Tsiv Dlim 1
1
Cov Yixalayees Raug Tsimtxom Nyob Huv Tebchaws Iziv
1Yakhauj cov tub kws nyag coj nyag quaspuj mivnyuas nrug Yakhauj moog nyob rua tebchaws Iziv muaj npe le nuav: 2Lunpees, Xime-oos, Levis, Yudas, 3Ixakhas, Xenpuloos, Npeeyamees, 4Daas, Nathalis, Nkaj hab Asaws. #Chiv 46:8-27 5Taagnrho cov kws nyob rua huv Yakhauj tsev tuabneeg yog muaj 70#1:5: Ib phoo ntawv qub-qub thaus u sau has tas 75 (saib Tegnum 7:14). leej. Nwg tug tub Yauxej tub xub moog nyob rua huv tebchaws Iziv lawm. 6Tomqaab ntawd Yauxej nrug rua nwg cov kwvtij, hab taagnrho cov tuabneeg kws nyob tam ntawd puavleej tuag taag huv tuabsi. 7Tabsis puab cov tubki kws yog cov Yixalayees muaj mivnyuas hab fuamvaam coob heev nyob puvnkaus tebchaws Iziv. #Tegnum 7:17
8Thaus ntawd tug vaajntxwv tshab kws lug kaav tebchaws Iziv, nwg tsi paub txug Yauxej. #Tegnum 7:18 9Nwg has rua nwg cov pejxeem tas, “Cov Yixalayees tau fuamvaam coob tuaj hab muajzug heev, ua rua peb tsi tau luag pistsawg. 10Yog tas muaj tsuv muaj rog, tejzag puab yuav moog tuaj yeebncuab tog tua peb, hab puab yuav tsiv tawm#1:10: tsiv tawm; lossis tswj. peb lub tebchaws. Peb yuavtsum nrhav kev txuv kuas puab tsi xob fuamvaam ntxiv lawm.” #Tegnum 7:19
11Yogle ntawd, cov Iziv txhaj tsaa ib cov thawj saib dlejnum moog yuam cov Yixalayees ua num nyaav kawg nkaus kuas puab puagsab puagntsws. Cov Yixalayees tsimtsaa lub nroog Phithoos hab lub nroog Lamexes ua lub chaw rua Falaus#1:11: Falaus: tsi yog ib lub npe tabsis yog ib lub meejmom kws txhais tau has tas “vaajntxwv.” Txawm le ntawd los kuj siv tau ua ib lub npe hab. tej cuabyeej. 12Tabsis cov tuabneeg Iziv yim caijtsuj cov tuabneeg Yixalayees npaum lecaag mas puab yim fuamvaam coob npaum le ntawd hab yim rhawv zejzog dlaav zujzug ntxiv xwb, ua rua cov Iziv ntshai puab heev. 13-14Cov Iziv yuam cov Yixalayees ua qhev txomnyem heev, hab yuam puab ua cov Iziv tej vaajtse hab tej laj tej teb; puab yeej tsi hlub cov Yixalayees hlo le.
15Muaj ib nub Falaus, kws yog cov Iziv tug vaajntxwv, has rua Sifalas hab Pu-as, kws yog ob tug quaspuj kws pheej moog paab cov quaspuj Henplais dlawscev, 16has tas, “Thaus meb moog paab cov quaspuj Henplais dlawscev, yog yug tau tug tub, tes meb muab tua povtseg, tabsis yog tau tug ntxhais, tes meb ca nwg nyob.” 17Tabsis obtug quaspuj ntawd paub ntshai Vaajtswv, tes obtug txawm tsi ua lawvle vaajntxwv Iziv tau xaaj tseg, obtug tsi tua cov mivnyuas tub povtseg. 18Yogle ntawd, vaajntxwv txhaj tso tuabneeg moog hu obtug tuaj cuag nwg hab nug obtug has tas, “Vim lecaag meb txhaj ua le nuav? Uacaag meb tseem tseg cov mivnyuas tub nyob hab?”
19Obtug teb tas, “Cov quaspuj Henplais tsi zoole peb cov quaspuj Iziv, puab tau mivnyuas sai heev; ntshe puab tub tau mivnyuas uantej wb moog txug lawm.” 20Vim obtug paub ntshai Vaajtswv, Vaajtswv txhaj ua zoo rua obtug hab pub obtug muaj tubki. 21Cov Yixalayees los kuj fuamvaam coob zujzug hab muajzug ntxiv tuaj. 22Thaus kawg Falaus txawm xaaj rua nwg cov pejxeem suavdlawg has tas, “Cale muab cov Henplais cov mivnyuas tub txhua tug kws nyavnyuas yug tshab pov rua huv tug Dlej Nais, tabsis tseg txhua tug mivnyuas ntxhais ca.” #Tegnum 7:19
Currently Selected:
Tsiv Dlim 1: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
