لوقا تانیشلیق
تانیشلیق
بو کیتاپ لوقا آدلی طِبیب طارافیندان یازیلدی. اُل عیسی ایمان گِتیرِن اَوَّلکی آداملارینگ بیریدی. لوقا عیسانینگ دورموشینینگ، گُرکِزِن قودراتلارینینگ، واغیظلارینینگ شاهادی بُلان آداملارینگ گورّونگلِرینی ایخلاص بیلِن ییغناپ، ایکی کیتاپ: لوقانینگ خوش خاباری و رِسول‍لارینگ ایشلِری کیتاپلاری یازدی.
لوقا خوش خاباری عیسی مسیحینگ نِجات بِریَندیگی باراداقی خاباری هِمّه‌لِره معلیم اِتمِک ماقصادی بیلِن یازیار. بو نِجات بِریَن قادیمداقی پیغامبارلار آرقالی خودای طارافیندان واعدا بِرلیپدی. لوقا بو خوش خابارینگ دینگه بیر نِسل یا-دا خالق اوچین دَل-ده، هِمّه آدامزاد اوچیندیگینی قایتا-قایتا آیدیار. اُل قاریپلار و آیال‍لار یالی کَن کِمتوتولماغلارا و ظولوما دوچار بُلیانلار بارادا عیسی مسیحینگ قارینداشلیق بیلِن قایغی اِدِندیگینی بِیان اِدیَر. لوقا عیسی مسیحینگ اُزی بارادا آیدانلارینی میثال گِتیریپ، شونی یازیار: «خودایینگ روحی اوستومدِدیر. قاریپلارا خوش خاباری بیلدیرمِگیم اوچین، اُل مِنی سِچیپ سایلادی… ظولوم آشاغیندَکیلِری آزادلیغا چیقارماغا، خودایینگ مِرحِمِت ییلینی اِعلان اِتمَگه مِنی ایبِردی» (لوقا ۴:۱۸).
لوقا خودایینگ سُیگوسی، مُقادِّس روح، دُغانینگ گویجی بارادا کَن یازیار. اُل اُز کیتابیندا عیسانینگ کَن میثال‍لارینی آیدیپ بِریَر. بو میثال‍لار عاداتی دورموشا اِساسلانیپ، خودایینگ پادیشاهلیغی بارادا، بو پادیشاهلیغینگ موطیع بُلماق اوچین نَمه اِتمِلیدیگینی اُقیجا سادا دیلده دوشوندیریَر.
ماضمونی
گیریش ۱:۱-۴
یحیی پیغامبارینگ و عیسی مسیحینگ دُغولماغی، اُلارینگ چاغالیغی ۱:۵–۲:۵۲
عیسی مسیحینگ ایمتِحانلانماغی و تَعمیدلِنمِگی ۳:۲۱–۴:۱۳
عیسی مسیحینگ جلیل‌ده گُرکِزِن مُعجِزه‌لِری و واغیظلاری ۴:۱۴–۹:۵۰
عیسی اورشلیم اوغرایار ۹:۵۱–۱۹:۲۷
اورشلیمه هایباتلی گیریش و سُنگ بُلان واقالار ۱۹:۲۸–۲۳:۵۶
عیسانینگ دیرِلیشی، شَگیرتلِرینه گُرونمِگی و آسمانا آلینماغی ۲۴:۱-۵۳
Currently Selected:
لوقا تانیشلیق: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth