Hawˇseˬ 4
4
Iˇsaˬleˬlaˆ tsawˇ jeuˬ lehˬ-eu gaˇ kawˆ Sahˬpaˬ Miˬyehˇ ehˇ-eu
1Sahˬpaˬ Miˬyehˇ ngehˬ-eu dawˬ-ahˇ,
Iˇsaˬleˬlaˆ naˬ bawˇ gaˬ-awˬ.
“Miˇ kʼahˬ heu-euˬ tsawˇ haˬ deuˬ-ahˇ,
aˬ yawꞈ ja-eu gaˇ kawˆ jaˆ meh.
Saˇ jaˇ ziꞈ-eu gaˇ kawˆ maˬ ehˇ,
gʼawˬ shaˬ gaˬ-eu gaˇ kawˆ maˬ ehˇ,
Miˬyehˇ-ahˇ siˬ nya-eu maˬ ehˇ,
miˇ kʼahˬ heu kʼahˬ laꞈ kʼoeˇ maˬ jaˆ.
2Dawˬ kʼaˆ ngehˬ-awˇ kamˬ-eu maˬ ehˇ,
jaˬ myawꞈ mehˇ shuiˇ shuiˇ-eu maˬ ehˇ,
tsawˇ haˬ-ahˇ sehꞈ-eu jeˬ maˬ ehˇ,
kʼoeˬ-eu gʼehꞈ-eu gaˇ kawˆ maˬ ehˇ,
kʼaˬ miˬ sheu-awˇ bahˬ-eu maˬ ehˇ,
miˇ kʼahˬ heu doe ni byah jiˇ-awˇ,
yaw haiˬ mˇ-eu aˇ dzehˬ dzeuˇ-awˇ,
tsawˇ haˬ sehꞈ dehˆ-euˬ maˬ baw-a.
3Kʼoeˇ loꞈ-ehˇ gʼeh-eu baˬ da neh,
miˇ kʼahˬ heu tsawˇ ngoeˇ ngoeˇ laˇ-awˇ,
meuˬ zaˬ deh zaˬ dawˬ tawˆ hawˇ-eu,
bawˇ tsahˬ jeˬ zaˬ dawˬ tawˆ maˬ ehˇ,
kʼoeˇ taˆ zaw-eu aˇ jiˇ hawˇ-eu,
laˆ shaˆ ngaˬ shaˬ ngaˬ deˇ maˬ ehˇ,
piˬ-iˇ byoˆ-iˇ jiˇ gaˇ keuˆ meh.”
Piˇ ma deuˬ-euˬ yaw lehˬ Sahˬpaˬ Miˬyehˇ ehˇ-eu
4Ehˇ kʼawꞈ Sahˬpaˬ Miˬyehˇ ehˇ-eu,
“Miˇ kʼahˬ zaˬ-euˬ yaw doeˇ taˬ poˆ.
Aˬ yawꞈ maꞈ-ahˇ yaw lehˬ taˬ no.
Ngaˇ yaw lehˬ no mawꞈ-eu deuˬ-aˬ.
naw maꞈ piˇ ma geuꞈ-eu deuˬ ma.
5Nah gʼahˇ yaw shehꞈ bya cehˆ jaˆngeh,
naw maꞈ pehˆ toˆ tahˬ sehꞈ tehꞈ-a.
Bawˇlawˇpeh#4.5 ‘Bawˇlawˇpeh’ lehˇ ehˇ-eu-aˬ, Miˬyehˇ gʼaˇ duˬ ngehˬ dah-eu tsawˇ haˬ-ahˇ ehˇ-eu meh. geuꞈ luꞈ-eu deuˬ kʼawꞈ,
uˬ ciꞈ sahˬ tiꞈ tiꞈ caw tehꞈ-a.
Naw maꞈ aˬ ma Iˇsaˬleˬlaˆ,
ngaˇ laˆ cawˆ gaˇ ya daˬ tehꞈ-a.
