Efexus 4
4
Kev Koomxeeb Ntawm Lub Cev
1Yogle ntawd, kuv tug kws taabtom raug kaw rua huv tsev lojcuj vim ua Vaajtswv tegnum, kuv thov nquahu kuas mej ua mej lub neej kuas phim qhov kws Vaajtswv tau hu mej lug cuag Nwg lawm. 2Mej yuavtsum txu fwjchim txhua lub sijhawm, ua lub sab mogmuas hab ua sabntev. Mej ib leeg yuavtsum ua sabntev rua ib leeg, suavdlawg txhaj paub tas mej muaj kev hlub tag. #Kaulx 3:12-13 3Mej yuavtsum ua txhua yaam txhua tsaav kuas mej ceev tau txuj kev koomxeeb kws Vaajtswv tug Ntsujplig tub muab rua mej hab tub nqug mej lug nyob uake sishum lawm. 4Tsuas muaj ib lub cev hab ib tug Ntsujplig xwb, zoo ib yaam le muaj ib txuj kev casab kws Vaajtswv tau hu mej lug rua txuj kev casab ntawd ntaag. 5Tsuas muaj tuabtug Tswv, tuab txuj kev ntseeg, hab tuab txuj kevcai rausdlej xwb. 6Tsuas muaj tuabtug Vaajtswv kws yog taagnrho suavdlawg Leejtxiv, nwg yog tug kws kaav suavdlawg, ua dlejnum tshwm lug ntawm suavdlawg, hab nyob huv suavdlawg.
7Peb txhua tug nyag tau txais nyag ib qhov khoomplig tshwjxeeb lawvle Khetos muab pub rua peb. 8Vimle nuav, Vaajtswv Txujlug txhaj has tas:
Thaus Nwg nce moog rua sau qhov chaw sab,
Nwg coj cov tuabneeg kws raug nteg coob leej nrug nwg moog;
Nwg muab ntau yaam khoomplig rua tuabneeg. #Nnkauj 68:18
9Lulug kws has tas “Nwg nce moog rua sau” yog txhais lecaag? Lulug ntawd txhais has tas, Nwg tub xub nqeg moog rua qhov kws tub tshaajplawg huv nruab aa.#4:9: qhov kws tub tshaajplawg huv nruab aa; lossis qhov tub dlua, kws yog huv nruab aa. 10Yogle ntawd, tug kws nqeg moog rua huv nruab aa yog tuabtug kws nce moog sab tshaaj sau nruabntug, sub Nwg txhaj nyob tau txhua qhov huv lub qaabntuj nuav.
11Nwg yog tug kws pub khoomplig rua tuabneeg, Nwg tsaa qeeleej ua cov timthawj, qeeleej ua cov xwbfwb cev Vaajtswv lug, qeeleej ua cov coj Txuj Moo Zoo moog qha rua lwmtug, qeeleej ua cov xwbfwb saib cov ntseeg hab ua cov kws qha puab. 12Nwg ua le ntawd tub yog Nwg npaaj kuas txhua tug kws yog Vaajtswv cov tuabneeg paub ua Vaajtswv tegnum, sub Yexus Khetos lub cev txhaj txawj lujhlub 13moog txug qhov kws peb suavdlawg ua tau ib lub sab nyob rua huv txuj kev ntseeg, peb paub tseeb txug Vaajtswv tug Tub, peb dlhau moog ua ib cov tuabneeg kws ruaj-khov rua saab kev ntseeg, hab ua tau lub neej zoole Khetos lub.
