मूल स्यूस्स्यायूजे कामजे किताब 11
11
पत्रुसदे रङ्से कामयूजे बयान चेब
1यहूदियाने ख्यब मूल स्यूस्स्यायू मेस्ये अत-च्योन्यूदे यहूदी तेब मीयूदेये परमेश्वरजे वचन मन्दे ख्यङ् यब पो तदे। 2कन्छ्वाब पत्रुस यरूशलेमने फ्योर्दे, हन्छ्वाब खतना चेब मीयूजे हुलदे ङूने येर्बे दोष चे मैदे, 3“खतना अन्चेब मीयूट्याने गीलीदेबे थमयूप्रे नदे चेने च-थूङ चीत्दे?”
4होर्दे पत्रुसदे थमयूने पो ज्य कोलाबे स्योत्दे। 5“ङ योप्पा सहरने प्रार्थना चीन्न ख्य, मेस्ये योकर्या ध्यान् च्यीन्न ख्य, हन्छ्वाब च्यातार केन् त्याप्र न स्यीने चूङ्देबे मो-तल्लीनब चत्या से ङैदे दर्शनने तङ्दे, मेस्ये हम्ब ङै ट्याने रदे। 6ङैदे चेलाबे लेप्प हैयाने पृथ्वीजे तोप् स्यीदे प्रब रोलायू मेस्ये नाजे जन्तुयू, सने लोदे स्यून्देबे प्रब रोला मेस्ये मूने स्यूनब ययू तङ्दे। 7ङैने येरे यब आवाजत्या तदे, ‘पत्रुस लङ्, मेस्ये सेत्देबे च।’
8“तर ङैदे यदे, ‘अँह प्रभु, पवित्र त्वब अशुद्ध चैसेये ङैजे ङूर्ने कलङ्बेये अन्चङ ख्यङ्।’
9“तर हम्ब आवाजदे दोस्रो पालोने स्वर्गदे ङैने यदे, ‘चैसे परमेश्वरदे शुद्ध चीत्देबे पीन् ख्यङ् हम्बने नदे अशुद्ध अन्-यलाची।’ 10सोम्फेसेमे होरप्रने क्यूत्देबे हम्बयू क्वाने फेरि स्वर्गने कूती।
11“हन्छ्वाबने कैसरियादे ङैट्याने कूल्बेब मी सोम् ङी टूङब कीम्ने फ्योरदे। 12चैये अम्मन्लाबे थमयूप्रे प्र यदेबे पवित्र आत्मादे ङैने च्योल्दे। अम्ब च्योन् र्वाये ङैप्रेने प्रेन ख्य, मेस्ये ङी हम्ब मीजे कीम्ने क्योइदे। 13ङूदे ङीने स्योत्दे, स्वर्गदूत त्या ङूजे कीम्ने मेर्देबे येरे येनब ङूदे तङ्दे, ‘योप्पाने मी कूल्बीदेबे पत्रुस यब सिमोनने कोबी। 14ङूदे नने वचन स्योक्क्य, अम्ब वचनदे- न प्रे नैजे म्हीती क्वादेने उद्धार प्रेक्क्य।’
15“कन्छ्वाब ङैदे क्यमने सुरुचीत्दे, हन्छ्वाब सुरुने ङीफ्याने तल्लप्रने पवित्र आत्मा थमयू फ्यानेये तल्लरदे। 16#मूल स्यूस्स्यायूजे कामजे किताब 1:5होर्दे प्रभुदे यब हम्ब वचन ङैने याद रदे, ‘यूहन्नादेब क्यूदे बप्तिस्मा पीन्दे, तर नमयूब पवित्र आत्माने बप्तिस्मा क्यूक्क्य।’ 17ङीदे प्रभु येशू ख्रीष्टने विश्वास चीप्प कम्ब बर परमेश्वरदे ङीने पीन्दे हम्ब बर यहूदी तेब मीयूनेये परमेश्वरदे पीन ख्यङ् यलो परमेश्वरने काब ङ सू स्व?’’
18अम्ब पो तमेस्ये थमयू पारा अम्पूल्लाबे टूङ्दे मेस्ये येरे यदेबे थमयूदे परमेश्वरजे सार्या चीत्दे, “जेम्से परमेश्वरदे सूजो मीयूनेये जीया प्रेजे लागि पश्चाताप चेब मौका पीन टूङ्।”
एन्टिओखियाने मण्डली
19 #
मूल स्यूस्स्यायूजे कामजे किताब 8:1-4
स्तिफनसने सैकमेस्ये सतनम् क्यूत्देबे ती-छो छ्योङ्गीदेबे कोइ मी फोनिके देशने, कोइ साइप्रस टापूने, कोइ एन्टिओखिया सहर फ्योयीदे। सुरुने थमयूदे सूगब खबर यहूदीयूने त्यामे स्योत्दे। 20तर थमयू नङ्ने कोइ कोइ साइप्रस मेस्ये कुरेनीजे मीयू ख्य। थमयूदे एन्टिओखियाने रदेबे ग्रीकयूनेये प्रभु येशूजे सूगब खबर स्योत्दे। 21प्रभुजे शक्ति थमयूप्रे ख्य मेस्ये कूम मीयूदे विश्वास चीत्देबे प्रभुजे स्यूस्स्या क्यूत्दे।
22अम्ब खबर यरूशलेमने ख्यब मण्डलीने तदेबे थमयूदे एन्टिओखियाने बारनाबास कूल्बीदे। 23ङू हैयाने रदेबे परमेश्वरजे अनुग्रह तङ्देबे सूग्दे, मेस्ये थमयू क्वानेने ङूदे प्रभुतेले पूरा सेम्दे विश्वास ची यदेबे बोङ् पीन्दे। 24बारनाबास पवित्र आत्मा मेस्ये विश्वासदे फ्याकब ज्य मी ख्य, मेस्ये ङूदे चीत्देबे कूम मीयूदे प्रभुने विश्वास चीत्दे।
25होर्देङ्येदे शाऊलने मलजे लागि बारनाबास टार्ससने गीलीदे। 26कन्छ्वाब ङूदे ङूने तूदे होर्दे ङूने एन्टिओखियाने रेत्दे। होन्छ्वाब वर्ष त्या सेमे मण्डलीजे मीयूप्रे थमयूदे त्वब काम चीत्दे, मी हुल केन्ने शिक्षा पीन्दे। एन्टिओखियाने पात्ता खूम् ख्रीष्टजे स्यूस्स्यायूने ख्रीष्टियान य ख्य।
27हम्ब बीलने कोइ अगमवक्तायू यरूशलेमदे एन्टिओखियाने रदे। 28#मूल स्यूस्स्यायूजे कामजे किताब 21:10थमयू नङ्ने अगाबस यब मी त्या मेर्देबे का-मुलुकने अनिकाल केन् रमेख्यङ् यदेबे पवित्र आत्मादे भविष्यवाणी क्यम्दे। हम्ब अनिकाल क्लौडियसदे राज्य चील्लेब बीलने क्यूत्दे।
29होर्दे स्यूस्स्यायू क्वादेने रङ्से रङ्सेजे गज्ज्य अनुसार यहूदियाने टूङब अत-च्योन्यूने साक्तेजे लागि भेटी पीम्बेब पक्क चीत्दे। 30थमयूदे येर्बे लङब नोर् यरूशलेम मण्डलीजे अगुवायूने पीनजे लागि बारनाबास मेस्ये शाऊलजे लाने चङ्पीदे।
Currently Selected:
मूल स्यूस्स्यायूजे कामजे किताब 11: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