6Ngaˬ-euˬ tsawˇ jeuˬ cawˆ-iˇ-euˬ-aˬ,
ngaˬ-ahˇ siˬ nya gaˇ taꞈ leˇ-eu
tsawˇ gahˇ teˬ-eu baˬ da neh meh.
Naw maꞈ piˇ ma geuꞈ-eu deuˬ-aˬ,
ngaˬ neh mehˬ-euˬ dawˬ deuˬ pyeuꞈ-eu,
tsawˇ gahˇ-ahˇ byehˇ dzeh-euˬ miˇ neh,
ngaˬ-euˬ piˇ ma maˬ paˇ ngeuˇ meh.
Miˬyehˇ-euˬ zahˇ dawˬ kʼoꞈ dawˬ-ahˇ,
naw maꞈ byehˇ dzeh-euˬ baˬ da neh,
naw maꞈ-euˬ zaˬ deuˬ uˆ deuˬ-ahˇ,
ngaˇ maˬ haw cawˬ ni byehˇ dzeh ma.
7“Piˇ ma ngehˬ myaˬ iˬ baˇ ngehˬ mˇ,
aˬ yawꞈ maꞈ-euˬ yaw shehꞈ kʼahˬ sehˇ,
daˬ ga jiˇ ni ngaˇ jahˇ nehˬ ma.
8Ngaˬ-euˬ tsawˇ jeuˬ iˬ baˇ mˇ-eu,
yawꞈ maꞈ dzaˬ gʼo doˆ-eu miˇ neh,
iˬ baˇ ngehˬ mˇ ngehˬ mawꞈ-eu meh.
9Miˇ kʼahˬ zaˬ kʼaˇ ya daˬ-eu jeˬ,
Piˇ ma deuˬ kʼawꞈ ya daˬ tehꞈ-a.
Yawꞈ maꞈ mˇ-euˬ poeˬ poeˬ lawˬ lawˬ,
yawꞈ maꞈ-ahˇ ngaˇ kʼehˬ poˆ nehˬ ma.
10Naw maꞈ oꞈ-eu lawˇ dzaˇ dzaˬ kʼawꞈ,
uˬ maˆ dehˆ laˇ-euˬ maˬ baw-aˇ.
Jeuˬ le o le-eu miˬyehˇ-ahˇ,
naw maꞈ uˬ duˬ tahˬ shaˇ leˇ kʼawꞈ,
zaˬ oeˬ sahˇ le-eu maˬ baw-aˇ.
Aˬ jeˬ miˇ neh ehˇ naˇ,
miˬyehˇ nui deuˬ mehˬ nah iˇ-awˇ,
naw maꞈ ngaˬ-ahˇ byehˇ dzeh-euˬ meh.”
Lawˇ ciꞈ zaˬ-euˬ miˬ yehˇ deuˬ-ahˇ uˬ duˬ tahˬ gaˇ Sahˬpaˬ Miˬyehˇ maˬ haw nahˇ-eu
11Sahˬpaˬ Miˬyehˇ heu loˇ ehˇ meh.
“Jiˇ baˬ jiˇ oeˇ jiˇ shuiꞈ kʼoeˇ deuˬ,
ngaˬ-euˬ tsawˇ haˬ-euˬ nui ma-ahˇ.
maˬ gahˇ ni bi pyeuꞈ-iˇ-euˬ meh.
12Daˇ kawˬ aˇ bawˇ ka tuˇ taˬ gaˇ,
kʼaˇ ngeuˇ-eu jeˬ naˇ haˬ leˇ-awˇ,
yawꞈ maꞈ kʼaˇ siˬ nya mawꞈ-eu jeˬ,
daˇ kawˬ neh bi ehˇ nehˬ-eu meh.
Kʼaˬ dzeˇ zaˬ-ahˇ byehˇ dzeh yaꞈ-awˇ,
meh maˬ laˇ geuꞈ-iˇ-euˬ loꞈ-ehˇ,
yawꞈ maꞈ ngaˬ-ahˇ byehˇ dzeh yaꞈ-awˇ,
miˬ yehˇ nui deuˬ-ahˇ jah-euˬ meh.
