Efexus 5
5
Ua Neej Nyob Huv Qhov Pumkev
1Vim mej yog Vaajtswv cov mivnyuas kws Vaajtswv hlub, mej yuavtsum xyum ua mej lub neej lawvle Vaajtswv tug yaamntxwv. 2Mej yuavtsum ua mej lub neej nyob rua huv txuj kev hlub, ib yaam le Khetos hlub peb hab Nwg muab Nwg txujsa lug pub rua peb zoole tej tshuaj tswqaab kws muab fij rua Vaajtswv kws ua rua Vaajtswv txaussab heev. #Tsiv 29:18; Nnkauj 40:6
3Vim mej yog Vaajtswv tsaav tuabneeg lawm, tsi tsimnyog kws yuav muaj kev nkauj kev nraug, kev ua phem ua qas hab kev ntshaw luas tug tshwm nyob rua huv mej hlo le. 4Hab tsi tsimnyog mej siv tej lug kws vuabtsuab, tej lug phem tsi zoo hab tej lug tso dlaag tso luag txug lwmtug lub cev; qhov yuav tsimnyog tag mas mej cale ua Vaajtswv tsaug zoo dlua. 5Kuv xaav kuas mej paub tseeb-tseeb has tas, cov tuabneeg kws ua nkauj ua nraug, ua phem ua qas hab pheej ntshaw luas tug (kev ntshaw luas tug tes zoo ib yaam le kev pe dlaab pe mlom), cov ntawd, puab yuav tsi muaj feem moog nyob huv Khetos hab Vaajtswv lub Tebchaws hlo le.
6Tsi xob ca leejtwg ntxag tau mej lug ntawm tej lug kws tsi muaj hauvpaug hauvntsis. Tub yog vim tej nuav ntaag lau, Vaajtswv txhajle npautawg rua cov tuabneeg kws tsi noog Vaajtswv lug. 7Yogle ntawd, mej tsi xob moog nrug cov tuabneeg ntawd uake hlo le.
8Yaav taag lug mej yeej nyob huv qhov tsausntuj, tabsis nwgnuav mej tub dlhau lug ua Vaajtswv tsaav tuabneeg lawm, mej tub lug nyob rua huv qhov pumkev lawm. Yogle ntawd, mej yuavtsum ua mej lub neej kuas zoole cov tuabneeg kws nyob huv qhov pumkev, 9vim tas txhua yaam kws yog txuj kev zoo, txuj kev ncaajnceeg hab txuj kev tseeb, puavleej yog lug ntawm qhov pumkev#5:9: qhov pumkev; tej phoo ntawv qub kws xuas teg sau, muaj tug Ntsujplig. ntawd lug.
10Yuav tau ua tuabzoo tshawb saib seb yaam twg yog yaam kws hum Vaajtswv sab. 11Tsi xob muaj feem rua tej yaam tsi muaj qaabhau kws yog kev tsausntuj le dlejnum, tabsis mej cale muab tej ntawd lug nthuav rua ntawm qhov pumkev. ( 12Ruaqhov tej kws cov tuabneeg kws tsi noog Vaajtswv lug ua nraim nkoog ntawd, txawm yog yuav has txug xwb los tub txaajmuag kawg le.) 13Thaus muab txhua yaam ntawd lug nthuav rua ntawm qhov pumkev lawm, suavdlawg yuav pum qhov tseeb has tas tej ntawd zoo lecaag, 14ruaqhov txhua yaam kws muab nthuav tawm lawm, yuav pum tseeb tuaj.#5:14: txhua yaam kws muab nthuav tawm lawm, yuav pum tseeb tuaj; lossis qhov pumkev yog yaam kws yuav nthuav kuas txhua yaam pum tseeb tuaj. Tub yog vimle ntawd txhaj muaj lug sau tseg has tas:
“Tug tuabneeg kws pw tsaugzug, koj cale tsim,
hab sawv huv txuj kev tuag rov lug,
hab Khetos yuav ci pumkev rua koj.”
