Jop 3
3
Jop Mutap Ngelaban Allah Taala
1 #
Jer 20.14-18. Nyau kelama udah nya, nya baru Jop bejaku, lalu nyumpah hari iya ada.
Ku Jop
2-3 # [2]
Sir 23.14. O Allah Taala, sumpah meh hari aku ada.
Sumpah mega malam aku dikandungka!
4Asuh hari nya nyadi petang, Allah Taala.
Anang agi ngingatka hari nya.
Anang agi nejuka penampak manchar ngagai iya.
5Asuh hari nya nyadi piam sereta petang enda dipeda achuk mata.
Bungkur iya ngena mua hari, lalu lindung iya ari mata hari.
6Buai malam nya ari taun,
Lalu anang ngitung iya agi.
7Asuh malam nya kusung, nadai pengaga.
8Asuh ti tau tepang nyumpah hari nya,
Sida ke nemu merintah naga.#3.8 naga; Sekeda ngumbai utai nya baya, lalu sekeda ngumbai utai nya jelu ti besai. Mayuh orang ngumbai manang nemu merintah naga nya ngasuh gelana mata hari nyadi
9Anang ngasuh bintang bendang-bendang tumbuh pagi hari.
Anang ngasuh malam meda penampak dini hari.
10Sumpah meh malam nya, laban iya udah nejuka aku ada,
Udah ngasuh aku natka pemerinsa enggau penusah.
11Manah agi enti aku mati dalam kandung indai aku
Tauka mati lebuh aku baru ada.
12Nama kebuah indai aku mangku aku?
Nama kebuah iya nusuka aku?
13Enti aku mati lebuh maya nya suba, aku tentu ulih diau jenuh belelak diatu,
14Tinduk baka raja enggau bala pemerintah
Ke udah nirika baru istana ti lama.
15Nya baru aku ulih tinduk baka anak raja
Ke ngisi rumah diri enggau perengka emas enggau pirak,
16Tauka tinduk baka anak mit ke mati lulus.
17Dalam kubur, orang ke jai badu agi ngereja pengawa ti jai,
Lalu orang ke bekereja ulih belelak.
18Indah orang tutup deh nemu gaga ati diau dalam pemaik,
Nadai agi ninga jaku perak tauka jaku pejal ti kasar.
19Semua orang bisi dia magang, orang ke tebilang nama enggau orang ke enda dikelala orang,
Lalu ulun dilepaska ari tuan sida.
20Nama kebuah nejuka orang majak idup merinsa?
Nama kebuah meri penampak ngagai orang ke tusah ati?
21 #
Pem 9.6. Sida nganti pemati, tang pemati nadai datai.
Sida rindu agi ke kubur ari ti rinduka pengaya.
22Sida lantang ati enti sida mati, lalu dikuburka.
23Allah Taala ngelalaika penunga sida ke jemah ila
Lalu mempang sida.
24Aku enda makai, tang ngulit,
Lalu aku enda badu bedemuh.
25Semua utai ti diketakutka aku, nyadi magang ba aku.
26Aku nadai pemaik, nadai ulih belelak,
Lalu penusah aku enda nemu abis.
Currently Selected:
Jop 3: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