13Gawˬ jawˬ uˬ du doe ni lawˇ-awˇ,
gawˬ duˇ uˬ du doe bi damˬ-awˇ,
naˇ shmˇ muiˬ-eu aˇ bawˇ pyeuꞈ-eu,
tsuiꞈ kaˆ, pawˇpaˬlaˬ, teˬleˬbiˇ,
heu deuˬ dawˬ pehˬ-ahˇ lawˇ-euˬ meh.
“Kʼoeˇ loꞈ-ehˇ dehꞈ-euˬ baˬ da neh,
zaˬ miˬ meh maˬ laˇ pyeuꞈ-iˇ-awˇ,
kuiˬ ma aˬ cawˬ-ahˇ bahˬ-euˬ meh.
14Zaˬ miˬ meh maˬ laˇ geuꞈ luꞈ gaˇ,
kuiˬ ma aˬ cawˬ nehˬ-ehˇ bahˬ gaˇ,
ngaˇ maˬ kʼehˬ maˬ kʼaˆ ni byehˇ ma.
Aˬ jeˬ miˇ neh ehˇ naˇ,
uˬ duˬ tahˬ nymˇ meh maˬ laˇ-ahˇ,#4.14 ‘Uˬ duˬ tahˬ nymˇ meh maˬ laˇ’ ehˇ-eu-aˬ, Kaˬnaˬ tsawˇ jeuˬ-euˬ uˬ duˬ tahˬ nymˇ laꞈ kʼoeˇ jawˇ-eu meh maˬ laˇ deuˬ-ahˇ ehˇ-eu meh. Uˬ duˬ tahˬ nymˇ kʼoeˇ deuˬ laꞈ kʼoeˇ miˇ muiˬ miˬyehˇ deuˬ-ahˇ uˬ duˬ tahˬ-eu meh. Meh maˬ laˇ kʼoeˇ deuˬ nehˬ-ehˇ byawˬ gʼa naˇ, deh yaˇ miˇ tsaˬ muiˬ dui dui laˇ-awˇ, jeˬ zaˬ myaˬ laˇ behˇ laˇ-eu lehˇ jah-eu meh.
naw maꞈ byawˬ gʼa mo gʼa-iˇ-awˇ,
aˬ yawꞈ maꞈ nehˇ tiˬ kawˆ loꞈ-ehˇ,
lawˇ ciꞈ miˬyehˇ-ahˇ lawˇ-euˬ meh.
Dawˬ daˬ daˬ-euˬ jaˆ-eu loꞈ-ehˇ,
nui ma-ahˇ maˬ noeˬ-eu tsawˇ haˬ,
luˬ-iˇ seˇ-iˇ gaˇ keuˆ tehꞈ-a.
15“Naw maꞈ Iˇsaˬleˬlaˆ miˇ kʼahˬ,
ngaˬ-ahˇ saˇ jaˇ puiˬ-awˇ dehꞈ kʼawꞈ,
Yuˇdaˆ miˇ kʼahˬ kʼoeˇ loˇ maˬ ngeuˇ.
Giˇlaˇgaˬlaˇ meuˬ-ahˇ taˬ le.
Behˬdaˬbeˬ#4.15 ‘Behˬdaˬbeˬ’ ehˇ-eu tsawˇ myahˇ heu-aˬ, ‘haiˬ-eu nymˇ’ maˬ ngeuˇ naˇ, ‘miˬyehˇ nui deuˬ-ahˇ uˬ duˬ tahˬ-eu nymˇ’ lehˇ ehˇ mawꞈ-eu meh. Jaˇliꞈ aˇ deuˆ heu deuˆ laꞈ kʼoeˇ tsawˇ myahˇ heu myahˇ Beˬdeˬlaˇ meuˬ-ahˇ ehˇ mawꞈ-eu meh. Beˬdeˬlaˇ lehˇ ehˇ-eu tsawˇ myahˇ-euˬ dawˬ tsuiꞈ-aˬ, ‘Miˬyehˇ-euˬ nymˇ’ lehˇ ehˇ mawꞈ-eu meh. Hawˇseˬ 10:8. meuˬ-ahˇ jiˇ taˬ le.
