Efexus 6
6
Cov Mivnyuas Hab Namtxiv
1Mej cov kws yog mivnyuas, vim mej yog cov ntseeg Yexus Khetos lawm, yeej yog mej lub luagnum kws#6:1: Tej phoo ntawv qub kws xuas teg sau, tsi muaj vim mej yog cov ntseeg Yexus Khetos lawm, yeej yog mej lub luagnum kws. yuavtsum noog mej nam mej txiv lug, vim qhov ntawd yog ib yaam kws tsimnyog ua. #Kaulx 3:20 2“Koj yuavtsum fwm koj nam koj txiv” yog thawj nqai kevcai kws muaj ib lulug cogtseg ntxiv rua has tas, 3“sub koj txhaj yuav vaammeej hab muaj txujsa nyob ntev huv lub nplajteb nuav.” #Tsiv 20:12; 2Kev 5:16
4Mej cov kws yog leejtxiv, mej tsi xob ua tej yaam kws yuav ua rua mej tej mivnyuas npautawg. Tabsis mej cale tu puab kuas lujhlub lug ntawm kev qhuabntuag hab cobqha lawvle tug Tswv Txujlug. #Kaulx 3:21
Cov Tubqhe Hab Cov Tswvqhev
5Mej cov kws yog tubqhe, mej yuavtsum noog mej cov tswv kws yog tuabneeg saab nqajtawv nuav tej lug; yuavtsum fwm hab paub ntshai puab. Mej yuavtsum ua mej tegnum lug ntawm lub sab ncaajnceeg, zoo ib yaam le mej ua rua Yexus Khetos. 6Mej tsi xob ua num thaus cov tswv saibntsoov mej vim mej xaav kuas puab qhuas mej xwb, tabsis mej yuavtsum rausab ntso ua lawvle Vaajtswv lub sab nyam, kuas phim qhov kws mej yog Yexus Khetos cov tubqhe. 7Yijmeem ua le mej yog ib cov tubqhe kws zoosab hlo ua mej tegnum, ib yaam le mej ua rua Vaajtswv, tsi yog ua rua tuabneeg. 8Ncuntsoov tas Vaajtswv yeej yuav muab nqezug rua peb txhua tug kws ua num zoo, tsi has cov kws ua qhev lossis cov kws tsi ua qhev. #Kaulx 3:22-25
9Mej cov kws yog tswvqhev, mej yuavtsum ua zoo ib yaam le ntawd rua mej cov tubqhe, mej tsi xob pheej hem puab. Ncuntsoov tas mej hab mej cov tubqhe tsuas muaj tuabtug Tswv kws nyob sau ntuj ceebtsheej xwb, nwg yeej tsi xaiv leejtwg ntsejmuag hlo le. #Kaulx 4:1; 2Kev 10:17; Kaulx 3:25
Vaajtswv Tej Cuabyeej
10Thaus kawg nuav, mej yuavtsum khovkho rua huv tug Tswv hab rua huv Nwg lub fwjchim kws luj kawg nkaus. 11Cale muab tej cuabyeej kws Vaajtswv muab rua mej lawm lug naav, sub mej txhaj yuav muaj peevxwm sawv tawmtsaam tau dlaab ntxwgnyoog tej tswvyim phem. 12Ruaqhov tsi yog peb tawmtsaam tuabneeg tabsis yog peb tawmtsaam tej dlaab kws nyob sau nruabntug, tawmtsaam tej kws tswjfwm, tawmtsaam tej kws muaj fwjchim, hab tawmtsaam lub zug kws kaav qhov tsausntuj nti nyob rua tam nuav. 13Yogle ntawd, cale muab Vaajtswv tej cuabyeej lug naav kag taamsim nuav! Yog mej ua le ntawd, nub kws tej kev phem lug txug, mej txhaj yuav sawv taug khovkho; hab thaus tej kev tawmtsaam ntawd dlhau lawm, mej txhaj tseem nyob ruaj nreeg.
