Hawˇseˬ 5
5
1Piˇ ma deuˬ-oˇ, naˬ bawˇ gaˬ-awˬ.
Iˇsaˬleˬlaˆ tsawˇ haˬ deuˬ-oˇ,
naˬ bawˇ ciˬ kʼmˇ-awˇ naˇ haˬ-awˬ.
Sahˬpaˬ-euˬ nymˇ kʼahˬ zaˬ deuˬ-oˇ,
yaw muiˬ paˬ-ehˇ naˇ haˬ taˬ-awˬ.
Naw maꞈ-ahˇ yaˇ kʼaˬ daˇ-eu dawˬ,
keuˆ le luꞈ gaˇ naˇ haˬ taˬ-awˬ.
Naw maꞈ dehꞈ leꞈ jawˇ leꞈ-euˬ-aˬ,
Miˇ zaˬ paˬ-ahˇ jeˬ beuˆ tahˇ-awˇ,
Taˬbawˬ meuˬ-ahˇ baw gʼaꞈ kʼmˇ-awˇ,
2Aˬkaˬshaˆ meuˬ iˇ kʼehˬ laˇ kʼehˬ,
shaˬ duˬ duˬ tsehˆ-euˬ gaˇ duˇ meh.
Naw maꞈ dawˬ tawˆ-ahˇ ngaˇ kʼehˬ ma.
3Iˇsaˬleˬlaˆ aˬ joˇ gʼeh-eu,
dawˬ tawˆ luꞈ ngaˇ siˬ nya jiˇ ma.
Aˬ yawꞈ ngaˬ-ahˇ maˬ zaꞈ nya-a.
Aˬyawꞈ ngaˬ-ahˇ saˇ jaˇ puiˬ-awˇ,
aˬ yawꞈ-euˬ tsawˇ haˬ deuˬ ngaˬ-ahˇ,
uˬ duˬ tahˬ laˇ-eu maˬ geuˇ-a.”
Miˬ yehˇ nui deuˬ-ahˇ uˬ duˬ maˬ tahˬ ni yahˇ-awˬ lehˇ Hawˇseˬ ehˇ-eu
4Miˬyehˇ jawˇ gaˇ maˬ gʼoꞈ leˇ ni,
aˬ yawꞈ maꞈ neh mˇ-euˬ yaw lehˬ,
aˬ yawꞈ maꞈ-ahˇ gʼeu tehˬ-eu meh.
Miˬ yehˇ nui deuˬ-ahˇ gʼoe-eu jeˬ,
nui ma laꞈ kʼoeˇ ciˇ tahˬ iˇ-awˇ,
Sahˬpaˬ Miˬyehˇ-ahˇ maˬ siˬ-a.
5Iˇsaˬleˬlaˆ yaw doeˇ mˇ-euˬ,
yawˬ ha-ahˇ paˇ guˇ poˆ luꞈ meh.
Yawˬ ha neh mˇ-euˬ iˬ baˇ-ahˇ,
yawˬ ha pehˆ toˆ-awˇ coˬ-iˇ gaˇ,
Yuˇdaˆ tsawˇ haˬ coˬ caw tehꞈ-a.
6Yawˇ hawˇ-eu mawˇ neˇ lawˇ lawˇ-ehˇ,
Sahˬpaˬ Miˬyehˇ-ahˇ poˆ leˇ kʼawꞈ,
yawꞈ maꞈ-ahˇ byehˇ dzeh-euˬ miˇ neh,
maˬ poˆ mawˇ nya ni shaˬ tehꞈ-a.
7Aˬ yawꞈ maꞈ Sahˬpaˬ Miˬyehˇ-ahˇ,
Saˇ jaˇ maˬ ziꞈ ni dehꞈ-euˬ meh.
Yawꞈ maꞈ-euˬ aˬ buˇ aˬ li deuˬ,
aˬ yawꞈ-ahˇ maˬ taꞈ-eu zaˬ meh.
Kʼoeˇ baˬ da neh yawꞈ maꞈ hawˇ-eu,
yawꞈ maꞈ-euˬ deh yaˇ dawˬ tawˆ luꞈ,
nymˬ-mˇ ya cawˆ-iˇ jiˇ tehꞈ-a.
