Hawˇseˬ 6
6
Nui ma laꞈ kʼoeˇ keuˆ ni noeˬ poˆ-euˬ maˬ ngeuˇ-a
1Aˬ yawꞈ maꞈ heu loꞈ-ehˇ ehˇ-eu,
“Laˇ-awˬ. Sahˬpaˬ Miˬyehˇ jawˇ gaˇ,
aˬ dui paˇ gʼoꞈ poˆ leˇ kaˇ-euˇ.
Aˬ dui-ahˇ aˬ yawꞈ laˆ naˇ-euˬ
aˬ yawꞈ laˆ taˬ nehˬ laꞈ tehꞈ-a.
Aˬ dui-ahˇ aˬ yawꞈ laˆ tahˬ-eu,
aˬ yawꞈ lahˇ cuꞈ nehˬ laꞈ tehꞈ-a.
2Nyiˬ nah laꞈ kʼoeˇ bi beuˇ laˇ-awˇ,
smˬ nah -ahˇ bi tuˇ poˆ laˇ-awˇ,
aˬ yawꞈ mehˬ shi ya jawˇ tehꞈ-a.
3Sahˬpaˬ Miˬyehˇ-ahˇ siˬ nya ni,
aˬ dui leh jeh dui dui kaˇ-euˇ,
Uˬ bya bya shawˇ laˇ-eu loꞈ-ehˇ,
yehˇ gʼahˇ ahˇ dahˬ beh le luꞈ ngeh,
miˇ tsaˬ tahˬ kʼawˇ-ahˇ yehˇ shehˬ-eu,
uˬ yehˇ yaw duˬ baw-eu loꞈ-ehˇ,
aˬ yawꞈ aˬ dui jawˇ gaˇ oe-eu,
yaw duˬ baw meh” lehˇ ehˇ-eu meh.
4Ehˇ kʼawꞈ, Sahˬpaˬ Miˬyehˇ ehˇ-eu,
“Iˇsaˬleˬlaˆ-oˇ, nawˬ-ahˇ ngaˇ,
aˬ joˆ-ehˇ ya jahˇ nehˬ paˬ nga,
Yuˇdaˆ miˇ kʼahˬ-oˇ nawˬ-ahˇ ngaˇ,
aˬ joˆ-ehˇ ya jahˇ nehˬ paˬ nga.
Naw nyaꞈ ngaˬ-ahˇ gaˬ-eu jeˬ-aˬ,
uˬ shawˬ tmˬ-eu mˬ dmˇ hawˇ-eu,
uˬ shawˬ ga aˬ-euˬ ceuˬ loꞈ-ehˇ,
tiˬ kʼehˇ laˇ kʼehˬ gmˬ-eu tehꞈ meh.
5Kʼoeˇ baˬ da neh naw maꞈ jawˇ gaˇ,
Bawˇlawˇpeh#6.5 ‘Bawˇlawˇpeh’ lehˇ ehˇ-eu-aˬ, Miˬyehˇ gʼaˇ duˬ ngehˬ dah-eu tsawˇ haˬ-ahˇ ehˇ-eu meh. deuˬ ngaˇ pyehˬ leꞈ-awˇ,
Yaˇ kʼaˬ daˇ-eu gaˇ kawˆ hawˇ-eu,
ya luˬ ya seˇ-iˇ-eu gaˇ kawˆ,
bi tsaꞈ bi dzawˇ gaˬ le-euˬ ma.
Naw maꞈ yaw dawˇ dawˇ-ehˇ dehꞈ gaˇ,
ngaˇ nui kʼahˇ jaˆ dui dui-eu ma.
6Lawˇ-eu shehˇ-eu jeˬ ngaˇ maˬ mawꞈ.
Ngaˬ-ahˇ aˬ myah luꞈ gaˬ-eu jeˬ,
ngaˇ mawꞈ dui dui-eu tiˬ jeˬ ma.
Miˬ dzaˬ dzah-awˇ lawˇ gaˇ maˬ mawꞈ.
naw maꞈ ngaˬ-ahˇ siˬ nya-eu jeˬ,
ngaˇ mawꞈ dui dui-eu tiˬ jeˬ ma.
