Popular Bible Verses from Masmur 91

Share

tau nyebut ngagai Iya, “Nuan endang penyaga enggau pengelindung aku. Nuan endang Allah Taala aku. Aku manggaika pengarap aku ba Nuan.”

Barang sapa ke datai ngagai TUHAN ngiga pengelikun, barang sapa ke dijaga Iya ti Pemadu Bekuasa

Lebuh sida ngangauka Aku, Aku deka nyaut sida. Lebuh sida kena laban penusah, Aku deka enggau sida. Aku deka ngelepaska sida lalu masa sida.

Allah Taala deka ngasuh bala melikat Iya ngibun nuan lalu nyaga nuan di sebarang endur nuan bejalai.

Iya deka mungkur nuan ngena sayap Iya. Nuan deka likun diibun Iya. Penetap ati Iya deka ngelindung sereta nyaga nuan.

Nuan udah ngasuh TUHAN nyaga nuan lalu Allah Taala ti Pemadu Tinggi ngelindung nuan. Nya alai nuan enda ditinggang penusah, lalu pengachau pen nadai mega datai semak rumah nuan.

Iya deka ngibun nuan likun ari semua penusah ti enda dipeda, enggau ari semua penyakit ti tau munuh.

Seribu iku deka rebah ngimbai nuan, sepuluh ribu iku ngelingi nuan, tang nuan enda bebadi.

Anang nuan takutka utai ti tau ngemedis lebuh malam hari tauka diserang enggau ngenyit lebuh siang hari tauka penyakit ti nyerang dalam petang tauka utai ti jai ti munuh lebuh siang hari.