Masmur 91
91
Allah Taala ti Penyaga Kami
1Barang sapa ke datai ngagai TUHAN ngiga pengelikun,
barang sapa ke dijaga Iya ti Pemadu Bekuasa,
2tau nyebut ngagai Iya,
“Nuan endang penyaga enggau pengelindung aku.
Nuan endang Allah Taala aku. Aku manggaika pengarap aku ba Nuan.”
3Iya deka ngibun nuan likun ari semua penusah ti enda dipeda,
enggau ari semua penyakit ti tau munuh.
4Iya deka mungkur nuan ngena sayap Iya.
Nuan deka likun diibun Iya.
Penetap ati Iya deka ngelindung sereta nyaga nuan.
5Anang nuan takutka utai ti tau ngemedis lebuh malam hari
tauka diserang enggau ngenyit lebuh siang hari
6tauka penyakit ti nyerang dalam petang
tauka utai ti jai ti munuh lebuh siang hari.
7Seribu iku deka rebah ngimbai nuan,
sepuluh ribu iku ngelingi nuan,
tang nuan enda bebadi.
8Nuan deka malik, lalu tepedaka
chara orang ke jai diukum.
9Nuan udah ngasuh TUHAN nyaga nuan#91.9 nyaga nuan; Hebrew: nyaga aku
lalu Allah Taala ti Pemadu Tinggi ngelindung nuan.
10Nya alai nuan enda ditinggang penusah,
lalu pengachau pen nadai mega datai semak rumah nuan.
11 #
Mat 4.6; Luk 4.10. Allah Taala deka ngasuh bala melikat Iya ngibun nuan
lalu nyaga nuan di sebarang endur nuan bejalai.
12 #
Mat 4.6; Luk 4.11. Sida deka nyambut nuan ngena jari sida
ngambika kaki nuan enda terempas ba batu.
13 #
Luk 10.19. Nuan deka ngelunjak singa enggau ular,
singa ti mangah enggau ular ti bisa.
14Ku Allah Taala bejaku, “Aku deka ngelepaska orang ke rinduka Aku
lalu nyaga orang ke ngaku Aku nyadika TUHAN sida.
15Lebuh sida ngangauka Aku, Aku deka nyaut sida.
Lebuh sida kena laban penusah, Aku deka enggau sida.
Aku deka ngelepaska sida lalu masa sida.
16Aku deka ngupah sida ngena umur ti panjai.
Aku deka ngelepaska sida.”
Currently Selected:
Masmur 91: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
