لوقا 1
1
گیریش
1حُرماتلی تیوفلِس! کَن آداملار آرامیزدا بُلوپ گِچِن واقالارینگ تاریخینی یازماغا گیریشدیلِر. 2شُل واقالاری بیزه اُزالباشدان گُزلِری بیلِن گُرِن شاهاتلار و خودایینگ خوش خابارینینگ خیدماتچیلاری یِتیردی. 3شُنونگ اوچین، اِی قادیرلی تیوفلِس، مِنینگ اُزوم هِم بُلوپ گِچِن واقالاری آچیق بیلدیم، سانگا هِمّه‌سینی یِکه-یِکه یازماغی یورِگیمه دوودوم. 4ایندی سِن اُزونگه اُورِدیلِن زاتلارینگ حاقیقاتدیغینا گُز یِتیرِرسینگ.
یحیی تَعمید بِریَنچینینگ دُغومی اُووندِن آیدیلیار
5یهودیه پادیشاهسی هیرودیسینگ زامانیندا زِکِریا آدلی بیر کاهین باردی. اُل اَبیانینگ کاهینلار طایفاسینداندی، اُنونگ آیالی اِلیزابِت هِم هارونینگ نِسلیندِندی. 6بو اَر-آیالینگ ایکیسی-ده خودایینگ اُوونده دُغری آداملار بُلوپ، اُلار خودایینگ هِمّه تابشیریقلارینی و پارضلارینی کِمسیز بِرجای اِدیَردیلِر. 7اِمّا اِلیزابِتینگ گُورِلی بُلمایاندیغینا گُرَه، اُلارینگ چاغاسی یُقدی. اُلارینگ ایکیسی-ده اِییَم قارّیلیق یاشینا یِتیپدیلِر.
8بیر گون زِکِریا اُز طایفاسینینگ نوبَتچیلیق گِزِگینده، خودایینگ حوضوریندا کاهینلیق خیدماتینی یِرینه قایتاریاردی. 9شُندا کاهینلیق عاداتینا گُرَه، بُخور یاقماق اوچین، خودایینگ عیباداتخاناسینا گیرمِک اُنونگ قُرعه‌سینا دوشدی. 10بُخور یاقماق واقتی گِلدی، هِمّه جِماغات داشاردا خودایا دُغا اِدیپ دوردی.
11شُل واقت بُخور یاقیلییان جایینگ ساغیندا دوران خودایینگ بیر پِریشده‌سی زِکِریا گُروندی. 12زِکِریا اُنی گُروپ، اُزونی ییتیردی و اُنی قُرقی آلدی. 13اِمّا پِریشده اُنگا شِیله دییدی: «اِی زِکِریا، قُرقما، سِبَبی خودایدان اِدِن دیلِگینگ قابول بُلدی. آیالینگ اِلیزابِت سانگا بیر اُغول دُغروپ بِرِر، سِن اُنونگ آدینا یحیی داقارسینگ. 14بو سانگا اولی شاتلیق گِتیرِر، اُنونگ دُغان واقتیندا کَن آداملار خوش بُلار. 15چونکی اُل خودایینگ ناظاریندا بِییک بُلار. اُل هیچ هاچان آغزینا شِراب و ایچگی آلماز. اُل هِنیز اِنه‌سینینگ گُوره‌سیندِکَه، مُقادِّس روحدان دُلار. 16اُل اسرائیل خالقیندان کَن آدامی اُزلِرینینگ تانگری خودایا طاراف اُورِر. 17اُل اِلیاس پیغامبارینگ روحی و قودراتی بیلِن مسیحینگ اُوونده یُریپ آتالارینگ یورِکلِرینی اُغول‍لارا و موطیع‌سیزلاری تاقوالیلارینگ حِکمِتینه طارافا اُوریپ خودایا لاییق خالقی تاییارلار.»