Sahˬpaˬ Miˬyehˇ tsawˇ myahˇ gʼoe-awˇ,
kamˬ tsehˆ ehˇ tsehˆ-eu dawˬ taˬ ngehˬ.
16Mawˇ neˇ mawˇ kʼaˇ yaw gahˇ loꞈ-ehˇ,
Iˇsaˬleˬlaˆ nui ma gʼahˇ meh.
Muiˬ dui dui-eu gaˆ dzaˬ duˬ-ahˇ,
gaˆ dzaˬ luꞈ-eu yawˇ zaˬ loꞈ-ehˇ,
Sahˬpaˬ Miˬyehˇ aˬ yawꞈ maꞈ-ahˇ,
bi dzaˬ bi dawˇ nya tehꞈ-a loˇ.
17Iˇsaˬleˬlaˆ tsawˇ haˬ kʼoeˇ deuˬ,
tahˬ pahˬ aˬ ma uˬ moˆ jawˇ-eu,
aˬ yawꞈ maꞈ tehꞈ-ehˇ bi shaˬ-awˬ.
18Jiˇ baˬ yehꞈ-eu aˇ muˇ kʼoeˇ muˇ,
meh maˬ laˇ-ahˇ cehˇ gʼa-eu meh.
Yaw shehꞈ kʼahˬ sehˇ-ahˇ naˆ maˬ tseˇ,
daˬ ga-eu jeˬ-ahˇ mawꞈ-eu meh.
19Jaˬ lehˇ lehˇ ma neh lehˬ yoˆ-awˇ,
aˬ yawꞈ maꞈ-ahˇ hehˇ byoˆ gʼeh ngeh,
lawˇ ciꞈ zaˬ-euˬ lawˇ guiˇ baˬ da,
aˬ yawꞈ maꞈ daˬ ya ga tehꞈ-a.
Currently Selected:
Hawˇseˬ 4: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 4
4
Iˇsaˬleˬlaˆ tsawˇ jeuˬ lehˬ-eu gaˇ kawˆ Sahˬpaˬ Miˬyehˇ ehˇ-eu
1Sahˬpaˬ Miˬyehˇ ngehˬ-eu dawˬ-ahˇ,
Iˇsaˬleˬlaˆ naˬ bawˇ gaˬ-awˬ.
“Miˇ kʼahˬ heu-euˬ tsawˇ haˬ deuˬ-ahˇ,
aˬ yawꞈ ja-eu gaˇ kawˆ jaˆ meh.
Saˇ jaˇ ziꞈ-eu gaˇ kawˆ maˬ ehˇ,
gʼawˬ shaˬ gaˬ-eu gaˇ kawˆ maˬ ehˇ,
Miˬyehˇ-ahˇ siˬ nya-eu maˬ ehˇ,
miˇ kʼahˬ heu kʼahˬ laꞈ kʼoeˇ maˬ jaˆ.
2Dawˬ kʼaˆ ngehˬ-awˇ kamˬ-eu maˬ ehˇ,
jaˬ myawꞈ mehˇ shuiˇ shuiˇ-eu maˬ ehˇ,
tsawˇ haˬ-ahˇ sehꞈ-eu jeˬ maˬ ehˇ,
kʼoeˬ-eu gʼehꞈ-eu gaˇ kawˆ maˬ ehˇ,
kʼaˬ miˬ sheu-awˇ bahˬ-eu maˬ ehˇ,
miˇ kʼahˬ heu doe ni byah jiˇ-awˇ,
yaw haiˬ mˇ-eu aˇ dzehˬ dzeuˇ-awˇ,
tsawˇ haˬ sehꞈ dehˆ-euˬ maˬ baw-a.