15Yogle ntawd, mej yuavtsum ceevfaaj txug mej txuj kev ua neej. Tsi xob ua le cov tuabneeg ruag ua, tabsis yuavtsum ua le cov tuabneeg kws muaj tswvyim ua. 16Mej yuavtsum siv txhua lub sijhawm kuas muajnqes, ruaqhov najnub nua tuabneeg ua phem kawg le. #Kaulx 4:5 17Yogle ntawd, tsi xob ua ib tug tuabneeg ruag, tabsis yuavtsum totaub has tas Vaajtswv tug dlejsab rua mej yog dlaabtsi.
18Tsi xob haus cawv kuas qaug, kws yuav ua rua mej puamtsuaj. Tabsis cale puvnpo Vaaj Ntsujplig yuav zoo dlua. 19Cale sis txhawbzug lug ntawm Daviv tej nkauj, tej nkauj qhuas Vaajtswv, hab tej nkauj kws has txug kev ntseeg. Cale seev suab hunkauj huv mej lub sab lug rua tug Tswv. 20Ncuntsoov ua Vaajtswv kws yog peb Leejtxiv tsaug rua txhua yaam huv Yexus Khetos lub npe. #Kaulx 3:16-17
Cov Quaspuj Hab Quasyawg
21Vim qhov kws mej fwm Yexus Khetos, mej ib leeg yuavtsum txaussab hlo noog ib leeg lug.
22Mej cov kws yog quaspuj, nyag yuavtsum noog nyag tug quasyawg lug ib yaam le mej noog tug Tswv lug. #Kaulx 3:18; 1Pet 3:1 23Ruaqhov tug quasyawg yog tug quaspuj lub taubhau ib yaam le Khetos yog pawg ntseeg lub taubhau. Pawg ntseeg yog Khetos lub cev, hab Khetos yog pawg ntseeg tug Cawmseej. 24Yogle ntawd, mej cov kws yog quaspuj, nyag yuavtsum noog nyag tug quasyawg lug txhua lu, ib yaam le pawg ntseeg noog Yexus Khetos lug.
25Mej cov kws yog quasyawg, nyag yuavtsum hlub nyag tug quaspuj ib yaam le Khetos hlub pawg ntseeg, es Nwg tau muab Nwg txujsa lug txhwv pawg ntseeg. #Kaulx 3:19; 1Pet 3:7 26Nwg ua kuas pawg ntseeg dlawbhuv lug ntawm qhov kws Nwg muab pawg ntseeg ntxuav huv dlej hab huv Nwg Txujlug. 27Nwg ua le ntawd sub Nwg txhaj tau pawg ntseeg kws zoo kawg nkaus, tsi muaj ib qhov txhum, tsi ceb tsi txoom hab dlawbhuv lug ua Nwg tug. 28Ib yaam nkaus le ntawd, mej cov kws yog quasyawg, nyag yuavtsum hlub nyag tug quaspuj ib yaam le nyag hlub nyag lub cev. Tug txivneej kws hlub nwg tug quaspuj, yog nwg hlub nwg tugkheej. ( 29Yeej tsi muaj leejtwg yuav ntxub nwg lub cev. Tsuas muaj yuav tu ntshis hab nrhav zaub nrhav mov lug yug nwg lub cev, ib yaam le Khetos ua rua pawg ntseeg; 30ruaqhov peb suavdlawg puavleej koom Yexus lub cev.)
31Lawvle muaj lug sau ca rua huv Vaajtswv Txujlug has tas, “Tub yog vimle nuav tug txivneej txhaj tso nwg nam nwg txiv tseg, hab moog nrug nwg tug quaspuj tsheejxeeb uake, hab obtug yuav koom ua ib lub cev.” #Chiv 2:24 32Nqai nuav yog ib lulug tseeb kws tau muab zais ca tub heev. Kuv totaub has tas nqai nuav yog pev txug Khetos hab pawg ntseeg. 33Tabsis nqai nuav kuj yog pev txug mej hab: txhua tug quasyawg nyag yuavtsum hlub nyag tug quaspuj ib yaam le nyag hlub nyag tugkheej, hab txhua tug quaspuj nyag yuavtsum fwm nyag tug quasyawg.
