१ कोरिन्थी 1
1
1परमेश्वरजे इच्छादे ख्रीष्ट येशूजे मूल स्यूस्स्या क्यूर्ने क्वब पावल होरदे ङीनजे च्योन् सोस्थेनेसदे, 2#मूल स्यूस्स्यायूजे कामजे किताब 18:1कोरिन्थने ख्यब परमेश्वरजे मण्डलीने ख्रीष्ट येशूने विश्वास चीत्देबे पवित्र क्यूक्कबयूने, मेस्ये थमयू प्रे-प्रे का-मुलुकने परमेश्वरजे पवित्र मी क्यूरने क्वबयू क्वानेने लिख्दीदे चङ्पीन ख्यङ्। हम्बयू क्वादेने प्रभु येशू ख्रीष्टजे मीन् पूस्तीय। ङूब थमयू मेस्ये ङीनजे प्रभु ख्यङ्:
3ङीनजे प परमेश्वर मेस्ये प्रभु येशू ख्रीष्टदे नमयूने अनुग्रह मेस्ये शान्ति पीन्स्य।
धन्यवाद पीनब
4ख्रीष्ट येशूप्रे क्यूत्देबे परमेश्वरदे नमयूने पीनब अनुग्रहजे कारण नमयूजे लागि ङ येतार्ने परमेश्वरने धन्यवाद पीन्क्य। 5चेनेयलो नमयू ख्रीष्ट येशूप्रे क्यूत्देबे साप्ता तर्तीप्दे, साप्ता बोलीने, मेस्ये साप्ता ज्ञानने फ्योबो क्यूर ख्यङ्- 6ख्रीष्टजे बारेने ङीदे पीनब गवाही तम्दम् ख्यङ् यदेबे नमयूजे सेम्ने पक्क क्यूर ख्यङ्- 7येरेक्यूत्देबे ङीनजे प्रभु येशू ख्रीष्ट रीय यब पोजे आशाने टूनूब नमयूदे आत्माजे बरयू कम्बये अम्प्रे क्यूस्से त्वो। 8ङीनजे प्रभु येशू ख्रीष्ट रब बीलने नदे नमयूने दोष त्वब चीम्मेने आखिरीसेमेने बोल्यो चीत्देबे येम्मीय। 9परमेश्वर भरपर्ते ख्वब ख्यङ्, ङूदे रङ्से च ङीनजे प्रभु येशू ख्रीष्टजे सङ्गतिने नमयू कोदे।
मण्डलीने अन्थूनब
10अत-अची च्योन्यू ङीन्जे प्रभु येशू ख्रीष्टजे मीन्ने ङ नमयूने बिन्ती चीक्क्य, नमयू क्वाने सेम्त्या क्यूर्, मेस्ये नमयूजे अन्द्रने अन्थून अन्क्यूस्स्य। तर नमयूजे सेम्प्रे विचारयू त्या क्यूस्स्य। 11चेनेयलो, ङैजे अत-अची च्योन्यू, नमयूजे अन्द्रने च्य-फा क्यून्न ख्यङ् यब पो क्लोएजे म्हीत्तीदे ङैने स्य्वे ख्यङ्। 12#मूल स्यूस्स्यायूजे कामजे किताब 18:24ङैदे यमेब पो अम्बने ख्यङ्, नमयू कोइदे, “ङ पावलजे”, कोइदे “ङ अपोल्लोसजे”, कोइदे “ङ केफासजे” मेस्ये कोइदे “ङ ख्रीष्टजे”, य ख्यङ् योन्।
13च ख्रीष्ट कोक्क औ? च पावल नमयूजे लागि क्रूसने खील् ठोक्दीदेबे पील्गया? या च पावलजे मीनने नमयू बप्तिस्मा क्यूत्दा? 14#मूल स्यूस्स्यायूजे कामजे किताब 18:8; मूल स्यूस्स्यायूजे कामजे किताब 19:29; रोमी 16:23ङ परमेश्वरने धन्यवाद पीन्क्य, ङैदे नमयूजे नङ्ने क्रिस्पस मेस्ये गायसने त्या सूजो सूनेये बप्तिस्मा अम्पीन ख्यङ्। 15येरेक्यूत्देबे ङैजे मीन्ने बप्तिस्मा क्यूत्दे यदेबे नमयू सूदेये य अम्प्रे। 16#१ कोरिन्थी 16:15(अँ, ङैदे स्तिफनासजे कीम्-म्हीत्तीनेये बप्तिस्मा पीन्दे। होर्दे छो ङैदे सूजो सूनेये बप्तिस्मा पीन्गइ अम्पीन्क हम्ब ङैने था त्वो।) 17चेनेयलो बप्तिस्मा पीनने दी, तर सूगब खबर स्य्वेने ख्रीष्टदे ङैने कूल्बे ख्यङ्- संसारजे बुद्धिजे पोने दी, नत्रलो ख्रीष्टजे क्रूस शक्ति त्वब क्यूक्क्य।