14Thaus ntawd peb yuav tsi zoole tej mivnyuas yau, yuav tsi raug cua muab ntsawj moog ntsawj lug kws yog cov tuabneeg dlaag-ntxag tej lug qha; puab ua rua lwmtug yuamkev lug ntawm puab tej lug haub-ntxag ntawd. 15Peb tsi xob ua le ntawd, peb yuavtsum haslug tseeb vim peb muaj kev hlub, peb yuavtsum lujhlub txhua faab rua ntawm Khetos, tug kws yog lub taubhau. 16Nwg yog tug kws kaav taagnrho lub cev tej teg taw hab tej sab-ntsws. Txhua yaam txhaj lug sistxuas uake, hab taagnrho lub cev txhaj muaj tej yaag txhaa hab leeg lug tuav. Yogle ntawd, thaus txhua yaam ntawm lub cev nyag ua nyag tegnum hab sishlub sispaab, tes lub cev yuav lujhlub khovkho. #Kaulx 2:19
Lub Neej Tshab Huv Khetos
17Ntawm tug Tswv lub npe, kuv thov ceebtoom rua mej has tas, mej tsi xob ua mej lub neej zoole cov tuabneeg kws tsi paub Vaajtswv ua ntxiv lawm. Puab tej kev xaav yeej tsi muaj qaabhau le. 18Puab txuj kev totaub los tsausntuj nti hab puab tsi muaj feem tau txujsa kws Vaajtswv pub rua cov ntseeg, vim puab yeej tsi paub dlaabtsi le hab puab lub sab tawv dlhau. 19Puab yeej tsi paub txaajmuag rua ib yaam dlaabtsi le, puab tso puab lub cev moog ua txhua yaam kev phem kev qas kws tsi muaj leejtwg txwv tau.
20Mej tub tsi tau kawm has tas Khetos ua le ntawd! 21Mej tub nov txug Nwg zaaj hab mej tub tau txais tej lug qha kws yog txuj kev tseeb huv Yexus lawm. 22Yogle ntawd, mej yuavtsum muab mej lub sab qub kws coj le yaav taag lug lawm tso povtseg, vim lub sab qub kws najnub ntshaw ua kev phem kev qas ntawd yuav ua rua mej lub neej puamtsuaj moog. #Kaulx 3:9 23Mej lub sab hab tej kev xaav yuavtsum raug muab hloov dlua tshab taagnrho huv tuabsi. 24Mej yuavtsum coj dlua lub neej tshab, kws yog raug tsim dlua tshab kuas zoole Vaajtswv tug yaamntxwv, sub suavdlawg txhaj pum tas mej ua mej lub neej nyob rua huv txuj kev ncaajnceeg hab dlawbhuv kws yog qhov tseeb tag. #Kaulx 3:10; Chiv 1:26
25Yogle ntawd mej tsi xob dlaag ntxiv lawm! Txhua tug yuavtsum haslug tseeb rua kwvtij zejzog kws yog cov ntseeg, ruaqhov peb suavdlawg puavleej yog tej teg taw kws koom rua Khetos lub cev. #Xekhali 8:16 26Yog thaus twg mej npautawg, tsi xob ua txhum, hab tsi xob npautawg moog txug thaus lub nub poobqho. #Nnkauj 4:4 (LXX) 27Tsi xob pub sijhawm rua dlaab ntxwgnyoog hlo le. 28Tug kws txeev ua tubsaab tubnyag los tsi xob ua ntxiv lawm, tabsis nwg yuavtsum moog khwv ncaaj khwv nceeg lug ntawm nwg txhais teg, sub nwg txhajle yuav muaj lug paab nwg lub neej hab muaj peevxwm paab cov tuabneeg txomnyem.