Yuˇdaˆ hawˇ-eu Iˇsaˬleˬlaˆ guiˇ deuˆ-eu
8Giˇbyaˬ meuˬ-ahˇ coiˇ doi baw-awˬ.
Laˬmahˇ meuˬ-ahˇ daˇ heh baw-awˬ.
Behˬdaˬbeˬ meuˬ-ahˇ laˆ luiˬ-awˬ.
Beˬyaˬmiˬ tsawˇ jeuˬ guiˇ deuˆ-awˬ.
9Kʼehˬ-eu kʼaˆ-eu aˇ nah keuˆ ngeh,
Iˇsaˬleˬlaˆ ya cawˆ-iˇ meh.
Iˇsaˬleˬlaˆ tsawˇ haˬ deuˬ-oˇ,
ya cawˆ-iˇ-eu yaw duˬ baw meh.
10Sahˬpaˬ Miˬyehˇ ehˇ-eu dawˬ-aˬ,
“Yuˇdaˆ miˇ kʼahˬ sahˬ paˬ sahˬ ma,
Iˇsaˬleˬlaˆ-ahˇ ceh laˇ-awˇ,
miˇ kʼahˬ ceh geuꞈ taˬ-euˬ miˇ neh,
Lawˇ baˬ iˇ jeuˬ oe-eu loꞈ-ehˇ,
aˬ yawꞈ maꞈ-ahˇ ngaˇ kʼehˬ nehˬ ma.
11Aˬ cawˬ kʼehˬ nehˬ kʼaˆ nehˬ-euˬ gaˇ,
Iˇsaˬleˬlaˆ ya daˬ luꞈ ngeh,
maˬ caw ba nehˬ nya-eu deuˬ-ahˇ,
laꞈ jeuˬ shaˇ-iˇ-euˬ baˬ da neh,
yawꞈ-ahˇ oꞈ-eu miˇ tsaˬ pehˇ tsahˇ,
aˬ cawˬ neh bi kʼaˆ geuꞈ-euˬ meh.
12Kʼoeˇ miˇ neh Iˇsaˬleˬlaˆ-ahˇ,
luˬ-iˇ seˇ-iˇ ni ngaˇ jahˇ-awˇ,
Yuˇdaˆ tsawˇ haˬ deuˬ-euˬ kʼoeˇ taˆ,
yaw cawˆ jeˬ ngaˇ bi keuˆ le ma.
13“Yawˬ ha naˇ gawˇ aˇ naˆ kʼaˆ-eu,
Iˇsaˬleˬlaˆ-ahˇ siˬ leˇ-awˇ,
yawˬ ha maˇ naˇ aˇ naˆ naꞈ-eu,
Yuˇdaˆ miˇ kʼahˬ-ahˇ siˬ leˇ ngeh,
huiˬ-eu Suˇliˆ sahˬ paˬ jawˇ gaˇ,
Iˇsaˬleˬlaˆ tahˬ shaˇ-euˬ meh.
Ehˇ kʼawꞈ, naˇ gawˇ maˬ yaˇ nya-ehˇ,
maˇ naˇ maˬ laˆ taˬ nehˬ nya-a.
14Haiˬ-eu aˇ laˬ jaˬ shiˇ loꞈ-ehˇ,
Iˇsaˬleˬlaˆ-ahˇ tsawˬ kawꞈ ma.
Gʼeh-eu aˇ laˬ jaˬ shiˇ loꞈ-ehˇ,
Yuˇdaˆ miˇ kʼahˬ-ahˇ tsawˬ kawꞈ ma.
Cehˬ pyaˬ cehˬ shaˇ-awˇ bi ga-awˇ,
kawꞈ tehˬ-awˇ gʼeu byoˆ gʼeh nehˬ ngeh,
ka kʼoꞈ nehˬ-eu gʼaˬ maˬ jawˇ-aˇ.
15“Yawꞈ maꞈ iˬ baˇ noeˬ poˆ leˇ-awˇ,
ngaˬ-euˬ myaˆ pyawˬ maˬ poˆ kʼoeˇ keuˆ,
yawꞈ maꞈ-ahˇ ngaˇ byehˇ dzeh nehˬ ma.
Yawꞈ maꞈ shaˬ zahˬ mˇ doeˇ laꞈ ngeh,
ngaˬ-ahˇ poˆ laˇ-eu baw tehꞈ-a.”
