Isaiah 40
40
Leka Jaku Ti Ngasuh Ati Andal
1“Perindang bala nembiak Aku,” ku Allah Taala kitai bejaku. “Perindang sida!
2Peransang orang Jerusalem.
Padahka ngagai sida, sida udah chukup lama natka diri merinsa,
lalu penyalah sida diatu udah diampun.#40.2 lalu penyalah sida diatu udah diampun; Tauka: sida udah nebus diri ari penyalah sida
Aku udah ngukum sida enggau chukup ketegal semua dosa sida.”
3 # [2]
Sir 48.10; Bar 5.7; [1]
Mat 3.3; Mrk 1.3; Jhn 1.23. #Luk 3.4-6. Ku munyi nyawa ngangau,
“Sediaka jalai di menua puang ke TUHAN!
Gaga jalai di menua puang ke Allah Taala kitai!
4Tambun semua lebak.
Tumpurka semua munggu enggau bukit.
Rataka semua menua ti belenggak-lenggung.
5Nya baru mulia TUHAN deka dipandangka,
lalu semua mensia deka meda mulia nya,
laban TUHAN udah bejaku.”
6 #
Jas 1.10-11; 1 Pet 1.24-25. Ku munyi nyawa ngangau, “Padahka!”
Aku lalu nanya, “Nama utai ti deka dipadahka aku deh?”
“Padahka semua mensia baka rumput.
Sida nadai lebih tan agi ari bungai babas.
7Rumput rangkai lalu bungai layu
lebuh TUHAN ngasuh ribut muput ngagai sida.
Mensia nadai lebih tan agi ari rumput.
8Sigi amat, rumput rangkai, lalu bungai layu,
tang jaku Allah Taala kitai, tan belama iya.”
9Jerusalem, alai nuan niki ngagai sigi bukit ti tinggi
lalu padahka berita manah!
Sion, alai nuan ngangau enggau nyawa ti inggar.
Padahka berita manah!#40.9 Jerusalem, alai…berita manah; Tauka: Tiki bukit ti tinggi lalu padahka berita manah ngagai Jerusalem! Kangau ngena nyawa ti inggar, lalu padahka berita manah ngagai Sion!
Anang takut bejaku.
Padahka ngagai semua nengeri di menua Judah
pasal Allah Taala ti deka datai!
10 #
Isa 62.11; Pem 22.12. TUHAN Allah Taala deka datai lalu merintah ngena kuasa,
mai upah ke bala nembiak Iya.
11 #
Esk 34.15; Jhn 10.11. Iya deka ngibun nembiak Iya baka pengibun bedus.
Iya deka ngempuruka sida lalu ngerendut sida,
lalu mai sida,
lalu begadai-gadai nguluka indai sida.
Allah Taala Orang Israel Enda Ulih Dibandingka
12Kati orang ulih nyukat pemayuh ai dalam tasik ngena tapa jari sida?
Tauka nyengkal pemesai rampa langit?
Kati orang ulih nyimpan semua tanah di dunya tu dalam mangkuk
tauka nimbang bukit enggau munggu ngena dachin?
13 #
Rom 11.34; 1 Kor 2.16. Kati ulih orang madahka ngagai TUHAN utai ti patut dikereja Iya?
Sapa ulih ngajar Iya tauka meri Iya jaku lalau?
14Ngagai sapa Allah Taala patut betanya
enti Iya deka nemu lalu mereti
sereta belajarka utai ti patut dikereja Iya?
15 # [2]
P-dlm 11.22; Sir 10.16-17. Ba TUHAN, semua bansa baka setitik ai ti dalam beledi,
baka igi amau ti ditimbang ngena dachin;
lalu pulau ngelempung igi amau ti alus.
16Semua jelu ti dalam utan di Lebanon
enda chukup kena ngaga piring tunu,
lalu kayu dalam utan nya kelalu mimit kena nungkunka api.
17Semua bansa endang nadai reti ba TUHAN.
18 #
SKR 17.29. Ngagai sapa kita mandingka Allah Taala?
Tauka, baka ni ku kita madahka gaya gamal Iya?
19Iya ukai baka engkeramba ti digaga bala tukang,
ti disampak sida enggau emas
lalu didudukka ba atas penuduk ti digaga ari pirak.
20 # [2]
P-dlm 13.11-19; Jer 8—40. Orang ke enda tebelika pirak tauka emas,#40.20 Ayat 19-20a enda terang dalam Hebrew
milih kayu ti enda nemu buruk.
Iya ngiga tukang ke landik
ngaga anak patung ti enda nemu engkebut.
21Kati kita enda nemu?
Kati orang nadai udah madahka ngagai kita dulu kelia?
Kati kita nadai kala ninga pasal penumbuh dunya?
22Iya duduk atas kumbang dunya,#40.22 kumbang dunya; Tu nunjukka dunya tu segala
lalu orang ke diau di dunya nyau baka buntak;
Iya mintarka langit baka kain tirai,
lalu nganchau langit baka langkau kain ti alai diau;
23Iya ngalahka bala raja,
lalu muai kuasa sida.
24Sida baka utai ti tumbuh,
ti baru udah ditanam, lalu apin tentu bisi urat.
Lebuh TUHAN nyepu sida, sida layu,
lalu ribut biaubalai ngebuka sida baka rumput ti rangkai.
25Ku TUHAN ti kudus bejaku: ngagai sapa kita deka mandingka Aku?
Sapa sebaka enggau Aku?
26 # [2]
Bar 3.34-35. Engkadah ke langit, lalu peda!
Sapa ngaga bintang ti dipeda nuan nya?
Iya ke mai sida pansut baka bala soldadu,
Iya nemu pemayuh sida
lalu Iya ngangauka nama sida siku-siku,
lalu laban kuasa Iya amat besai,
nadai sigi ari sida nya lenyau!
27Nya alai, nama kebuah kita mutap, Israel
ngumbai TUHAN enda nemu penusah kita
tauka enda ibuhka kita ke merinsa natka atur ti enda lurus?
28Kati kita enda nemu? Kati kita nadai kala ninga?
TUHAN nya meh Allah Taala ti meruan belama iya,
ke ngaga semua dunya,
ti enda nemu lembut tulang#40.28 lembut tulang; Tauka: lepi tauka lelak.
Nadai orang ulih meretika runding Iya.
29Iya meri pengering#40.29 meri pengering; Sekeda salin: meri kuasa ngagai orang ke lemi
lalu ngeringka sida ke nadai daya agi.
30Indah sida ke biak deh nemu lemi,
lalu orang ke biak nemu lelak lalu rebah.
31Tang orang ke ngarapka penyaup ari TUHAN,
deka dikeringka baru.
Sida deka ngindang tinggi baka menaul.
Sida deka belanda lalu enda nemu lelak.
Sida deka bejalai lalu enda nemu lembut tulang.
Currently Selected:
Isaiah 40: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