29Tsi xob ca ib lulug phem tawm huv mej lub qhovncauj lug hlo le, tabsis mej yuavtsum siv tej lug zoo kws yuav paab hab txhawb tau lwmtug lawvle puab tej kev ntshaw xwb, sub tej lug kws mej has ntawd txhaj yuav muajnqes rua cov kws noog. 30Hab tsi xob ua rua Vaajtswv tug Ntsujplig kws Dlawbhuv tusab; ruaqhov tug Ntsujplig ntawd yog Vaajtswv lub homthawj kws Nwg muab nas rua mej, kws qha has tas mej yog Vaajtswv tsaav tuabneeg, hab kuas mej paub meej txug Nub kws Vaajtswv yuav tso kuas mej dlim. 31Cale muab txhua yaam kev absab, kev uanruj uatsiv, kev npautawg, kev siscaav sistshe lossis kev txobthuam lwmtug tso povtseg, hab tsi xob muaj ib nploojsab kws ntxub ntxaug lwmtug hlo le. 32Mej ib tug yuavtsum ua sabzoo rua ib tug, ib tug hlub ib tug, hab ib tug zaamtxim rua ib tug, ib yaam le Vaajtswv tub zaamtxim rua mej nyob rua huv Khetos lawm. #Kaulx 3:13
Currently Selected:
Efexus 4: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Efexus 4
4
Kev Koomxeeb Ntawm Lub Cev
1Yogle ntawd, kuv tug kws taabtom raug kaw rua huv tsev lojcuj vim ua Vaajtswv tegnum, kuv thov nquahu kuas mej ua mej lub neej kuas phim qhov kws Vaajtswv tau hu mej lug cuag Nwg lawm. 2Mej yuavtsum txu fwjchim txhua lub sijhawm, ua lub sab mogmuas hab ua sabntev. Mej ib leeg yuavtsum ua sabntev rua ib leeg, suavdlawg txhaj paub tas mej muaj kev hlub tag. #Kaulx 3:12-13 3Mej yuavtsum ua txhua yaam txhua tsaav kuas mej ceev tau txuj kev koomxeeb kws Vaajtswv tug Ntsujplig tub muab rua mej hab tub nqug mej lug nyob uake sishum lawm. 4Tsuas muaj ib lub cev hab ib tug Ntsujplig xwb, zoo ib yaam le muaj ib txuj kev casab kws Vaajtswv tau hu mej lug rua txuj kev casab ntawd ntaag. 5Tsuas muaj tuabtug Tswv, tuab txuj kev ntseeg, hab tuab txuj kevcai rausdlej xwb. 6Tsuas muaj tuabtug Vaajtswv kws yog taagnrho suavdlawg Leejtxiv, nwg yog tug kws kaav suavdlawg, ua dlejnum tshwm lug ntawm suavdlawg, hab nyob huv suavdlawg.
7Peb txhua tug nyag tau txais nyag ib qhov khoomplig tshwjxeeb lawvle Khetos muab pub rua peb. 8Vimle nuav, Vaajtswv Txujlug txhaj has tas:
Thaus Nwg nce moog rua sau qhov chaw sab,
Nwg coj cov tuabneeg kws raug nteg coob leej nrug nwg moog;
Nwg muab ntau yaam khoomplig rua tuabneeg. #Nnkauj 68:18
9Lulug kws has tas “Nwg nce moog rua sau” yog txhais lecaag? Lulug ntawd txhais has tas, Nwg tub xub nqeg moog rua qhov kws tub tshaajplawg huv nruab aa.#4:9: qhov kws tub tshaajplawg huv nruab aa; lossis qhov tub dlua, kws yog huv nruab aa. 10Yogle ntawd, tug kws nqeg moog rua huv nruab aa yog tuabtug kws nce moog sab tshaaj sau nruabntug, sub Nwg txhaj nyob tau txhua qhov huv lub qaabntuj nuav.
11Nwg yog tug kws pub khoomplig rua tuabneeg, Nwg tsaa qeeleej ua cov timthawj, qeeleej ua cov xwbfwb cev Vaajtswv lug, qeeleej ua cov coj Txuj Moo Zoo moog qha rua lwmtug, qeeleej ua cov xwbfwb saib cov ntseeg hab ua cov kws qha puab. 12Nwg ua le ntawd tub yog Nwg npaaj kuas txhua tug kws yog Vaajtswv cov tuabneeg paub ua Vaajtswv tegnum, sub Yexus Khetos lub cev txhaj txawj lujhlub 13moog txug qhov kws peb suavdlawg ua tau ib lub sab nyob rua huv txuj kev ntseeg, peb paub tseeb txug Vaajtswv tug Tub, peb dlhau moog ua ib cov tuabneeg kws ruaj-khov rua saab kev ntseeg, hab ua tau lub neej zoole Khetos lub.