14Yogle ntawd, mej cale sawv khovkho npaaj kuas txhij tog. Cale muab qhov tseeb lug ua hlaab sa ntawm mej lub dluav, muab txuj kev ncaajnceeg lug ua dlaim hlau thaiv hauvsab. #Yaxaya 11:5; Yaxaya 59:17 15Hab muab lub sab kws kublug moog qha Txuj Moo Zoo kws has txug txuj kev kaajsab lug ua khau rau. #Yaxaya 52:7 16Mej yuavtsum tuav rawv txuj kev ntseeg ua dlaim hlau thaiv cev txhua lub sijhawm; yog mej ua le ntawd, mej yuav tua tau dlaab ntxwgnyoog tej xibxub suavtawg kws nwg tua tuaj kuas tuag moog. 17Cale muab txuj kev dlim txim lug ua kausmom hlau ntoo, hab muab Vaajtswv Txujlug kws Vaaj Ntsujplig muab rua mej, lug ua raab ntaaj. #Yaxaya 59:17 18Mej yuavtsum ua txhua yaam nuav lug ntawm txuj kev thov Vaajtswv, thov kuas Vaajtswv paab mej. Yuavtsum thov Vaajtswv txhua lub sijhawm lawvle Vaaj Ntsujplig coj mej. Yogle ntawd, mej yuavtsum npaaj rawv tog hab ua sabntev thov Vaajtswv paab cov ntseeg suavdlawg. 19Hab thov mej thov Vaajtswv paab rua kuv, kuas thaus kuv qheb ncauj qha Vaajtswv Txujlug, Vaajtswv yuav ua tug cevlug rua kuv has, sub kuv txhaj yuav muaj lub sab tawv qha txug yaam kws tau muab zais ca nyob rua huv Txuj Moo Zoo lawm. 20Nwgnuav kuv raug kaw rua huv tsev lojcuj los tub yog vim kuv yog ib tug xeebcom kws qha txug Txuj Moo Zoo ntawd ntaag. Yogle ntawd, thov mej thov Vaajtswv paab kuas kuv muaj lub sab tawv qha Txuj Moo Zoo kuas tsimnyog.
Lug Xaa Xuv Thaus Xaus
21Tikhikus kws yog peb ib tug kwvtij kws peb hlub hab yog ib tug tubkhai kws ncaajnceeg ua tug Tswv tegnum, nwg yuav qha txhua yaam rua mej, sub mej txhaj paub tas kuv nyob lecaag hab kuv najnub ua dlaabtsi. #Tegnum 20:4; 2Tim 4:12 22Tub yog vimle ntawd ntaag, kuv txhajle khaiv nwg tuaj saib mej; tuaj qha kuas mej paub tas peb suavdlawg nyob lecaag, hab kuas nwg tuaj txhawb mej lub zug. #Kaulx 4:7-8
23Thov Vaajtswv kws yog peb Leejtxiv hab tug Tswv Yexus Khetos pub kev kaajsab hab kev hlub, nrug rua kev ntseeg rua txhua tug kws ntseeg Yexus Khetos. 24Thov Vaajtswv txuj moovhlub nrugnraim txhua tug kws muaj lub sab hlub peb tug Tswv Yexus Khetos moog ibtxhis.
Currently Selected:
Efexus 6: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Efexus 6
6
Cov Mivnyuas Hab Namtxiv
1Mej cov kws yog mivnyuas, vim mej yog cov ntseeg Yexus Khetos lawm, yeej yog mej lub luagnum kws#6:1: Tej phoo ntawv qub kws xuas teg sau, tsi muaj vim mej yog cov ntseeg Yexus Khetos lawm, yeej yog mej lub luagnum kws. yuavtsum noog mej nam mej txiv lug, vim qhov ntawd yog ib yaam kws tsimnyog ua. #Kaulx 3:20 2“Koj yuavtsum fwm koj nam koj txiv” yog thawj nqai kevcai kws muaj ib lulug cogtseg ntxiv rua has tas, 3“sub koj txhaj yuav vaammeej hab muaj txujsa nyob ntev huv lub nplajteb nuav.” #Tsiv 20:12; 2Kev 5:16
4Mej cov kws yog leejtxiv, mej tsi xob ua tej yaam kws yuav ua rua mej tej mivnyuas npautawg. Tabsis mej cale tu puab kuas lujhlub lug ntawm kev qhuabntuag hab cobqha lawvle tug Tswv Txujlug. #Kaulx 3:21
Cov Tubqhe Hab Cov Tswvqhev
5Mej cov kws yog tubqhe, mej yuavtsum noog mej cov tswv kws yog tuabneeg saab nqajtawv nuav tej lug; yuavtsum fwm hab paub ntshai puab. Mej yuavtsum ua mej tegnum lug ntawm lub sab ncaajnceeg, zoo ib yaam le mej ua rua Yexus Khetos. 6Mej tsi xob ua num thaus cov tswv saibntsoov mej vim mej xaav kuas puab qhuas mej xwb, tabsis mej yuavtsum rausab ntso ua lawvle Vaajtswv lub sab nyam, kuas phim qhov kws mej yog Yexus Khetos cov tubqhe. 7Yijmeem ua le mej yog ib cov tubqhe kws zoosab hlo ua mej tegnum, ib yaam le mej ua rua Vaajtswv, tsi yog ua rua tuabneeg. 8Ncuntsoov tas Vaajtswv yeej yuav muab nqezug rua peb txhua tug kws ua num zoo, tsi has cov kws ua qhev lossis cov kws tsi ua qhev. #Kaulx 3:22-25
