Popular Bible Verses from Ulang Adat 5

Share

“ ‘Bebasaka apai indai kita nitihka pesan TUHAN Allah Taala kita, ngambika kita panjai umur sereta mujur nguan menua ti diberi TUHAN Allah Taala kita, ngagai kita.

Kita enda tau enda idup nitihka jalai ti udah dipesanka TUHAN Allah Taala kita ngagai kita, ngambika kita idup, sereta mujur, lalu gayu-guru nguan menua ti diempu kita.

Anang meremi ngagai sida tauka nyembah sida; laban Aku tu TUHAN Allah Taala ti chemburu. Aku ngukum tiris-pantis orang ke begedika Aku datai ke ketiga enggau keempat serak peturun sida, tang ngayanka pengerindu ti enda berubah ngagai beribu serak orang ke rinduka Aku, sereta ngasika pesan Aku.

“ ‘Anang ngaga engkeramba ke diri empu neladan gamal utai ti di langit tauka di tanah, tauka dalam ai ti di baruh tanah.

“ ‘Anang nyembah petara bukai tang semina Aku siku aja.

“ ‘Anang empelita ngena nama TUHAN ti Allah Taala kita, laban TUHAN deka ngukum orang ke empelita ngena nama Iya.

Naka meh pemanah enti sida berunding baka nya berari, nangika Aku sereta ngasika semua pesan Aku, ngambika sida enggau anak uchu sida mujur belama iya!

“ ‘Intu Hari Sabat, lalu intu hari nya kudus, munyi ti udah dipesanka TUHAN Allah Taala kita, ngagai kita.

“ ‘Anang inginka bini orang, tauka rumah orang, tauka tanah, ulun, jelu sapi, keledai, tauka sebarang utai orang.’

“ ‘Anang butang.

“ ‘Anang besaksi bula ngelaban orang.

“ ‘Anang munuh orang.

“ ‘Anang ngenchuri.

Kingatka diri ti udah nyadi ulun di menua Ejip, lalu TUHAN Allah Taala kita udah mai kita pansut ari menua nya ngena pemesai kuasa enggau pengering Iya. Nya kebuah TUHAN Allah Taala kita ngasuh kita ngintu Hari Sabat.

Kita gawa enam hari, tang hari ti ketujuh nya Hari Sabat ti diserahka ngagai TUHAN Allah Taala kita. Ba hari nya kita enda tau gawa, nemuka kita empu, tauka anak lelaki, tauka anak indu, tauka ulun kita ke lelaki, tauka ulun kita ke indu, tauka jelu sapi kita, tauka keledai, tauka jelu tupi kita, tauka orang ke diau enggau kita, ngambika ulun kita ke lelaki enggau ulun kita ke indu, sereta enggau kita empu, belelak.

“ ‘Aku tu TUHAN Allah Taala kita, ti udah mai kita pansut ari menua Ejip, alai kita ke udah nyadi ulun.