3Kʼoeˇ loꞈ-ehˇ gʼeh-eu baˬ da neh,
miˇ kʼahˬ heu tsawˇ ngoeˇ ngoeˇ laˇ-awˇ,
meuˬ zaˬ deh zaˬ dawˬ tawˆ hawˇ-eu,
bawˇ tsahˬ jeˬ zaˬ dawˬ tawˆ maˬ ehˇ,
kʼoeˇ taˆ zaw-eu aˇ jiˇ hawˇ-eu,
laˆ shaˆ ngaˬ shaˬ ngaˬ deˇ maˬ ehˇ,
piˬ-iˇ byoˆ-iˇ jiˇ gaˇ keuˆ meh.”
Piˇ ma deuˬ-euˬ yaw lehˬ Sahˬpaˬ Miˬyehˇ ehˇ-eu
4Ehˇ kʼawꞈ Sahˬpaˬ Miˬyehˇ ehˇ-eu,
“Miˇ kʼahˬ zaˬ-euˬ yaw doeˇ taˬ poˆ.
Aˬ yawꞈ maꞈ-ahˇ yaw lehˬ taˬ no.
Ngaˇ yaw lehˬ no mawꞈ-eu deuˬ-aˬ.
naw maꞈ piˇ ma geuꞈ-eu deuˬ ma.
5Nah gʼahˇ yaw shehꞈ bya cehˆ jaˆngeh,
naw maꞈ pehˆ toˆ tahˬ sehꞈ tehꞈ-a.
Bawˇlawˇpeh#4.5 ‘Bawˇlawˇpeh’ lehˇ ehˇ-eu-aˬ, Miˬyehˇ gʼaˇ duˬ ngehˬ dah-eu tsawˇ haˬ-ahˇ ehˇ-eu meh. geuꞈ luꞈ-eu deuˬ kʼawꞈ,
uˬ ciꞈ sahˬ tiꞈ tiꞈ caw tehꞈ-a.
Naw maꞈ aˬ ma Iˇsaˬleˬlaˆ,
ngaˇ laˆ cawˆ gaˇ ya daˬ tehꞈ-a.
6Ngaˬ-euˬ tsawˇ jeuˬ cawˆ-iˇ-euˬ-aˬ,
ngaˬ-ahˇ siˬ nya gaˇ taꞈ leˇ-eu
tsawˇ gahˇ teˬ-eu baˬ da neh meh.
Naw maꞈ piˇ ma geuꞈ-eu deuˬ-aˬ,
ngaˬ neh mehˬ-euˬ dawˬ deuˬ pyeuꞈ-eu,
tsawˇ gahˇ-ahˇ byehˇ dzeh-euˬ miˇ neh,
ngaˬ-euˬ piˇ ma maˬ paˇ ngeuˇ meh.
Miˬyehˇ-euˬ zahˇ dawˬ kʼoꞈ dawˬ-ahˇ,
naw maꞈ byehˇ dzeh-euˬ baˬ da neh,
naw maꞈ-euˬ zaˬ deuˬ uˆ deuˬ-ahˇ,
ngaˇ maˬ haw cawˬ ni byehˇ dzeh ma.
7“Piˇ ma ngehˬ myaˬ iˬ baˇ ngehˬ mˇ,
aˬ yawꞈ maꞈ-euˬ yaw shehꞈ kʼahˬ sehˇ,
daˬ ga jiˇ ni ngaˇ jahˇ nehˬ ma.
8Ngaˬ-euˬ tsawˇ jeuˬ iˬ baˇ mˇ-eu,
yawꞈ maꞈ dzaˬ gʼo doˆ-eu miˇ neh,
iˬ baˇ ngehˬ mˇ ngehˬ mawꞈ-eu meh.
9Miˇ kʼahˬ zaˬ kʼaˇ ya daˬ-eu jeˬ,
Piˇ ma deuˬ kʼawꞈ ya daˬ tehꞈ-a.
Yawꞈ maꞈ mˇ-euˬ poeˬ poeˬ lawˬ lawˬ,
yawꞈ maꞈ-ahˇ ngaˇ kʼehˬ poˆ nehˬ ma.