7“Aˬ daˬ miˇ kʼahˬ#6.7 ‘Aˬdaˬ miˇ kʼahˬ’ lehˇ ehˇ-eu-aˬ, Aˬdaˬ loꞈ-ehˇ dehꞈ gaˇ ehˇ mawꞈ-eu meh. -ahˇ uˇ leˇ ngeh,
yawꞈ maꞈ dawˬ ma saˇ jaˇ puiˬ-awˇ,
ngaˬ-ahˇ maˬ jah ni byehˇ-euˬ meh.
8Giˇlaˆ meuˬ lehˇ kuˇ-eu kʼoeˇ meuˬ,
tsawˇ haˬ yaw haiˬ tiˬ teuˇ jawˇ-awˇ,
shiˬ laˆ yoeˇ-eu maˬ tsehˆ leˇ-a.
9Tahˇ joe baˬ maꞈ loꞈ-eu loꞈ-ehˇ,
piˇ ma baˬ maꞈ gm-awˇ loꞈ meh.
Muiˬ-eu shawˇ-eu Sheˬkmˬ meuˬ-ahˇ,
le-eu gaˇ pehˇ tsawˇ haˬ sehꞈ-awˇ,
maˇ maˇ ni yaw haiˬ mˇ-eu meh.
10Iˇsaˬleˬlaˆ miˇ kʼahˬ laꞈ kʼoeˇ,
maˬ haw peuˬ-eu jeˬ mawˇ-euˬ ma.
Tahˬ pahˬ aˬ ma mawˇ kawˇ deuˬ-ahˇ,
ngaˬ-euˬ tsawˇ haˬ uˬ duˬ tahˬ-awˇ,
yawˬ haˇ yawˬ ha laˆ jawꞈ-euˬ meh.
11“Yuˇdaˆ miˇ kʼahˬ-oˇ, nawˬ-ahˇ kʼawꞈ,
geuˇ-eu loꞈ-ehˇ kʼehˬ-eu gʼaˇ duˬ,
aˇ nah aˇ yamˬ toꞈ gʼaˬ-euˬ ma.
Ngaˬ-euˬ tsawˇ haˬ-ahˇ ngehˬ gʼeh-awˇ,
paˇ bi dehꞈ dzaˬ laˇ ma ehˇ ngeh,
Currently Selected:
Hawˇseˬ 6: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 6
6
Nui ma laꞈ kʼoeˇ keuˆ ni noeˬ poˆ-euˬ maˬ ngeuˇ-a
1Aˬ yawꞈ maꞈ heu loꞈ-ehˇ ehˇ-eu,
“Laˇ-awˬ. Sahˬpaˬ Miˬyehˇ jawˇ gaˇ,
aˬ dui paˇ gʼoꞈ poˆ leˇ kaˇ-euˇ.
Aˬ dui-ahˇ aˬ yawꞈ laˆ naˇ-euˬ
aˬ yawꞈ laˆ taˬ nehˬ laꞈ tehꞈ-a.
Aˬ dui-ahˇ aˬ yawꞈ laˆ tahˬ-eu,
aˬ yawꞈ lahˇ cuꞈ nehˬ laꞈ tehꞈ-a.
2Nyiˬ nah laꞈ kʼoeˇ bi beuˇ laˇ-awˇ,
smˬ nah -ahˇ bi tuˇ poˆ laˇ-awˇ,
aˬ yawꞈ mehˬ shi ya jawˇ tehꞈ-a.
3Sahˬpaˬ Miˬyehˇ-ahˇ siˬ nya ni,
aˬ dui leh jeh dui dui kaˇ-euˇ,
Uˬ bya bya shawˇ laˇ-eu loꞈ-ehˇ,
yehˇ gʼahˇ ahˇ dahˬ beh le luꞈ ngeh,
miˇ tsaˬ tahˬ kʼawˇ-ahˇ yehˇ shehˬ-eu,
uˬ yehˇ yaw duˬ baw-eu loꞈ-ehˇ,
aˬ yawꞈ aˬ dui jawˇ gaˇ oe-eu,
yaw duˬ baw meh” lehˇ ehˇ-eu meh.
4Ehˇ kʼawꞈ, Sahˬpaˬ Miˬyehˇ ehˇ-eu,
“Iˇsaˬleˬlaˆ-oˇ, nawˬ-ahˇ ngaˇ,
aˬ joˆ-ehˇ ya jahˇ nehˬ paˬ nga,
Yuˇdaˆ miˇ kʼahˬ-oˇ nawˬ-ahˇ ngaˇ,
aˬ joˆ-ehˇ ya jahˇ nehˬ paˬ nga.
