Popular Bible Verses from मूल स्यूस्स्यायूजे कामजे किताब 11

Share

कन्‍छ्वाब ङूदे ङूने तूदे होर्‌दे ङूने एन्टिओखियाने रेत्‍दे। होन्‍छ्वाब वर्ष त्‍या सेमे मण्डलीजे मीयूप्रे थमयूदे त्‍वब काम चीत्‍दे, मी हुल केन्‍ने शिक्षा पीन्‍दे। एन्टिओखियाने पात्‍ता खूम् ख्रीष्‍टजे स्यूस्स्यायूने ख्रीष्‍टियान य ख्‍य।

ङू हैयाने रदेबे परमेश्‍वरजे अनुग्रह तङ्देबे सूग्‍दे, मेस्ये थमयू क्वानेने ङूदे प्रभुतेले पूरा सेम्‍दे विश्‍वास ची यदेबे बोङ् पीन्‍दे। बारनाबास पवित्र आत्मा मेस्‍ये विश्‍वासदे फ्याकब ज्‍य मी ख्‍य, मेस्‍ये ङूदे चीत्‍देबे कूम मीयूदे प्रभुने विश्‍वास चीत्‍दे।

ङीदे प्रभु येशू ख्रीष्‍टने विश्‍वास चीप्प कम्ब बर परमेश्‍वरदे ङीने पीन्दे हम्ब बर यहूदी तेब मीयूनेये परमेश्‍वरदे पीन ख्यङ् यलो परमेश्‍वरने काब ङ सू स्व?’’ अम्‍ब पो तमेस्‍ये थमयू पारा अम्‍पूल्‍लाबे टूङ्दे मेस्‍ये येरे यदेबे थमयूदे परमेश्‍वरजे सार्‌या चीत्‍दे, “जेम्से परमेश्‍वरदे सूजो मीयूनेये जीया प्रेजे लागि पश्चाताप चेब मौका पीन टूङ्।”