AMOS 1

1Iti#2Ra. 14.23-29, 15.1-7, 2Su. 26.1-23 no o boros di Amos, i gompomogompi'd dumba' do mantad hilo'd bandar do Tokua. Tontok dit i Usia o raja' do Yohuda, om i Yirobiam i tanak di Yihoas o raja' dot Israil, om pointalango' ngai' nod Kinorohingan o piro-piro hal do pasal dot Israil dot id di Amos, di duwo po o toun dot a' nokorikatan di guminuyu' o tana'. Om tontok noddi do nosiliu i Amos do nabi.

2Boros#Yol. 3.16 kad i Amos,

“Gumarom o Tuhan do mantad hilo'd Nuluhon do Sion;

ongorod i boros dau do mantad hilo'd Yorusalim.

Kumoring ngai' nopo i sakot,

om rumiou i sakot do hilo'd Nuluhon do Karmol,” ka dau.

Hukuman do Kinorohingan i Pomogunan dot id Posorili' dot Israil

Siria

3Om#Yos. 17.1-3, Yor. 49.23-27, Sak. 9.1 boros kad Tuhan, “Miguli-guli' nopod momonsoi'd dusa i tulun do Damsik, om gowoi pondo om hukuman ku no kopio iyolo'. Om pinadalaan tomod diyolo' do monginggorit i tulun do Giliad. 4Om porikatan ku nondod tapui i walai'd raja' di winonsoi di Raja' Hasail om uuhon ku do monorob i piro-piro kuta' do pogintirungan di Raja' Binhadad. 5Raagon ku nopondo i totobon do bandar do Damsik om uyungon ku i tulun do songingiyon do hilo'd Rantai dot Awon om i pomorinta' do hilo'd Bait-Idon nga' iduwon ku do mantad id tirikohonon dau do don raja'. Om atanggayan nondod pisangod i tulun do Siria do kumaa'd hilo'd pomogunan do Kir,” ka dau.

Pilistin

6Om#Yos. 14.29-31, Yor. 47.1-7, Ykl. 25.15-17, Yol. 3.4-8, Sip. 2.4-7, Sak. 9.5-7 boros kad Tuhan, “Miguli-guli' nopo do momonsoi'd dusa i tulun do Gasa, gowoi pondo om hukuman ku no kopio iyolo'. Om oiyo' nopo diyolo' do minononggoi ot iso' o bansa'd tulun om dagango' no diyolo' do siniliu'd turipon dot id tulun dot Idom. 7Om porikatan ku nondod tapui i tolig do bandar do Gasa om osorob ngai' i' i kuta' do pogintirungan. 8Uyungon ku nondo i pomorinta' do bandar dot Asdod om Askilon. Hukuman ku nondo i bandar dot Ikron, om iri nopondo i tulun do Pilistin dit oolu-olu' om apatai ngai' no,” ka dau.

Tirus

9Om#Yos. 23.1-18, Ykl. 26.1—28.19, Yol. 3.4-8, Sak. 9.1-4, Mat. 11.21-22, Luk. 10.13-14 boros kad Tuhan, “Miguli-guli' nopo do momonsoi'd dusa i tulun do Tirus. Om gowoi pondo om hukuman ku no kopio iyolo'. Tu' minononggoi i' iyolo' dot iso' o bansa'd tulun do pinakaa dot id ponguripanan do hilo'd pomogunan dot Idom, om tinolibambanan diyolo' i pinitoruan do piombolutan di winonsoi diyolo'. 10Om gowoi pondo om porikatan ku'd tapui i tolig do bandar do Tirus om uuhon ngai' ku do monorob i kuta' do pogintirungan,” ka dau.

Idom

11Om#Yos. 34.5-17, 63.1-6, Yor. 49.7-22, Ykl. 25.12-14, 35.1-15, Oba. 1-14, Mal. 1.2-5 boros kad Tuhan, “Miguli-guli' nopo do momonsoi'd dusa i tulun dot Idom, om gowoi pondo om hukuman ku no kopio iyolo'. Sinangod ngai' diyolo' i tobpinai diyolo',#1.11 tobpinai diyolo': Iri nopo tulun dot Israil om sinakagon di Yakub, i toput do pusod di Isau, i taki-aki di tulun dot Idom. iri no i tulun dot Israil, om a' i' diyolo' ninsian-sianan. Aiso' no kopio o kotingkadan do kototogod diyolo', om sisuli' kasai' iyolo'. 12Om gowoi pondo om porikatan ku'd tapui i bandar do Toman om tutudan ngai' ku i kuta' do pogintirungan do Bosra,” ka dau.

Amon

13Om#Yor. 49.1-6, Ykl. 21.28-32, 25.1-7, Sip. 2.8-11 boros kad Tuhan, “Miguli-guli' nopo do momonsoi'd dusa i bansa' dot Amon, om gowoi pondo om hukuman ku no kopio iyolo'. Tontok di minongoi iyolo' sangod do mokimaanu-anu do tana', om iri piya i tongoondu' do monontian do hilo'd Giliad nga' numaan i' diyolo' ulayako' o tian. 14Om gowoi pondo om porikatan ku'd tapui i tolig do bandar do Raba om uuhon ngai' ku do monorob i kuta' do pogintirungan. Om giniakan pondo ot orongou do tontok diri, om miagal pondod tongus dot opuhod o karangahan di mogisasangod. 15Om atanggayan nondod kumaa dot id ponguripanan i raja' diyolo' om i boyoon do suwai,” ka dau.

Currently Selected:

AMOS 1: BDK

Highlight

Copy

Compare