Masmur 118
118
Sampi Beterima Kasihka Pemenang
1 #
1 Ban 16.34; 2 Ban 5.13; 7.3; Esr 3.11; Mas 100.5; 106.1; 107.1; 136.1; Jer 33.11. Beri meh terima kasih ngagai TUHAN, laban Iya endang badas;
pengerindu Iya meruan belama iya.
2Awakka orang Israel nyebut,
“Pengerindu Iya endang meruan belama iya.”
3Awakka ruang bilik imam Aron nyebut,
“Pengerindu Iya endang meruan belama iya.”
4Awakka semua orang ke nangika TUHAN nyebut,
“Pengerindu Iya endang meruan belama iya.”
5Lebuh aku tusah, aku ngangauka TUHAN;
TUHAN nyaut aku lalu ngelepaska aku.
6 #
Heb 13.6. Aku enda takut laban TUHAN bisi ngimbai aku.
Nama utai ti ulih dikereja orang ngagai aku?
7 TUHAN ngimbai aku lalu nulung aku;
aku deka menang
lalu malik ngagai bala munsuh ke begedika aku.
8Manah agi belindung ba TUHAN
ari ke manggaika diri ba mensia.
9Manah agi belindung ba TUHAN
ari ke manggaika diri ba bala tuai mensia.
10Semua bansa bekelingika aku;
tang aku ngerusak sida laban TUHAN nulung aku!
11Sida ngelulung aku;
tang aku ngerusak sida laban TUHAN nulung aku!
12Sida betatam ngelingi aku baka indu manyi,
tang sida angus, ngenyampat babas ti diempa api.
Aku ngerusak sida laban TUHAN nulung aku!
13Aku balat amat diserang sida lalu aku nyau deka alah
tang TUHAN nulung aku.
14 #
P-sut 15.2; Isa 12.2. TUHAN nyadika pengering enggau lagu aku;
Iya udah nyelamatka aku.
15Pendingka bala nembiak Allah Taala manjung gaga ati
dalam langkau kain sida laban sida udah menang:
“Jari kanan TUHAN ti udah menang!
16Jari kanan TUHAN ti patut dipuji,
Jari kanan TUHAN udah menang!”
17Aku enda mati, tang deka idup
lalu nusui pasal utai ti udah dikereja TUHAN.
18 TUHAN udah balat amat ngukum aku,
tang Iya enda nejuka aku mati.
19Buka meh pintu Rumah Sembiang ke aku,
ngambika aku ulih tama nengah pintu nya
lalu meri terima kasih ngagai TUHAN!
20Tu pintu TUHAN.
Orang ke lurus deka tama nengah pintu nya.
21Aku meri terima kasih ngagai Nuan, O TUHAN, laban Nuan udah nyaut aku,
lalu nyelamatka aku.
22 #
Luk 20.17; SKR 4.11; 1 Pet 2.7. #Mat 21.42; Mrk 12.10-11. Batu ti enda diguna tukang rumah
udah nyadi batu ti pemadu beguna.
23Utai tu udah dikereja TUHAN;
Utai nya manah gaya dipeda kitai!
24Tu meh hari ti udah digaga TUHAN;
aram kitai rami gaga lalu ngelantangka diri ba hari tu.
25 #
Mat 21.9; Mrk 11.9; Jhn 12.13. Lepaska kami, O TUHAN, Lepaska kami!
Asuh kami mujur, O TUHAN!
26 #
Mat 21.9; 23.39; Mrk 11.9; Luk 13.35; 19.38; Jhn 12.13. Beberekat meh iya ke datai dalam nama TUHAN!
Kami muji nuan ari Rumah TUHAN.
27 TUHAN endang Allah Taala,
lalu Iya udah meri kitai penampak.
Bai dan kayu ba jari kita, lalu belabuh begawai
bejalai ngelingi alta.
28Nuan endang Allah Taala aku, lalu aku deka meri terima kasih ngagai Nuan.
Nuan endang Allah Taala aku, Aku deka ngemesaika Nuan.
29Beri terima kasih ngagai TUHAN, laban Iya endang badas,
laban pengerindu Iya endang meruan belama iya.
Currently Selected:
Masmur 118: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