Currently Selected:
Hawˇseˬ 5: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 5
5
1Piˇ ma deuˬ-oˇ, naˬ bawˇ gaˬ-awˬ.
Iˇsaˬleˬlaˆ tsawˇ haˬ deuˬ-oˇ,
naˬ bawˇ ciˬ kʼmˇ-awˇ naˇ haˬ-awˬ.
Sahˬpaˬ-euˬ nymˇ kʼahˬ zaˬ deuˬ-oˇ,
yaw muiˬ paˬ-ehˇ naˇ haˬ taˬ-awˬ.
Naw maꞈ-ahˇ yaˇ kʼaˬ daˇ-eu dawˬ,
keuˆ le luꞈ gaˇ naˇ haˬ taˬ-awˬ.
Naw maꞈ dehꞈ leꞈ jawˇ leꞈ-euˬ-aˬ,
Miˇ zaˬ paˬ-ahˇ jeˬ beuˆ tahˇ-awˇ,
Taˬbawˬ meuˬ-ahˇ baw gʼaꞈ kʼmˇ-awˇ,
2Aˬkaˬshaˆ meuˬ iˇ kʼehˬ laˇ kʼehˬ,
shaˬ duˬ duˬ tsehˆ-euˬ gaˇ duˇ meh.
Naw maꞈ dawˬ tawˆ-ahˇ ngaˇ kʼehˬ ma.
3Iˇsaˬleˬlaˆ aˬ joˇ gʼeh-eu,
dawˬ tawˆ luꞈ ngaˇ siˬ nya jiˇ ma.
Aˬ yawꞈ ngaˬ-ahˇ maˬ zaꞈ nya-a.
Aˬyawꞈ ngaˬ-ahˇ saˇ jaˇ puiˬ-awˇ,
aˬ yawꞈ-euˬ tsawˇ haˬ deuˬ ngaˬ-ahˇ,
uˬ duˬ tahˬ laˇ-eu maˬ geuˇ-a.”
Miˬ yehˇ nui deuˬ-ahˇ uˬ duˬ maˬ tahˬ ni yahˇ-awˬ lehˇ Hawˇseˬ ehˇ-eu
4Miˬyehˇ jawˇ gaˇ maˬ gʼoꞈ leˇ ni,
aˬ yawꞈ maꞈ neh mˇ-euˬ yaw lehˬ,
aˬ yawꞈ maꞈ-ahˇ gʼeu tehˬ-eu meh.
Miˬ yehˇ nui deuˬ-ahˇ gʼoe-eu jeˬ,
nui ma laꞈ kʼoeˇ ciˇ tahˬ iˇ-awˇ,
Sahˬpaˬ Miˬyehˇ-ahˇ maˬ siˬ-a.
5Iˇsaˬleˬlaˆ yaw doeˇ mˇ-euˬ,
yawˬ ha-ahˇ paˇ guˇ poˆ luꞈ meh.
Yawˬ ha neh mˇ-euˬ iˬ baˇ-ahˇ,
yawˬ ha pehˆ toˆ-awˇ coˬ-iˇ gaˇ,
Yuˇdaˆ tsawˇ haˬ coˬ caw tehꞈ-a.
6Yawˇ hawˇ-eu mawˇ neˇ lawˇ lawˇ-ehˇ,
Sahˬpaˬ Miˬyehˇ-ahˇ poˆ leˇ kʼawꞈ,
yawꞈ maꞈ-ahˇ byehˇ dzeh-euˬ miˇ neh,
maˬ poˆ mawˇ nya ni shaˬ tehꞈ-a.
7Aˬ yawꞈ maꞈ Sahˬpaˬ Miˬyehˇ-ahˇ,
Saˇ jaˇ maˬ ziꞈ ni dehꞈ-euˬ meh.
Yawꞈ maꞈ-euˬ aˬ buˇ aˬ li deuˬ,
aˬ yawꞈ-ahˇ maˬ taꞈ-eu zaˬ meh.
Kʼoeˇ baˬ da neh yawꞈ maꞈ hawˇ-eu,
yawꞈ maꞈ-euˬ deh yaˇ dawˬ tawˆ luꞈ,
nymˬ-mˇ ya cawˆ-iˇ jiˇ tehꞈ-a.
