Jop 4
4
Jaku Randau Ti Keterubah
(4.1—14.22)
Ku Elipas
1-2Jop, aku ngarapka nuan enda ringat ninga aku bejaku.
Aku enda ulih natka diri enda bejaku.
3Mayuh orang udah diajar nuan
Lalu nuan udah ngeringka jari ti lemi.
4Lebuh orang tesangkut, lembut tulang sereta lelak,
Jaku nuan meransang orang nya bediri.
5Diatu tu meh maya nuan empu deka ditinggang penusah,
Lalu nuan deka temati-kutu napi penusah nya.
6Nuan udah nyembah Allah Taala, lalu pengidup nuan nadai jalai mantah.
Nya alai nuan patut kempang ati sereta andal.
7Uji kingatka utai ti udah, lalu sebut siti pekara
Alai orang ke lurus udah dituntung penusah.
8Aku bisi udah meda orang ngeradu tanah penyai
Lalu nanam penyai baka ke nanam leka utai.
Diatu sida ngetau penyai enggau penyalah.
9Allah Taala ringat lalu ngerusak sida baka kabut.
10Orang ke jai bejaku munyi singa ti negung,
Tang Allah Taala ngasuh sida badu agi bemunyi lalu matahka ngeli sida.
11Sida mati baka singa ti nadai utai dipakai,
Lalu semua anak sida pambar pendiau magang.
12Nyadi sekali siti pesan datai enda inggar,
Datai ke aku nyau deka enda ulih ninga iya.
13 #
Jop 33.15. Iya ngachau aku tinduk lalu ngasuh aku ngigau.
14Aku getar-getar sereta digak-digak.
Semua tubuh aku getar-getar takut.
15Ribut ti enda deras muput ngagai mua aku,
Bulu aku lalu nyeregu laban aku takut.
16Aku bisi meda utai bediri dia.
Aku bebendar amat merening, tang aku enda ngelala utai nya.
Udah nya aku lalu ninga munyi nyawa bejaku ari utai ti sunyi nya:
17“Kati mensia ulih diau lurus di mua#4.17 ulih diau lurus di mua; Tauka: lebih agi lurus ari Allah Taala
Tauka diau tuchi di mua#4.17 diau tuchi di mua; Tauka: diau tuchi agi ari Allah Taala ti ngaga iya?
18Allah Taala enda arapka bala nembiak Iya ke di serega.
Indah bala melikat Iya deh dikumbai Iya bisi penyalah.
19Kati nuan ngumbai Iya deka arapka utai ti ditempa ari tanah liat,
Utai ti datai ari amau ti ulih dipichit baka indu buyah?
20Kitai nyangka idup lebuh pagi hari,
Tang kitai mati enda ditemu orang sebedau lemai hari.
21Semua utai ti dikemisi kitai dirampas magang.
Kitai mati, mengkang enda bepenemu-dalam.”
Currently Selected:
Jop 4: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