Currently Selected:
Efexus 5: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Efexus 5
5
Ua Neej Nyob Huv Qhov Pumkev
1Vim mej yog Vaajtswv cov mivnyuas kws Vaajtswv hlub, mej yuavtsum xyum ua mej lub neej lawvle Vaajtswv tug yaamntxwv. 2Mej yuavtsum ua mej lub neej nyob rua huv txuj kev hlub, ib yaam le Khetos hlub peb hab Nwg muab Nwg txujsa lug pub rua peb zoole tej tshuaj tswqaab kws muab fij rua Vaajtswv kws ua rua Vaajtswv txaussab heev. #Tsiv 29:18; Nnkauj 40:6
3Vim mej yog Vaajtswv tsaav tuabneeg lawm, tsi tsimnyog kws yuav muaj kev nkauj kev nraug, kev ua phem ua qas hab kev ntshaw luas tug tshwm nyob rua huv mej hlo le. 4Hab tsi tsimnyog mej siv tej lug kws vuabtsuab, tej lug phem tsi zoo hab tej lug tso dlaag tso luag txug lwmtug lub cev; qhov yuav tsimnyog tag mas mej cale ua Vaajtswv tsaug zoo dlua. 5Kuv xaav kuas mej paub tseeb-tseeb has tas, cov tuabneeg kws ua nkauj ua nraug, ua phem ua qas hab pheej ntshaw luas tug (kev ntshaw luas tug tes zoo ib yaam le kev pe dlaab pe mlom), cov ntawd, puab yuav tsi muaj feem moog nyob huv Khetos hab Vaajtswv lub Tebchaws hlo le.
6Tsi xob ca leejtwg ntxag tau mej lug ntawm tej lug kws tsi muaj hauvpaug hauvntsis. Tub yog vim tej nuav ntaag lau, Vaajtswv txhajle npautawg rua cov tuabneeg kws tsi noog Vaajtswv lug. 7Yogle ntawd, mej tsi xob moog nrug cov tuabneeg ntawd uake hlo le.
8Yaav taag lug mej yeej nyob huv qhov tsausntuj, tabsis nwgnuav mej tub dlhau lug ua Vaajtswv tsaav tuabneeg lawm, mej tub lug nyob rua huv qhov pumkev lawm. Yogle ntawd, mej yuavtsum ua mej lub neej kuas zoole cov tuabneeg kws nyob huv qhov pumkev, 9vim tas txhua yaam kws yog txuj kev zoo, txuj kev ncaajnceeg hab txuj kev tseeb, puavleej yog lug ntawm qhov pumkev#5:9: qhov pumkev; tej phoo ntawv qub kws xuas teg sau, muaj tug Ntsujplig. ntawd lug.
10Yuav tau ua tuabzoo tshawb saib seb yaam twg yog yaam kws hum Vaajtswv sab. 11Tsi xob muaj feem rua tej yaam tsi muaj qaabhau kws yog kev tsausntuj le dlejnum, tabsis mej cale muab tej ntawd lug nthuav rua ntawm qhov pumkev. ( 12Ruaqhov tej kws cov tuabneeg kws tsi noog Vaajtswv lug ua nraim nkoog ntawd, txawm yog yuav has txug xwb los tub txaajmuag kawg le.) 13Thaus muab txhua yaam ntawd lug nthuav rua ntawm qhov pumkev lawm, suavdlawg yuav pum qhov tseeb has tas tej ntawd zoo lecaag, 14ruaqhov txhua yaam kws muab nthuav tawm lawm, yuav pum tseeb tuaj.#5:14: txhua yaam kws muab nthuav tawm lawm, yuav pum tseeb tuaj; lossis qhov pumkev yog yaam kws yuav nthuav kuas txhua yaam pum tseeb tuaj. Tub yog vimle ntawd txhaj muaj lug sau tseg has tas:
“Tug tuabneeg kws pw tsaugzug, koj cale tsim,
hab sawv huv txuj kev tuag rov lug,
hab Khetos yuav ci pumkev rua koj.”
