Isaiah 38
38
Penyakit Enggau Pengerai Raja Hesekiah
(2 Raja 20.1-11; 2 Bansa Israel 32.24-26)
1Ba urung maya nya, Raja Hesekiah sakit lalu nyau deka mati. Nabi Isaiah anak Amos mansang ngabas iya, lalu madahka ngagai iya, “TUHAN bepesan ngasuh nuan ngemas semua pekara nuan, laban nuan enda ulih gerai. Nuan deka mati.”
2Hesekiah nguingka mua diri ngagai dinding lalu besampi: 3“TUHAN, ingatka aku ti udah tetap ati sereta taluk betuaika Nuan, lalu seruran nguji ngereja utai ti dikedekaka Nuan.” Iya lalu belabuh nyabak balat amat.
4Udah nya TUHAN ngasuh Isaiah 5pulai baru ngagai Hesekiah, lalu nyebut ngagai iya jaku TUHAN munyi tu, “Aku, TUHAN Allah Taala aki nuan David, udah ninga sampi nuan, lalu udah meda ai mata nuan. Aku deka ngelakka nuan idup lima belas taun da agi. 6Aku deka ngelepaska nuan, enggau nengeri Jerusalem ari jari raja orang Asiria, lalu Aku deka majak nyaga nengeri tu.”
7Ku Isaiah nyaut, “TUHAN deka meri ngagai nuan siti tanda ti nunjukka Iya deka ngamatka semaya Iya. 8Ba tangga ti digaga Raja Ahas, TUHAN deka ngasuh ayuk nikal sepuluh iti tangkal.” Ayuk nya lalu nikal sepuluh iti tangkal.#38.8 tangga…sepuluh tangkal…tangkal; Peda 2 Raj 20.9-11
9Lebuh Hesekiah udah gerai ari penyakit iya, iya lalu nuliska lagu puji tu:
10“Aku ngumbai diri deka mansang ngagai dunya pemati,
lalu enda ulih idup agi,
lebuh aku agi benung orang.
11Ku aku bepikir, dalam dunya orang ke idup tu
aku enda agi meda TUHAN
tauka meda orang ke idup.
12Nyawa aku udah ditetak lalu abis,
baka langkau kain ti direrak,
baka kain ti ditetak ari tendai.
Aku ngumbai Allah Taala deka ngabiska nyawa aku.#38.12 Aku ngumbai…nyawa aku; Enda terang dalam Hebrew
13Aku nyabak semalam-malam laban pedis,
Tulang aku asai ti dipatahka singa.
Aku ngumbai Allah Taala ngabiska nyawa aku.#38.13 Ayat 13 enda terang dalam Hebrew
14Nyawa aku nyau mit sereta rapas,
lalu aku bedemuh munyi burung achang.
Mata aku nyau lelak engkadah ke langit.
TUHAN, lepaska aku ari semua penusah tu.
15Baka ni ku jalai aku bejaku agi? TUHAN Empu ti udah ngereja utai tu.
Ati aku balat amat pedis, lalu aku enda ulih tinduk.#38.15 aku enda ulih tinduk; Enda terang dalam Hebrew
16 TUHAN, aku deka idupka Nuan, ke Nuan siku aja.
Geraika aku, lalu awakka aku idup.#38.16 Ayat 16 enda terang dalam Hebrew
17Ati aku ti balat pedis deka bebali nyadi pemaik.
Nuan ngelepaska #38.17 ngelepaska; Hebrew: rinduka aku ari semua utai ti tau nganu nyawa.
Nuan ngampun semua dosa aku.
18 # [2]
Sir 17.27; Bar 2.17. Nadai orang di dunya pemati ulih muji Nuan.
Orang ke mati enda ulih manggaika diri ba penetap ati Nuan.
19Semina orang ke idup aja ulih muji Nuan,
baka aku ke muji Nuan diatu.
Apai indai madahka ngagai anak sida pasal penetap ati Nuan.
20 TUHAN, Nuan udah ngeraika aku.
Kami deka nebah belikan, lalu belagu muji Nuan,
Belagu muji Nuan dalam Rumah Sembiang seumur idup.#38.20 Ayat 21-22 diengkah nangkanka ayat 6
21Nyadi Isaiah udah bejaku, “Awakka sida nutuk buah ara, lalu nampalka nya ba pisa nya, ngambika iya gerai.” 22Hesekiah udah mega nyebut, “Nama tanda ti nunjukka aku enda tau enda mansang ngagai rumah TUHAN?”
Currently Selected:
Isaiah 38: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