18زِکِریا پِریشدَه: «مِن مونی نَهیلی بیلِیین؟ مِن بیر قارّی، آیالیم-دا قارّیلیق یاشینا یِتِن» دییدی. 19پِریشده-ده اُنگا: «مِن خودایینگ حوضوریندا دوریان جبرائیل. مِن سِنینگ بیلِن کِپلِشیپ، سانگا بو خوش خاباری قاوشورماق اوچین ایبِریلدیم. 20سِن مِنینگ بِلِّنِن واقتدا یِرینه یِتجِک سُزلِریمه اینانمادینگ. شُنونگ اوچین هِم سِنینگ دیلینگ توتولیپ، شو زاتلارینگ یِرینه یِتجِک گونونه چِنلی کِپلَپ بیلمِرسینگ» دییّپ جُغاپ بِردی.
21شُل واقت زِکِریا قاراشیپ دوران خالق اُنونگ عیباداتخانادا اِگلِنِنینه گِنگ قالدیلار. 22زِکِریا داشاری چیقاندا، اُلار بیلِن کِپلِشیپ بیلمِدی. شُندا اُلار عیباداتخانادا اُنونگ بیر گُرنوش گُرِندیگینه گُز یِتیردیلِر، سِبَبی زِکِریا اُلارا ایشارا بیلِن ایشارات اِدیَردی، اِمّا کِپلِشیپ بیلمِیَردی.
23خیدمات اِتمِلی واقتی تاماملانانسُنگ، زِکِریا اُیونه گیتدی. 24آرادان کَن واقت گِچمَنکَه، اُنونگ آیالی اِلیزابِت گُورِلی بُلدی. اُل بَش آیلاپ هیچ یِره چیقمادی، اُیونده بُلدی. 25اُل: «مونی مِنینگ اوچین اِدِن خودایدیر. ایندی اُل مانگا ناظار سالیپ، ایل آراسینداقی اوتانجیمدان دینداردی» دییَّردی.
عیسانینگ دُغجاغی اُووندِن آیدیلیار
26اِلیزابِتینگ گُورِلیلیگینینگ آلتینجی آییندا خودای جبرائیل پِریشدَه‌نی جلیل‌ینگ ناصِره شَهرینه، 27داوودینگ نِسلیندِن یوسف آدلی آدامینگ آداغیلیسی بُلان بیر گِلین بُلمادیق قیزینگ یانینا ایبِردی. اُل قیزینگ آدی مریمدی. 28پِریشده اُنونگ یانینا گِلیپ: «سالام، اِی مِرحِمِت تاپان قیز! خودای سِنینگ بیلِندیر!» دییدی. 29مریم بو سُزلِره قاتی قُرقوپ، بو سالامینگ نَمه دوشوندیریَندیگینی بیلجِک بُلوپ فیکره باتدی. 30پِریشده اُنگا یوزلِنیپ: «قُرقما، مریم، سِن خودایینگ ناظاریندا مِرحِمِت تاپدینگ. 31سِن گُورِلی بُلوپ، بیر اُغول دُغرارسینگ. اُنونگ آدینا عیسی داقارسینگ. 32اُل بِییک بُلار، اُنگا بِییک خودایینگ اُغلی دییِرلِر. تانگری خودای اُنگا آتاسی داوودینگ تاختینی بِرِر. 33اُل یعقوبینگ نِسلینینگ اوستوندِن اِبِدیلیک شاهلیق اِدِر، پادیشاهلیغینینگ سُنگی بُلماز» دییدی. 34مریم پِریشدَه: «بو نَهیلی بُلار؟ مِن هِنیز گِلین بُلامُق آخیری» دییدی. 35پِریشده اُنگا: «مُقادِّس روح سِنینگ اوستونگه اینِر، بِییک خودایینگ قودراتی سِنینگ اوستونگه کُلِگه سالار. شُنونگ اوچین هِم دُغجاق چاغا مُقادِّس ساییلانار، اُنگا خودایینگ اُغلی دییلِر. 36اینهَه، سِنینگ قارینداشینگ اِلیزابِتینگ هِم قارّیدیغینا باقمازدان، گُوره‌سینده چاغا بار. گُورِلی بُلمایان دییّلیَن بو آیال اِییَم آلتی آی بَری گُورِلیدیر. 37چونکی خودایینگ یانیندا بُلماجاق زات یُقدور» دییّپ جُغاپ بِردی. 38مریم: «مِن خودایینگ قیرناقیدیرین. دِگمه، مانگا سِنینگ آیدیشینگ یالی بُلسون» دییدی. سُنگرا پِریشده اُنونگ یانیندان گیتدی.