Naw nyaꞈ ngaˬ-ahˇ gaˬ-eu jeˬ-aˬ,
uˬ shawˬ tmˬ-eu mˬ dmˇ hawˇ-eu,
uˬ shawˬ ga aˬ-euˬ ceuˬ loꞈ-ehˇ,
tiˬ kʼehˇ laˇ kʼehˬ gmˬ-eu tehꞈ meh.
5Kʼoeˇ baˬ da neh naw maꞈ jawˇ gaˇ,
Bawˇlawˇpeh#6.5 ‘Bawˇlawˇpeh’ lehˇ ehˇ-eu-aˬ, Miˬyehˇ gʼaˇ duˬ ngehˬ dah-eu tsawˇ haˬ-ahˇ ehˇ-eu meh. deuˬ ngaˇ pyehˬ leꞈ-awˇ,
Yaˇ kʼaˬ daˇ-eu gaˇ kawˆ hawˇ-eu,
ya luˬ ya seˇ-iˇ-eu gaˇ kawˆ,
bi tsaꞈ bi dzawˇ gaˬ le-euˬ ma.
Naw maꞈ yaw dawˇ dawˇ-ehˇ dehꞈ gaˇ,
ngaˇ nui kʼahˇ jaˆ dui dui-eu ma.
6Lawˇ-eu shehˇ-eu jeˬ ngaˇ maˬ mawꞈ.
Ngaˬ-ahˇ aˬ myah luꞈ gaˬ-eu jeˬ,
ngaˇ mawꞈ dui dui-eu tiˬ jeˬ ma.
Miˬ dzaˬ dzah-awˇ lawˇ gaˇ maˬ mawꞈ.
naw maꞈ ngaˬ-ahˇ siˬ nya-eu jeˬ,
ngaˇ mawꞈ dui dui-eu tiˬ jeˬ ma.
7“Aˬ daˬ miˇ kʼahˬ#6.7 ‘Aˬdaˬ miˇ kʼahˬ’ lehˇ ehˇ-eu-aˬ, Aˬdaˬ loꞈ-ehˇ dehꞈ gaˇ ehˇ mawꞈ-eu meh. -ahˇ uˇ leˇ ngeh,
yawꞈ maꞈ dawˬ ma saˇ jaˇ puiˬ-awˇ,
ngaˬ-ahˇ maˬ jah ni byehˇ-euˬ meh.
8Giˇlaˆ meuˬ lehˇ kuˇ-eu kʼoeˇ meuˬ,
tsawˇ haˬ yaw haiˬ tiˬ teuˇ jawˇ-awˇ,
shiˬ laˆ yoeˇ-eu maˬ tsehˆ leˇ-a.
9Tahˇ joe baˬ maꞈ loꞈ-eu loꞈ-ehˇ,
piˇ ma baˬ maꞈ gm-awˇ loꞈ meh.
Muiˬ-eu shawˇ-eu Sheˬkmˬ meuˬ-ahˇ,
le-eu gaˇ pehˇ tsawˇ haˬ sehꞈ-awˇ,
maˇ maˇ ni yaw haiˬ mˇ-eu meh.
10Iˇsaˬleˬlaˆ miˇ kʼahˬ laꞈ kʼoeˇ,
maˬ haw peuˬ-eu jeˬ mawˇ-euˬ ma.
Tahˬ pahˬ aˬ ma mawˇ kawˇ deuˬ-ahˇ,
ngaˬ-euˬ tsawˇ haˬ uˬ duˬ tahˬ-awˇ,
yawˬ haˇ yawˬ ha laˆ jawꞈ-euˬ meh.
11“Yuˇdaˆ miˇ kʼahˬ-oˇ, nawˬ-ahˇ kʼawꞈ,
geuˇ-eu loꞈ-ehˇ kʼehˬ-eu gʼaˇ duˬ,
aˇ nah aˇ yamˬ toꞈ gʼaˬ-euˬ ma.
Ngaˬ-euˬ tsawˇ haˬ-ahˇ ngehˬ gʼeh-awˇ,
paˇ bi dehꞈ dzaˬ laˇ ma ehˇ ngeh,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.