ख्रीष्टने परमेश्वरजे ज्ञान मेस्ये शक्ति
18चेनेयलो क्रूसजे खबर नाश क्यूप्पीनबजे लागि मूर्ख ख्यङ्, तर ङीन उद्धार प्रेन्नबयूजे लागि,
परमेश्वरजे शक्ति ख्यङ्।
19 #
यशैया 29:14
धर्मशास्त्रने लिख्दीये ख्यङ्,
“ङ बुद्धिमानयूजे बुद्धि नाश चीक्क्य, मेस्ये छट्टूयूजे चलाख चेकम्दे चीप्पीय।”
20 #
अय्यूब 12:17; यशैया 19:12; 33:18; यशैया 44:25 बुद्धि ख्यब मी खै केने ख्यङ्? पण्डे केने ख्यङ्? अम्ब जूग्जे तर्क चेबयू केने ख्यङ्? च परमेश्वरदे अम्ब संसारजे बुद्धिने मूर्ख चीप्पे तेया? 21संसारने ख्यब मीयूजे बुद्धिदे परमेश्वरने चीन्ते अङ्ख्व क्यूत्देबे परमेश्वरजे बुद्धि अनुसार ङीनदे स्य्वेब सूगब खबरजे मूर्ख पोदेने विश्वास चेबयूने बच्देने परमेश्वरदे ठीक ठर्दीदे। 22यहूदीयूदे गवाहीजे लागि हार्मन्देब काम तम्मी यीय मेस्ये ग्रीकयूदेब बुद्धि मेल्क्य। 23तर ङीब क्रूसने खील् ठोक्दीदे पील्कब ख्रीष्टजे खबर प्रचार चीक्क्य। अम्ब पो यहूदीयूजे लागि अल्जो चेब पो क्यूत्दे, होरदे यहूदी तेब मीयूजे लागि मूर्ख पो क्यूत्दे। 24तर परमेश्वरदे रङ्सेजे मी चेने क्वबयूजे लागि यहूदी मेस्ये ग्रीक सूने क्यूल्लीने ख्रीष्ट ने परमेश्वरजे शक्ति मेस्ये बुद्धि ख्यङ्। 25चेनेयलो परमेश्वरजे मूर्ख पो मीयूजे बुद्धियली केन् ख्यङ्, मेस्ये परमेश्वरजे कमजोर मीयूजे बोङ्यली सोरो केन् शक्ति ख्यङ्।
26अत-अची च्योन्यू कन्छ्वाब परमेश्वरदे नमयूने ख्रीष्टजे क्यूरने कोदे, हन्छ्वाब नमयू करखल्जे ख्य?, हम्ब ह्वे ची। संसारजे मीयूदे लेब गज्ज्याअनुसार नमयू नङ्ने कूम मीयू बुद्धि त्वब, कूम मीयू शक्ति त्वब, मेस्ये कूम मीयू खान्दानी तेख्य। 27तर बुद्धि ख्यबयूने त्वालाबे चीम्मेने परमेश्वरदे संसारजे मूर्ख सेयूने सेल्दे, मेस्ये कूम शक्ति ख्यबयूने त्वालाबे चीम्मेने परमेश्वरदे संसारजे शक्ति त्वब सेयूने सेल्दे। 28परमेश्वरदे संसारजे चेकम्ते मेस्ये ह्यल ठर्दीयेब सेयूने सेल्दे। संसारदे मूख्य मन्नब सेयूनेये चेकम्ते चेने ङूदे मामूलीत्या सेयूने सेल्दे। 29येरेक्यूत्देबे परमेश्वरजे खूम्ने सूये केन् अन्त्वोल्लाचीस्य। 30परमेश्वरदे नमयूने येशू ख्रीष्टप्रे त्या चीम्मे ख्यङ्, मेस्ये ङूदे ख्रीष्टने ङीनजे ज्ञान बन्दीमीदे। ख्रीष्टदे ङीनने परमेश्वरजे खूम्ने धर्मी चीम्मीदे, ङूदे ङीनने परमेश्वरजे पवित्र मी चीम्मीदे, मेस्ये पाप ट्यादे उद्धार चीम्मीदे। 31#यर्मिया 9:24येरेक्यूत्देबे धर्मशास्त्रने लिख्दीये ख्यङ्, “कोइ केन् त्वोत्तीङ्रलो प्रभुदे चेब कामने केन् त्वोस्स्य।”
Currently Selected:
१ कोरिन्थी 1: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