مریم اِلیزابِتینگ یانینا گیدیَر
39شُل گونلِرده مریم یُل شایینی آلیپ، هاولوقماچ یهودیه‌نینگ داغلیق اولکه‌سیندَکی بیر شَهره گیتدی. 40اُل یِرده زِکِریانینگ اُیونه باریپ، اِلیزابِته سالام بِردی. 41مریمینگ سالامینی اِشیدِن واقتیندا، گُوره‌سیندَکی چاغا قیمیلداپ، اِلیزابِت مُقادِّس روحدان دُلدی. 42اُل قاتی سِسلی قیغیریپ: «سِن آیال‍لار آراسیندا موبارِک بُلانسینگ، گُورَنگدَکی چاغا هِم موبارِک بُلاندیر! 43سِروِریمینگ اِنه‌سی مِنینگ یانیما گِلِر یالی، مِن نَدیپ بِیله موبارِک بُلدومقام؟ 44سالامینگ قولاغیما گِلیپ یِتِن واقتیندا، گُورَمدَکی چاغا بِگِنچدِن یانگا قیمیلدادی. 45خودایینگ آیدانلارینینگ یِرینه یِتجِکدیگینَه ایمان گِتیرِن آیال خوشواقتدیر!» دییدی.
مریمینگ آیدیمی
46مریم شِیله دییدی:
«جانیم خودایی بِیگِلدیَر،
47روحوم نِجات بِریَنچیم خودایا شاتلانیار.
48اُل کیچی قیرناقینا ناظار سالدی.
موندان بِیلَک هِمّه نِسیل‍لِر مانگا خوشواقت دییِرلِر.
49قودراتلی‌گویچلی مِنینگ اوچین اولی ایشلِر اِتدی.
اُنونگ آدی مُقادِّسدیر.
50اُل نِسیل‍لِر بُیی اُزوندِن قُرقیانلارا مِرحِمِت اِدِر.
51اُل گویجی بیلِن اولی ایشلِری یِرینه یِتیردی،
مَغرورلاری اُلارینگ هِمّه ایچکی فیکرلِری بیلِن دارغاتدی.
52حُکومدارلاری تاختیندان دوشوریپ،
فُروتَن آداملاری بِیگِلتدی.
53آچلاری نَز-نیغماتدان دُیروپ،
بایلاری بُلسا بُش قایتاردی.
54-55آتالاریمیزا سُز بِرشی یالی،
ابراهیم بیلِن اُنونگ نِسلینه
رِحمدارلیق اِتمِگی هیچ اونوتمان،
قولی اسرائیلا کُمِک اِتدی.»
56مریم اِلیزابِتینگ اُیونده اوچ آیا یاقین بُلوپ، سُنگ اُز اُیونه قایتدی.
