1 Kauleethaus Lug Tawqha
Lug Tawqha
Tsaab ntawv 1 Kauleethaus yog Paulus sau moog dlaws tej teebmeem ntawm lub neej ntseeg Vaajtswv hab txuj kev ntseeg kws tau tshwm nyob rua huv pawg ntseeg Kauleethaus kws thaus u Paulus yog tug tsimtsaa. Lub sijhawm ntawd, lub nroog Kauleethaus yog cov tuabneeg Kilis ib lub nroog luj kws muaj ntau tsaav tuabneeg nyob uake rua huv, yog ib lub tuamceeb nroog huv lub xeev Akhayas kws zwm rua tebchaws Loos. Nroog Kauleethaus yog lub nroog kws nto moo rua saab kev laagluam, kev coj noj coj ua, kev nkauj kev nraug, hab ntau hom kev ntseeg sisxyaw uake.
Yaam kws Paulus txhawj tshaajplawg yog tej teebmeem kws sisfaib ua paab ua pawg hab tej kev nkauj kev nraug huv pawg ntseeg, hab tej lug nug txug kev sis ua namtxiv hab kev ua txwjnkawm, tej kws tuabneeg lub sab xaav, pawg ntseeg kev coj noj coj ua, tej koobmoov kws Vaaj Ntsujplig tug Dlawbhuv pub, hab kev sawv huv qhovtuag rovqaab lug. Paulus txhaj ua tuabzoo muab Txuj Moo Zoo lug qha hab teb tej lug nug nuav.
Tshooj 13, yog has txug txuj kev hlub kws yog Vaajtswv txuj koobmoov kws zoo tshaajplawg kws Nwg muab rua Nwg tsaav tuabneeg, hab yog zaaj kws suavdlawg paub zoo tshaajplawg nyob huv phoo ntawv nuav.
Txheejtxheem
Cov tawqha (1:1-9)
Teebmeem huv pawg ntseeg (1:10—4:21)
Kev nkauj kev nraug hab tsev tuabneeg kev ua neej (5:1—7:40)
Cov ntseeg hab cov tsi ntseeg (8:1—11:1)
Pawg ntseeg lub neej hab kev pehawm Vaajtswv (11:2—14:40)
Khetos hab cov ntseeg kev sawv huv qhovtuag rovqaab lug (15:1-58)
Kev paab nyaj rua cov ntseeg kws nyob huv xeev Yudas (16:1-4)
Qeeyaam ntawm Paulus tugkheej hab nwg cov lug xaus (16:5-24)
Currently Selected:
1 Kauleethaus Lug Tawqha: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.