9Mej cov kws yog tswvqhev, mej yuavtsum ua zoo ib yaam le ntawd rua mej cov tubqhe, mej tsi xob pheej hem puab. Ncuntsoov tas mej hab mej cov tubqhe tsuas muaj tuabtug Tswv kws nyob sau ntuj ceebtsheej xwb, nwg yeej tsi xaiv leejtwg ntsejmuag hlo le. #Kaulx 4:1; 2Kev 10:17; Kaulx 3:25
Vaajtswv Tej Cuabyeej
10Thaus kawg nuav, mej yuavtsum khovkho rua huv tug Tswv hab rua huv Nwg lub fwjchim kws luj kawg nkaus. 11Cale muab tej cuabyeej kws Vaajtswv muab rua mej lawm lug naav, sub mej txhaj yuav muaj peevxwm sawv tawmtsaam tau dlaab ntxwgnyoog tej tswvyim phem. 12Ruaqhov tsi yog peb tawmtsaam tuabneeg tabsis yog peb tawmtsaam tej dlaab kws nyob sau nruabntug, tawmtsaam tej kws tswjfwm, tawmtsaam tej kws muaj fwjchim, hab tawmtsaam lub zug kws kaav qhov tsausntuj nti nyob rua tam nuav. 13Yogle ntawd, cale muab Vaajtswv tej cuabyeej lug naav kag taamsim nuav! Yog mej ua le ntawd, nub kws tej kev phem lug txug, mej txhaj yuav sawv taug khovkho; hab thaus tej kev tawmtsaam ntawd dlhau lawm, mej txhaj tseem nyob ruaj nreeg.
14Yogle ntawd, mej cale sawv khovkho npaaj kuas txhij tog. Cale muab qhov tseeb lug ua hlaab sa ntawm mej lub dluav, muab txuj kev ncaajnceeg lug ua dlaim hlau thaiv hauvsab. #Yaxaya 11:5; Yaxaya 59:17 15Hab muab lub sab kws kublug moog qha Txuj Moo Zoo kws has txug txuj kev kaajsab lug ua khau rau. #Yaxaya 52:7 16Mej yuavtsum tuav rawv txuj kev ntseeg ua dlaim hlau thaiv cev txhua lub sijhawm; yog mej ua le ntawd, mej yuav tua tau dlaab ntxwgnyoog tej xibxub suavtawg kws nwg tua tuaj kuas tuag moog. 17Cale muab txuj kev dlim txim lug ua kausmom hlau ntoo, hab muab Vaajtswv Txujlug kws Vaaj Ntsujplig muab rua mej, lug ua raab ntaaj. #Yaxaya 59:17 18Mej yuavtsum ua txhua yaam nuav lug ntawm txuj kev thov Vaajtswv, thov kuas Vaajtswv paab mej. Yuavtsum thov Vaajtswv txhua lub sijhawm lawvle Vaaj Ntsujplig coj mej. Yogle ntawd, mej yuavtsum npaaj rawv tog hab ua sabntev thov Vaajtswv paab cov ntseeg suavdlawg. 19Hab thov mej thov Vaajtswv paab rua kuv, kuas thaus kuv qheb ncauj qha Vaajtswv Txujlug, Vaajtswv yuav ua tug cevlug rua kuv has, sub kuv txhaj yuav muaj lub sab tawv qha txug yaam kws tau muab zais ca nyob rua huv Txuj Moo Zoo lawm. 20Nwgnuav kuv raug kaw rua huv tsev lojcuj los tub yog vim kuv yog ib tug xeebcom kws qha txug Txuj Moo Zoo ntawd ntaag. Yogle ntawd, thov mej thov Vaajtswv paab kuas kuv muaj lub sab tawv qha Txuj Moo Zoo kuas tsimnyog.
Lug Xaa Xuv Thaus Xaus
21Tikhikus kws yog peb ib tug kwvtij kws peb hlub hab yog ib tug tubkhai kws ncaajnceeg ua tug Tswv tegnum, nwg yuav qha txhua yaam rua mej, sub mej txhaj paub tas kuv nyob lecaag hab kuv najnub ua dlaabtsi. #Tegnum 20:4; 2Tim 4:12 22Tub yog vimle ntawd ntaag, kuv txhajle khaiv nwg tuaj saib mej; tuaj qha kuas mej paub tas peb suavdlawg nyob lecaag, hab kuas nwg tuaj txhawb mej lub zug. #Kaulx 4:7-8
23Thov Vaajtswv kws yog peb Leejtxiv hab tug Tswv Yexus Khetos pub kev kaajsab hab kev hlub, nrug rua kev ntseeg rua txhua tug kws ntseeg Yexus Khetos. 24Thov Vaajtswv txuj moovhlub nrugnraim txhua tug kws muaj lub sab hlub peb tug Tswv Yexus Khetos moog ibtxhis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.