10Naw maꞈ oꞈ-eu lawˇ dzaˇ dzaˬ kʼawꞈ,
uˬ maˆ dehˆ laˇ-euˬ maˬ baw-aˇ.
Jeuˬ le o le-eu miˬyehˇ-ahˇ,
naw maꞈ uˬ duˬ tahˬ shaˇ leˇ kʼawꞈ,
zaˬ oeˬ sahˇ le-eu maˬ baw-aˇ.
Aˬ jeˬ miˇ neh ehˇ naˇ,
miˬyehˇ nui deuˬ mehˬ nah iˇ-awˇ,
naw maꞈ ngaˬ-ahˇ byehˇ dzeh-euˬ meh.”
Lawˇ ciꞈ zaˬ-euˬ miˬ yehˇ deuˬ-ahˇ uˬ duˬ tahˬ gaˇ Sahˬpaˬ Miˬyehˇ maˬ haw nahˇ-eu
11Sahˬpaˬ Miˬyehˇ heu loˇ ehˇ meh.
“Jiˇ baˬ jiˇ oeˇ jiˇ shuiꞈ kʼoeˇ deuˬ,
ngaˬ-euˬ tsawˇ haˬ-euˬ nui ma-ahˇ.
maˬ gahˇ ni bi pyeuꞈ-iˇ-euˬ meh.
12Daˇ kawˬ aˇ bawˇ ka tuˇ taˬ gaˇ,
kʼaˇ ngeuˇ-eu jeˬ naˇ haˬ leˇ-awˇ,
yawꞈ maꞈ kʼaˇ siˬ nya mawꞈ-eu jeˬ,
daˇ kawˬ neh bi ehˇ nehˬ-eu meh.
Kʼaˬ dzeˇ zaˬ-ahˇ byehˇ dzeh yaꞈ-awˇ,
meh maˬ laˇ geuꞈ-iˇ-euˬ loꞈ-ehˇ,
yawꞈ maꞈ ngaˬ-ahˇ byehˇ dzeh yaꞈ-awˇ,
miˬ yehˇ nui deuˬ-ahˇ jah-euˬ meh.
13Gawˬ jawˬ uˬ du doe ni lawˇ-awˇ,
gawˬ duˇ uˬ du doe bi damˬ-awˇ,
naˇ shmˇ muiˬ-eu aˇ bawˇ pyeuꞈ-eu,
tsuiꞈ kaˆ, pawˇpaˬlaˬ, teˬleˬbiˇ,
heu deuˬ dawˬ pehˬ-ahˇ lawˇ-euˬ meh.
“Kʼoeˇ loꞈ-ehˇ dehꞈ-euˬ baˬ da neh,
zaˬ miˬ meh maˬ laˇ pyeuꞈ-iˇ-awˇ,
kuiˬ ma aˬ cawˬ-ahˇ bahˬ-euˬ meh.
14Zaˬ miˬ meh maˬ laˇ geuꞈ luꞈ gaˇ,
kuiˬ ma aˬ cawˬ nehˬ-ehˇ bahˬ gaˇ,
ngaˇ maˬ kʼehˬ maˬ kʼaˆ ni byehˇ ma.
Aˬ jeˬ miˇ neh ehˇ naˇ,
uˬ duˬ tahˬ nymˇ meh maˬ laˇ-ahˇ,#4.14 ‘Uˬ duˬ tahˬ nymˇ meh maˬ laˇ’ ehˇ-eu-aˬ, Kaˬnaˬ tsawˇ jeuˬ-euˬ uˬ duˬ tahˬ nymˇ laꞈ kʼoeˇ jawˇ-eu meh maˬ laˇ deuˬ-ahˇ ehˇ-eu meh. Uˬ duˬ tahˬ nymˇ kʼoeˇ deuˬ laꞈ kʼoeˇ miˇ muiˬ miˬyehˇ deuˬ-ahˇ uˬ duˬ tahˬ-eu meh. Meh maˬ laˇ kʼoeˇ deuˬ nehˬ-ehˇ byawˬ gʼa naˇ, deh yaˇ miˇ tsaˬ muiˬ dui dui laˇ-awˇ, jeˬ zaˬ myaˬ laˇ behˇ laˇ-eu lehˇ jah-eu meh.
naw maꞈ byawˬ gʼa mo gʼa-iˇ-awˇ,
aˬ yawꞈ maꞈ nehˇ tiˬ kawˆ loꞈ-ehˇ,
lawˇ ciꞈ miˬyehˇ-ahˇ lawˇ-euˬ meh.
