tej khoom siv rua lub rooj; cov ncuav kws fij rua tug TSWV; 14Tug ncej txawb teeb hab tej khoom siv; cov teebxeeb hab cov roj; 15lub thaaj hlawv moov tshuaj tswqaab hab cov ceg; cov roj txhawb meejthawj; cov moov tshuaj tswqaab; dlaim ntaub thaiv lub qhovrooj kws nkaag moog rua huv lub Tsevntaub; 16lub thaaj hlawv khoom fij hab dlaim ntxaij tooj kws pua lub thaaj; ob tug paas kwv, hab tej khoom siv rua lub thaaj; lub phab tooj ntxuav teg ntxuav taw hab lub taw tag phab; 17dlaim ntaub xov vaaj, cov ncej vaaj hab cov tag taw; dlaim ntaub roojvaag; 18lub Tsevntaub tej tswg hab tej hlua nqug lub Tsevntaub hab lub tshaavloog; 19hab tej tsoogtsho zoo-zoo kws cov povthawj hlub yuav naav thaus puab moog ua num huv Chaav Dlawbhuv, tej tsoogtsho dlawbhuv rua Aloos kws yog tug povthawj hlub hab nwg cov tub naav.”
Cov Tuabneeg Coj Khoom Tuaj Fij
20Tes cov Yixalayees txhua tug txawm sawvkev moog, 21hab txhua tug kws txaussab, txawm coj puab tej khoom tuaj fij ua lub Tsevntaub Sisntsib. Puab nqaa txhua yaam khoom kws yuav siv rua kev pehawm hab yuav siv ua tej tsoogtsho rua cov povthawj hlub. 22Taagnrho cov kws txaussab, xaam tej quaspuj hab txivneej huv tuabsi, puab nqaa koob khawm, qhwsntsej, nplhaib, saw, hab txhua yaam kws yog saw kub, coj tuaj fij rua tug TSWV. 23Txhua tug kws muaj tej ntaub maag kws zoo-zoo, ntaub xav, ntaub tsaamxem, lossis xuv lab; tej ntaub kws muab plaub tshis ntus; tawv laug yaaj kws muab zaas lab; lossis tej tseem tawv nyuj tuaj.
24Txhua tug kws txaussab muab nyaj lossis tooj, los puab kuj nqaa tuaj fij rua tug TSWV, hab txhua tug kws muaj ntoo kubtwg kws zoo siv ua ib yaam dlaabtsi, los kuj coj tuaj huv tuabsi. 25Txhua tug quaspuj kws txawj ntus ntaub, los puab kuj nqaa puab tej ntaub, tej tseem xuv maaj, xuv xav, xuv tsaamxem, hab xuv lab, huv tuabsi tuaj. 26Puab kuj muab tej plaub tshis xuab ua xuv. 27Cov thawjcoj nqaa tej qai zeb kanelis hab lwmyaam hlaws kws muajnqes tuaj dlai rua lub tsho efauj hab lub awv, 28hab nqaa tej ntoo tswqaab hab tej roj kws saam rua cov teeb, cov roj txhawb meejthawj, hab tej moov tshuaj kws tswqaab tuaj. 29Taagnrho cov tuabneeg Yixalayees tej quaspuj hab txivneej kws txaussab, puavleej nqaa puab tej khoom tuaj fij rua tug TSWV ua tej num kws Nwg tau xaaj rua Mauxes ua ntawd.
Npexalees Hab Auhauli-as
(Tsiv Dlim 31:1-11)
30Mauxes has rua cov Yixalayees has tas, “Tug TSWV tau xaiv Npexalees kws yog Ulis tug tub hab yog Hawj tug xeebntxwv huv xeem Yudas. 31Vaajtswv pub rua nwg puvnpo Vaajtswv tug Ntsujplig,#35:31: tug Ntsujplig; lossis lub fwjchim. pub nwg muaj txujteg zoo, muaj peevxwm, hab muaj kev totaub txug kev txaug txhua yaam, 32kuas txawj tawm tswvyim, txawj tawm qauv hab txawj nchuav kub, nchuav nyaj, hab nchuav tooj; 33txawj txav tej saw lug sisdlhos, txawj zaij ntoo; hab txawj txaug txhua yaam. 34Hab Vaajtswv pub rua Auhauli-as kws yog Ahixamas tug tub kws yog xeem Daas, kuas muaj peevxwm cobqha tau lwmtug. 35Vaajtswv pub txujteg zoo rua obtug txawj txaug txhua yaam kws yog txawj tawm qauv, ntus tej tseem ntaub maag, xuv xav, xuv tsaamxem, hab xuv lab, hab lwmyaam ntaub. Obtug muaj peevxwm ua tau txhua yaam hab txawj tawm txhua yaam qauv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.