14Thaus ntawd peb yuav tsi zoole tej mivnyuas yau, yuav tsi raug cua muab ntsawj moog ntsawj lug kws yog cov tuabneeg dlaag-ntxag tej lug qha; puab ua rua lwmtug yuamkev lug ntawm puab tej lug haub-ntxag ntawd. 15Peb tsi xob ua le ntawd, peb yuavtsum haslug tseeb vim peb muaj kev hlub, peb yuavtsum lujhlub txhua faab rua ntawm Khetos, tug kws yog lub taubhau. 16Nwg yog tug kws kaav taagnrho lub cev tej teg taw hab tej sab-ntsws. Txhua yaam txhaj lug sistxuas uake, hab taagnrho lub cev txhaj muaj tej yaag txhaa hab leeg lug tuav. Yogle ntawd, thaus txhua yaam ntawm lub cev nyag ua nyag tegnum hab sishlub sispaab, tes lub cev yuav lujhlub khovkho. #Kaulx 2:19
Lub Neej Tshab Huv Khetos
17Ntawm tug Tswv lub npe, kuv thov ceebtoom rua mej has tas, mej tsi xob ua mej lub neej zoole cov tuabneeg kws tsi paub Vaajtswv ua ntxiv lawm. Puab tej kev xaav yeej tsi muaj qaabhau le. 18Puab txuj kev totaub los tsausntuj nti hab puab tsi muaj feem tau txujsa kws Vaajtswv pub rua cov ntseeg, vim puab yeej tsi paub dlaabtsi le hab puab lub sab tawv dlhau. 19Puab yeej tsi paub txaajmuag rua ib yaam dlaabtsi le, puab tso puab lub cev moog ua txhua yaam kev phem kev qas kws tsi muaj leejtwg txwv tau.
20Mej tub tsi tau kawm has tas Khetos ua le ntawd! 21Mej tub nov txug Nwg zaaj hab mej tub tau txais tej lug qha kws yog txuj kev tseeb huv Yexus lawm. 22Yogle ntawd, mej yuavtsum muab mej lub sab qub kws coj le yaav taag lug lawm tso povtseg, vim lub sab qub kws najnub ntshaw ua kev phem kev qas ntawd yuav ua rua mej lub neej puamtsuaj moog. #Kaulx 3:9 23Mej lub sab hab tej kev xaav yuavtsum raug muab hloov dlua tshab taagnrho huv tuabsi. 24Mej yuavtsum coj dlua lub neej tshab, kws yog raug tsim dlua tshab kuas zoole Vaajtswv tug yaamntxwv, sub suavdlawg txhaj pum tas mej ua mej lub neej nyob rua huv txuj kev ncaajnceeg hab dlawbhuv kws yog qhov tseeb tag. #Kaulx 3:10; Chiv 1:26
25Yogle ntawd mej tsi xob dlaag ntxiv lawm! Txhua tug yuavtsum haslug tseeb rua kwvtij zejzog kws yog cov ntseeg, ruaqhov peb suavdlawg puavleej yog tej teg taw kws koom rua Khetos lub cev. #Xekhali 8:16 26Yog thaus twg mej npautawg, tsi xob ua txhum, hab tsi xob npautawg moog txug thaus lub nub poobqho. #Nnkauj 4:4 (LXX) 27Tsi xob pub sijhawm rua dlaab ntxwgnyoog hlo le. 28Tug kws txeev ua tubsaab tubnyag los tsi xob ua ntxiv lawm, tabsis nwg yuavtsum moog khwv ncaaj khwv nceeg lug ntawm nwg txhais teg, sub nwg txhajle yuav muaj lug paab nwg lub neej hab muaj peevxwm paab cov tuabneeg txomnyem.
29Tsi xob ca ib lulug phem tawm huv mej lub qhovncauj lug hlo le, tabsis mej yuavtsum siv tej lug zoo kws yuav paab hab txhawb tau lwmtug lawvle puab tej kev ntshaw xwb, sub tej lug kws mej has ntawd txhaj yuav muajnqes rua cov kws noog. 30Hab tsi xob ua rua Vaajtswv tug Ntsujplig kws Dlawbhuv tusab; ruaqhov tug Ntsujplig ntawd yog Vaajtswv lub homthawj kws Nwg muab nas rua mej, kws qha has tas mej yog Vaajtswv tsaav tuabneeg, hab kuas mej paub meej txug Nub kws Vaajtswv yuav tso kuas mej dlim. 31Cale muab txhua yaam kev absab, kev uanruj uatsiv, kev npautawg, kev siscaav sistshe lossis kev txobthuam lwmtug tso povtseg, hab tsi xob muaj ib nploojsab kws ntxub ntxaug lwmtug hlo le. 32Mej ib tug yuavtsum ua sabzoo rua ib tug, ib tug hlub ib tug, hab ib tug zaamtxim rua ib tug, ib yaam le Vaajtswv tub zaamtxim rua mej nyob rua huv Khetos lawm. #Kaulx 3:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.