Efexus 1

1Kuv yog Paulus, kws yog Yexus Khetos ib tug timthawj lawvle Vaajtswv tug dlejsab.

Kuv sau tsaab ntawv nuav rua cov ntseeg Vaajtswv huv lub nroog Efexus,#1:1: Tej phoo ntawv qub kws xuas teg sau, tsi muaj huv lub nroog Efexus. kws yog cov koomxeeb nrug Yexus Khetos hab muab sab rau ntseeg Vaajtswv. #Tegnum 18:19-21; 19:1

2Thov Vaajtswv kws yog peb Leejtxiv hab tug Tswv Yexus Khetos pub txuj moovhlub hab kev nyaabxeeb rua mej.

Txuj Koobmoov Kws Vaajtswv Pub Rua Cov Ntseeg Nyob Huv Khetos

3Peb cale ua Vaajtswv kws yog peb tug Tswv Yexus Khetos Leejtxiv tsaug! Vim qhov kws peb tau lug nrug Khetos koom uake lawm, Vaajtswv txhaj foom txhua yaam koobmoov ntawm saab ntsujplig kws lug sau ceebtsheej ntuj lug rua peb. 4Thaus tsi tau tsim ntuj tsim teb, Vaajtswv tub xub xaiv peb lug ua Nwg tug lug ntawm peb txuj kev koomxeeb nrug Khetos lug ua Vaajtswv tsaav tuabneeg lawm, sub peb txhajle dlawbhuv hab tsi muaj ib qhov txhum taabmeeg Vaajtswv le.

Vim Vaajtswv txuj kev hlub, 5Vaajtswv#1:5: taabmeeg Vaajtswv le. Vim Vaajtswv txuj kev hlub, Vaajtswv; lossis taabmeeg Vaajtswv le, hab ua lub neej nyob huv txuj kev hlub. Vaajtswv. txhaj tau txavtxim sab has tas Nwg yuav saws peb lug ua Nwg cov mivnyuas lug ntawm Yexus Khetos, lawvle Vaajtswv lub sab nyam hab Nwg lub homphaj. 6Peb cale qhuas Vaajtswv rua Nwg txuj moovhlub zoo kawg nkaus kws Nwg tau pub dlawb-dlawb rua peb huv Nwg tug Tub kws Nwg hlub! 7Ruaqhov lug ntawm Khetos cov ntshaav,#1:7: Lug ntawm Khetos cov ntshaav; lossis Lug ntawm Khetos txuj kev tuag. peb txhaj tau txais kev dlim txim, kws yog Vaajtswv zaam peb lub txim. Vaajtswv txuj moovhlub luj heev, #Kaulx 1:14 8Nwg txhaj pub nplua-mag rua peb!

Vaajtswv yog tug kws muaj tswvyim hab paub ibpuas tsaavyaam, 9Nwg pub peb paub txug tej kws Nwg tau muab zais ca lawm, kws nwg tub npaajsab yuav ua kuas tav nyob rua huv Khetos. 10Lub homphaj nuav, thaus txug lub sijhawm kws tau teem ca lawm, Vaajtswv yuav ua kuas tav, Nwg yuav muab ibpuas tsaavyaam kws nyob sau nruabntug hab nyob huv nplajteb nuav lug tso uake, ca Khetos ua tug kaav.

11Txhua yaam yeej tav lawv nraim le Vaajtswv lub homphaj hab Nwg kev txavtxim sab; Vaajtswv tau xaiv peb huv Khetos lawvle Vaajtswv lub homphaj kws Nwg tub xub xaav tseg thaus tsi tau tsim lub ntuj hab lub nplajteb lawm. 12Yogle ntawd, peb cov kws xub muaj kev casab rua ntawm Khetos, cale qhuas Vaajtswv tug tshwjchim!

13Hab mej dlhau lug ua Vaajtswv cov mivnyuas thaus mej nov Txuj Moo Zoo kws yog txujlug tseeb kws cawm tau mej dlim mej lub txim. Mej lug ntseeg Khetos lawm, Vaajtswv txhaj nas Nwg lub homthawj rua mej lug ntawm qhov kws Nwg pub Vaaj Ntsujplig tug Dlawbhuv lug rua mej lawvle Nwg tau coglug tseg lawm. 14Qhov kws Vaajtswv pub Vaaj Ntsujplig tug Dlawbhuv rua peb ntawd yog ib yaam puavpheej kws qha rua peb paub tas peb yuav tau tej kws Vaajtswv tau coglug rua nwg tsaav tuabneeg, hab qhov nuav ua rua peb ruajsab has tas Vaajtswv yuav muab kev ywjpheej rua peb cov kws yog Vaajtswv tsaav tuabneeg. Peb cale qhuas Vaajtswv tug tshwjchim!

Paulus Cov Lug Thov Vaajtswv

15Tub yog vimle ntawd, txij thaus kuv nov tas mej muab sab rau ntseeg tug Tswv Yexus hab hlub Vaajtswv tsaav tuabneeg txhua tug, 16mas kuv yeej najnub ua Vaajtswv tsaug tsi tu tsi su rua mej le. Kuv yeej ncuntsoov mej nyob rua huv kuv txuj kev thov Vaajtswv 17hab thov peb tug Tswv Yexus Khetos tug Vaajtswv, tug kws yog peb Leejtxiv kws muaj tshwjchim ci ntsaa-ab, kuas Nwg pub Vaaj Ntsujplig tug Dlawbhuv rua mej. Tug Ntsujplig ntawd yuav ua rua mej muaj tswvyim hab yuav qha Vaajtswv rua mej, kuas mej txhaj paub Vaajtswv zoo dlua qub ntxiv.

18Kuv thov Vaajtswv qheb mej lub qhovmuag sab kuas mej pum Nwg lub teeb ci, sub mej txhaj paub txug txuj kev casab kws Vaajtswv tau hu mej lug cuag Nwg ntawd, has tas Nwg tej koobmoov kws Nwg tau coglug tseg rua Nwg tsaav tuabneeg yog zoo npaum lecaag tag, 19hab paub tas Vaajtswv lub fwjchim kws ua dlejnum nyob huv peb cov ntseeg, luj npaum lecaag. Lub fwjchim kws ua dlejnum nyob huv peb ntawd tub yog tuablub fwjchim 20kws Vaajtswv siv tsaa Khetos sawv huv qhovtuag rovqaab lug hab coj Nwg moog nyob ntawm Vaajtswv saab xis sau ntuj ceebtsheej. #Nnkauj 110:1

21Khetos nyob sab tshaaj txhua tug ntsujplig kws kaav sau nruabntug, sab tshaaj tej kws muaj meejmom, tej kws muaj fwjchim hab tej vaajntxwv; Nwg tseem nyob sab tshaaj txhua lub npe kws muaj fwjchim huv nplajteb nuav, tsi has tam nuav lossis tam tomntej huv tuabsi. 22Vaajtswv muab ibpuas tsaavyaam tso rua Khetos ua tug kaav, hab Vaajtswv tsaa Nwg ua lub taubhau saib taagnrho txhua yaam huv pawg ntseeg. #Nnkauj 8:6 23Pawg ntseeg yog Khetos lub cev; Khetos yog tug kws ua rua muaj txhua yaam txhijzog, Nwg yog tug kws nyob puvnpo huv txhua yaam kws nyob txhua qhov.#1:23: Nwg yog tug kws nyob puvnpo huv txhua yaam kws nyob txhua qhov; lossis Nwg yog tug kws muaj Vaajtswv puvnpo nyob rua huv Nwg. #Kaulx 1:18

Currently Selected:

Efexus 1: HNJ2022

Highlight

Copy