یحیی تَعمید بِریَنچی دُغیار
57اِلیزابِتینگ آیی-گونی دُلوپ، بیر اُغول دُغوردی. 58هِمسایالاری و دُغان-قارینداشلاری خودای اُنگا اولی مِرحِمِت اِدِندیگینی اِشیدیپ، اُنونگ بیلِن خوش بُلدیلار. 59سِکیزینجی گون چاغانی سونِّت اِتمَگه گِلدیلِر. اُنگا آتاسی زِکِریانینگ آدینی داقجاق بُلدولار. 60اِمّا اِنه‌سی مونگا قارشی بُلوپ: «یُق، اُنونگ آدی یحیی بُلمالیدیر» دییدی. 61اُلار اُنگا: «سِنینگ قارینداشلارینگ آراسیندا اُنگ یحیی آدلیسی یُق آخیری» دییدیلِر. 62اُنسُنگ اُلار چاغانینگ آتاسینا ایشارا بیلِن دوشوندیریپ، اُنونگ آدینا نَمه داقچیقدیغینی سُرادیلار. 63زِکِریا هِم یازارا بیر تاختاجیق تاپیپ، اُنگا «آدی یحیی» دییّپ یازدی. هِمّه‌لِر حایران قالدی. 64شُل واقت زِکِریانینگ دیلی آچیلیپ، خودایا اُوگی آیدیپ، کِپلِمَگه باشلادی. 65هِمسایالارینگ هِمّه‌سینی قُرقی قاپلادی. یهودیه داغلیغینینگ هِمّه یِرینده بو بُلان واقالارینگ باریسی حاقدا گورّونگ اِدیلدی. 66مونی اِشیدِنلِرینگ هِمّه‌سی بو زاتلار حاقدا قاتی فیکره باتیپ: «بو چاغا نَمه بُلارقا؟» دییّشدیلِر. چونکی خودایینگ گویجی اُنونگ بیلِندی.
زِکِریانینگ نبوّتلیغی
67چاغانینگ آتاسی زِکِریا مُقادِّس روحدان دُلوپ، شِیله نبوّت اِتدی:
68«اسرائیل‌ینگ تانگریسی خودایا شوکورلِر بُلسون!
چونکی اُل اُز خالقینا ناظار سالیپ، آزاد اِتدی.
69-71اُوالقی زاماندا
مُقادِّس پیغامبارلار سِبَبی سُز بِرشی یالی،
دوشمانلاریمیزدان بیزی نِجات بِرمَگه،
ییگرِنیَنلِرینگ هِمّه‌سیندِن دیندارماغا،
اُل بیزینگ اوچین اُز قولی داوودینگ نِسلیندِن
بیر گویچلی نِجات بِریَنچی چیقاردی.
72اُل مونی آتالاریمیزا رِحمدارلیق اِتمِک اوچین،
اُز مُقادِّس عَهدینی یاددا ساقلاماق اوچین اِتدی.
73آتامیز ابراهیما قاسام ایچیپ، شِیله سُز بِردی:
74-75دوشمانلاریمیزینگ اِلیندِن بیزی آزاد اِتمَگه،
عُمرومیز بُیی حوضوریندا قُرقوسیز،
مُقادِّسلیک هِم دُغرولیق بیلِن
قولّوق اِتمَگه مومکینچیلیک بِردی.
76اِی بالام، سِن هِم، بِییک خودایینگ پیغامباری دییِن آدی آلارسینگ!
خودایا یُل تاییارلاماق اوچین، اُنونگ اُووندِن یُرییِرسینگ.
77گونَه‌لِرینینگ باغیشلانماغی سِبَبی
اُنونگ خالقینا نِجات تَعلیماتینی معلیم اِدِرسینگ.
78خوداییمیز رِحم-شِپاقاتدان دُلودیر:
اُل اوستومیزه گون یاغتیسینی دُکدورِر.
79قارانگقیلیقدا و اُلوم کُلِگه‌سینده اُتورانلارا نور سِچیلِر،
آیاقلاریمیز پاراحاتلیق یُلونا اوغراتدیریلار.»
80شونلوقدا، اُغلان اُسیَردی و روحی تایدان گویچلِنیَردی. اُل اسرائیل خالقینا گُرونمِلی گونلِرینه چِنلی بیاباندا یاشادی.
Currently Selected:
لوقا 1: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth