१ कोरिन्थी किताबजे बारेने
किताबजे बारेने
पावलजे बीलने दक्षिण ग्रीसने ख्यब सहरयूनङ्ने कोरिन्थब पत्ता नङ्ने सोरो न-मीन चील्देब मेस्ये काम लादेब सहर ख्य। एफिससप्र कोरिन्थ कीन मेल चेब मेस्ये सांस्कृतिजे मूख्य ने ख्य। कोरिन्थ अखैया यब नेजे राजधानी ख्य, हम्ब सहर दक्षिण ग्रीसने पर्दे ख्य। होरेक्यूत्देबे कोरिन्थ सहर सूगब खबर स्य्वेजे लागि सोरो चैदेब मेस्ये काम लादेब सहर ख्य। धन्नै ई. सं. ५०-तेले पावल रङ्से प्रचार चेने दोस्रो यात्राजे आखिरीतेले कोरिन्थ सहरने टूङ ख्य। हम्ब नेने टूङ्ब पात्ता खूम् पावलदे यहूदीयूजे सभा कीम्ने प्रचार चीत्दे; तर कूमप्र यहूदीयूदे पावलजे शिक्षाने अन्ङ्यीनदेबे यहूदीयूजे सभा-कीम् पङ्देबे ङूदे यहूदी देब मीयूने प्रचार चीत्दे (मूल स्यूस्स्याजे किताबजे १८:१, ४-७, ९-११ ने ले)।
पावलदे कोरिन्थ सहरने सर् मण्डली सूरू चेमेस्ये हम्ब ने पोङ्गीदेबे ई.स.५३ ने पावल एफिसस गीलीदे, हम्ब नेने पावल वर्ष ङ्हीसेमे टूङ्दे। अम्ब एफिसस यब ने कोरिन्थदे १५० कोस चीन्तङ् समुद्रजे तीप्ल्या पूर्व तेले योर पर्दे ख्य। (अम्ब ने दीनी टर्की देशने पर्दे ख्य), अम्ब कोरिन्थ सहर मेस्ये एफिसस सहरजे अन्द्रने समुद्र ख्य होने कूम मीयू क्यू-जाहाजदे ती-थे छो-थे चेख्य।
एफिससने पावल ख्यङ्ब कोरिन्थजे ख्रीष्टियानयूजे व्यवहारजे बारेने अम्मील्लेब पोयू तदे, होरदे हम्बप्रेप्रे कोरिन्थने ख्यब ख्रीष्टियानयूदे थर-थरजे पोयू पावलने ल्वेजे लागि खूम्ने चिट्ठी लिख्दीदेबे चङ्बे ख्य। अम्ब थर ङ्ही पोयूजे कारणदे ई. सं. ५४-तेले पावलदे कोरिन्थने ख्यब विश्वासीयूने अम्ब पात्ता खूम्जे चिट्ठी लिख्दीदेबे चङ्पीदे। अम्ब चिट्ठीने पावलदे पात्ता खूम कोरिन्थने ख्यब विश्वासीयूदे अन्ज्य व्यवहार चीन्न ख्यङ् यब तदेबे हम्बजे बारेने अन्ज्य क्यूक्क्य यदेबे लोम-तन चीत्दे, मेस्ये होरदेङ्येदे थमयूदे ल्वेब पोयूजे जवाफ पीन ख्यङ्।
Currently Selected:
१ कोरिन्थी किताबजे बारेने: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.