Ulang Adat 5
5
Sepuluh Pesan
(Pemansut 20.1-17)
1Moses ngempuruka semua orang Israel, lalu bejaku ngagai sida, ku iya, “O orang Israel, pendingka semua adat ti diberi aku ngagai kita sehari tu. Pelajar lalu titihka adat nya enggau ati ti tetap. 2TUHAN Allah Taala kitai udah ngaga siti sempekat enggau kitai ba Bukit Sinai. 3Iya ukai ngaga sempekat nya enggau bala aki ini kitai, tang enggau semua kitai ke idup diatu. 4TUHAN bejaku betunga mua enggau kita ba bukit nya, ari dalam api, 5lebuh aku bediri entara TUHAN enggau kita lebuh maya nya suba, lalu madahka jaku TUHAN ngagai kita; laban kita takutka api nya, lalu kita enda niki ngagai bukit nya. Ku Iya bejaku:
6“ ‘Aku tu TUHAN Allah Taala kita, ti udah mai kita pansut ari menua Ejip, alai kita ke udah nyadi ulun.
7“ ‘Anang nyembah petara bukai tang semina Aku siku aja.#5.7 tang semina Aku siku aja; Tauka: kelimpah ari nyembah Aku
8 #
Lew 26.1; U-dat 4.15-18; 27.15. “ ‘Anang ngaga engkeramba ke diri empu neladan gamal utai ti di langit tauka di tanah, tauka dalam ai ti di baruh tanah. 9#P-sut 34.6-7; P-pau 14.18; U-dat 7.9-10. Anang meremi ngagai sida tauka nyembah sida; laban Aku tu TUHAN Allah Taala ti chemburu.#5.9 Tauka: ninding Aku ngukum tiris-pantis#5.9 tiris-pantis Tauka: uchu-ambu orang ke begedika Aku datai ke ketiga enggau keempat serak peturun sida, 10tang ngayanka pengerindu ti enda berubah ngagai beribu serak#5.10 beribu serak; Tauka: beribu iku. orang ke rinduka Aku, sereta ngasika pesan Aku.
11 #
Lew 19.12. “ ‘Anang empelita ngena nama TUHAN ti Allah Taala kita, laban TUHAN deka ngukum orang ke empelita ngena nama Iya.
12 #
P-sut 16.23-30; 31.12-14. “ ‘Intu Hari Sabat, lalu intu hari nya kudus, munyi ti udah dipesanka TUHAN Allah Taala kita, ngagai kita. 13#P-sut 23.12; 31.15; 34.21; 35.2; Lew 23.3. Kita gawa enam hari, 14tang hari ti ketujuh nya Hari Sabat ti diserahka ngagai TUHAN Allah Taala kita. Ba hari nya kita enda tau gawa, nemuka kita empu, tauka anak lelaki, tauka anak indu, tauka ulun kita ke lelaki, tauka ulun kita ke indu, tauka jelu sapi kita, tauka keledai, tauka jelu tupi kita, tauka orang ke diau enggau kita, ngambika ulun kita ke lelaki enggau ulun kita ke indu, sereta enggau kita empu, belelak. 15Kingatka diri ti udah nyadi ulun di menua Ejip, lalu TUHAN Allah Taala kita udah mai kita pansut ari menua nya ngena pemesai kuasa enggau pengering Iya. Nya kebuah TUHAN Allah Taala kita ngasuh kita ngintu Hari Sabat.
16 #
U-dat 27.16; [2]
Sir 3.1-16; [1]
Mat 15.4; 19.19; Mrk 7.10; 10.19; Luk 18.20; Eps 6.2;
Eps 6.3. “ ‘Bebasaka apai indai kita nitihka pesan TUHAN Allah Taala kita, ngambika kita panjai umur sereta mujur nguan menua ti diberi TUHAN Allah Taala kita, ngagai kita.
17 #
P-kal 9.6; Lew 24.17; Mat 5.21; 19.18; Mrk 10.19; Luk 18.20; Rom 13.9; Jas 2.11. “ ‘Anang munuh orang.
18 #
Lew 20.10; Mat 5.27; 19.18; Mrk 10.19; Luk 18.20; Rom 13.9; Jas 2.11. “ ‘Anang butang.
19 #
Lew 19.11; Mat 19.18; Mrk 10.19; Luk 18.20; Rom 13.9. “ ‘Anang ngenchuri.
20 #
P-sut 23.1; Mat 19.18; Mrk 10.19; Luk 18.20. “ ‘Anang besaksi bula ngelaban orang.
21 #
Rom 7.7; 13.9. “ ‘Anang inginka bini orang, tauka rumah orang, tauka tanah, ulun, jelu sapi, keledai, tauka sebarang utai orang.’
22 #
Heb 12.18-19. “Nya meh leka jaku ti disebut TUHAN enggau nyawa ti inggar ngagai semua kita ba bukit nya, ari dalam api, ari dalam mua hari, enggau ari dalam pemetang ti enda dipeda achuk mata. Iya nadai nyebut leka jaku bukai. Lalu Iya nuliska semua leka jaku nya ba dua iti lampang batu, lalu meri lampang batu nya ngagai aku.
Orang Mayuh Takut
(Pemansut 20.18-21)
23“Lebuh kita ninga munyi nyawa nya bejaku ari dalam petang, lebuh bukit nya diempa api, kita, semua kepala raban bansa kita, enggau bala tuai kita lalu datai semak ngagai aku; 24lalu ku kita bejaku, ‘TUHAN Allah Taala kitai udah ngayanka ngagai kitai mulia enggau pemesai kuasa Iya, lalu kitai udah ninga munyi nyawa Iya bejaku ari dalam api; sehari tu kitai udah meda Allah Taala bejaku enggau mensia, lalu mensia agi mengkang idup. 25Nya alai, nama kebuah kitai patut mati? Laban api ti balat nya deka ngerusak kitai; enti kitai ninga munyi nyawa TUHAN Allah Taala kitai, kitai tetap mati. 26Laban sapa udah kala ninga munyi nyawa Allah Taala ti idup bejaku ari dalam api, baka ke didinga kitai, lalu agi mengkang idup? 27Alai nuan empu mansang semak kin, lalu mendingka semua utai ti disebut Allah Taala. Udah nya padahka ngagai kami utai ti disebut Iya ngagai nuan, lalu kami deka mending lalu ngasi.’
28“TUHAN ninga jaku kita, lebuh kita bejaku ngagai aku; lalu ku TUHAN bejaku ngagai aku, ‘Aku udah ninga jaku orang tu, ti disebut sida ngagai nuan; sida endang nyebut utai ti ngena. 29Naka meh pemanah enti sida berunding baka nya berari, nangika Aku sereta ngasika semua pesan Aku, ngambika sida enggau anak uchu sida mujur belama iya! 30Alai asuh sida pulai ngagai langkau kain sida. 31Tang nuan, Moses, Aku ngasuh nuan bediri ditu enggau Aku, laban Aku deka madahka ngagai nuan semua adat enggau pesan Aku, ti deka diajar nuan ngagai sida, ngambika sida ngasika semua adat enggau pesan nya di menua ti diberi Aku ngagai sida.’
32“Nya alai kita enda tau enda ngereja semua utai ti udah dipesanka TUHAN Allah Taala kita ngagai kita. Anang limpang ke kiba tauka ke kanan. 33Kita enda tau enda idup nitihka jalai ti udah dipesanka TUHAN Allah Taala kita ngagai kita, ngambika kita idup, sereta mujur, lalu gayu-guru nguan menua ti diempu kita.
Currently Selected:
Ulang Adat 5: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