Dawˬ daˬ daˬ-euˬ jaˆ-eu loꞈ-ehˇ,
nui ma-ahˇ maˬ noeˬ-eu tsawˇ haˬ,
luˬ-iˇ seˇ-iˇ gaˇ keuˆ tehꞈ-a.
15“Naw maꞈ Iˇsaˬleˬlaˆ miˇ kʼahˬ,
ngaˬ-ahˇ saˇ jaˇ puiˬ-awˇ dehꞈ kʼawꞈ,
Yuˇdaˆ miˇ kʼahˬ kʼoeˇ loˇ maˬ ngeuˇ.
Giˇlaˇgaˬlaˇ meuˬ-ahˇ taˬ le.
Behˬdaˬbeˬ#4.15 ‘Behˬdaˬbeˬ’ ehˇ-eu tsawˇ myahˇ heu-aˬ, ‘haiˬ-eu nymˇ’ maˬ ngeuˇ naˇ, ‘miˬyehˇ nui deuˬ-ahˇ uˬ duˬ tahˬ-eu nymˇ’ lehˇ ehˇ mawꞈ-eu meh. Jaˇliꞈ aˇ deuˆ heu deuˆ laꞈ kʼoeˇ tsawˇ myahˇ heu myahˇ Beˬdeˬlaˇ meuˬ-ahˇ ehˇ mawꞈ-eu meh. Beˬdeˬlaˇ lehˇ ehˇ-eu tsawˇ myahˇ-euˬ dawˬ tsuiꞈ-aˬ, ‘Miˬyehˇ-euˬ nymˇ’ lehˇ ehˇ mawꞈ-eu meh. Hawˇseˬ 10:8. meuˬ-ahˇ jiˇ taˬ le.
Sahˬpaˬ Miˬyehˇ tsawˇ myahˇ gʼoe-awˇ,
kamˬ tsehˆ ehˇ tsehˆ-eu dawˬ taˬ ngehˬ.
16Mawˇ neˇ mawˇ kʼaˇ yaw gahˇ loꞈ-ehˇ,
Iˇsaˬleˬlaˆ nui ma gʼahˇ meh.
Muiˬ dui dui-eu gaˆ dzaˬ duˬ-ahˇ,
gaˆ dzaˬ luꞈ-eu yawˇ zaˬ loꞈ-ehˇ,
Sahˬpaˬ Miˬyehˇ aˬ yawꞈ maꞈ-ahˇ,
bi dzaˬ bi dawˇ nya tehꞈ-a loˇ.
17Iˇsaˬleˬlaˆ tsawˇ haˬ kʼoeˇ deuˬ,
tahˬ pahˬ aˬ ma uˬ moˆ jawˇ-eu,
aˬ yawꞈ maꞈ tehꞈ-ehˇ bi shaˬ-awˬ.
18Jiˇ baˬ yehꞈ-eu aˇ muˇ kʼoeˇ muˇ,
meh maˬ laˇ-ahˇ cehˇ gʼa-eu meh.
Yaw shehꞈ kʼahˬ sehˇ-ahˇ naˆ maˬ tseˇ,
daˬ ga-eu jeˬ-ahˇ mawꞈ-eu meh.
19Jaˬ lehˇ lehˇ ma neh lehˬ yoˆ-awˇ,
aˬ yawꞈ maꞈ-ahˇ hehˇ byoˆ gʼeh ngeh,
lawˇ ciꞈ zaˬ-euˬ lawˇ guiˇ baˬ da,
aˬ yawꞈ maꞈ daˬ ya ga tehꞈ-a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.