Yuˇdaˆ hawˇ-eu Iˇsaˬleˬlaˆ guiˇ deuˆ-eu
8Giˇbyaˬ meuˬ-ahˇ coiˇ doi baw-awˬ.
Laˬmahˇ meuˬ-ahˇ daˇ heh baw-awˬ.
Behˬdaˬbeˬ meuˬ-ahˇ laˆ luiˬ-awˬ.
Beˬyaˬmiˬ tsawˇ jeuˬ guiˇ deuˆ-awˬ.
9Kʼehˬ-eu kʼaˆ-eu aˇ nah keuˆ ngeh,
Iˇsaˬleˬlaˆ ya cawˆ-iˇ meh.
Iˇsaˬleˬlaˆ tsawˇ haˬ deuˬ-oˇ,
ya cawˆ-iˇ-eu yaw duˬ baw meh.
10Sahˬpaˬ Miˬyehˇ ehˇ-eu dawˬ-aˬ,
“Yuˇdaˆ miˇ kʼahˬ sahˬ paˬ sahˬ ma,
Iˇsaˬleˬlaˆ-ahˇ ceh laˇ-awˇ,
miˇ kʼahˬ ceh geuꞈ taˬ-euˬ miˇ neh,
Lawˇ baˬ iˇ jeuˬ oe-eu loꞈ-ehˇ,
aˬ yawꞈ maꞈ-ahˇ ngaˇ kʼehˬ nehˬ ma.
11Aˬ cawˬ kʼehˬ nehˬ kʼaˆ nehˬ-euˬ gaˇ,
Iˇsaˬleˬlaˆ ya daˬ luꞈ ngeh,
maˬ caw ba nehˬ nya-eu deuˬ-ahˇ,
laꞈ jeuˬ shaˇ-iˇ-euˬ baˬ da neh,
yawꞈ-ahˇ oꞈ-eu miˇ tsaˬ pehˇ tsahˇ,
aˬ cawˬ neh bi kʼaˆ geuꞈ-euˬ meh.
12Kʼoeˇ miˇ neh Iˇsaˬleˬlaˆ-ahˇ,
luˬ-iˇ seˇ-iˇ ni ngaˇ jahˇ-awˇ,
Yuˇdaˆ tsawˇ haˬ deuˬ-euˬ kʼoeˇ taˆ,
yaw cawˆ jeˬ ngaˇ bi keuˆ le ma.
13“Yawˬ ha naˇ gawˇ aˇ naˆ kʼaˆ-eu,
Iˇsaˬleˬlaˆ-ahˇ siˬ leˇ-awˇ,
yawˬ ha maˇ naˇ aˇ naˆ naꞈ-eu,
Yuˇdaˆ miˇ kʼahˬ-ahˇ siˬ leˇ ngeh,
huiˬ-eu Suˇliˆ sahˬ paˬ jawˇ gaˇ,
Iˇsaˬleˬlaˆ tahˬ shaˇ-euˬ meh.
Ehˇ kʼawꞈ, naˇ gawˇ maˬ yaˇ nya-ehˇ,
maˇ naˇ maˬ laˆ taˬ nehˬ nya-a.
14Haiˬ-eu aˇ laˬ jaˬ shiˇ loꞈ-ehˇ,
Iˇsaˬleˬlaˆ-ahˇ tsawˬ kawꞈ ma.
Gʼeh-eu aˇ laˬ jaˬ shiˇ loꞈ-ehˇ,
Yuˇdaˆ miˇ kʼahˬ-ahˇ tsawˬ kawꞈ ma.
Cehˬ pyaˬ cehˬ shaˇ-awˇ bi ga-awˇ,
kawꞈ tehˬ-awˇ gʼeu byoˆ gʼeh nehˬ ngeh,
ka kʼoꞈ nehˬ-eu gʼaˬ maˬ jawˇ-aˇ.
15“Yawꞈ maꞈ iˬ baˇ noeˬ poˆ leˇ-awˇ,
ngaˬ-euˬ myaˆ pyawˬ maˬ poˆ kʼoeˇ keuˆ,
yawꞈ maꞈ-ahˇ ngaˇ byehˇ dzeh nehˬ ma.
Yawꞈ maꞈ shaˬ zahˬ mˇ doeˇ laꞈ ngeh,
ngaˬ-ahˇ poˆ laˇ-eu baw tehꞈ-a.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.