15Yogle ntawd, mej yuavtsum ceevfaaj txug mej txuj kev ua neej. Tsi xob ua le cov tuabneeg ruag ua, tabsis yuavtsum ua le cov tuabneeg kws muaj tswvyim ua. 16Mej yuavtsum siv txhua lub sijhawm kuas muajnqes, ruaqhov najnub nua tuabneeg ua phem kawg le. #Kaulx 4:5 17Yogle ntawd, tsi xob ua ib tug tuabneeg ruag, tabsis yuavtsum totaub has tas Vaajtswv tug dlejsab rua mej yog dlaabtsi.
18Tsi xob haus cawv kuas qaug, kws yuav ua rua mej puamtsuaj. Tabsis cale puvnpo Vaaj Ntsujplig yuav zoo dlua. 19Cale sis txhawbzug lug ntawm Daviv tej nkauj, tej nkauj qhuas Vaajtswv, hab tej nkauj kws has txug kev ntseeg. Cale seev suab hunkauj huv mej lub sab lug rua tug Tswv. 20Ncuntsoov ua Vaajtswv kws yog peb Leejtxiv tsaug rua txhua yaam huv Yexus Khetos lub npe. #Kaulx 3:16-17
Cov Quaspuj Hab Quasyawg
21Vim qhov kws mej fwm Yexus Khetos, mej ib leeg yuavtsum txaussab hlo noog ib leeg lug.
22Mej cov kws yog quaspuj, nyag yuavtsum noog nyag tug quasyawg lug ib yaam le mej noog tug Tswv lug. #Kaulx 3:18; 1Pet 3:1 23Ruaqhov tug quasyawg yog tug quaspuj lub taubhau ib yaam le Khetos yog pawg ntseeg lub taubhau. Pawg ntseeg yog Khetos lub cev, hab Khetos yog pawg ntseeg tug Cawmseej. 24Yogle ntawd, mej cov kws yog quaspuj, nyag yuavtsum noog nyag tug quasyawg lug txhua lu, ib yaam le pawg ntseeg noog Yexus Khetos lug.
25Mej cov kws yog quasyawg, nyag yuavtsum hlub nyag tug quaspuj ib yaam le Khetos hlub pawg ntseeg, es Nwg tau muab Nwg txujsa lug txhwv pawg ntseeg. #Kaulx 3:19; 1Pet 3:7 26Nwg ua kuas pawg ntseeg dlawbhuv lug ntawm qhov kws Nwg muab pawg ntseeg ntxuav huv dlej hab huv Nwg Txujlug. 27Nwg ua le ntawd sub Nwg txhaj tau pawg ntseeg kws zoo kawg nkaus, tsi muaj ib qhov txhum, tsi ceb tsi txoom hab dlawbhuv lug ua Nwg tug. 28Ib yaam nkaus le ntawd, mej cov kws yog quasyawg, nyag yuavtsum hlub nyag tug quaspuj ib yaam le nyag hlub nyag lub cev. Tug txivneej kws hlub nwg tug quaspuj, yog nwg hlub nwg tugkheej. ( 29Yeej tsi muaj leejtwg yuav ntxub nwg lub cev. Tsuas muaj yuav tu ntshis hab nrhav zaub nrhav mov lug yug nwg lub cev, ib yaam le Khetos ua rua pawg ntseeg; 30ruaqhov peb suavdlawg puavleej koom Yexus lub cev.)
31Lawvle muaj lug sau ca rua huv Vaajtswv Txujlug has tas, “Tub yog vimle nuav tug txivneej txhaj tso nwg nam nwg txiv tseg, hab moog nrug nwg tug quaspuj tsheejxeeb uake, hab obtug yuav koom ua ib lub cev.” #Chiv 2:24 32Nqai nuav yog ib lulug tseeb kws tau muab zais ca tub heev. Kuv totaub has tas nqai nuav yog pev txug Khetos hab pawg ntseeg. 33Tabsis nqai nuav kuj yog pev txug mej hab: txhua tug quasyawg nyag yuavtsum hlub nyag tug quaspuj ib yaam le nyag hlub nyag tugkheej, hab txhua tug quaspuj nyag yuavtsum fwm nyag tug quasyawg.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.